سؤال وابي له جواب ياهل الخبره .؟؟

[قناص الساحل]

السلام عليكم
لو تسمحون يالغالين عندي سؤال بخصوص تدريب
السلق هل السلق لا تعدى سن التدريب وماتدرب يخرب
وايش السن اللي المفروض يتدرب فيه

والسلق اذا خرب شلون تروضه

اللي عنده اي معلومه تكفون لا يبخل علينا
ودمتم في رعاية الله . .,

[القحطاني505]

حي اخوي قناص الساحل وشلونك عساك بخير وشعلومك عساك طيب

والله اذا ماتدرب وعمره صغير مايكون حااار على فريسته ويكون فهمه بطيء ولا يتعلم الا بتقطيع القلب...

اذا على سن التدرييب اذا كان عمره شهرين تعلمه انه يجيك واذا على الصيد يفضل انك تعلمه على جربوع مكسور اذا كان عمره 3 شهور ونص واذا على التجربع وعلى الحصاني بعد السبعه شهور يكون اقوى واجبر عظم....

والسلق اذا انه اخترب تروضه بالربط ليين مايطيح اللي في راسه وتمسح عليه وماتطلعه وتحط له الاكل انت وفكه في محل مسكر وشوفه يجيك يعني طاح مافي راسه وطلعه معك بس من توصل محل ربطه وبيضبط انشاء الله ...

هاذا كل اللي عندي واتمنى انك تتوفق في تربية اللي عندك

[سلطان العوني]

وعليكم السلام
هلا وغلا بك
يتم تدريبه في سن الثلاثه اشهر على اربض وتعال وعلى السلسله ورح وتعال وعلى المشي والركوب والنزول من السياره معك لمدت ثلاثه اشهر
وبعدها وانا اخوك في عمر السته اشهر او السبعه اشهر تجيب له جلد ارنب او ذيل حصني ( ثعلب ) وتربطه بخيط وتجره انت بنفسك وتشجعه على طرده وتكافئه بنجاحه ولا تخليه يياأس على شان ما يمل لانه يعتبرها لعبه يلعب بها ولا تنسى تصيح عليه يح يح او حو حو وتناديه باسمه وتشجعه على طرد الجلد المربوط
وبعدهاتجيب له جربوع مكسوره رجله وتفكه او ارنب وتربط ارجلها بخيط على شان ما تسرع
هذي طريقة واحد من الربع وانا اطبقها الان بجروه عندي
واذا تبي نتيجه اسرع جب لك سلق مدربه وخلها تتعلم منها بالركوب والنزول والطردد
وبالنسبه لــترويض السلوقي الكبير العاصي احسن طريقه انك تحطه مع سلق مدرب مع مراعات تغيير السلق بين فتره وفتره على شان ما يطبعها معه اقصد ما تسوي حركاته
وانتبه تظربه في هذي المرحله انتبه انتبه انتبه انتبه
واذا تبي اي معلومات اخرى راسلني عالخاص
وانتظر الشباب ما راح يقصرون معك ابد
وتقبل مروري

اخوك سلطان

[راع الابل]

والله ياخوي ما عندي علم بالسلق لكن دورلي سوال عن البل والهجيج والهجن ابشر بعزك وتحياتي لك

[قناص الساحل]

ماقصرتوا يالنشامه
اخوي القحطاني وسلطان
وكثر الله من امثالكم . .

[صياد الوعل]

تحيه طيبه

يا خوي قناص الساحل ,,,الاعزاء المشاركين ....اقترح ان يشارك كل عضو لديه خبره بطريقة تدريب على عمل معين مطلوب من السلوقي ,,,فعلى سبيل المثال الركوب له طريقه و الطرد له طريقه الخ ..و مشاركات الاخوان السابقه بها فائده للجميع .

و لتوضيح المعلومه ,,احب اشارك بتجربه عن (عدم :no2: خوف السلق من السيارات و بالتالي دعس اغلبها ) الطريقه تتلخص :::::::::: في تمديد ذيل السلوقي على الارض داخل حفره صغيره بطعس او ارض رمليه , و من ثم اقاف كفر السياره عليه و الابتعاد عن السلوقي حتى يصيح و يحاول ان يفك نفسه ,لفتره بسيطه ,, وهذه طريقتي و جربتها من عدة سنوات ,,, ونتيجتها ممتازه و عمليه ,,,

و سامحونا على الاطاله ,,,القصد الفائده ,,ان كان بها ,,,

[راعي الهدبا99]

اخوي قناص الساحل نفس الكلام اللي قالوه الاخوان اتبع نفس الطريقه

[قناص الساحل]

يسلموووو اخواني عالمرووور ويعطيكم الله الف عافية

بس اخوي صياد الوعل طريقتك مافهمتها

ايش تفيد ؟

[صياد الوعل]

تحيه طيبه

تفيد بتخويف السلوقي من السياره حتى لايدعس :no2: لان اكثرها تربى في معزل عن السيارات :j و بالتالي لا تخشى السياره :no: و تخطم من امامها ,, و قد تقف فجأه امام السياره ,,,,, ولا اعتقد ان احدنا ما اندعس له سلوقي او لصديق له ,,,!!!الله يسلم الجميع .

[sasasasas]

ما ازود عل كلام الشباب بيض الله وجيهم

بس اهم شي الصبر