رحلتي عند نياقي يم جو الهبكة وحروري

[مشعل_1001]

اعزائي اعضاء وزوار منتدا مكشات مساكم الله بلخير انا اخوكم مشعل العتيبي لدي بعض الصور حبيت انقلها لكم عبر منتدا مكشات وهي صور من جوالي لرحلتي قبل يومين وياكثر رحلاتي لنياقي اكثر من قعداتي عند اولادي المهم مع الصورالتي اتمنا ان تحوز علي رضاكم
http://www.mekshat.com/pix/upload/images30/mk37815_12.jpg

الحيران وخلفهم الذبايح
http://www.mekshat.com/pix/upload/images30/mk37815_2.jpg

الخواريف علي قول اخوانا السوريون تنتضر حكم الأعدام
http://www.mekshat.com/pix/upload/images30/mk37815_31.jpg

ال vxr في احلا فيضة
http://www.mekshat.com/pix/upload/images30/mk37815_41.jpg

احلا مائدة في العالم عندي وعند اهل البر وهي
شاهي قهوة تمر حليب بريق وحليب خلفات




http://www.mekshat.com/pix/upload/images30/mk37815_51.jpg

شوفو العجاج وشلون دفن العشب
http://www.mekshat.com/pix/upload/images30/mk37815_6.jpg

منظر اشتاق له ولله يكفينا شر جمعية حقوق الحيوان
http://www.mekshat.com/pix/upload/images30/mk37815_ff.jpg

الزول هذا راكب فوق مرتفع ومتكي علي الحمار اللة يكرمكم يلتقط ارسال الجوال (تكنلوجياء برية)

http://www.mekshat.com/pix/upload/images30/mk37815_8.jpg

وسمحولي علي التقصير
اخوكم مشعل العتيبي

[قلب الداهيه]

حياك الله أخي مشعل
يعطيك العافية على الصور الرئاعة
رحلة موفقة ان شاء الله

[مسافر1]

أخوي مشعل ..
يازين مثل تلك الجلسات ..
وش خليت قهوة وحليبة وتمر خضري
وغط بها الرغوة
ياسلام ..
هيضت شي واجد يا سنايدي . .

[رجاح]

ما شاء الله .

الله يبارك لك في الحلال والعيال اخوي مشعل .

وبصراحه صور يفز لها القلب .

بس يا ليت لو قربت الصور من الابل .

[ريف النشاما]

كفو كفو ياراع البل

والله يبارك لك فيها ويجعلها من مفاتيح السعاده لك في الدنيا والآخرة


وتكفى لايفرغ صميلك من حليبها الله يبارك فيها


تراها عز ومعزه وعلم غانم بالدنيا والاخرة

[سرهيد]

http://www.mekshat.com/pix/upload/images30/mk37815_51.jpg

مرحبا بمشعل

يا زين مثل هالمناظر اللي ترد الروح بجلسة مع شرواك

ما اقول الا الله يهنيك يا اخوي مشعل ويسعدك في الدنيا والاخرة

هذي هي الحياة التي يسعد الانسان بها بعيدا عن ضوضاء المدينة وكدرها

يهنيك ربي

اخوك

ابو عبدالله

http://www.mekshat.com/pix/upload/images30/mk40450_serheed15.gif

[وقيان]

ماشاء الله... صور اكثر من رائعة..

الله يديم النعمة عليك ويزيدك من فضله

[سكون الريح]

الله يعينا ويعينك على الطاعة ويباركلك في المال والعيال والحلال وكل مسلم يا بعد حيي آمين

[جمران]

علك تسلم على هالشغل العدل ,,,صور تهيض وتسر الخاطر
والحليب والربيع والبل هذه من ألذ نعم الدنيا
شكرا أخي مشعل والله يبارك في هالبل ويمنحك من خيره
عساكم رافعين العلف عنهن مع هالربيع
ألف شكر

[* Storm *]

