نتائج محاولة سرق

[الفيتو]

بسم الله الرحمن الرحيم

السلام عليكم ورحمة الله وبركاته

مساء الخير ياجماعه





الحراميه بذوا خفانا الله يهديهم .الأخ سعدون جابر يناشد والربع ينبذون هالشي .

والمشكله لازالت قائمه وهذي من نتايجها..

رسله اللي سجلت ماسجلت صارت عند بعض الناس سخريه

(رسله ) سلقه جرت عليها محاولة سرق غير ناجحه أدت الى قطع رجلها بعد

حادث اليم نتج عنه كسور متعدده شاهد عيان يقول الحراميه ابدوا

ندمهم اثناء الحادث ولاموا بعض على سوء التصرف..

إضطر الدكتور الى بتر الرجل..

والأن صحتها جيده لكن ما قنصت بعد ذاك اليوم..

فيه ناس بيهدون على ظبي وقالوا عطناها نستفيد منها تطرد الظبي لين يستعز

ونطلق عليها السلق الباقيه.:( .الحقيقه حسيت إحساس غريب ما اعرف

أوصفه !!رسله اللي كنا نربطها عشان نشوف مستويات السلق

الأخرى اليوم ياخذونها عشان تقدي الظبي ويطلقون عليها :p

لكن كسر هالإحساس كلمة واحد من الربع قال خذوها

وبتشوفون منها اللي يعيفكم في بعض سلقكم اللي

تكدون عليها على الهبني :good: .

وش رايكم السلق ما لحقت رسله إلابعد المــاد اللي قررته اللجنه يكون نهاية السباق؟.

أمنيه أتمنى إنها تتحقق علشان يكون فيها ردت إعتبار على الأقل لرسله

أنا وأنتم ننتظر عساها تتحقق هالأمنيه السباق قرب

هذي صورها وبعض الذكريات

صورتها بعد العمليه وواضح قوة الإصابه

http://www.mekshat.com/pix/upload/images30/mk8575_rsla.gif

قبل الحادث بفتره نايف ما يريحها صا ير مبعث قلق أربعه وعشرين ساعه راسنها

ويقودهاوخصوصا الأيام الأخيره

http://www.mekshat.com/pix/upload/images30/mk8575_rse4.jpg.gif

جننها مرات يالله الحق عليه لا تنهشه

http://www.mekshat.com/pix/upload/images30/mk8575_rse3.gif

يالله تتحمله بس تشوفني وتصبرلو اصد نهشته

http://www.mekshat.com/pix/upload/images30/mk8575_rse1.gif

ماسوى فيها خير ليا رحت مشوار افكر لارجعت للبيت القاها مصوبته

http://www.mekshat.com/pix/upload/images30/mk8575_rasl5.jpg

في كل التضاريس وكل الأحوال الجويه نتايجها فتاكه

http://www.mekshat.com/pix/upload/images30/mk8575_rse2.gif

نظرة لرسله .وتشوفون الحفا اللي لحق السلق من كثر المطاريد وخصوصا

رسله تحط وحده وتشيل وحده وتجحد صوابها ليا قامت الأرنب هالخزز في

هالشعيب الخمر سوى سوايا بعض الكلاب مهوب ما يدري وين راحت

الأرنب إلا مايدري وين راحت رسله بالأرنب لين تدغره

بالأرنب وهو مشوش في جهه وتجيه من جهه ..

رابع ارنب والسلق صابها الأعياء

الشديد والسبب الشعيب

وهذي نهاية مشوار رسله والسبب الحراميه

والسلام

الفيتو

الحجاز

7/3/1428هـ

[صياد الارانب]

السلام عليكم

والله وانا اخوك الناس هذي ماتفهم يرد نفسه لسرقة سلووقي


ما قول الله يعوضك افضل منهااااااااااااااا


وشكرااا

[عزام الكويت]

لاحول ولا قوة الا بالله

[سلطان العوني]

عافاك الله يالفيتو
وان شاء الله تلقا اطيب منها
والله لو عندي شي يستحق العطا لعطيك
لكن العين بصيره واليد قصيره
والكلاب وانتم بكرامه سراقين الكلاب ما يستحون على وجيههم يرد نفسه لكلب اعزكم الله
الحقيقه تنظر الى هذي الفئه تجدهم اشناب وتقول هذولا اللي ما وراهم رجال تنخدع في مظهرهم
واخر شي ما عندك احد
والله يهدينا الى سواء السبيل
تقبل مروري ولك اصدق احترامي

