لخبراء الجموس والفاهمين بس ؟؟؟

[جمس قطعه 10]

.
..
...
....
.....
.....
......
.......
.........
..........
السؤال هو : الجمس حقيني ودي أرفعه من قدام + ورى وش أفضل طريقه:good:

مع اني رحت ابرفعه من قدام قالولي لازم قلب عمدان وهذي فيه مضره للسيارة كتيرررررررررررررر

وش رأيكم أفيدوني افادكم الله:confused:

بالنسبه للشي الثاني أبغا أركب صوت بالسياره وسمعنا عن أضرار السده ومشاكلها والدبه يبيلها تلحيم:no2:

وش الحل أنا أفكر توصيلة شكمان تفيد ولا لا:D

[جمس قطعه 10]

25 دخلو ولا رد واحد


والله خيبتوا املي يالمكشاتيه


افا بس

[هاوي قصيده]

هلاااااا صديقي

انا الجمس رفعته اليوم

وطلع ميه ميه ..والشكر موصوه لابو سيف ..

والطريقه هي انك تزييد سسته من السست حقت الجمس

انت عندك 3 ريش .. زيد وحطه واطرقهن يعني يثنونهن لك ويرتفع الموتر .. اما من قدام في تحت باب الغماره من تحت بلط يشده لك وينهض من قدام


اما الصوت فيوجد عند محلات الشكمانات ..دبه حقت جمس قديم ..قل ابي دبه جمس 400 قديم ..يركبها لك ..وصوتها يطررررررربك طرب..

وكلفتني تقريبا 200 ريال مع التركيب ..ياعليها صوت ماشاء الله تبارك الله .

ومن وجهة نظري الجمس مايكمل بعيني الا بصوت ..بس بحدود :) مثل ال 454


واي خدمه يابعدي انا حاااااااااظر


ابو ناصر

[SilverSniper]

الرفع يا طويل العمر يعتمد على موديل جمسك.. فيه 3 طرق..
1- تطريق السست.. تطرق سست قدام حتى ينرفع الموتر..
2- تركب كعكات بين الدفرنس والسست.. ينرفع الموتر بطول الكعكة بس يصير مطبه قاسي شوي..
3- تستخدم لفت كت كامل تطلبه من النت.. وحسب الارتفاع اللي تبغى 3 إنش 6 إنش 8 إنش.. وهكذا.. وهذا الحل الأفضل..
بالنسبة للدبة.. تقدر تاخذ دبة جمس قديم وتفرغها.. يطلع الصوت تمام.. بس الأفضل.. واللي أنا مجربها.. هذي..
http://www.edelbrock.com/automotive_new/mc/exhaust/images/sdt_main.jpg
إسمها EDELBROCK SDT.. قيمتها 89 دولار بدون التوصيل.. مركبها أنا على البليزر عندي .. صوتها يطربك صح.. ويزيد قوة الأحصنة عندك..
خذ مثال على صوتها..
صوتها على جمس 8100
http://www.edelbrock.com/automotive_new/mc/exhaust/dl/04Suburban.mp3
صوتها على 454 ملغمه..
http://www.edelbrock.com/automotive_new/mc/exhaust/dl/67Chevelle.mp3

لو أشغل البليزر في مواقف اشتغلت إنذارات السيارات اللي جنبي من قوته .. :)

تقدر تشتري اللفت كت والدبة من موقع www.summitracing.com (http://www.summitracing.com)

[جمس قطعه 10]

الله يعطيكـ العافيه على ردكـ

وتسلم والله على المعلومات الكامله

بس الجمس حقي ما يرتفع مسامير الا 3 سم وانا رافعه وابي ازيد الرفعه

للمعلوميه جمسي 1500

وبنسبه للدبه كيف طريقة تركيبها يبي له تلحيم ولا

ما أبغى أسوي تلحيم وقلق ابي وصله جاهزهـ قصدي مسامير هل تفيد

تحياتي / جمس قطعه 10

[الداير11]

السلام عليكم ورحمة الله وبركاته ,,
حيا الله كلن باسمه ..

أخوي راعي الموضوع عندك اليماني قايد في الصناعية القديمة رح له ويبي يزبط لك الأمور بس تراه غويلي حبتين..


أخوي سلفر ما تسوي فيني خير وتجيب لي دبة حقت الـ8100 .
<------------------ داخ مع الصوت


ولكم جزيل الشكر

[وسوسة]

الشباب كفوا ووفوا

تمنياتي لك بالتوفيق

[هاوي قصيده]

حياك الله اخوي جمس قطعه 10


وانا هالاشياء سويتها مع الجمس حقي الحوض ..

