هذا رد على بعض الاعضاء؟؟!! [الأرشيف]

حرف العين

28/03/2007, 12:47 PM

السلام عليكم ورحمة الله وبركاتة

انا ادري انك طارح الموضوع علشان كلامي معك يوم تناقشنا عن المهد !!!

ولاكن يالقحطاني انا موضوعي اكبر من الفزعه انا موضوعي وكلامي انك ماقدرت الفزعه ووقفتنا معاك وجيت تقول في الموضوع انتو وانتو وانتو ماخليت لا في سلقانه ولا خليت في مهداتنا وسويتنا ظالمين وكذابين وهاذه مايجوز .

في موضوعك السابق يوم انا شفتك متكدر انا اول واحد جيت وقتلك تعال وابشر بلي ودك ومايردك الا السانك وماقصرت معك وفي النهايه تتهمني بلكذب وبلمراوغه في الكلام وهاذه انا بتركه للقارئ اذا يجوز كلامك ولا مايجوز !!!

وابشرك ترى اللي نزل وفك ارهاب في اخر مهد عندنا بقطر قال انه ذيخكم كان شابف الظبي ولاكن الظبي ابعيد وانتو في موضوعكم انه ماشاف الظبي .

هل سبب الخساره تخليكم اتكذبون الارجال ترى معرفة الارجال اغلى من السلق ومهداتها والمهدات يوم فايز ويوم خسران وهي مقصدها للوناسه مهوب لتكذيب الارجال والمناجرات والكلام اللي ماله داعي .

واذا انت اسلوبك كذى مع الناس او في كل هدد بتخسره بتكذب الارجال عزة الله مابقالك صديق !!!

وعلى العموم في الفتره القادمه والايام الجايه راح انظم هدد في السعوديه مع الاخ طلو وراح انهد مع الارجال اللي هي قد التحديات ومقصدنا في البدايه معرفة الارجال وتبادل الاراء معها والخبرات

وشكرا

مجدي ابو سليم

28/03/2007, 06:06 PM

شكرا على المرور:j

القحطاني505

29/03/2007, 09:16 AM

اقول اخوي حرف العين والنعم فييك بس انت قلت كلام قدام الرجاجيل وقلت اني حاط موضوع علشان ابغى سلوقي وقلت ان قصدي ماهو شريف وهذا الفيديو يشهد على سلقاني يوم انها تموت

ثاني شي اذا على ارهاب انا ماني راعيه واذا على الظلم اللي في الهدد اغلب اخوياي من قطر تكلمت وقالت انه مظلوم وزياده على ذلك ان المركز الاول شراكه في الفيديو ماجابو انه قرب من الظبي واللي بيفك مايفك من محل خيالي على العموم انا فتحت جوالي ولقيت المقطع مصوره واحد من اخوياي يوم اني اسحب السلقان وبقطهم وقلت هذا الدليل مو بس لك دليل حق الناس كلها اللي تقول ان القحطاني يكتب موضوع عن السم علشان ياخذ سلق ترى والله عييييب .....

انا والله مااكذب احد لكن اذا ناس حظرت الهدد وقالت ان فيه ظلم والدليل الثاني والثالث والرابع كلهم احتجوا والناس تكلمت والاول في الفيديو يركض ولا كنه شايف شي......اذا مايكون الظبي قريب ولا ارتاح

واذا على الهدد اللي بتهدون بالسعوديه حياكم الله وانشاء الله يكون تنظيم محترم والاخ طلو مافيه قصور وراعي سلاله طيبه واذا في فرصه بهد معكم واذا مافيه الله يستر عليكم لان سلقتي مسروقه وحاط لها موضوع في الصفحه الثانيه ولو انها موجوده هديت معكم مو علشان تحدي علشان الوجيه الطيبه ولا اذا مخاوتكم عشان كلاب الله لايكملها مخاواه

حرف العين انت رجال والنعم فيك بس عيييبك واحد اللي هو ماتقتنع بالصدق او ماتصدق الرجاجيل بس ولا والله والنعم فييك

القحطاني505

29/03/2007, 09:17 AM

لاهنت على مرورك اخوي مجدي ابوسليم :) :)

حرف العين

29/03/2007, 10:14 AM

يتبع

راجع الموضوع

وانا ماذكرت انك حاط الموضوع علشان تبي سلق بل قلت في الموضوع السابق انه يوم تسممت سلقانك كان حد فزعلك من ربعك !!!

ثانيا بلنسبه للهدد اذا فيه ظلم ولا مافي ظلم هاذه شي مايخصني ولا يخص اي شخص غير المنظمين والقائمين على الهدد وغلط انك تجمع

الاولي والتالي واتقول انتو في قطر وانتو وانتو المفروض اتخص وماتجمع !!!

وثالثا لين يصير الهدد في السعوديه راح انزل مع اقوى السلقان اللي عندكم ماراح انزل معه سلقان اي كلام وانت في الموضوع السابق تعلن

التحدي واتقول عندك صواريخ والحين تقول اسلقتي ضايعه ؟؟؟

انت للاسف في كل موضوع تقول كلام واتكذب نفسك بنفسك !!!