[شويش]

ما فية الا تشبيها من سلوقي طيب

[ابو صاالح]

لا حول ولا قوة إلا بالله ،،، انت تقول الله يهديهم ونا اقول الله يكسر يدينهم ورجلينهم زي ما اقدمو على هالفعله الشينه (( وهي السرقه )) وعلى ما فعلوه بالمزيونه الضعيفه (( السلقه )) صدق منظر محزن وخصوصا لمن يعرف السلقه ،، اما اخوياك اللي قالو نبيها تهوش الظبي ،، اتركهم عن ولا تعطيهم السلقه ،، واما من ناحية ما جرى للسلقه ،، أبشرررر بالعوض ونا ابو صالح .

[الهوى]

الله يعوضك افضل منها

[راع الابل]

الله يهديهم ولكن يمكنكم قراءة الجريدة اليوم فيه موضوع يهون عليكم المصيبة ( الموضوع تهريب القاصرات الى لبنان وسوريا ) وهذا كله الطمع والجشع وحب المال والدنيا ولا ننسى الفقر فانه السبب الرئيسي لهذا الامور وعدم اخراج الزكاة والصدقة من اهلها يجلهم يجونا والله يستر ::::::::::::

تحياتي

[القحطاني505]

سلقان طييبه والله يهنيكم بصيدها ودايم متميز اخوي الفيتو ويعطيك الف عافيه

[سعدون جابر]

يا رجال وربي ماهم بشر اللي مسوين هالسواة بحيوان .


عسى الله يبلاهم بمثل ما فعلوا بها وأشد .



لا حياء ولا مخافة من الله .



حسبي الله ونعم الوكيل .

[ولد عنيزة]

الفيتو( ترى خنقتن العبره لوكملت شوي نزلت دمعتي)

والله حرااااااااام اخوي الفيتو بس وش السوات
هذا مقدر ومكتوب وهاللي تسببوا بقطع رجله لابد يجي وقتي وتعرفه
ماقول إلا صبر جميل اخوك ولد عنيزة

[حرف العين]

السلام عليكم ورحمة الله وبركاتة

اخوي العزيز الفيتو

ابشر يالغالي بلي ودك ومايردك الا السانك كان تبي تشبية ولا جراء ولا سلق تطربك ( تامر آمر )

وبلنسبة للي حاولو يسرقونها لا هم استفادو منها ولا خلوك تستفيد منها وماقول الا (حسبي الله ونعم الوكيل)

[الروضة الشمالية]

هذي عين وانا اخوك . لكن ابشر بالعوض

[؟ابو سعود؟]

ددد


اخوكككككككككككككككككككك** ابـــــــو سعــــــــــود**

[القـــناص]

... الفيتو ...

والله هذا الموضوع محزن ,,,

واللي يعمل هذي الاشياء اكيد انه شخص ,,,

ناقص عقل ماعنده رحمه طيب ايش استفاد ,,,

عذب السلقه وبعدين !!! لو سرقها احسن من انه يقطع رجلها ,,,

ولاكن مااقول الا الله يهدي الجميع ...

وحسبي الله ونعم الوكيل ...
|
|
|
القـــناص

[(القناص)]

الله حسييييبهم
والله يعينك يالفيتو وانا اشد انك قنيت سلق بما تعنيه الكلمه

والله يعوض عليك باحسن منها
ولك كل الشكر والاحترام

[قناص الساحل]

لا حول ولا قوة الا بالله
حسبي الله عليهم
هذول مافي بقلوبهم رحمة ولا شي
وصلت حتى لسرقة الكلاب
لا ويعذبونها
الله يدمرهم
و الله يعوض ويعطيك من صيدها لكن فيها الامل
ان شالله
و
تسلم يالغالي
الفيتو

[أبو رداد]

وعليكم السلام ورحمة الله وبركاته

قصه مؤثره يابو صالح

رسله فطنتني بالذيب

وابشرعوضها طير

لان ماعندي سلق هههههه

وان كان صار عند رسله رسلات

اتخير لي واحدن منهم

لان اعرفك ماتمدح الا الي يستحق المدح

[منتعش]

الله يعوضك

[صياد الوعل]

تحيه طيبه

معوض خير يا ابو صالح ,,, لكن كيف محاولة السرقه ادت الى قطع الرجل !!! لا يكون كلوها الحراميه !!

