الأخبار والتوقعات ليوم الإثنين 7/3/1428هـ

[أبو عزوز]

مشاء الله تمير مدهره

[نقا خريم]

اخوي نقا خريم
ضاحية جابر العلي شمال الاحمدي
وجنوب منطقة القرين
وكم تبعد عن صباح السالم ..؟

[تميرااوي]

غيووووووووم ثقيله جدا والسحاااااااااااااب شمال يروووووووووووووع ازرق لونه

[فارس طي]

حائل رش خفيف الساعة العاشرة والحادية عشر صباحا والأجواء ملبدة بالغيوم الآن الله يغيثنا

[Maxima]

تبعد حدود 8 الى 10 كيلو فقط

[تميرااوي]

الرعد لايكاد يفصل شمال تمير من سحااااااااب هائل

[كن مع الله]

السلام عليكم ورحمة الله وبركاته

اسعد الله مسائكم بالخيرات والبركات وإقالة العثرات من خالق الأرض والسماوات

الحمد لله الذي بشكرة وحمدة تتم الصالحات
اود ممن يكتب اي بشارة اوتحليل ان يعلق ذالك بمشيتة الله جل في علاه
رزقتا الله واياكم الاخلاص في القول والعمل

[@أبو زيد@]

صحو الرياض ,,,, ياسعد من يسمع صوت الرعد ...

حسبنا الله ونعم الوكيل على من ضيق الصدور ....

دعواتكم لنا بالغيث ...

[نقا خريم]

شاهدنا اخواني الكرام نشوئات شمال شرق المملكه
جهة رفحاء والى الغرب قيصومة فيحان
وهذا باذن الله ناتج عن الحراره المساعده في الطبقات العليا
اضف الى ذلك اندفاع الرياح اليها بسبب مركز ضغطها المنخفض
http://images.intellicast.com/WeatherImg/CurrentWind/midea.jpg

http://images.intellicast.com/WeatherImg/SurfaceAnalysis/midea.jpg

[الغانم1]

السلام عليكم ورحمة الله وبركاته
خيبر الرعد مايفصل من سحابه غرب خيبر طرف ا
سحابه على خيبر يرش المطر رش خفيف

[راشد بن محمد]

السلام عليكم


للمعلومية يا أهل مكشات,,,

فإنه في نفس التاريخ لهذا اليوم من العام الماضي أي في تاريخ 7/3/1427 هــ هطلت أمطار غزيرة في بعض المناطق ومتوسطة على أكثر المناطق من الوسطى والشمالية الشرقية من الجزيرة العربية وقد صاحبها بروق ورعود قوية وشديدة وكثيرة

فلا زلت أذكر ذلك اليوم وعندي بعض الصور التي تخص ذلك اليوم ولكنها رديئة ( جوال ) ويوم غدٍ 8/3 هو الأقوى والأغزر لكن السحب قد ومناطق التكوين قد انحدرت جنوباً باتجاه جنوب الرياض إلى الوادي


ولعل في هذه السنة يكون نصيبنا أفضل من العام الفائت

اللهم لا تحرمنا

اللهم ارزقنا من بركات السماء ماءً طهوراً

اللهم اجعله عاماً نافعاً



آآآآآمين

[جدة غير]

أنا ما أشوف رياح شمالية

يلي أشوفه الآن رياح خفيفة جدا وهي تقريبا إذا ماكنت غلطان جنوبية غربية

[ذيب ولد ذيب]

سحاااااااااااااب هائل شمال تمير الان

لوووووووووونه يميل إلى الازرق


هذاااااااااا بردية الله والعالم اخضر يميل الى ازراق

[أبــوريـــان]

الاخ ابو ريان ..
لاتنسى حفظ تاريخ هذا اليوم .. وحفظ الصور ايضا ..
يوم غير طبيعي وخيره كثير باذن الله ...

الله كريم يانقا خريم

بنتظار الخير بأذن الله

[ديم نجد]

اهل بريده ماسمعتوا الرعد

[ابـوعمر]

الرادار يرصد مطر على ضلعان الشعب والقرشع والاصوف وممتد الى المجمعه
http://www.rap.ucar.edu/projects/saudi/radardata/
الساعه 02:06

[وبل]

ابشرو ياهل ديرتي اللي عنده اكياس أسمنت يروح يغطيه قبل العصر:D :D :D


بدأت السحب الركامية بتغطية الشمس


متفائل من الان الى المساء ستكون هناك امطار غزيرة جدا على القصيم

[نقا خريم]

اهل بريده ماسمعتوا الرعد
مستانس بصوت الرعد يالحقيل ..:D
الوكاد تشوّف للمزون بعد العصر ان شاء الله..
ترا النشوء سريع الحركه كما تلاحظون ..

[نايف الحربي]

لا اله الا الله

ياخوان مقبل علينا سحاب عجيب

اسود ورعوده ماتفصل ولا هي قويه لها حنين وسطه وهذي والله مواري سحاب البرد

الله يرحمنا برحمته

[نقا خريم]

لا اله الا الله

ياخوان مقبل علينا سحاب عجيب

اسود ورعوده ماتفصل ولا هي قويه لها حنين وسطه وهذي والله مواري سحاب البرد

الله يرحمنا برحمته
احسن خبر سمعته اليوم
يامال العافيه ياراعي صبيح

[ابـوعمر]

الان مطر على اعالي وادي ابا المياه بمنطقة سدير
الساعه 02:10

[مزن الوسم]

ياأهل تمير من يجيب لنا الأخبار . عن الشحمه جاهم مطر .

[جال القلايل]

لا اله الا الله

ياخوان مقبل علينا سحاب عجيب

اسود ورعوده ماتفصل ولا هي قويه لها حنين وسطه وهذي والله مواري سحاب البرد

الله يرحمنا برحمته

سبحان من سبّح الرعد بحمده ،،

[كن مع الله]

الحمد لله رب العالمين نحن كل مانكتب توقع كتبنا بعده ( و الله اعلم )
نعم صدقة وهاذا مايجعلنا نتفائل بماتكتب بعد الباري جل في علاه
سددك الله بماتكتب

[غيث السحايب]

في المجمعه جتنا قبل ربع ساعه سحابه تهول رعدها صواعق وبرقها مايفصل

امطرت مطر متوسط وحدرت شرق والظاهر وطت الشعبان اللي شرق المجمعه حسب الرادار

[تميرااوي]

والله العالم ان السحاب اللي شمال تمير انه فيه مطر وبرد قووووووووووي

اسمع رعدها من مسافه بعيدة

[جار قطن]

الاخ نايف الحربي نعم السحاب قبل قليل كان جنوب قرية النومانيه معه برد بحجم الفنجال الاكن ماهو كثير وسالت الاوديه الصغيره

[الغانم1]

امطار على خيبرالساعه 2:13 ظهراً
مع صواعق ورياح قويه جداً

[بـــ نجد ـــرق]

يااخوان الله لايهينكم


اللي عنده صورة الاقمار الصناعية اللي فيها اسماء المدن ينزلها .

[الرائد2006]

يا شباب كيف التوقعات على المدينة

ادعوا ان الله يرزقنا بالمطر

الجو مثل امس سحب متقطعه

اللهم اغثنا

امين


الله يرزقكم بالمطر يالرائد2006

:d

[مسافر1]

أمطار قوية ولله الحمد على الزلفي الآن ..

http://www.mekshat.com/pix/upload/images30/mk19047_x.jpg


http://www.mekshat.com/pix/upload/images30/mk19047_xx.jpg

[نقا خريم]

بشرك الله بالخير والجنه ابو فهد ( مسافر )

[طالب الحور]

الرجاء من الاخوان حفظهم الله




الدقة في نقل الآخبار



وعدم المبالغة والتهويل


سمعنا بعض الأخبار القوية أمس



لكن بعضها مبالغة جدا

[جدة غير]

مشاء الله تبارك الله أخوي مسافر

بارك الله فيك

صور جميلة جدا وأجواء أجميل مشاء الله تبارك الله

حفظكم البارئ

[بن المرزوق]

مشكور على الصور الرائعة يا( مسافر1)

[ذيب ولد ذيب]

مشاء الله على هذا الخير يعطيك العافيه اخوي مسافر

[طالب الحور]

على البركة الأمطار عليكم يا أبو فهد

[جدة غير]

ياالاخوان في القصيم
هل انا الوحيد الذي يعاني من مشكله في رادار القصيم..؟
أقول يا أبو محمد

اطلع السطوح

سترى ما يسرك إن شاء الله

[صوت المطر]

نشوء طيب غرب بريدة في الساعة الثانية وعشر دقائق ظهر يوم الاثنين 7 / 3


http://www.alsowr.com/s_thumbnailer-3-2007/5p9ee8sn.JPG (http://www.alsowr.com/get-3-2007-5p9ee8sn.JPG)


وسوف نوافيكم بالجديد بإذن الله تعالى ..

