سلوقي ضائع تفضل وفدنا

[القحطاني505]

السلام عليكم ورحمة الله وبركاته:



مساكم الله بالخير جميع وشخباركم عساكم بخير وشعلومكم بشرونا عنكم.... :)







الصراحه عندي سلقه طيبه زرقاء مواريها مشاء الله وضاعت في الحسا او انسرقت كنت حاطها بالعزبه وجيت اليوم الثاني وماشفتها وبعد يومين لقييت السلقه اللي معها مسمومه اما سلقتي فما لها حس او خبر :no2: وهي اللي على اليمين اتركم مع الصوره



http://www.nazf999.com/upload/nazf/nazf_YlEjRN3SwF.jpg



اللي بيلقاها او يجيب علم عنها بشارته: سلاح _ جرا منها وهو يشبيها بالذيخ اللي يبيه_اونقول فدوة السلق مع العلم ان مافي فدوه للسلق الفدوه للطير بس يستاهل اللي يلقاها والله يعطيكم العافيه وهذا رقم جوالي 0568606178 او على الخاص

[ابن برقاء]

الله يعوضك بغيرها بس بسال عن الزرقاء هي انتاج من سلق الدواسر والي في الاحساء وشكر ا لك

[القحطاني505]

لا ماهي من سلق الدواسر هي من سلق الدوادمي ومشكور على مرورك ياابن برقاء

[هاوي تحدي]

الله يعقلها وابشر بالعوض يالقحطاني 505 فالك المليون

[القحطاني505]

كفو والله ياهاوي تحدي ومشكور على مرورك والله يعطيك الف عافيه

[الهوى]

الله يعقلهاالله يعوضك بغيرها

[سلطان العوني]

يعقله ربك وحسبي الله على من سممها
ما يخاف من ربه يعذب له حيوان
يرجع الحلال ان شاءالله
وتقبل مروري
اخوك سلطان

[az-aldin]

الله يعينك وابشر والله بلعوض

[القحطاني505]

مشكورين على المرور اخواني الهوى وسلطان وعز الدين والله لايهينكم

اخوي عز الديين قدها وقدود وكفو والله بس انا ودي تطلع سلقتي اما العوض فاالرجاجيل شرواك ماتعرفهم الا وقت الشدايد والله يعطيكم العافيه

[ابو صاالح]

الله يرد لك ما ضيعت ((( او بالعربي ما انسرق منك ))) ومعووض خير ان شاء الله

[عروق الدهنا]

اخوي القحطاني ابشر باللي يبي ينشد ويدور عن السلقه
واذا جانا خبر نبي نعلمك


والسلام ختام

[القحطاني505]

مشكورين ياابوصالح وعروق الدهناء والله يعطيكم الف عافيه قدها وقدود والله انكم كفو وفيكم الخير والبركه والله لايهينكم

[عبدالرحمن السالم]

الله يردها لك سالمه غانمه والله يعوضك باللى احسن منها .. بننشد ولاحنى بمقصرين معك يالغالي ..

بالتوفيق اخوي القحطاني 505

[القحطاني505]

يعطيك الف عافيه اخوي دحيم وعز الله انك ماقصرت والله يطرح فيك البركه ولاهنت

[ولد عنيزة]

ابشر ومالك الا اللي ينشدلك عنه وان سمعت خبر علمتك

[القحطاني505]

السلقه هي ملساء(ساحليه)(ملطاء) مسروقه من الاحساء وعمرها 3سنوات فيها وشم بس اللي يشبه عليها يقولي واعلمه مكانه ويعطيك الف عافيه ياولد عنيزه

[كشات نجد]

الله يعينك وابشر من يدورها للك

[القحطاني505]

لاهنت اخوي كشات نجد على مرورك والله انك غالي وفيك الخير والبركه

[القـــناص]

اخوي القحطاني505

الله يعقل المسروق والظايع ,,,

وعندي سؤال : الزرقا من اي سلق الدوادمي ؟؟

[القحطاني505]

مشكووور على المرور اخوي القناص والله يعطيك الف عافيه بس ماطلع لي شي في ردك ولاهنت