اما الدبه فلحمت لها دبه ثاني ..بربع ساعه ركبها لي واخذت القديمه علشان لا بغيت ابيعه رجعتها

مايضر بشي وانا اخوك ابدددددد

بل يزيد العزم ..


ولا تخاف وانا اخوك

اما الترفيع فاطرق السست وزد وحده ...وركب مساعدات جبريل

وتوكل

اخوك

[جمس قطعه 10]

يعطيكم العافيه على كل واحد شارك واخص هاوي القصيده على المعلومات الطيبه أن ان شاء اجربها اليوم

وأعطيكم وخبر ولانستغني أبدأ عن معلوماتكم

تحياتي وشكراااااااااااااااااااااااااااااا

[الدحبول]

ركب كفرات بالون طريقة الكفرات حلوة
أن أبوي عنده جمس 1500 موديل 2003 الكفرات الاصلية 255/70/16
غيرها ب 265 /70 / 16

الجمس الي عنك حجم 1500 موهوب ستت يايات اشترى 2يايات وقص كل واحد نصين ولحم كل نص على واحد من اليايات

[Abu.Saif]

السلام عليكم

هلا ومرحبا جمس قطع 10

عندي وجهة نظر ياخوك ودي تسمعها مني

شف طال عمرك صحيح ان الموتر لا رفعته وبالذات الجموس يعطيها نظره وشكل وهيبه ويزيد من نفعها بالوعر او ما يسمونه الفنيين (زاوية الخلوص).... فلسفه تقراها بالكتلوجات يعني كم الزاويه اللي تقدر السياره تطمرها بدون ما تحك

لكن....و لكن.....ولكن

انا لاحظت ان كل 1 سم ترفعه من خشم الموتر يؤخر التسارع او القومه بشكل نسبي وملحوظ وبالتالي يتأثر العزم والصرفيه تزيد والسبب طبعا مناطح الهوا

وانت لا بغيت ترفع ارفعه من قدام الى آخر حد من البلوط اللي تحت و ارفعه من ورى بتزويد سسته بالاضافه الى الكفرات اذا حطيت كفرات اكبر بيفرق معك الموتر و العزم ما يتأثر كثير بيني وبينك ما ودك العزم يطيح والله انه يجيب لك المرض وانت تسوق لا نطحت الهوا وانواع الاصوات والتقاسيم اللي ما مرت عليك

اخوك ابو سيف

[جمس قطعه 10]

شبااااااااااااااب الجمس يايات بالنسبه لقدام مايرتفع من عند البلوط اللي عرفته انه يبغاله قلب عمدان


وفكرت بالمساعدات وش رايكم وش المناسبه وش مشاكلها تكفوووووون حسب تجربه

والدبه هلا لها مشاكل للسياره عند السفرررر ولا لا هل مشاكله تضر السياره بالمكانيكا

شكرااااااا لااخواني اللي ساعداونا

تحياتي

[هاوي قصيده]

اخي الكريم ..

المساعدات افضل شي من وجهت نظري جبرييل..

اما الدبه وانا اخوك الجمس اللي معي سافرت به كل مكان ..ماضررر الموتررر..

ويازين صوته بس لا طلعت الفجريه والجو خاثر وفاتح الشباك ..واذنك تطرب ماشاء الله تبارك الله

<< دخل جوو

الله يكتب لك مافيه الخير والصالح اخوي ..

واي خدمه انا حاظر

[جمس قطعه 10]

شباب أكتشاف جديد جمسي مافيه يايات بس عمدان يعني شكله مافيه حل
الله يعنن

بالنسبه للدبه وش ازين محلات بالرياض متخصصين

[هاوي قصيده]

ودي افيدك بالرياض ..

بس والله ما ادل بالرياض الا استاد الملك فهد ..

:)

[Abo Nader]

السلام عليكم...
أخوي بالنسبه لقلب العمدان مافيه هايلكس إلا و قالب عمدانه و أسألهم عن الأضرار...
و بالنسبه لرفع من الخلف مر الرمايه...

[التختور]

هالكلام اللي افادونا فيه الاخوان ................. هل ينطبق على اليوكن 2006 دبل ؟؟

وهل هو ياي او سست ( خلفي )

[جمس قطعه 10]

السلام عليكم


بالنسبه لليوكن 2006 يجي من وراء ياي

ورفعته سهله


تحياتي للجميع