[نقا خريم]

أبشروا .. أبشروا ..
التكوّنات تتضخّم غرب القصيم
اللهم سقيا رحمه .. اللهم سقيا رحمه .. لاسقيا عذاب ولا غرق ولاهدم ..
تفائلوا ياخوان ..
وولموا العده ياشباب ..

[زانت علومك]

اخر صورة الساعة الثانية بعد الظهر

http://www.mekshat.com/pix/upload/images30/mk19032_4747.jpg

[مطارد البروق]

السلام عليكم ورحمة الله وبركاتة

مساكم الله بالخير جميعا ياخواني الاعضاء والضيوف وبارك الله فيكم اينماكنتم جميعا

*****
خبر عاجل ومشاء الله تبارك الله بدئت الشعبان الكبيرة وبالاصح الاودية اللي علية العلم الفحول تتاورى

وتفيد والله الحمد والشكر بجريان وادي طينان الكبير في ضحى هذا اليوم غرب البجادية بحوالى12 كيلو

تقريبا 0 خبر موثوق 100 % 0

وكذلك وادي الرشاء الكبير يقولون انة سائل اللي واقع بين القاعية والودي ولست متأكد من صحة

الخبر 0 وعندي احساس انة بيسيل هذا الوادي لانة السحب الرعدية الغزيرة تتاورى علية من ليلة البارحة

تقريبا سبع سحابات رعدية غزيرة الى فجر هذا اليوم 0 وسوف اتقصى الخبر واخبركم عن صحة هاذا

النبأ0 وسلامتكم 0

وتقبلوا ازكى واخلص تحية من اخوكم ابونواف

[مسافر1]

أبشروا .. أبشروا ..
التكوّنات تتضخّم غرب القصيم
اللهم سقيا رحمه .. اللهم سقيا رحمه .. لاسقيا عذاب ولا غرق ولاهدم ..
تفائلوا ياخوان ..
وولموا العده ياشباب ..

الله يبشرك بالخير ..
يا الله يا كريم ..

[تميم]

سحابة ضخمة مقبله على الرس وهي الان على الضلع واحتمال والله اعلم ان معه برد

[nassir]

ياالاخوان في القصيم
هل انا الوحيد الذي يعاني من مشكله في رادار القصيم..؟

وين الرابط

[أبــوريـــان]

السحاب مضلم الان غرب بريدة

والجنوب فية مزون ترد الروح ...

[نقا خريم]

وين الرابط

http://www.ral.ucar.edu/projects/saudi/radardata/

[@أبو زيد@]

السلام عليكم ورحمة الله وبركاتة

مساكم الله بالخير جميعا ياخواني الاعضاء والضيوف وبارك الله فيكم اينماكنتم جميعا

*****
خبر عاجل ومشاء الله تبارك الله بدئت الشعبان الكبيرة وبالاصح الاودية اللي علية العلم الفحول تتاورى

وتفيد والله الحمد والشكر بجريان وادي طينان الكبير في ضحى هذا اليوم غرب البجادية بحوالى12 كيلو

تقريبا 0 خبر موثوق 100 % 0

وكذلك وادي الرشاء الكبير يقولون انة سائل اللي واقع بين القاعية والودي ولست متأكد من صحة

الخبر 0 وعندي احساس انة بيسيل هذا الوادي لانة السحب الرعدية الغزيرة تتاورى علية من ليلة البارحة

تقريبا سبع سحابات رعدية غزيرة الى فجر هذا اليوم 0 وسوف اتقصى الخبر واخبركم عن صحة هاذا

النبأ0 وسلامتكم 0

وتقبلوا ازكى واخلص تحية من اخوكم ابونواف


وش أخبار القبلة ؟؟؟ يابونواف ...

تكفى عطنا العلوم ...

[خوي السرور]

الأخ زانت علومك وين بريدة ليش ما حطيته بالخريطة:confused:

[نقا خريم]

السحاب اشكال وانواع سبحان من خلقه
وسحب الماماتوس تتشكل الان جهة الجنوب الغربي
ياخوان صوروهن ونزلوهن للاعضاء ..وبالأخص الجوزا ..

[غيث السحايب]

الرعد حاليا يسمع بالمجمعه


والسحااااااااااااب مظلم قبله

[عبدالله بن سعد]

اقمار البروق ترصد الان برق على مرتفعات عسير نواحي ابها

[@أبو زيد@]

استعدوا للبرد ... غطوا مواتركم ودخلوا اغراضكم ,,,,,

ياهل بريدة .... الله العالم أن البرد هو حليفكم .... بعد دقائق من الآن ... ;)

ماودي اخوفكم مع ان البعض يحب البرد ,,,, لكن هذا مايتضح خلال الاقمار ,,, طبعا بعد مشيئة الله تعالى

او يمكن مطر غزير جدا .... ان شاء الله تعالى

[نقا خريم]

ياخوان من يلحق على غيوم الماماتوس ويصوّرهن
اشكال جميله جدا .. واجعلوها حصريه لمنتديات مكشات ..
اخوي سمحان .. لنا موعد ان شاء الله مع الخير والجميع ان شاء الله ..

[نقا خريم]

صحيح اخو يناصر

[زانت علومك]

صورة الساعة 2



http://www.mekshat.com/pix/upload/images30/mk19032_4747.jpg

وصورة الساعة 2:15

http://www.mekshat.com/pix/upload/images30/mk19032_8888.jpg

[مطارد البروق]

وش أخبار القبلة ؟؟؟ يابونواف ...

تكفى عطنا العلوم ...

هلا والله وغلا بالغالي اخوي السمحان

القبلة لاتنشد عنة الهحين السحاب مسدي بسحب ركامية مظلمة والرادو البروق ماتفصل ابد في الثانية

او اقل بعد 0 بس تو السحابة بعيدة نوعا ماء نواحي اقويعان وعلى مشارف البجادية 0 والله يكفينا

شرها 0 وتقبل خالص تحيتي اخوك ابونواف

[تميم]

نشوفكم ان شاء الله بعد المغرب
بصراحه ماهو جو انترنت هذا جو سيول وخيرات وابشروا بالصور ان شاء الله

( اللهم انا خلق من خلقك فلاتمنع عنا بذنوبنا فضلك )

[تميم]

برد كبير ضرب الان الساعه 3 الا عشر على جسر النبهانية

[المطارد]

وش الرابط حق الاقمار الصناعية هذا يازانت علومكوماقصرت

[نقا خريم]

من خاصّيات غيوم الماماتوس
هي بداية عاصفه رعديه..والعلم عند الله وحده ..

[نقا خريم]

ابو ريان
صوت المطر
عجّلوا بالصور للأخوان .. شكل محدن مصدقني ..

[ربيع الشرقيه]

سحب كثيفه منخفضه قادمه كن جهه الغرب وتزداد كثافه كلما اتجهنا اشمالا وقبل نص ساعه جانا رش خفيف

[صوت المطر]

من خاصّيات غيوم الماماتوس

هي بداية عاصفه رعديه..والعلم عند الله وحده ..


نعم هذه بداية لعاصفة رعدية بإذن الله تعالى ..


