لو سمحتوأبي رايكم

[الخواره]

السلام عليكم ورحمة الله وبركاته

أخواني لو سمحتوأبي رايكم حيث أني قبل أسبوع شريت سلقه من مكان ما ووديتها مع البر وهديتها على جرابيع اول جربوع تصيده تاكله هل فيه مشكله والباقي تصيده وتعض عليه وهديتها على حصني أول ماهدينا الحصني قامت تركض له ولما جات عنده وقف وقامت تطالع فيه وهي أصلن ما تركض كلا تهرول وش الشبب

يعيطك العافيه

[القحطاني505]

والله هاذا من تربيتها

[سعدون جابر]

أخوي الخواره



السلام عليكم ورحمة الله وبركاته


بالنسبة للجربوع اللي تأكله فيمكن السلقة مطبعه على هالطبع من نفس راعيها السابق ولكن إن مسكت الجربوع وحاولت أكله قبل أن تأكله قم بمسكها وإن هربت به حاول اللحاق بها واجعلها تفك الجربوع إذا ما فكته أضربها وإن حاولت إبتلاعه عليك بخنقها حتى تخرجه واتبع هالطريقة حتى تتطبع بالطبع اللي ودك تطبعها عليه .


أما بالنسبة للحصني فلا تهدها على حصني من الأفضل لك ويمكن يكون السبب عندما تقترب منه وتتركه صغر سنها أو أنها لم تراه في السابق .


بهالحاله عليك تدربيها مع سلق تستعيرها من أحد أو تطلع أنت واحد من اللي عندهم سلق متدربه وتخليها تشوف فعلهن وتفعل معهن لكن أنصحك لا تهدها إذا هي صغيرة سن لم تصل السنة .


تقبل مروري .

[ولد عنيزة]

انا اايد كلام اخواني القحطاني من ناحيت تربيتها
00000000000سعدون جابر بكل اللي قاله ومايقصرون الشباب

[عزام الكويت]

السلام عليكم انا بصراحه اييد كلام اخوي سعدون جابر .. اما بالنسببه للحصني لو يعضه بس مره وحده خلاص ماراح تهد عليه مره ثانيه لازم تهدها مع سلق كبار بحيث يذبحنه والا تكش منه .. وتقبل مروري

[شويش]

بالنسبة إلى أكل الجربوع اذا اكلتة مرة ثانية أضربها وبالنسبة للحصني مثل ما قال اخوي عزام الكويت

[سلطان العوني]

شي طبيعي اذا كانت اول مره تطرد جرابيع
اما اذا كانت مدربه على الجرابيع فانصحك تشركها مع سلق ثانيه كما افادوك الاخوان
تلقا تفاعل سريع واضربها على الاكل وكافأها على النجاح
تقبل مروري

[الخواره]

الله لا يهينكم ويعطيكم العافيه

[القـــناص]

اخوي : الخواره

اذا كنت تبي رأيي ... لا تهد السلقه على الحصني ,,,

لاني اولا صيده حرااام ... ثانياً يفسد السلوقي ...

واما بالنسبه للجرابيع حاول انك تهد لها بمكان صغير ...

واول ماتصيد الجربوع حاول انك تأخذه منها ...

كرر هذي الطريقه الى ان تتعلم ...

[الخواره]

اخوي : الخواره

اذا كنت تبي رأيي ... لا تهد السلقه على الحصني ,,,

لاني اولا صيده حرااام ... ثانياً يفسد السلوقي ...

واما بالنسبه للجرابيع حاول انك تهد لها بمكان صغير ...

واول ماتصيد الجربوع حاول انك تأخذه منها ...

كرر هذي الطريقه الى ان تتعلم ...


مشكور على المرور أخوي القناص والله لا يهينك

[(القناص)]

الشباب ما قصرو

[الخواره]

تسلم أنت والشباب يالقناص والله لا يهينكم