ماشاء الله





http://www.mekshat.com/pix/upload/images30/mk42127_deir_attyah_clouds.jpg

[طــامــي]

بيض الله وجهك اخوي مشعل وش خليت قهوه - تمر- غبوق - شاي - والشبه معاد عقب هنعمه نعمه الله يطرحلك فيهن البركه قولو امين


اخوك طامي

[دغيم1]

السلام عليكم

الحمد لله على السلامه - ورحلة دائما موفقه
تسلم يمينك أخوي مشعل على الصور .
الله يديم عليك النعمة وعلى الجميع ويبارك لك فيما عطاك ويكفيك شر الحاسدين
ماشاء الله تكاملات كل المطاليب -
تقبل تحياتي - دغيم 1

[القسامي511]

بعد التحيه العطره _
الله يبارك لك ياخوي مشعل في كل
نعمه عليك من نعم الله الدينيه والدنيويه
وتسلم يالقرم على هالعلوم
اللي تبيض الوجه _
أخوك _ القسامي511

[(طيب الفال)]

علومك غانمه يابن العم وتطلق الوجه

الله يبارك لكم في مالكم وحلالكم


وتراك هيضت القلب الشقاوي


طيب الفال

[راع الابل]

ياراع الملاوين كيف الحااااااااااااااااال طيب

ليتك قربت الكامرا للبل وخليتنا نشوف اشكالهاااااااااااااااااااااااااا

الزينة

وتحياتي

[عبدالله2001]

ماشاء الله اخوي مشعل

مناظر خلابة وجميلة.

بس قل لنا كم تسوى الناقة الطيبة مع ولدها ومن وين يقدر الواحد يشتريها وكيف يعرف الطيب منها.

وشكراً على الموضوع الشيق.

[جبل راف]

عافاك الله يازين الجلسة عند النياق ترد الروح

[نجم حفرالباطن]

ماشاء الله عليك اخوي مشعل وش الزين الابل الطيبه الله يسعدك فيها

[مشعل_1001]

الأخ قلب الداهية الله يوفقك ومشكور علي المرور
الأخ المشرف مسافر1 مشكور علي المرور وتسلم ياسنايدي وفالك المليون
رجاح يفز قلبك دئماً للخير وتشكر علي المرور
الأخ ريف النشاما هلا ولله في سيد النشاما والصميل ولله ماحبه انا اذا ما اشرب من ديدها ماستانس طبعا في طاسه
وللة يعز شانك ومقدارك وعلومك جزلة
سرهيد الساحات العربية اول شي اسمك يذكرني بخط الشمال وطوله بس ترا امزح عموماً مشكور علي المرور ونت راعي الأوله وتقريرك عن لبن الأبل اجمل شي وتسلم يالغالي وعاش سرهيد للأمة العربيه القومية
رومنسي 202 الله يعافيك علي المرور وتسلم يالغالي
سكون الريح امين الله يسمع منك ويجزاك خير علي المرور
الأخ جمران مشكور علي المرور والتعليق وبشرك العلف من شهر قاطعينة وتشبع الضهر
باقي الأخوان ابي ارد عليهم بعد مارجع من العشاء

[مشعل_1001]

مراقب السحاب مشكور علي المرور
الأخ طامي امين ومشكور علي المرور وبيض الله وجهك انت
دغيم1 عساك دايم ون وتستاهل الطيب ومشكور علي المرور
القسامي 511 مشكور يالقسامي علي المرور ولله يبض وجهك
طيب الفال مرحباً الساع ياولد العم هلا ولله فيك وانت علومك اغنم بعد
راعي الأبل هلا ولله فيك وانا ماني راعي ملاوين انا راعي شعل وفكر اشتري وضح بعد ومشكور علي المرور ياسنايدي
عبد الله 2001 هلا فيك والمهلي مايولي ومشكور علي المرور وسعار الأبل تختلف بس هاليومين زايده والناقه الوسط حوالي 15000 الف ريال سعودي
المعترض الله يعافيك وتسلم يالغالي وتشكر علي المرور
نجم حفر الباطن هلا ولله بالغالي تصدق مشتاق لمواضيعك الجميلة وطلعاتك الزينه ومشكور علي المرور

[الحوّام]

ماشاء الله عليك اخوي مشعل

صور روعه ومناظر اروع والله يبارك لكم في اباعركم ويحفظ نعمته عليكم.