شاهد الصورة ... لتكبيرها اضغط على الصورة

http://www.alsowr.com/s_thumbnailer-3-2007/0rzxaojp.JPG (http://www.alsowr.com/get-3-2007-0rzxaojp.JPG)


نتظر ونوافيكم بالجيد

[نقا خريم]

يامال العافيه ياصوت المطر

[أبورهف]

سماء المدينة العسكرية بحفر

ياأهل الحفر تولموا جاكم سحابة طيييبة بالحيل

شاهدوا طرف السحابة
http://www.m5zn.com/uploads/e9d7f8833a.jpg (http://www.m5zn.com)

[اماراتي]

الان بدأ حدوث تعمق جديد و قوي من المنخفض المتواجد على شمال الجزيرة العربية و هذا التعمق الكبير في المنخفض راح يكون قوي جهة الكويت و شمال شرق السعودية و جنوب العراق و ايران من الجهة المقابلة من الخليج العربي و راح تبدأ ان شاء الله الامطار بالانهار بشدة على هذة المناطق يعني من بعد المغرب و فترة العشاء و حتى مساء اليووم المتأخر و الامطار المتوقعة رعدية من متوسطة الى غزيرة و احتمال تساقط البرد وارد و اشتداد في سرعة الرياح .. و الله اعلم

[أبووليد..]

ماقصرتوا ياشباب عز الله أنكم قروم ..

واستعدوا يا اهل بريدة جاكم الخير ..

[اماراتي]

و هذا التعمق راح يشمل اجزاء من القصيم و الامطار المتوقعة رعدية و غزيرة ان شاء الله ... و الله اعلم

[ZERO]

أخوي
اماراتي
وش التوقعات على مدينة الرياض
الله لايهينك

[أبــوريـــان]

بريدة الان ..........

صور....

http://www.mekshat.com/pix/upload/images30/mk11673_dsc07508.jpg

http://www.mekshat.com/pix/upload/images30/mk11673_dsc07518.jpg

http://www.mekshat.com/pix/upload/images30/mk11673_dsc07505.jpg

[أبــوريـــان]

الان الرعد يسمع في بريدة

[نقا خريم]

يامرحبا ببو ريان
صوره رائعه
ابحطّه خلفيه ..

[0ناصر0]

شكلها بردية الله يكفيكم الشر

[اماراتي]

أخوي
اماراتي
وش التوقعات على مدينة الرياض
الله لايهينك

اخوي احتمال من مساء اليوم و غدا تكون عليكم بعض الامطار و رعدية احيانا و لاكن بشكل اقل عن شمال شرق المملكة و القصيم .. و الله اعلم

[ذيب ولد ذيب]

بريدة الان ..........

صور....

http://www.mekshat.com/pix/upload/images30/mk11673_dsc07508.jpg

http://www.mekshat.com/pix/upload/images30/mk11673_dsc07518.jpg

http://www.mekshat.com/pix/upload/images30/mk11673_dsc07505.jpg

يعطيك العافيه يابو ريان واضح انها السحااااااااااااابة مليانه وخطيره في شكلها الله يستر عليكم من البرد

[اماراتي]

اخوي ابوريان هذي السحب تحمل معها الخير الكثير بأذن الله ..

[ZERO]

اخوي احتمال من مساء اليوم و غدا تكون عليكم بعض الامطار و رعدية احيانا و لاكن بشكل اقل عن شمال شرق المملكة و القصيم .. و الله اعلم
يامال العافية
والله كريم

[نقا خريم]

الحمد لله
مازلنا بانتظار الخير من رب الارض والسماوات
الشماسيه والربيعيه جهة شرق وجنوب شرق من بريده
وش الاخبار..
نشوف المزون من جهتكم..
هناك ايضا سحابه مظلمه اتوقع اشوف منها برق بعد قليل ان شاء الله تعالى جهة الغرب من بريده ..

[ذيب القصيم]

صوت الرعد يدوي في سماء الرس الان

[كن مع الله]

ماقصرتوا ياشباب عز الله أنكم قروم ..

واستعدوا يا اهل بريدة جاكم الخير ..
ان شاء الله تعالى

[nassir]

أخي أبن المرزوق

الله يرحم والديك ممكن رابط هذا الموقع

الرابط الي عندي عطلان

أنا في الإنتظار


أخوك
أبو عبدالله


http://www.pme.gov.sa/aSatII.asp

[بن المرزوق]

تفضل هاذا الرابط

http://62.149.72.50/weather/satellite/meteosat/gif/ir/kingdom/pmesat.gif

[عاشق البروق]

السلام عليكم

المدينة المنورة
نشو من قبل الظهر

وهذى صورة حوالي الساعة 2
http://www.mekshat.com/pix/upload/images30/mk33448_gfgf.jpg

[S A M I]

الله يبشركم بالجنة

اخباااااااااركم تفرح وتشرح الصدر

وان شاءالله اليوم يوم الخيرات على مناطق المملكة

[جزل العطايا]

الآن ولله الحمد والمنه

بروق ورعود وأمطار متوسطة على محافظة الرس

((( مطرنا بفضل الله ورحمته )))

[الجو هتان]

http://www.pme.gov.sa/aSatII.asp


بيض الله وجهك يا ناصر

ماقصرت ولا يهون أخونا أبن المرزوق

أخووك

[أبــوريـــان]

صورة طبيعية الساعة 3 ظهراً .....

http://www.m5zn.com/uploads/02771ca12e.jpg

[حقوق المطر]

جنوب الشماسية الحمد لله من خط الرياض القصيم السريع وجنوباً عنه (( المستوي )) مطر وبرد
والخير مقبل باذن الله

[ذيب القصيم]

الان مطر على الرس وحبات المطر كبيره جدا والرعد يدوي في جنوب الرس والامطار شكلها جنوب الرس اكثر

[abo_nasir]

ابو ريان الله لايهينك ليت تعطينا رابط الصوره الطبيعيه ؟؟

[ذيب القصيم]

الان بدا المطر ينهمر بشكل قووي جداً مع رعود قووية على الرس

[المطارد]

صورة طبيعية الساعة 3 ظهراً .....

http://www.m5zn.com/uploads/02771ca12e.jpg


ابو ريان الله لايهينك ليت تعطينا رابط الصوره الطبيعيه ؟؟

[جزل العطايا]

الأخوان في الرياض يا ليت لو يوافونا بأخبار الأجواء عندهم

[ريم البراري]

امطار على الرس الحمد لله
دوي صوت الرعد لاينقطع الحمد لله وهو قوي جد
برق

[نايف الحربي]

سبحان الله

السحاب اللي ذكرت قبل شوي مقبل علينا راح شمال ما جانا الا طرفه

والخير مقبل ان شاء الله


ولقطت لي كم صوره

[ديم الليل]

الان رش خفيف على الدمام ان شاء الله بدايه الخير
وجهه الغرب والشمال الغربي مسوده من الغيوم

[المطارد]

الحين الطل مع الدريشة عند السفارات الشمس ترن والسماء فيها سدا

[اماراتي]

في اخر تحديث للتنبؤات العددية نلاحظ زيادة تعمق المنخفض الجوي على ارتفاع 500 هيكتوباسكال بتجاة شمال شرق الجزيرة العربية و كذالك نلاحظ من خرائط ال sea level pressure او الضغط الجوي على سطح البحر تواجد تعمق كبير في هذا المستوى من الغلاف الجوي على الكويت و جنوب العراق و شمال شرق السعودية جهة حفر الباطن و القيصومة و كذالك منطقة الخفجي و الامطار مثل ما قلنا بتبدأ بشكل عنيف من بعد المغرب و العشاء و حتى المساء على هذة المناطق و نرجو اخذ الحيطة و الحذر من الامطار الغزيرة المتوقعة .. و الله اعلم

[مراسل بريده]

غيوم الماماتوس ظهرت اليوم في بريده


الصوره
http://www.khellan.com/up/uploads/d2622c3d5d.jpg (http://www.khellan.com/up/)





لقراءة المزيد عن هذه الغيوم تفضل بزيارة موضوع الاخ الجوزاء على هذا الرابط

http://www.mekshat.com/vb/showthread.php?t=74702

[نقا خريم]

الرعد سمعته في بريده لمرتين..
وكان خفيف ..