[ابو قحط]

ابشررررررر بعزك يابن العمممممم والله يعقلها عليك ويعوضك خير ان شاء الله... وابشر بالخير نبي ندور ونسال عنها

[ولد أبوي]

السلام عليكم

مرحبا أخوي القحطاني 505 مسيت بالخير
ما أقول الى الله يعقلها وما لك هم
لاوصلت حولنا ازهله

تقبل مروري

[القحطاني505]

مشكوور يابن عمي والله يعطيك الف عافيه وفيك الخير والبركه

مشكور ياولد ابوي والله يطول بعمرك ولاهنت

لاهنتو

[(القناص)]

والله يالقحطاني ما تستاهل الي صار لك
بس وش تسوي بعيال الحرام
وان جا علم ابشر بسعدك والا كان حولنا شي يبيض الوجه
ابشربه

وشكرا

[القحطاني505]

لاهنت اخوي القناص وانشاء الله تبشرنا بالخيير والله يعطيك مليوون عافيه

[راعي الهدبا99]

ابشر بعزعك والله ان لقيتها او سمعت عنها خبر ماللك الا من يبشرك .....................

اخوك راعي الهدبا99

[القحطاني505]

تسلم يااخوي راعي الهدبا وفيك الخير والله تسلم لي يالغالي

[ابوعزيزm]

الله يرده لك . . اللهم آمين

[القحطاني505]

الله يسمع منك يا اوعزيزm والله يعطيك الف عافيه يالغالي

[القحطاني505]

مافي اي خبر عنها تكفون تشوفو لها جا علم انها في الشرقيه يعني يالحسا او الدمام

[sasasasas]

ان شاء الله تحصلها

والله يعطيك العافيه

[القحطاني505]

الله يسمع منك انشاء الله ويعطيك الف عافيه على المرور

[القحطاني505]

يشروني مافي خبر عنها

[القحطاني505]

بشروني مافي خبر عنها والله تراه ضيق الخاطر واللي يلقاها يبشر بالبشاره ولاهنتو يالغاليين

[<عاشق الصمان>]

الله يعقلها...
هذي ماهي من سلق راعي منوة ؟

[القحطاني505]

اخوي عاشق الصمان لو تكتب بخط عادي لان الخط المتحرك مايطلع شي عندي والله لايهينك

[عبـرود]

الله يرد لك ماضاع منك وادعو ربك وانا اخوك ترى الدعاء هو السلاح الفتاك حق الامور ذي
اخوك العبندي(^_^)

[مورد القيفان]

بيعقلها الله انشاء الله وتقبل مروري

[القحطاني505]

مشكووور اخوي الطير الجنوبي على المرور وانشاء الله بنلقاها ولاتنسانا من دعواتك والله يعطيك مليووون عافيه

مشكووور اخوي مورد القيفان على المرور وانشاء الله بنلقاها ولاتنسانا من دعواتك والله يعطيك مليووون عافيه
ولاهنت على مرورك يالغلا

[القحطاني505]

للرفع واللي بيلقاها له مني هديه قيمه والله يعطيكم الف عاافيه

[بو هاشم]

ابشر يا القحطاني اذاجاء خبر عنها عطيتك خبر وانا بذكرها للربع اللي حولي

[نفيعي]

الله يردها لك وان جانا خبر عنها بنعلمك

[ديركشن]

معوض خير ان شاءالله والله هذا شي مؤسف جداً
واذا سمعنا خبر ابشر
تقبل مروري

[القحطاني505]

بو هاشم,,نفيعي,,ديركشن..