اخوي مشعل... برقا او روق؟

تحيات اخوك الحوّام

[وافي السبيعي]

السلام عليكم

والله هاذي العلوم الغانمة يامشعل بييض الله وجهك يالنشمي ياراعي الحلال

منظر يسر الناظرين الله يزيدك

ومشكور

[مهلي1]

بيض الله وجهك علي العلوم الطيبه

بس ودي اعرف وين جو الهبكه فيه

[بهار]

الله يبارك لك في الحلال ، و يسعدك في الدارين ، و عساك قريب حول الرياض ;)

[سنار 2007]

يعطيك العافية على الصور الرئاعة
رحلة موفقة ان شاء الله

[مشعل_1001]

الحوام الله يعافيك ويكثر امثالك ومشكور علي المرور ياولد عمي عساك ذخر
وافي السبيعي كلامك وافي ونت وافي وعساك دايم وافي ومشكور علي المرور
ملهي1 هلا ولله ومشكور علي المرور . جو الهبكة عند الجودي اكيد ماتعرف الجودي بس غرب خريص 90 كيلو جهة شمال غرب ونت رايح لدمام بعد الرياض ب180 كيلو تلف يسار 30 كيلو بر
بهار مشكور علي المرور الله يعزك
سنار 2007 الله يوفقك ويجزاك خير يا وجه الخير

[اسير الغربة 1]

الله يديم عليك النعمة وعلى الجميع ويبارك لك فيما عطاك ويكفيك شر الحاسدين

[سرهيد]

اجل بمناسبة القمة تقول عاش سرهيد للامة

لك شنو قصدك ، لا يكون الاسم هاللي تقول قطار البضايع

يا رجال سالفة هالاسم اني جيت ابي اسجل باسم سرهيد وما لقيت ، لأني من كتاب الساحات العربية ومن الشيبان اللي كانوا يكتبون فيها

قلت اجل مالي الا اني اكتب سرهيد الساحات العربية ، لأني ابي الناس تناديني سرهيد مو السرهيد الاسم الاول

يحيك ربي والله شكلك مزوح وراعي بر الله يوفقك ويسعدك قل آمين

تسلم لاخوك سرهيد

[مشعل_1001]

الأخ ابو سعد2007 مشكور علي المرور وجزاك الله خير
الأخ سرهيد الأمة العربية امين وجزاك الله خير والسالفه كلها مزوح تجي وتروح

[من نجد]

موضوع جميل جداً

[مشعل_1001]

الأخ من نجد مشكور علي المرور ونت اجمل يالغالي

[الاقبال]

والله كفوا اخوي مشعل العتيبي ونعم فيك وبالقبيلة الي تحمل شعارها وماعندك نياق وضح مغاتير رخيصة اقصد سعرها مقعول ؟؟؟؟؟؟؟؟؟؟ تراني هواوي المغتر اتبع المثل الي يقول مع الخيل ياشقراء شفنا الناس مغاتير وبنقلب مثلهم اهههههههههه

[جي اكس أر 3]

السلام عليكم
مرحبأ براعي المواجيب اخي العزيز / مشعل
الله يباركلك في هذا الحلال صور روعه جعلتني اتخيل وافكر في جلسه
بمثلك وشرواك تسلم يمينك يا راعي الكرم والجود ،،،،،،،،
تحياتي

[محمد العبدالسلام]

ماشاء الله تبارك الله شئ يهيض الشجون يم البر

الحقيقة الصور جمعت كل شئ تسلم يدينك اخوي مشعل

[مشاري1427]