[نقا خريم]

كفو عليك يامراسل بريده
وجزاك الله خير

[المطارد]

مسكور ابو ريان لكن وش نختار

[نقا خريم]

رعد الآن ببريده
عصر يوم الاثنين 7-3-1428
ياسلاام رعد وآذان

[مراسل بريده]

البرق يضي بريده والرعد يطرب الآذان والمطر بدأ بالهطول


الحمد لله على فضله

[nassir]

بدا المطر الان انا بالقرب من مطار القصيم


ملاحظه .... فيه طائره صغيره تحلق حول المطار

[المطارد]

مشكوراخوي ابو ريان لكن وش نختار منها

[جبل مشرف]

السلام عليكم من الحرجة احييكم يوم ممطر نصوبه تسر العين شرق الحرجه والرعد المتواصل يسمع هناك بشكل متواصل
صور السحاب
http://www.mekshat.com/pix/upload/images30/mk14332_bvb1.jpg

http://www.mekshat.com/pix/upload/images30/mk14332_bvb2.jpg

[مرات عشقي]

الرياض صحو تماما ولاوجود لنشووء...

الذنوب وماتسوي يااهل الرياض.......

[فارس طي]

حائل قبل قليل مطر مع برد صب المرزاب (مدينة حائل )

اللهم لك الحمد يارب اللهم زد وبارك

[نقا خريم]

بدا المطر الان انا بالقرب من مطار القصيم


ملاحظه .... فيه طائره صغيره تحلق حول المطار
الله لايحييّها ..
الرعد يسمع الى الان والبرق كذلك . مع بداية سقوط المطر .... وعن اذنكم الجو جو تمشّي خصوصا جهات الشرق ..
نشوفكم على خير ان شاء الله ..

[مسافر1]

السماء ولله الحمد ملبدة بالغيوم
ونسمع الرعد الآن .. الزلفي .

[جبل مشرف]

وهذه ايضاً
http://www.mekshat.com/pix/upload/images30/mk14332_bvb3.jpg

[محمد خان]

الرياض صحو تماما ولاوجود لنشووء...

الذنوب وماتسوي يااهل الرياض.......
يأخي كل هذا لحكمه من ربك
والخير آتيهم أن شاء الله
القصيم أمطار وخيرات هل يعني أن ماعندهم ذنوب !!؟
تصوير الأمور بهذا الشكل خاطيء.
صحيح أن الذنوب لها دور في أنقطاع القطر
ولكن كل هذا لحكمه من ربك
وأكبر دليل أنظر بلاد الكفر والأمطار عليهم
وضحت الصوره ؟

[زانت علومك]

وهذه ايضاً
http://www.mekshat.com/pix/upload/images30/mk14332_bvb3.jpg

ياسلام عليك بارك الله فيك

[M A J I D]

http://majid376.googlepages.com/20070326001.jpg



إستغفر الله وأتوب إليه .. يالله ترزقنا المطر

[ابو خطاب]

الرياض صحو وبداية سدا غربي والسوق طماط.. والله يرزقنا من واسع فضله غيثا طيبا نافعا غير ضار.

[الجو هتان]

ألاحظ بداية ظهور السدا علينا في الرياض الآن

[محمد خان]

يأهل طيبه الطيبه
الخير قادم وبحول الله
من خلال مراقبتي للأقمار
هناك سحب غرب المدينه بدأت في النشؤ (في طور البدايه أو النشؤ)
بأذن الحي القيوم تؤثر على المدينه في الساعات القليله القادمه.

[مستبشر]

[QUOTE=ابو خطاب]الرياض صحو وبداية سدا غربي والسوق طماط.. والله يرزقنا من واسع فضله غيثا طيبا نافعا غير ضار.[/QUOT

ربعنا الله يهديهم مايصبرون عن الطمام 00الله يجيب الفرج ويقلبونها خيار 000:D

[سلمون]

السلام عليكم ورحمة الله وبركاته

حفر الباطن السماء ملبدة بالغيوم

اليوم الساعة 11 رش خفيف

الظهر رش خفيف مع رعد والغيوم جهة الشمال ( الحدود )


الآن السماء ملبدة بالغيوم وهذه الصور قبل قليل

http://www.9o9i.com/uploads/a0c00be38e.jpg

http://www.9o9i.com/uploads/92b93473c1.jpg

[غيث السحايب]

المجمعه الجو غائم كلي وصوت الرعد يدوي

وبين فتره وفتره تصب صبه حلوه

[ديم نجد]

وين اهل الغاط والزلفي يعطونا اخبارهم السحاب شمال وشمال شرق المجمعه عظيممممممم

[خالد الجارح]

حائل ماشاء الله موقع ويذر اندر جراوند يقول عاصفة برد...الله يعطيكم خيرها ويكفيكم شرها...

[@أبو زيد@]

نشو خفيف وقطع كثيرة يشاهد الآن في الرياض ,,, وأكثره شمال ...

[ديم نجد]

وينك يابرق السناف اليوم والله لك فقده يبوعبدالله :rolleyes:

[مراسل/مكة]

لا مراقبه ولا تنبيه وانما تحذير الرئاسه العامه للارصاد تحذر
تهطل امطار غزيره مصحوبه برياح نشطه السرعه على منطقة الرياض (عفيف) وحاطين سهم بتجاه الشمال الشرقي يعني السحب متجه على هذا الاتجاء وتحذر بعدم الاقتراب من الاوديه

[مراسل/مكة]

الرئاسه العامه للارصاد تنبه

... تتواجد السحب المنخفضة والمتوسطة الارتفاع يتخللها بعض من السحب الركامية الرعدية الممطرة على المناطق ( القصيم - الشرقية - الرياض - شرق المدينة المنورة - شرق حائل ) مصحوبة أحيانا بنشاط في سرعة الرياح السطحية مما يحد من مدى الرؤية الافقية لذا يجب الاخذ بالحيطة والحذر مع عدم البقاء في بطون الاودية والشعاب ...

[غيث السحايب]

حسب التوقعات وخرائط الطقس

قوة السحب الرعديه والامطار راح يكون بعد المغرب والليله

الله يلطف بالمسلمين

[ديم نجد]

سبحان الله العظيم والله ياأخوان المجمعة البارح والى الآن سحب عظيمه وبروق وصواعق لكن للأسف الأمطااار قليله
مانقول الا الحمدلله على كل حال والله يرزقنا ان شاء الله في الساعات القادمة

[مسافر1]

الأجواء على الزلفي ..

المطر يعاود ولله الحمد

وصواعق الآن




صور للغيوم


http://www.mekshat.com/pix/upload/images30/mk19047_c.jpg







http://www.mekshat.com/pix/upload/images30/mk19047_cc.jpg

[فارس الشمال]

ماشاء الله يا اهل الرياض

الليلة ليلتكم بإذن الله

تجهزوا لمشاهدة البرق وسماع دوي الرعد بعد العشاء ان شاء الله

حالياً صور الاقمار الصناعية تبشر بالخير

هناك تكوينات ضخمة من السحب شرق جبال السراوات وهذه بحد ذاتها بشارة لأهل الرياض

ايضاً راقبول المنطقة الواقعة شرق الطائف بــ 200 كم

فرصة تكون السحب الرعدية بها كبيرة جداً

ومبروك على اهل القصيم وحائل امطار الخير والبركة

[مراسل/مكة]

شايفين البياض اللي على صور الاقمار الصناعيه هذي سحب قويه جدا وعنيفه الحذر الله يجعلها سقيه رحمه

http://www.arb-up.com/get-3-2007-557a3a5o.gif (http://www.arb-up.com)

[اماراتي]

اخوي سلمون صور السحب اللي حطيتها تبشر بالخير و بأذن الله الامطار الغزيرة قادمة اليكم بعد المغرب و حتى مساء اليوم المتأخر و راح تكون رعدية احيانا ان شاء الله .. و الله اعلم

[غيث السحايب]

سبحان الله العظيم والله ياأخوان المجمعة البارح والى الآن سحب عظيمه وبروق وصواعق لكن للأسف الأمطااار قليله
مانقول الا الحمدلله على كل حال والله يرزقنا ان شاء الله في الساعات القادمة

صادق يالحقيل

[غيث السحايب]

عودة سقوووووووط المطر على المجمعه بشكل متوسط

[مراسل/مكة]

مكه المكرمه عاااصفه رمليه هواءءءءءءء شديد

[مزن الوسم]

المطر ينهمر على محافظة بقعاء مرة أخرى وما زالت السماء ملبدة بالغيوم .

