سؤال عن السنارة مع التحية

[coach]

السلام عليكم ورحمةالله وبركاته


انا على صدد شراء سنارة مع العلم اني من الرياض
وانا هاوي وهذي اول مرة اجرب هواية الصيد البحري

المطلوب من اخواني هنا

ابي كرما لا امرا

س1: وين المحلات الممتازة للسناراة في الشرقية ؟

س2: وماهي السنارة الي تناسبني كهاوي من ناحية المقاس والنوعية ابي افضل شي؟








مشكورين

[غروب-1]

تحية طيبة
فية محل على طريق الخبر الدمام السريع اسمة الخريف لبيع المعدات البحرية
وفية محل اسمة يعقوب الدوسري بالخبر والمحلين اطلب وتخير وصدقني راح تحتار من الموجود والسلام

[coach]

الله يجزاك خير يا بطل

والي عنده زوووود لا يقصر

[( ابو تركي )]

أهلاً فيك أخوي

حاول ما تاخذ إلا المكينة الكورة واليابانية والعصى تكون صينية أربع متر وهذا أفضل شي لصياد مبتدء ومع الوقت راح تعرف الفرق

وبالتوفيق

[القبقب]

وعليكم السلام يأخ coach بالنسبة لافضل نوع خذ النوع المصنوع من الكربون وأفضل طول 360 سم (ثلاثة متر وستين سانتى).

[coach]

منيفه مشكور وسجلت الي قلته عندي ولك جزيل الشكر

القبقب تسلم يا غالي يعني 360 او 400 سم بدور بين هذين المقاسين ولك شكري

تسلمون

[المحتسب]

وعليكم السلام يأخ coach 1- أما من ناحية السناره مثل ما قالك أخوي القبقب خذ النوع اللي مصنوع من الكربون كونها أفوى من غيرها
2-أما الماكينه فحبذا لوكانت أقل شي سته بيرنق قوتها
3- الأماكن يوجد محلين الأول أسمه بوعلي للصيد والثاني ما يحضرني أسمه تجدها بالقرب من إدارة التعليم في شارع فندق قمة التعاون في الشارع الثامن عشر بحي السلام
ولصدت لا تنسانا :D
أخوك المحتسب

[coach]

المحتسب:
تسلم وسجلت عندي(( سته بيرنق)) على اني ما اعرف وش معناها ولكن بيفيدني راعي المحل وجزاك الله خير

وابشر والله بالذبيحة ولا صيدي اخاف تجوع ما تحصل مني شي لاني جديد واخاف ما اصيد شي

[yehia]

السلام عليكم ورحمه الله وبركاته
كيف حالكم جميعا

انصحك اخوي بشراء الماكينه والبوصه دايوا
Daiwa
وياسلام لو كانت ياباني مع اني مااتوقع بتحصلها لان مصنعها قفل من سنين

لو حصلت الياباني جيب الماكينه الصغيره لانها نفس كفاءه الكبيره ووزنها قليل مش تقيله وفرقها الوحيد بينها وبين الكبيره هو طول الخيط اللي بتتحمله الماكينه واللي طبعا بيكون اقل في حاله الماكينه الاصغر وكله على حساب سماكه الخيط
وبالنسبه لطول البوصه انصحك بالاربعه متر لانها بتكون اوكي وحاول تختار نوعيه تتحمل

مع الشكر

[coach]

تسلم يابطل

[صادوه]

انا على حسب اعتقادي ان السناره ذو الوصلتين ويسموها (( المصبوبه )) تجي وصلتين وتركب في بعض هذي بصراحه مرة ممتازه صح مرونتها ليست كافيه لاكن لو تعودت عليها حتحبها وايضا هناك النوع التلسكوبي اللي تدخل ببعض من 3 متر الى 4 متر مرة ممتازه ولاكن خذ (( كربون )) في منها نوعيه كوري لاكن ممتازه عندي وحده لها اكثر من ثلاث سنوات احيانا اخذها في الحداق وبالله التوفيق.

[coach]

شكرا على النصيحة
وشرفتنا بحضورك