استفسار عن الساكتون

[متيم البر]

الأخوة الأعزاء

أنا جديد على الصيد وأود شراء ساكتون. وأريد توجيه أهل الخبرة منكم في نوع معين ومن أين أشتري وهل هناك أمور لابد من الانتباه إليها عند الشراء.
أريد أيضاً أن استفسر عن الأسعار وعن طريقة الحصول على رخصة البندف.

مع جزيل الشكر مقدماً

[ابونايف الروقي]

السلام عليكم
اذا كنت تقصد ساكتون ام صتمه هوائيه وانت في الرياض عندك الرميح للبنادق الهوائيه عنده فايروخ وعنده ديانا المانيه .. اذا تبيها للضبان مثلا او الطيور الكبيره شوي لازم تاخذ قويه 85-80 اذا كنت تبيها للطيور الصغار او جرابيع 38-35-27 والتصريح اجرائه عادي من عند الرميح ياخذ بيانات بطاقة الاحوال وصور شخصيه لك وشاهدين ويطلع التصريح بعد 3اسابيع .

[متيم البر]

مشكوووووووووووووووور أخوي P52 على التوجيه

وأنا أبيها للطيور الصغيرة والعصافير

ولكن هل عندك فكرة عن سعر ال 85

مع التحية

[ابونايف الروقي]

اذا كنت تبيها للطيور الصغيره 85 ماراح تلقى شي من الطير تنتفع تنتيف هههههههه نصيحه خذ 35 او 27
وسعر ال 85 عند الرميح قبل 1300 قبل سته اشهر
وسعر ال 35 قبل اربعه ايام 1100 مع كاتم الصوت

[بارود برنو]

خذ نصيحتي وانا خوك
الهوائيه بيني وبينك ماهي سلاح والله انها حقت لعب عني انا شريت هوائيه مديل 70 من جده يرجال كسبان ذنب فيها
الطيور تروح مصوبه وتموت بعيد وهذا الشي اصراف وحرام

لكن خذ خرازه والله انها تبيض الوجه اقلها تحس ان معك سلاح ماهو بلعبه وتصلح لكل شي
وعيبها الفشق ولاكن تلقا ان شاء الله

[فـــــلاح]

عندي لك فايروخ ألمانية وارد الرميح مقاس 90 ضغط هواء وليست سسته

والحالة اخت الجديدة وما جاها كرف ، وعليها تصريح ومستعد انقله لك

كانك تبيها تستاهلها على 1300 وتراها جديدة جديدة جديدة وبعطيك معها دربيل وارد زيد هدية

على فكرة الساكتون لحالها عند الرميح على 1600 ريال والدربيل على ما اظن سعره حول 150 ريال

يعني كلها على 1750 ريال

وانا بعطيك الساكتون مع دربيلها على 1300 ريال

خصم 450 ريال تقريباً

وانت حر

ان بغيتها راسلني على الخاص

[الفهد11]

رح يابعدي لم خيمة الصيد البري وتلقى به اللي تبي .

[sal7]

الفهد 11

تتوقع خيمة الصيد البري ولا خيمة ادوات الصيد

على العموم يبي يجي رحال و يشيله ويحطه في خيمة ادوات الصيد

أخوي كان صيدك صغير لا تبعد عن الفيروخ الالماني 35 أو 27 لانهن الدارجات
ولا القامو الاسباني موديل 610 ولا الديانا الالماني 35 او 27

أما كان صيدك كبير فعليك بالـ80 او 85 ديانا أو فيروخ و انا أميل للفيروخ بزياده

تحياتي

:)

[رحال]

انا جيت يابوفهد ونقلت الموضوع للمكان الصحيح

ما ألومك يا الفهد 11 متعلق بخيمة الصيد البري :D :D

ودمتم سالمين

[متيم البر]

أشكر الجميع على الردود المفيدة وانشاء الله أبروح للرميح اليوم