[سلمون]

اخوي سلمون صور السحب اللي حطيتها تبشر بالخير و بأذن الله الامطار الغزيرة قادمة اليكم بعد المغرب و حتى مساء اليوم المتأخر و راح تكون رعدية احيانا ان شاء الله .. و الله اعلم


هلا أخوي إماراتي


منذ ردي السابق الذي فيه الصور وحتى هذه اللحظة الرعد مستمر والبروق كذلك

الآن رش خفيف ووالوبل كبير

يا كريم

[نقا هشال]

السلام عليكم


هذ الصور


ظهر اليوم


بين الخاتله ورويغب


المطر متوسط الى خفيف


والسحاب رائع علما ني رائيت البرق في عز الظهر


والسحاب شمال كان اقوى بكثير


http://www.mekshat.com/pix/upload/images30/mk2085_nama1.jpg




http://www.mekshat.com/pix/upload/images30/mk2085_nama2.jpg






http://www.mekshat.com/pix/upload/images30/mk2085_nama3.jpg








http://www.mekshat.com/pix/upload/images30/mk2085_nama4.jpg






http://www.mekshat.com/pix/upload/images30/mk2085_nama5.jpg


الصور تم التقاطها بكمرة بالجوال

[مراسل/مكة]

مبرووك عليكم الامطار والخيرات ولازال بامر الله الخير قادم

ناس تستمتع بالمطر وناس بالغبار اللهم لا اعتراض مكه المكرمه الان غبار وهواءءءء شديد عاصفhttp://www.tornadocenter.net/vb/images/1/sad.gif


الله يزيدكم من فظله ويغيثنا وهو ارحم الراحمين

[سلمون]

مبرووك عليكم الامطار والخيرات ولازال بامر الله الخير قادم

ناس تستمتع بالمطر وناس بالغبار اللهم لا اعتراض مكه المكرمه الان غبار وهواءءءء شديد عاصفhttp://www.tornadocenter.net/vb/images/1/sad.gif


الله يزيدكم من فظله ويغيثنا وهو ارحم الراحمين



اللهم آمـــــين

[زانت علومك]

اخر صورة وكثافة السحب على تتركز على القصيم

http://www.mekshat.com/pix/upload/images30/mk19032_ccccc.jpg


http://www.mekshat.com/pix/upload/images30/mk19032_nnnnn.jpg

[فارس الشمال]

ما شاء الله مزون ضخمة


قلت لكم يا اهل الرياض تجهزوا للخير ان شاء الله

شرق الطائف تلتهب من السحب .. اعتقد انها على ظلم او المناطق اللي حولها

والعلم عند الله انها من نصيب الرياض

انتظروا صور الاقمار الصناعية

[Maxima]

مشاءالله بريدة عليها غيمة عجيبة الله يبارك لكم فيها

[الاوبيرق]

اخر صورة وكثافة السحب على تتركز على القصيم

http://www.mekshat.com/pix/upload/images30/mk19032_ccccc.jpg



http://www.mekshat.com/pix/upload/images30/mk19032_nnnnn.jpgماشاء الله الحمدالله رب العالمين
(وش التوقعات بأذن الله عزوجل على الرياض والحوطة والحريق)

[سلمون]

يا شباب جاني اتصال من أحد الإخوان ثقة يقول :


التلاع التي تصب من فليج على الباطن شمال حفر الباطن بــ 3 كيلو تمي


أستأذنكم لظرف طارئ ( خير إن شاء الله وراح آخذ الكاميرة علني ألتقط صورة لما ذكرت )

[هب ريح]

حالة الجو في مدينة الرياض الآن:
جو حار والرياح ساكنه والسما صافيه...
والله يرزقنا واللي عند الله مهوب بعيد...

[مراسل/مكة]

تصدقون ياشباب ماني قادر احدد اتجاه الرياح اللي اشوفه كيس نايلو رايح لشرق وعلبة مرنده للغرب وتراب للشمال وربي ما ادري وش الموظووع هواءء شديد


http://www.albrari.com/vb/images/albrari/misc/progress.gif

[غيث السحايب]

السحاب شمال المجمعه يهووووووووووووول

ياهل الزلفي

عطونا الاخبار

[المميـز]

المدينه المنوره

الساعه الخامسه عصرا

السماء صافيه تماما والهواء غربي وجنوب غرب

والهواء رطب

والله يجيب الخير

التوقعات من بعض المواقع الاجنبيه كانت تتوقع 70% مطر على المدينه ولكن كل شيء بيد الله

والحمد لله على كل حال

الله يرزقنا

[خوي السرور]

في بريدة رشوش متقطعة فبيل اذان العصر الى هذه اللحظة

وفي البدايه كانت مصحوبة بالبرق والرعد

[مستبشر]

ما شاء الله مزون ضخمة



قلت لكم يا اهل الرياض تجهزوا للخير ان شاء الله

شرق الطائف تلتهب من السحب .. اعتقد انها على ظلم او المناطق اللي حولها

والعلم عند الله انها من نصيب الرياض

انتظروا صور الاقمار الصناعية



الله يجزاك خير يافارس مكشات فارس الشمال على هذه المتابعة وعلى هذه البشارات

[نجم الوسم]

الأن عصر الأثنين يهطل أمطار غزيرة على الرويضة يصاحبها برد وهواء شديد نقلا عن أخينا صائد الفوائد :D

[نقا هشال]

هذي صورة وصلتني بالجوال للبرد اللي جا الرس اليوم

http://www.mekshat.com/pix/upload/images30/mk2085_20070326.jpg

[اماراتي]

انا استأذن الحين اخواني و اشوفكم بعد المغرب ان شاء الله . بس ارجع اقول مرة اخرى لمناطق الكويت و شمال شرق السعودية ( الحفر و القيصومة و الخفجي ) و جنوب العراق بأن الخير جاي لهم و بقوة ان شاء الله يعني حتى الان لم تهطل الامطار بالغزارة المتوقعة لاكن حسب من اللي اشوفة من الخرائط امامي فالخير جاي لكم و بقوة خلال الساعات القادمة و راح تبدأ الامطاربالتريج و من ثم تشمل بقية المناطق و حتى البرد متوقع على بعض المناطق مع اشتداد في قوة الرياح.. و الله اعلم

[من السليل]

ياالله ياكريم 00 تفرحنا بالمطر في السليل
والله اشتقنا لعلوم المطر من شرواكم

[يراع]

امطار غزيرة مصحوبة بزخات من البرد متوسط الحجم ورياح نشطة السرعة على منطقة القصيم (البدائع)

[@أبو زيد@]

اتوقع الآن أمطار غزيرة على القراين جنوب شقراء ,,,, وينكم يا أهل شقراء ,,,

وين العنبري1 ...

[ريف النشاما]

الأن عصر الأثنين يهطل أمطار غزيرة على الرويضة يصاحبها برد وهواء شديد نقلا عن أخينا صائد الفوائد :D
:D

أي رويضه الرويضات واجد :j

[@أبو زيد@]

أكيد الرويضة اللي في طريق الحجاز ,,,, لأن صائد الفوائد قال انه يبي يروح لمكة ..

ابشروا بالخير ياهل الرياض ,,, جاكم الخيال ...

[مراويح نجد]

أكيد الرويضة اللي في طريق الحجاز ,,,, لأن صائد الفوائد قال انه يبي يروح لمكة ..

