بسم الله الرحمن الرحيم - وحش صغير جدا ارعب الاطفال في مكشات ساحلي - احد يعرف عنة شي

[Swordfish]

السلام عليكم ورحمة الله لأول مره شفت هذا المخلوق الغريب ويا ليت الي يعرف عنة شي يقول وفيه حركات جدا تضحك تحس انه ونسه يوقف على ارجولة الاربع ويجلس يناظر فيك بجميع الزوايا بسراحة شكيت في أمره والا كنت بأشيله معاي طالعلة اجنحة صغيرة ويشبه مايقاله فرس النبي ويشبه العنكبوت والجراد واتركم مع صورتة


ولله في خلقة شؤون -سبحان الله العظيم - وما اروع خلقة



http://www.mekshat.com/pix/upload/images30/mk39875_whooshy.jpg

اخوكم
سوردفيش

[غرقان في شعيب]

السلام عليكم ورحمة الله وبركاتة
أخ Swordfish (http://www.mekshat.com/vb/member.php?u=39875) انا شفت مره هذا المخلوق الغريب سبحان الله وصارلي موقف عجيب معه وكان عمري 8سنين وهو طال عمرك
اني أول ما شفتة من القرادة ناديت عيال عمي .......هييييه تعالو شوفوا وش لقيت!!؟؟
وجو وليتهم ما جو!!!!!!!!
.
.
.
الي صار أني مسوي قدحة ورحت وجبت عود خشب وصرت انغزة وحارشه (يعنني قوي قدامهم) وأنا عمري ما شفت حشرة مثل ذي من ناحيت (الهياط) الحشرة عصبت علي وبحركه سريعه وراحت نصت اصبع رجلي وقامة وتعلقت في أصبعي وانا الي اصارخ وأذب العود وأنحاش لبوي وهي متعلقه في اصبعي وأنقذني ابوي وخرها وقال وش مسويلها؟
وقلتله السالفه وقال: احسن خل اللقافه تنفعك.
أما عن أسمه أنا مني متأكد عن أسمه زين لاكن الله العلم انه فرس النبي ويجي منه الوان واللي جاني لونه بني.
وارجو اني افدتك يا اخ:Swordfish (http://www.mekshat.com/vb/member.php?u=39875)

[Swordfish]

زين اخوي غرقان في الشعيب تصدق انه بالقوة اخذت لها صوره من الخلف حتي ما جت واضحة كل ما ادور الكاميرا حولها تناظر فيها من الامام بسراحة شكلها عجيب وتصرفاتها اعجب والي يخوف فيها انها توقف على اربعة ارجل وجسمها فوق
مشكور اخوي لمرورك وتعيقك الزين وقصتك الجميلة وانت 8 سنوات

[نجم حفرالباطن]

بسم الله الرحمن وش ها لحشره هذي
بس اللي اعرفه ان فرس النبي يجي لونا اخضر وتجي نحيفه اي ضعيفه

[ابرق العزاف]

هذه الحركه اللى تسويها هي حركه دفاعيه

عن نفسها / مثل تكوبار الحبارى للطير ومثلهاكثير

اما حنا نسميها بالحجاز قالبه عبات امها و البعض يسميها
قالبه عكت امها وهكذا وتكثر في فصل الربيع و عادة ماتموت لكثرة اللعب بها
شكرا

[Swordfish]

بسم الله الرحمن وش ها لحشره هذي
بس اللي اعرفه ان فرس النبي يجي لونا اخضر وتجي نحيفه اي ضعيفه

:no2: أخوي فرس النبي يجي بالوان ثانيه وازيدك من الشعر بيت ان فيه منه احجام تفجع الي ما ينفجع :D

[Swordfish]

هذه الحركه اللى تسويها هي حركه دفاعيه

عن نفسها / مثل تكوبار الحبارى للطير ومثلهاكثير

اما حنا نسميها بالحجاز قالبه عبات امها و البعض يسميها
قالبه عكت امها وهكذا وتكثر في فصل الربيع و عادة ماتموت لكثرة اللعب بها
شكرا
الله ينور عليك اخوي ابرق العزاف

[رجع السحاب]

أخ Swordfish

أنا أعرف أن أسمها ((( بناية بيت الخطاب)))
ولكل منطقة تسمية
وهي حشرة ربيعية

[Swordfish]

مشكور اخوي رجع السحاب وفعلا اسمها عجيب

[ناصح]

هذه حشرة معروفة وقد شاهدتها كثيرا في الصحراء والمزارع


وهي تقوم بردة فعل دفاعية بفرد أجنحتها الملونه لأخافة أعدائها من الطيور والحشرات الاكبر حجما ..

لكن هذه الحركة تزيد من شد انتباه الإنسان لمتابعتها

يعني ما تمشي عليه الحركة ..!!!


ولها أسماء محلية مختلفة في كل منطقة


لكن الذي أعرفه أنها تسمى في بعض المناطق في نجد بأم زين...

[جي إكس آر]

هذه حشرة معروفة وقد شاهدتها كثيرا في الصحراء والمزارع


وهي تقوم بردة فعل دفاعية بفرد أجنحتها الملونه لأخافة أعدائها من الطيور والحشرات الاكبر حجما ..

لكن هذه الحركة تزيد من شد انتباه الإنسان لمتابعتها

يعني ما تمشي عليه الحركة ..!!!


ولها أسماء محلية مختلفة في كل منطقة


لكن الذي أعرفه أنها تسمى في بعض المناطق في نجد بأم زين...

[Swordfish]

مشكور اخوي ناصح
اخوي جي اكس ار سلامات :)

[راع الابل]

تذكرني بافلام كرتون وهي اسمها فرس النبي ولكن ما تطلع الا مع الربيع تحياتي

[Swordfish]

مشكور اخوي راعي الابل وعلى سالفة افلام كرتون والله يذكر افلام كرتون ايام زمان بالخير اما افلام كرتون اليوم عجب X عجب بس ما نقول الا حسبنا الله ونعم الوكيل حتى الاطفال ما راح يسلموا من الغزو الفكري