ممكن يا أبو حسن أبي خدمة بسيطة

[siso]

انا من القطيف
أبيك تدلنا على مناطق حداق بالطراد
وياريت تكون في مناطق يتواجد فيها الهامور
يعطيك العافية انشاء الله

والله يرحم والديك
أخوك السيد

[صادوه]

اخوي السيد اولا بارك الله فيك انا ما رديت على الموضوع الا عشان يبقى الموضوع بأول الصفحه احتمال اخونا العزيز ابو حسن ما يشوف الاعلان او الموضوع واتوقع لو ترسل له رساله خاصه يكون افضل وتسلم يالغالي ولو اعرف شئ عن القطيف واماكن الحداق فيها كان اعلمك لاكن ما باليد حيله واعذرني على المداخله.

[راع الابل]

صادووووووووووووووووووووووووه صادوه في اول الشريط صدناه

[خدوني معاكم]

الاخ السيد
السلام عليكم ورحمة الله وبركاته
اعتد على عدم الرد عليك لاني لم انتبه لرسالتك والاخر انا كنت مشغول الكم يوم السابقة
عزيزي , اول شي حاب اقول لك انا صار ل زمان ما رحت حداق اكثر صيدي بواسطة المسدس . بس فيه عدة اماكن ممكن اتروحها نجوى ( النيوى) قرب ميناء الدمام شرق السفينة الشرقية يوجد منطقة صخرية شرق السفينة اعرف شباب يلفحوا هناك بواسطة سمكة صناعية ويصيدوا ماشاء الله انا بعض الاحيان انزل الماء بواسطة السنوركل (نظارة مع هوز صغير) واصيد هوامير كبار . لازم اتخلي بالك المنطقة ضحلة انتبه لما تروح للمكينة تبع القارب.
وعندك عند راس تنورة منطقة العميرة (جنوب شرق راس تنوره) بس لاتقرب واجد من راس تنوره لان المنطقة ممنوعة وارم اخيوطك سماري فيه شعري وهامور ( الوالد الله يدكره بالخير ما ايسميها الا العميره العامرة من كثر الصيد فيها)
فيه بعد تقدر تصيد سماري فوق دام خورى (مابن العميرة وخورى)
على كل واجد اماكن فيها صيد
على فكرة لازم اتجهز لك علامة واتخليها جاهزة عند ما يضرب الهامور ترميها في البحر على شان اتسمر مرة ثانيه عليها
مع تحياتي لك والى شباب المنتدى
اخوك ابوحسن