ابشروا بالخير ياهل الرياض ,,, جاكم الخيال ...


يعني ما نروح نمسك خط القصيم
تكفى يابو سمحان

[أبوراشد]

اللهم اجعلها امطار خير وبركه
الآن مطر مصحوب بالبرد على بريده


,,,,,

[الفهلوى]

انا استأذن الحين اخواني و اشوفكم بعد المغرب ان شاء الله . بس ارجع اقول مرة اخرى لمناطق الكويت و شمال شرق السعودية ( الحفر و القيصومة و الخفجي ) و جنوب العراق بأن الخير جاي لهم و بقوة ان شاء الله يعني حتى الان لم تهطل الامطار بالغزارة المتوقعة لاكن حسب من اللي اشوفة من الخرائط امامي فالخير جاي لكم و بقوة خلال الساعات القادمة و راح تبدأ الامطاربالتريج و من ثم تشمل بقية المناطق و حتى البرد متوقع على بعض المناطق مع اشتداد في قوة الرياح.. و الله اعلمجزاك الله خير فعلا بدأ البرق والرعد ونزول المطر الان الساعه 5:30 في الكويت- الاحمدي

[@أبو زيد@]

يعني ما نروح نمسك خط القصيم

تكفى يابو سمحان

شف أنا ما أنصحك تروح (واحد نذل ;) ) لكن اذا انت معزم مر علي ونتمشى شمال (واحد استغلالي :p )

تبي شوري خلك في الرياض ,,, الخير قرب ,,, مابينك وبينه الا 130 كم ... الله كريم

ابشر بالسيل ,,,, ياسعدني :D

[النجدي]

5.33 عصرا



في



حفرالباطن




رش خفيف




وصوت رعد



من الجنوب




ولم نر الشمس إلى الآن




الله ارحمنا برحمتك




زياد2010

[سواح 2006]

المدينة المنورة خلوها من تشكيلات السحب عدا الأجزاء الشرقية ( الله كريم )

[أبوراشد]

شباب ماسبب عدم ضهور هذه الصوره على قوقل

http://www.sa7m.net/up/uploads/985e404967.gif

[فارس الشمال]

الساعة الخامسة عصراً

تم رصد سحابة رعدية قوية شرق الطائف ومن المتوقع ان تتجه شمال شرق نحو منطقة الرياض

ثلاث تكوينات ضخمة جنوب الدوادمي تزحف إلى الشمال الشرقي

شمال بريدة سحب ضخمة وربما تكون من اقوى السحب لهذا اليوم

والله اعلم

http://www.y1y1.com/u/uploads1/9460505bf4.jpg (http://www.y1y1.com/u)

[ابـوعمر]

انا الان على شلال الداهنه بالوشم والشلال يصب خفيف
والسحاب قبله وشمال يزين
الساعه 05:45

[مراويح نجد]

اتصال وردني قبل قليل أحد الأخوة على طريق الحجاز
بعد القويعية جاهم رش خفيف

[ديم نجد]

رسالة من أخونا نقا خريم

سحابة برد تاريخية شمال بريدة لامن حيث الشكل أوالكمية

[ابو عيسى]

اللهم لك الحمد حتى ترضى
صورة جدا رائعة تبين الخلايا الرعدية والبروق وكثرتها على جنوب ووسط وشمال شرق المملكة

http://www.mekshat.com/pix/upload/images30/mk28656_eurafrical_plot_weather_map.jpg

[durar]

عنيزة سيلها يغطي شوارعها من بعد العصر حتى الآن

[النجدي]

الآن في حفرالباطن 5:48 م



بدأت المرازيم تصب



وهو رش خفيف



والرياح جنوبية



والخير مقبل بإذن الله



زياد2010

[مسافر1]

أمطار غزيرة على محافظة الزلفي ..
لعلني أقوم بإنزال صور لشلالات هذا اليوم
التي قمت بتصويرها قبل قليل . .

[تركي 2000]

الخير عليكم مبارك

[الجياشي506]

السلام عليكم ورحمة الله وبركاته

صورة لاجواء الرياض الان الله يجيب الخير ان شاء الله

http://www.m5zn.com/uploads/2fd8ae1871.jpg (http://www.m5zn.com)

http://www.m5zn.com/uploads/c1d9d2eb24.jpg (http://www.m5zn.com)

[نقا خريم]

بريده
الساعه 5-50
مساء يوم الاثنين 7-3
شق من سماء ..

[برق الشمال]

عنيزة سيلها يغطي شوارعها من بعد العصر حتى الآن

اللهم لك الحمد يارب اللهم زد وبارك

[أبوراشد]

أمطار غزيره جدا الان على بريده

[أبو مهند الزهراني]

رش خفيف الساعة 4 عصرا على الباحة

[مـحـمـد الفضلي]

وين أهل القويعية وردني اتصال من احد الاخوة يفيد بان غرب القويعية جاها برد .

[نقا خريم]

اللهم لطفك ياكريم
اللهم سقيا رحمه ... لاسقيا عذاب ولاغرق ولا هدم ..

[مراسل/مكة]

صورة طازه من جده من اخوي مراسل جده لعل فيها خير لجده ومكه من يدري

الله اكبر


صورة ولاأروع


لتكون سحب قادمة من البحر

الجو يخبئ أمور لا نعلمها

http://www.arb-up.com/get-3-2007-zvhc9hn6.jpg (http://www.arb-up.com)

[نقا خريم]

يوم 7-3-1428
سيظل محفورا في ذاكرة اهل القصيم

[فارس الشمال]

ما شاء الله

اليوم ما ودنا ننام ... شغل من هالتفارير

الله يرجع جميع اعضاء ومراسلي مكشات بالسلامة

عندي اقتراح ترشيح افضل موضوع عن حالة الطقس لهذا اليوم

ودنا نكرم هالاعضاء المتميزين الذين تركوا مشاغلم وانطلقوا لتصوير اخبار الخير والبركة

[طالب الحور]

في اتصال


بأخونا برق السناف



يقول الدعوى زينه بالحيل سيول قوية جدا جدا غرب القصيم



والبرد كثيف جدا

[برق الشمال]

يوم 3-7-1248
سيظل محفورا في ذاكرة اهل القصيم

وش العلم عجل علينا

[غيث السحايب]

السحاب شمال المجمعه يهووووووووووووول اسود ونسمع صوت رعد من بعيد

[ذيب ولد ذيب]

مشاء الله السحابة الي غرب القوعية عباره عن ثلاثة تكوينات وهي متجها الى الرياض الله يجييييييييييييييب الخير

[نقا خريم]

ما شاء الله

اليوم ما ودنا ننام ... شغل من هالتفارير

الله يرجع جميع اعضاء ومراسلي مكشات بالسلامة

عندي اقتراح ترشيح افضل موضوع عن حالة الطقس لهذا اليوم

ودنا نكرم هالاعضاء المتميزين الذين تركوا مشاغلم وانطلقوا لتصوير اخبار الخير والبركة
اخوي فارس الشمال
واحد من اتلاخوان الله يجزاه الف خير
كنت ناوي اتجه شمال غرب بريده
فحذرني وقال لي ارجع فيه برديه تمشي مع السيل
والرؤيه منعدمه تماما ..
ورجعت
واللهم لك الحمد على كل حال ..