ما شاء الله مشكور صور رائع

[سلطان العوني]

ما شاء الله تبارك الله
ان شاء الله وناستك دوم مو يوم قل امين
لك فائق الاحترام والتقدير

[المهـــــاجر]

السلام عليكم ورحمه الله وبركاته
والله أنها صور غنيه عن المدح
لكن الله يبارك للك بها ويطعمك خيرها، لاكن ليش ماتعزمنا نطلع نهاية الاسبوع الواحد يفضي باله؟؟
واحد يطش حاله طش،،،،،،،،،،،،
تقبل احترامي وتقديري،،

[رووس الشواهيق]

يامال السيل ياهاك الديره ---- اطربتنا يامشعل بالصور الجميله اللي تخلي النفس مرتاحه وانا فيني عيب ليا شفت صور البل والذود اترك
الجهاز واخليه واروح --- حياه حلوه معنى الكلمه لاكن (إذا ماطاعك الزمن والا طعه ) عساكم توافقوني بالمثل المشهور .
اشغال الرياض ماخلت احد في حاله بس عندنا الخميس والجمعه نروح يم البل ونتونس عندها ونمرح هناك نجي الجمعه وحنا راييحن فيها
عساك على القوه يامشعل وبيض الله وجهك على الموضوع اللي صراحه اطربنا وخلى النفس مرتاحه

يازين ريح النفل في شعيبــــــه = في وادي عله من الوسم تشعيــــب
ممطور امس ومصبح ماوطي به = واليوم شمس وفاح طيب على طيب

ويقول الشاعر الكبير خلف بن هذال
اجمع من البل عشر وتصير وبال == واختر فحلها مع جنبها يباري
البل لها في مهجة القلب منــــزال == منايح القصار سفن الصحار ي

[مشعل_1001]

الأخ القبال مشكور علي المرور وانا اسف ماعندي نياق للبيع لا وضح ولا شعل يالغالي بس ترا الأبل غاليه هاليومين اصبر شوي يمكن ينزل ترخص ولو انها غاليه علي قلبي
جي اكس ار 3 مشكور علي المرور تسلم ييمناك لاعدمناك
بن نجد مشكور علي المرور وتسلم انت بعد يالنشمي
مشاري 1427 مشكور وعفواً تسلم علي المرور
سلطان العوني امين عساك دايم مبسوط واذا تبي تستانس اكثر يالعوني حط نياق يابعدي ومشكور علي المرو
المهاجر مشكور علي المرور ولله يحييك في اي وقت ومكاني موجود من خلال الردود وعزيز وغالي
رووس الشواهيق عساك دايم علي رووس الشواهيق ومنها الي الأعلا يالطيب الغالي تستاهل الطيب
ومشكور علي المرور وعلي بيوت الشعر المنقية وبالنسبة للأبل ترا الي يتولع فيها ينسى كل شي .

[راعي الملحاء]

ماشاء الله اخ مشعل علي الصور ولله شوقتني تستاهل الطيب شغل عدل
الله يوفقك ويخلي لك نياقك يالعتيبي

[فتى الرابيه]

السلام عليكم
الاخ مشعل الله يباركلك في حلالك علمك غانم وطيبك وافي الله يكثر من امثالك اخوك فتى الرابيه

[omiran]

الله يخلي لك عيالك وحلالك ويرزقناواياك وكل مسلم من واسع فضلة
بس احذر غدرات الهبكة من حفر وهويات على الحلال

http://www.mekshat.com/pix/upload/images31/mk21954_msbh.jpg

[مشعل_1001]

الأخ راعي الملحاء هلا بك ومشكور علي المرور
الأخ فتي الرابية مرحباً بك يالغالي ومشكور علي المرور
الأخ omiran ابشر بس جو الهبكة مافيه لا حفر ولا شي غير فيظة تسعد من يناظرها مثل فياظ شاي سيلان ونت عارف يالغالي مشكور علي المرور