ابشر بالذيخ الا انت خابره ,,,,خلنا نشبيها ,,, و اعوضك الله ,,,

[طلو]

حسبي الله ونعم الوكيل ما قول الا الله يهديهم ومعوض خير يا الفيتو

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
*
الأخ العزيز / صياد الأرانب
صدقت لو يفهم ماسوى ماسوى لكن الجاهل
عدو نفسه حياك الله وياهلا
*
الأخ العزيز / عزام الكويت
مشكور سرني ردك
*
الأخ العزيز / سلطان العوني
يامرحبا بمرورك .ومشكور عشت
*
الأخ العزيز / شويش
سلمت اخر الحلول الكي
*
الأخ العزيز / ابوصاالح
تعوض وتسلم . والظاهر ببطل اعطيهم
*
الأخ العزيز / الهوى
تسلم وتعيش
*
الأخ العزيز / راعي الابل
من شاف مصيبة غيره هانت مصيبته
الله يكفينا الشر
سلمت ودمت
*
الأخ العزيز / القحطاني505
سلمت وعشت
*
الأخ العزيز / سعدون جابر
حياك الله مرورك خفف شوي من الضيقه
*
الأخ العزيز / ولد عنيزه
تسلم وتعيش جعلك ماتشوف مايزعلك
*
الأخ العزيز / حرف العين
يسلم راسك .ماتقصر سرني ردك
*
الأخ العزيز / الروضه الشماليه
الله يكفينا وياك شر العيون
سلمت ودمت
*
الأخ العزيز / ؟ابوسعود؟
مشكور على الحضور
*
الأخ العزيز / القناص
الله لايقرب منك حزن وجعلك في سرور
ودرب نور
*
الأخ العزيز / (القناص)
تسلم عندنا وعندك الخير سلمت ياغالي
*
الأخ العزيز / قناص الساحل
ياهلا ومرحبا مشكور على الطله
*
الأخ العزيز / ابو رداد
انا ونت فالهوى سوى . وابشر بس ندورالحصان الطيب
واختارلك صقلاويه (مخطيه وحده)
*
الأخ العزيز / منتعش
تسلم وتعيش
*
الأخ العزيز / صياد الوعول
حياك الله
تراها شاعت هاليومين وين الحصان ههههههه
. الحراميه شافوها حول المربط حالوا بينها وبين المربط
وجفلت منهم حولوا ماقدروا مشو في جرتها بسرعه قطعوها
الشارع صار اللي صار .
*
الأخ العزيز / طلو
سلمت يامشرفنا العزيز والله لايكدر لك خاطر

والسلام
الفيتو
الحجاز
8/3/1428هـ

[الوهـ قحطان ـاج]

اخوي الفيتو

والله اخوي شي يقهر وربي

بس مانقول الا حسبي الله ونعم الوكيل عليهم

وتحايتي لك يالغالي

[sasasasas]

الله يعوظك
واننا
اخوك والله يعينك

[رويال]

اخوي الفيتو الله يعوضك أطيب منها وبنسبه للحراميه الله يهديهم

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياجماعه
*
الأخ العزيز /الوهـ قحطان ـاج
سلمت ومانقول الا ماتقول عشت ياغالي
*
الأخ العزيز /sasasasas
سلمت وعشت شاكر لك مرورك
*
الأخ العزيز /رويال
صدقت الله يهديهم
نورت بمرورك

والسلام
الفيتو
الحجاز
21/3/1428هـ

[ابو ســــاره]

اخي الكريم الفيتو ،،،،
لا شك ان لكل شخص في هذه الحياة شئ جميل يحبه ويقدرة ويغليه من ماله او حلاله سوء كان هذا الشئ طيراً او سلاحاً او سلق ولعل ما اصابك امتحان من الله عز وجل اسئل الله العلي القدير ان يرزقك خير منه واطيبب منه ولعل في االامير دفعة بلاء وخير لك .
و تقبل تحيتى وتقديري ،،،

[الفيتو]

بسم الله الرحمن الرحيم
السلام عليكم ورحمة الله وبركاته
مساء الخير ياخوي /ابو ساره
حياك الله ومشكور على الكلام الجميل ادخل السرورالى قلبي
جزاك الله خير على الدعوات الزينه
سلمت وعشت ياغالي
والسلام
الفيتو
الحجاز
25/3/1428هـ