[فارس الشمال]

يوم 7-3-1428
سيظل محفورا في ذاكرة اهل القصيم

وش الاخبار يا نقا خريم ؟؟

يوم تاريخي كيف ؟؟

اشوفك انت الوحيد اللي ماسك معانا خط من بريده

وجميع الاعضاء مختفيين

[مراويح نجد]

ما شاء الله

اليوم ما ودنا ننام ... شغل من هالتفارير

الله يرجع جميع اعضاء ومراسلي مكشات بالسلامة

عندي اقتراح ترشيح افضل موضوع عن حالة الطقس لهذا اليوم

ودنا نكرم هالاعضاء المتميزين الذين تركوا مشاغلم وانطلقوا لتصوير اخبار الخير والبركة


أنا اقترح يكون فارس الشمال
العضو المتميز

[سواح 2006]

مع السلامــــــــــــــــــــــــــــــــــــــــــــ ــــــــــــــــــــــــــــة

[نقا خريم]

:confused: :confused: وش ذا التاريخ:confused: :confused: يافتى مالذي تفعله ههههههههههههههه
:D
اعذروني عقلي ملحوس عقب ماشفت ثعول البرد من تحت السحابه .. يااااااالله....
منظر ولا أروع
وتم تعديل التاريخ

[زانت علومك]

يوم 7-3-1428
سيظل محفورا في ذاكرة اهل القصيم
بالفعل سحابة ضخمة الان على القصيم

http://www.mekshat.com/pix/upload/images30/mk19032_555555.jpg

[فارس الشمال]

مشاء الله السحابة الي غرب القوعية عباره عن ثلاثة تكوينات وهي متجها الى الرياض الله يجييييييييييييييب الخير

حضكم انتم يا اهل الرياض

فيه توقعات لأمطار غزيرة جداً مصحوبة بالبرد على مدينة الرياض هذه الليلة

[نقا خريم]

اخوي فارس الشمال انا رجعت عقب ماشفت المخاطر
حتى داخل بريده حوادث الله يكفينا الشر
صراحتن الواحد مايصير يجازف بحياته في مثل هذه الاوقات..
والمطر منهمر وبقوووووه الى الان ..

[مراويح نجد]

اخوي فارس الشمال
واحد من اتلاخوان الله يجزاه الف خير
كنت ناوي اتجه شمال غرب بريده
فحذرني وقال لي ارجع فيه برديه تمشي مع السيل
والرؤيه منعدمه تماما ..
ورجعت
واللهم لك الحمد على كل حال ..


يا حبيلك يا نقا خريم
لو أنا كان رحت أنا أهوى البرديات
ياليت عندي طيارة كان أنا عندكم في القصيم

[ربيع الشرقيه]

حضكم انتم يا اهل الرياض

فيه توقعات لأمطار غزيرة جداً مصحوبة بالبرد على مدينة الرياض هذه الليلة
والشرقيه ماحولها شي :( حاليا السماء غائمه كليا تستاهلون كل خير ياهل القصيم

[طالب الحور]

رسالة عاجلة من أخونا أبو رهف





شفوا صورة البرد الكثيف وش سوى على جدار البلك



في غرب القصيم




http://www.mekshat.com/vb/showthread.php?p=772814#post772814

[فارس الشمال]

أنا اقترح يكون فارس الشمال

العضو المتميز


والله انك فاضي

بعذركم يا اهل الرياض موسوسين هالساعة :p

ما تدرون تمسكون خط القصيم ولا تلبدون ارضكم

اشكرك على هالترشيح

وانا ارشحك العضو المتميز في مدينة الرياض :D

[نقا خريم]

بروق ورعود والمطر ينهمر للحظه
مساء الاثنين 3-7
الساعه 10-6

[فارس الشمال]

اخوي فارس الشمال انا رجعت عقب ماشفت المخاطر
حتى داخل بريده حوادث الله يكفينا الشر
صراحتن الواحد مايصير يجازف بحياته في مثل هذه الاوقات..
والمطر منهمر وبقوووووه الى الان ..

ايــــه لو انا عندك

كان زماني مندفن بالبرد :D

[@أبو زيد@]

أخوي فارس الشمال ,,,,, وش دراك أن الرياض متوقع عليها مطر وبرد ,,, :rolleyes: ؟؟؟

[مراسل/مكة]

انا حاس الجو في الغربيه غير مستقر الطقس يخبئ لنا شي ماهو لا ندري

رياح فجاءه على مكه وشديده ظهور السحب فجاءه على جده الليله في شي مخبئ لنا الله يكتب اللي فيه الخير

[ابو عيسى]

بالفعل سحابة ضخمة الان على القصيم

http://www.mekshat.com/pix/upload/images30/mk19032_555555.jpg
اخوي لاحظ السحابة اللي شمال رنية ان شاء الله يجينا منها خير الليلة على الرياض يالله يا كريم

[مسافر1]

الله يبشركم بالخير ..
ونسأل الله البركة فيما أنزل .

[جدة غير]

السلام عليكم ورحمة الله وبركاته

مبروك يا أهل القصيم وشمال الرياض وشمال شرق المملكة والكويت وخيبر

على هذه النعم العظيمة

مشاء الله تبارك الله


الحمد لله رب العالمين
""""""""""""

جدة يوم الإثنين الموافق 7/3/1428هــ الساعة 5/45 دقيقة مساء

رياح جنوبية غربية رطبة جدا

الرطوبة بلغت 53% ونحن في العصرية مشاء الله تبارك الله

الحرارة 28 درجة مئوية

السماء سدا كثيف تقريبا مع سحب منخفضة شبه متكائفة
وهذه صورتين

جهة الغرب
http://www.mekshat.com/pix/upload/images30/mk23767_dsc00158.jpg

جهة الشمال
http://www.mekshat.com/pix/upload/images30/mk23767_dsc00156.jpg

[**( تلمي )**]

الأن أمطار غزيرة جداً على بريدة من ساعة تقريباً


الشوارع تمشي مشي قوي مررررره


وهذي صور للسحاب وهو مقبل على بريدة الساعة 5,30 عصراً ,,,,,

http://www.swahl.com/up/m71/swahlcom_fc25.jpg (http://www.swahl.com/up)

[فارس الشمال]

أخوي فارس الشمال ,,,,, وش دراك أن الرياض متوقع عليها مطر وبرد ,,, :rolleyes: ؟؟؟

حركة السحب تبشر بالخير

ايضاً ركز على السحابة التي تكونت شرق الطائف بــ 200 كم

والعلم عند الله انها سوف تتفاعل مع السحب الواقعة جنوب الدوادمي

فتتكون سحب ضخمة تكون من نصيب منطقة الرياض خاصة في الشرقية والشمالية الشرقية منها

والله اعلم

[@أبو زيد@]

حركة السحب تبشر بالخير

ايضاً ركز على السحابة التي تكونت شرق الطائف بــ 200 كم

والعلم عند الله انها سوف تتفاعل مع السحب الواقعة جنوب الدوادمي

فتتكون سحب ضخمة تكون من نصيب منطقة الرياض خاصة في الشرقية والشمالية الشرقية منها

والله اعلم

ياسعدني ,,,, :cool: :D

[زانت علومك]

اخر صورة

http://www.mekshat.com/pix/upload/images30/mk19032_aaaaa.jpg

[Maxima]

الله يستر ياجماعة شكل السحايب راح تتوحد على الكويت
اللهم سقيا رحمة

[اثلة]

شباب ماذا تتوقعون على الافلاج جنوب الرياض 300 كيلوا

[خالد الجارح]

شباب من يقدر يجيبلي رابط قمر الانتلسات الله لايهينكم...

[نقا خريم]

البدايه

http://oiswww.eumetsat.org/SDDI/html/images/out/SDDI-20070326-0900-RGB-08-AIR-03-1237.jpg

ثم تطوّرت قليلا

http://oiswww.eumetsat.org/SDDI/html/images/out/SDDI-20070326-1000-RGB-08-AIR-03-1237.jpg

...وبعد ذلك...

http://oiswww.eumetsat.org/SDDI/html/images/out/SDDI-20070326-1200-RGB-08-AIR-03-1237.jpg

آخر نتيجه الان المغرب يوم 7-3-1428

http://oiswww.eumetsat.org/SDDI/html/images/out/SDDI-20070326-1400-RGB-08-AIR-03-1237.jpg

وعذرا لكبر حجم الصور

[اماراتي]

الحمد لله رب العالمين كما توقعنا نلاحظ الان تشكل كتلة كبيرة و من السحب المزنية المطيرة و الرعدية و راح تأثر على الكويت كما ذكرنا سابقا و على سمال شرق السعودية و جنوب العراق . و الامطار المتوقعة رعدية من متوسطة الى غزيرة و احيانا غزيرة جدا و مصحوبة بالبرد و رياح قوية و هذة الكتلة ما زالت تتكاثف اكثر و تتكون الان المزيد من السحب المنخفضة جدا تحت هذة السحب تحمل معها هطولات قوية جدا .. و الله اعلم

[نقا خريم]

امطااااااااااار غزيره مع برد الان شرق بريده

[محمد خان]

شباب

أهل المدينه ياللي يعرف له أحد غرب المدينه
بالفقره والديار اللي حولها
سواء قريب أو صديق
تكفون يتصل عليه ويجيب لنا خبر السحاب اللي عليهم
لأن صورالأقمار راصده سحب منخفضه عليهم .