[omiran]

اخوي مشعل



السلام عليكم ورحمة الله وبركاتة

الهبكة اللي انت فيها وتقصدها ماهي الهبكة اللي بطريق عرعر بعد رفحه بحوالي 90 كيلو ثم يسار عن طريق بري 50 كيلو وفيها كهوف كبار وخفوس فوق سطح الارض وفيها نخيل نابته بوسطها ؟؟؟؟

والا فيه هبكة ثانية ؟؟؟

ولك سلامي

[مشعل_1001]

اخ omiran لا جو الهبكة قريب من الرياض ونت رايح مع طريق الدمام الرياض متجه الي الدمام بعد 160 كيلو يجيك علي يسارك مخرج عبور جمال وسيارات تمشي يسار 10 كيلو تجيك الخليفيه (الدهو) قرية صغيره تطلع منها شمال شرق 22 كيلو بر بعدين يجيك عرق حروري و بعد العرق ب7 كيلو يجيك جو الهبكة وهي عبارة عن فيظه متراميت الأطراف تسر الناضرين من امثالي اصحاب الأبل حيث ترتع فيها النياق لما فيه من عشب

[سكب]

مشاء الله تبارك الله

اخي مشعل 1001 تسلم يمينك

تحياتي

[عابد]

الأخ في الله مشعل
السلام عليكم ورحمة الله وبركاته

الله يبارك لك في حلالك
اخوك عابد

[kmzkm9]

ماشاء الله لا قوة إلا بالله , وين مكانك ذا ؟
أخوي مشعل ماتعزمنا على حليب الخلفات في ذا المكان الزين والذبيحه علي وتعزم المشرف وكم واحد من شباب المنتدى .
فكرة حلوة للتعارف ! أخوك الهدباني

[omiran]

احسنت اخوي مشعل على هالوصف وصار هبكة ثانية غير هبكة طريق رفحا عرعر ، لان هبكة عرعر منطقة عجيبه فيها الكهوف الضخمة والحفر المستديره الكبيرة والتي في بعضها نابت نخيل وشجر وايضا فيها ابار اظنها طبيعية ومتقاربة بشكل عجيب

ولكم سلامي

[عروان]

ما شاء الله

الله يبارك في حلالك و يطعمك من خيرة.

بشر إن شاء الله جاكم رجع مع المطر التالي.؟


تحياتي لك

[جنتلمان نجد]

ماشاء الله .. وجزاك الله خير الصور .. اللي تتكلم عن نفسها

[راعي النفود]

تراني ياخوان خوي باقي العده عندي

[<عاشق الصمان>]

الله يبارك لك في الحلال والعيال اخوي مشعل .

[kmzkm9]

تسلملي يا راعي النفود ومشكور على التفاعل ويشرفنا مخاواتك وياليت الشباب يتحمسون للفكرة ويصملون .
حي الشباب العاملين خير الكتائب أجمعين

[مشعل_1001]

الأخ سكب الله يسلمك ومشكور علي المرور ياراعي اليوكن علي هالوقفه تقول اسد
الأخ عابد مشكور علي المرور وجزاك الله خير
الأخ kmzkm9 حياك الله في اي وقت انت والمشرف والشباب والذبيحة عليك الله يسامحك بس ابي اعتبره مطب اكلته في جو كلة ظباب لو مافيه ذبيحة نذبح لك حايل من الأبل
عروان هلا فيك يالغالي ومشكور علي المرور وبشرك جانا مطر من التالي بس شال العشب ولله يحط فيه بركة
جنتلمان نجد انت كلك جنتل حتي اسلوبك جنتل ومشكور علي المرور
راعي النفود حياك الله في كل وقت بس من غير عدة كل شي موجود
عاشق الصمان هلا ومسهلاااااا في ريحة الصمان هلا بالغالي تشكر علي المرور


اشكر الجميع
اخوكم مشعل العتيبي