مكان عجيب للصيد

[( ابو تركي )]

يا شباب لا يفوتكم رأس شوكة بمنطقة منيفة وهيى عبارة عن بطح كبير والصيد فيه عجيب جداً جداً جداً جداً وأكثر السمك سبيطي وبعده الشعم والعريضي والقرقفان والينم وبدون مبالغة ياشباب ما أتوقع إن فيه محل مثل شوكة وأنصحكم من عنده واسطة يروح بأسرع وقت مع هذا الجو الجميل وبالتوفيق
المنطقة نظيفة ومحضور جداً ولازم واسطة للدخول ومشتركة بين سلاح الحدود ( مركز منيفة ومركز تناقيب)

الموقع : عندما تكون على طريق ابو حدرية ولفيت على منيفة بعد 1 كيلو تقريباً بيجيك على اليسار شارع جديد 15 كيلو تقريباً تروح وياه وبعدين يقفل الشارع ويجيك أمامك شبك والبحر يسارك ، خل البحر على يمينك وأمش تقريباً 10 كيلو وهناك راس شوكة وقبلها فيه صخر على البحر وحزوم ( يعني جبال صغيرة ) وعقم

وأسف على التعبير

[jwan]

طيب والي ماعند واسطة يصد فين على العموم مشكور

[( ابو تركي )]

تقدر تروح مركز منيفة وتاخذ تصريح على منطقة منيفة فقط وبسهوله ، وهذا التصريح حدوده من منيفة حتى راس شوكة وترح قبل منطقة شوكة وتنتظر حتى يسقي البحر وعلى طول تروح شوكة وتحدق وشرط تعبي ثلاجة خلال 20 دقيقة سبيطي وشعم واذا صادوك قولهم ما عندي خبر ومافيه لوحات وأذا كان معاك عائلة ما يقدر يوقف عندك بس أنتبه تجيب غزول فيها سجن وغرامة تصدر من الثروه السمكية أنتبه

وعلى العموم أنا عندي واسطة حليوه وحياك الله يوم الجمعة الساعة 6 صباحاً

وعلى كل حال فيه منظقة جيده للصيد بمنطقة منيفة ( 1 ) بجانب مركز منيفه البحر الشمالي ( 2 ) خلف الشبك بالعنوان بالرسالة الأولى

لكن مشكلة منيفه لازم تجي قبل ما يسقي البحر بساعتين ولا راح يكون الصيد قليل ( خبره )

وبالتوفيق

[عشيق البحر]

اولا اخوي منيفة شكرا لك على الموضوع الطيب وبصراحة حسيت من كتابتك للموضوع انك تكتب وجالس تصيح بسرعة يا شباب بسرعة لا يفوتكم هههههههههه

والله هذا الشي من طيب قلبك يا صاحبي والله يعطيك العافية

وبعدين انا من سكان جدة مدري وين المنطقة الي انت تتكلم والبرغم الي انا اعرفة انه السبيطي ما يطلع الى من المنطق الشرقية اذا ما خاب ضني

اخوك

ابو وسام عشيق البحر

[بحر القطيف]

ول ول

انت السعودية من وين القطيف الدمام والجبيبل

[المحتسب]

أخوي منيفه بيض الله وجهك على الموضوع اللي فعلاً أنا شخصياً حاس فيك كأني معك في نفس المكان لذي ذكرته لكن ما قلت لي الواسطه شله دام فيه تصريح دخول هل تقصد الواسطة خاصة بمن يريد الصيد .
أخوك المحتسب

[سيلر]

مشكور اخوي منيفه على المعلومه وجزاك الله خير الجزاء
ياخوي انا من سكان الدمام ولا اعرف هذي المنطقه منيفه
ياريت توصفهالي منوين اطلع لها
لاني احب الصيد ومثل منت خابر البحر مافيه صيد هالايام في الدمام وانا مشتاق للحداق

تحياتي لك..,,

[الجمرة]

اهلا اخوي منيفه انا من نشأة وانا في منيفا وهذي افضل منطقه عندي وعندنا صنادق هناك والا ن انا ادرس بالخارج وفي قلبي حسرة من فارقت منيفه والله

[( ابو تركي )]

مشكور يا شباب على المشاركة
الأخ / الجمرة أتمنى من الله ترجع سالم بإذن الله
الأخ / سيلر بالنسبة للوصف يوجد بأول الرسالة وأي إستفسار أنا حاضر
الأخ / المحتسب بخصوص التصريح أحب أوضحلك أن التصريح شامل منطقة منيفه بالكامل ما عدا رأس شوكة والسبب موقعها المتميز والمطل على مصانع البترول وأشياء أخرى
وأحب أقولكم يا شباب إني كنت هناك قبل أسبوع وكان الصيد ممتاز وكان معي أصدقائي من الجبيل وتعجبوا كثيراُ أكثر من سبعه سبيطي خلال نصف ساعة ( 2 كيلو على الأقل ) والسبب أن الموقع هادئ جداً
وبالتوفيق

[bampotcha]

اخوي منيفه ماودك تشوف لنا يوم نطلع فيه سوا

[عاشق البحر5]

مشكور اخوي منيفة

[حيران1392]

اخوي منيقه ، الوصف غير واضح لي ، عندي سؤال :

انا جاي من الجبيل اوكيه ، يجي مفرق منيقه على اليمين امشي كيلو بس؟ بعد المفرق تقصد؟؟

اللي اعرفه اذا رحت يسار بيصير البحر على يمينك وليس على يسارك ؟؟ ارجو توضيح اكثر واذا فيه رسم يوضح او خارطة اكون شاكر ،

[300SL]

والله ياخوي انت ماقصرة
بس هليام كلشي يبيله واصطه
حتا السمك اذاجيت تصيده قال عندك واصطه:d

[M.E.S.H.A.L]

اخوي ما تقدر تجيب لها صور

[ابو جلامبو]

هذي صور للموقع : إذا فيه إمكانية تحدد الموقع بالضبط

http://arbshare.com//images/ArbShaRe-
35115208.jpghttp://arbshare.com//images/ArbShaRe-35115208.jpg

[( ابو تركي )]

بالتوفيق

http://www.ya3mri.com/up/uploads/34751acfc4.jpg (http://www.ya3mri.com/up/)

[حيران1392]

هذا موب بمنيفه

[شعور]

حتى لو كنت ساكن في الشرقيه من وين بجيب واسطه


السمك اصلا صار عارف الاماكن المدعوسه ويبعد عنها .... بس مافي داعي تتورط مع خفر السواحل

[راعي منيفه]

<?xml version="1.0" encoding="windows-1256"?>
<message />
مشكور اخوي

[حياتي البحر]

الله يعطيك العافية ليتني قريب من الشرقية حتى اجرب

[ذيب التلاع]

سبحان الله وبحمده سبحان الله العظيم

[أبحر جدة]

جزاك الله ألف خير يا أخ منيفه
نتمنى نشوف تقريرك الرائع
عن صيدك الموفق
إن شاء الله تعالى
تقبل مروري
تحياتي لك
..
.

[مشاغب السقالة]

يعطيك العافيه اخى

[egy lion]

بارك الله فيك علي روحك الطيبه
ولو انا في الدمام كنت جيت معك