[خوي السرور]

مطرنا بفضل الله ورحمته

كانت الأمطار غزيرة جدا ومصحوبة ببروق قويه

وما زالت السماء ملبدة بالغيوم

المكان مدينة بريدة

[@أبو زيد@]

أين أنتم يا أهل حريملاء ,,,,, استعدوا لسحابة البرد القادمة بإذن الله تعالى

ابشروا بالسيل بإذن الله تعالى

[خوي السرور]

يشباب هل من المتوقع استمرار هذه الحالة على القصيم هذه الليلة بمشيئة الله تعالى

[مرات عشقي]

اخر تحديث لرادار الرياض....

http://www.ral.ucar.edu/projects/saudi/radardata/images/RiyadDbz/CP_RiyadDbz_REGION_20070326153600.png

[تركي 2000]

عاجـــــــــــــــــــــــل
البرق الان غرب الحريق الساعة السادسة وأربعون دقيقة

[نقا هشال]

رساله من اخونا برق تميم

الآن برد ومطر غزير جدا جنوب شقرا25 كيلو

وشعبان اثيثيا تمشي ومرات العبارات تمشي خفيف

اللهم لك الحمد والشكر

[فدغم]

مبروك عليكم الأمطار يا أهل القصيم

يا أهل الشرقية شلون الجو عندكم؟

[مرات عشقي]

رساله من اخونا برق تميم

الآن برد ومطر غزير جدا جنوب شقرا25 كيلو

وشعبان اثيثيا تمشي ومرات العبارات تمشي خفيف

اللهم لك الحمد والشكر

مشكور على الخبريه اخوي نقا هشال......

[اماراتي]

من اخر خرائط الضغط الجوي نلاحظ شدة تعمق المنخفض الجوي المتواجد على شمال الجزيرة العربية على مستوى الغلاف الجوي من 500 الى 1000 هيكتوباسكال حيث نلاحظ تعمقة بشدة على الكويت و شمال شرق السعودية و شرق القصيم و معظم مناطق وسط ايران و نلاحظ ايظا من خرائط ال Sea Level Pressure او خرائط الضغط الجوي على مستوى سطح البحر انخفاض الضغط على معظم مناطق وسط و شمال شرق الجزيرة العربية على هذا المستوى من الغلاف الجوي و كذالك نلاحظ من نفس الخرائط و جود closed low او دائرة مغلقة من الضغط المنخفض الجوي المنخفض حيث هناك انخفاض شديد في الضغط الجوي داخل هذي الدائرة و هي تشمل مناطق الكويت و شمال شرق السعودية و جنوب العراق و على هذا الاساس توقعنا ان تزداد كثافة السحب المزنية عندما تتجة الى هذة المناطق حيث سوف تعمل هذة الدائرة من الضغط المنخفض على شكل محرك هواء حيث تقوم بشفط الهواء الحار و الرطب الموجود على الطبقات السطحية و نقلة الى الطبقات العليا من الغلاف الجوي و تعريظة لهواء شديد البرودة بالاظافو ان متوقعين حدوث اصظدام مابين الكتلة الهوائية الدافئة و الكتلة الهوائية الباردة و هذة التصادم راح يحدث على اجوء شمال شرق الجزيرة العربية و حيث توجد الدائرة المغلقة من الضغط المنخفض .. و الله اعلم

[غيث السحايب]

المجمعه الجو غيم والبروووووق شمال تهووووووووول ماتفصل وبرقها احمر شكلها بردي والله العالم

وين اهل الزلفي يعطونا علومهم

[فدغم]

عاجـــــــــــــــــــــــل
البرق الان غرب الحريق الساعة السادسة وأربعون دقيقة

الله يبشرك بالخير الحريق والرياض هي مفتاح المنطقة الشرقية

[مـحـمـد الفضلي]

الرادار يرصد سحابة ضخمة غرب محافظة الحريق الساعة 6.40 مساء

[المفيجر]

عاجـــــــــــــــــــــــل
البرق الان غرب الحريق الساعة السادسة وأربعون دقيقة

اشكرك يا تركي 2000 ((:D ابو عبدالله :D :D الهـ :D )) على نقلك للخبر

[غيث السحايب]

الحقونا بصور الاقمار الصناعيه

خلونا نكحل عيونا

[النجدي]

حفرالباطن



أمطار متوسطة من الساعة 5.30 وحتى آذان المغرب



من آذان المغرب وحتى نهاية صلاة المغرب أمطار غزيرة



وجمعنا صلاة المغرب مع صلاة العشاء



والآن 6.50 لا يوجد أمطار



والحمد لله



أبو زياد

[السمحاق]

الان بروق قويه عند مفرق البتراء
المصدر أتصال هانفي ويشوف البروق عنه شمال شرق
الحمدلله على نعمه
والان الرياض يغطيه سماحيق قويه (سدى) برجى رب العالمين

[ابوإبراهيم]

الرادار يرصد سحابة ضخمة غرب محافظة الحريق الساعة 6.40 مساء

http://www.mekshat.com/pix/upload/images30/mk14467_567.jpg



http://www.mekshat.com/pix/upload/images30/mk14467_76811.jpg

الله كريم يزرع البر في يوم
.
.
.
.

[نقا هشال]

الآن البرق يشاهد غرب وشمال تمير

[@أبو زيد@]

ابشروا بالخير ياهل الرياض ,,,,

البروق مشتعلة غرب وشمال العيينة ...

السيل قرب

[@أبو زيد@]

السحابة التي شمال غرب الحريق ,,,, فيها برد طيب

[اماراتي]

حفرالباطن



أمطار متوسطة من الساعة 5.30 وحتى آذان المغرب

من آذان المغرب وحتى نهاية صلاة المغرب أمطار غزيرة

وجمعنا صلاة المغرب مع صلاة العشاء

والآن 6.50 لا يوجد أمطار

والحمد لله

أبو زياد



تستاهلون الخير اخوي و الجاي اكثر بأذن الله ..

[سندهم]

يعني فيه احتمال يجي برد على الرياض

نزبن مواترنا او لا

[مخاوي سحاب]

http://www.mekshat.com/pix/upload/images30/mk6274_ssdss.jpg

[سلمون]

ولا زالت الأمطار تتواصل ولله الحمد والشكر

الصور لاحقاً لأني مشغول

[مطر جدة]

مبروووووووووووووووك
الامطار الخير

وعقبالنا يارب

[زانت علومك]

اخر صورة

http://www.mekshat.com/pix/upload/images30/mk19032_hhhh.jpg

[نقا خريم]

كأن المطر خف قليلا
والبروق مشتعله بجهات اربع وهي .:
الشمال الغربي
الشمالي
الشمالي الشرقي
الشرقي
والخير يبي يسري عليكم ياهل الشماليه الشرقيه باذن الله

[نقا هشال]

الآن مطر رش على الخاتله وتقع على طريق رويغب والبروق تشاهد شمال وجنوب

[@أبو زيد@]

يعني فيه احتمال يجي برد على الرياض

نزبن مواترنا او لا

زبنوا مواتركم ,,,, وضبطوا وضعكم ,,,,

السحب كبيرة بالحيل وضخمة وتشتد قوتها ... وتتلاحم مع بعضها البعض ... وأمر الباري بين الكاف والنون ...

البروق مشتعلة شمال غرب الرياض ...