لاهنتو على المرور وان شاء الله ترجع
ولكم البشاره لين رجعت
وانا عند وعدي اللي بيلقاها له مني شي يرضيه
والله يعطيكم الف عاااافيه

[القحطاني505]

اخوي عاااشق الصمان السلقه نعم من راعي منوه والله لايهينك يالغلااااا

[قنااص الخور]

الله يرد لك ما ضيعت ((( او بالعربي ما انسرق منك ))) ومعووض خير ان شاء الله

[القحطاني505]

ياجعلك سالم اخوي قناص الخور والله يردها ان شاء الله

[sasasasas]

الله يعقله

ويعوضك باحسن منها

ويستاهل من يلقاها

[القحطاني505]

مشكووور وماقصرت اخوي sasasasasasa ويعطيك الف عااافيه والله يرزقك باافضل السلقان

[القحطاني505]

http://www.m5zn.com/uploads/91dda57660.jpg


اخواني صوره ثانيه للسلقه شعله وهي الزرقا اللي على اليسار واللي بيلقاها له 3 سلقان ويعطيكم الف عااافيه

[marjoj]

الله يعوضك وانا اخوك ويرزقك الله ازين منها انشاء الله

[فهاد بن محمد]

الله يعوظك باللي احسن منها ياخوي القحطاني 505 وابشر إذا لقيتها ارد عليك بأسرع وقت بس لاتنساني بالعشا

[القحطاني505]

مرجوج:لاهنت على المرور والله يسمع منك والله يكثر من امثالك الطيبيين
فهاد بن محمد:الله يبيض وجهك وان لقيتها ابشر بالمفاطيح رح وفالك التوفييق يالغلااااا

[هاوي سلق]

الله يعقلها ويردها لك هي وباقي السلق

[القص الرملي]

اخوي القحطاني شفت سلق كثير ولاكن انت ماحددت لون عيونها شقر زرق 0
حتى مانتهم أحد لو لقيناها عنده 000000000 علماً إن السلق يتشابه علينا باصيف فقط00

[عقرب الواادي]

اخوي السلقه جرووووه ولا كم عمرهاااا مهم

[القحطاني505]

لاهنتو على المرور وبيض الله وجيهكم على ويعطيكم الف عااافيه والله غفر لنا ولكم,,,,

السلقه بها وشم بفخذها من داخل على شكل خط ويدينها واقفين وعيونها بني غامق

اللي بيلقاها له هديه قيمه ولاهنتو وياجعل روسكم سالمه

[المنجضع بالفه]

الله يعقلها انشاء الله

[ذيب العين]

معوض بخير ان شاءالله

[صمود1]

الله ايعقلها والمال لابد يرجع لراعيه وابشر بعزك وفالك طيب

[القحطاني505]

الله يعقلها انشاء الله

لاهنت على المرور والله يبيض وجهك والله يسمع منك

[القحطاني505]

الله ايعقلها والمال لابد يرجع لراعيه وابشر بعزك وفالك طيب

ياجعلك سالم والله وبيض الله وجهك والرجاجيل اللي مثلك خوتها تنشرى بفلوس :)

[القحطاني505]

معوض بخير ان شاءالله

الله يعطيك الف عاافيه يالغلااا والله يسمع منك ولاهنت :)

[القحطاني505]

للرفع ولايهنون اخواني المقانيص ويالله فالكم معنا خل انشوف ان كان سلقتنا موجوده او لا

[ابن حصوان]

اباسالك ياالقحطاني عن السلقه الي رابضه قدام السلق البيضاء عن فعلها لان عندي جروه تشبها واجد والله يعقل الزرقاء

[القحطاني505]

اخوي ابن حصوان لاهنت يالغلاااا وبيض الله وجهك ع المرور
السلقه الزرقه علمها طيب والحمدلله صادت ارنب وحصاني والجرابيع مسكته واللي معها مسكتين ابد ولا فيهن قصور لكن الذاريه الصفرا هي اللي انفكت على ظبي وعلمها طيب
ولاهنت يابعدي واي شي تامر فييه احنا حاظريين

[ابن حصوان]

بيض الله وجهك يامحلفف

[القحطاني505]

لاهنت اخوي ابن حصوان على المرور وفالك التوفيق واللي بيلقاها يبشر بالبشاره والسلقه موجوده بالرس جاني خبرها يابالرس او بالمجمعه او بالقصيم واللي بيطلعها له هديه تعجبه ان شاء الله واتصل على 0563345845 اذا لقيتها وابشر بعزك