وعلى العموم انت حطيت موضوعك وانا رديت عليك

وشكرا

القحطاني505

29/03/2007, 12:54 PM

اقول ياحرف العين انا فزعوا لي ربعي ومن دون مااطلبهم الفزعه

انا اتكلم عن الهدد اللي كان على الجيب ال85 انت قلت بيكون تنظيم وكل الحضور قالو ان الهدد فيه ظلم اجل راعي الظبي ينزل يقول ميين اللي فاز وش دعوه وهادين عند الوعر يكذبون على نفسهم ... وقلت من قبل ان كلاب السعوديه في الهدد كلها لوق وجعر ...... ترى عيب تردي من كلاب الناس

سلقتي مسروقه وانا مااحب اتحدى بسلقان غيري واذا لقيتها او جاني شي احسن منها ابشر والله بالتحدي اما اللحين يمدي اكذب واجيب سلقه سبوقه واتحداك بس ماهي من سلومنا

قلت لك انا مااكذب نفسي ولا اناقض كلامي مو مثلك ياللي كل يوم طالع لنا بطلعه
واسمع اذا بتحدى جب سلقان عربيه اصيله لاسوريه ولاقريهاند لاني مااتنزل اهد معهم وانا قلتلك دامك قاصد التحدي مااقدر اللحين وان جات شعله اليوم الثاني يكوون التحدي

نجم حفرالباطن

29/03/2007, 01:00 PM

ماشا ء الله عليهم مشكوور اخووي على المووضووع .,

حرف العين

29/03/2007, 02:58 PM

اولا يالقحطاني

اثبت للقراء اني قلت انه هدد السياره راح يكون في تنظيم او ذكرت اي شي عنه !!!

انه ذكرت الهدد وقلت اني غير مشارك فيه اصلا ولا عندي اي خبر عن التنظيم وانما انا طرحت الموضوع لكي يستفيد اي هاوي بلمشاركه !!!

ثانيا انت تكلمت وكذبت بكلامك وكان كلامك عن الهدد الاخير اللي هو للتصفيه والحين تتكلم عن الهدد اللي عليه الجيب ياخي استقر على كلام واحد لاتعيد ولاتكرر المواضيع خل كلامك موزون ومرتب لاتشعب المواضيع وتكتب كلام وتنكره !!!

ثالثا اي ظلم اللي تقول عنه والسلقان جايه من ورى ذيخكم وماره عليه عبور وحاذفته ورى بمسافه ؟؟؟

رابعا بلنسبه للتحدي بينا وبين الارجال اللي من السعوديه لو بتجي وودك تدخل مع الارجال بلنسبه لي ماعندي مانع بس بشرط تفك صواريخك وتخرش الظبي لانه بصراحه انا سالت عن صواريخك والعلم اللي جاني ماتملك ولا شي وانما مهايط وبس والدليل انك تقول انه عندي صواريخ اثنين والحين تقول عندي ضاريه وضايعه امرك عجيب !!!

وعلى العموم انا حبيت ابين للقراء حقيقتك وشهي وكلامك وشهو وانت بنفسك جبت الكلام لنفسك !!!

وعلى العموم الموضوع منتهي انت طقيت الباب وجاك الجواب !!!

واذا انت تقول اني قلت انه شفت سلقان السعوديه جعر علشان تستنجد في الشباب وتدور الفزعه من الناس انا كان كلامي (اكثر المهدات اللي شفتها في السعوديه يكون في الصف فوق 30 سلق 10 اللي فيهم الخير والبقيه لوق وجعر و2من السلق اللي يلحقون والبقيه تسرح وتمرح )

وهاي اللي حاصل انا ماكان قصدي التهزيئ ولا التقليل من اي احد وربعنا في السعوديه واجد ولهم احترامهم وتقديرهم!!!

وعلى كلامك انك ماتتنزل مع السوريات هاي كلام اللي مايحصله يقول كلامك واسال اي شخص وبيقولك نفس كلامي !!!

عاشق الريان

29/03/2007, 03:46 PM

تبي الصراحة ..... اخوي القحطاني 505 انت دوم اتدور المشاكل ولا تزعل من كلامي ......... واذا فيه هدد والله العظيم اني بشارك فيه مب عشان شي .... عشان نوقف الكلام اللي ماله معنى ( الا سلقاني صواريخ ......... الخ ) ترى ملينا من الكلام والسالفة خذت اكثر من حقها ..... نبغي حد من الشباب يكون حكم بينا ونعرف متى الهدد قبلها بفترة عشان نجهز حق سلقانك ( الصواريخ ) .... او ترى لا اتفكر انها سالفة نحاسة لا والله احنا اندور اللي يقولون عندهم سلقان قوية عشان نهد او نستانس ............

القحطاني505

29/03/2007, 05:05 PM

حرف العين:1- اسمع اكبر دليل لمهداتكم الفاشله ان في ناس منكم تدق على اهل الحسا عشان تنظم لها هدد...
2-انت اللي كنت تفخر بالهددات العدله في وانها احسن تنظيم بالخليج ويحقلك تتفاخر لانك محقق الاخير ومستانس...
3-سباق الجيب الظبي دخل عند وعر انتهى السباق وراعي السباق واللجنه مختلفه منو الاول .....
4- ولحد اللحين تقول ان سلقان المهدات اللي عندنا فيها جعر...
5- انا في البدايه كنت بهد شعله وذاريه ثانيه مو لي اما اللحين راحت ذاريتي مااقدر افك كلبه ماهي ولو موجوده بفك الثنتيين...
6- ليه تسال من وراي وش عندي اسالني انا وانا ارد علييك ليه تسوي نفسك فاهم الدعوه وعندك اخويا بكل مكان...
7- شوف اللي تحتك وش كاتب وفي الموضوع اللي قبل هو اول من ردى بمهدات قطر
8-طلعتني كذاب وطرار سلاقه وانا لحد اللحين امدح فيك......ولامره قلت ان سلقان قطر جعاره ولوق((((الله يسامحك))))

عاشق الريان:1-خشيت عرض بالموضوع وقلت اني ادور المشاكل وميين اللي جاني ليين مكاني وقالي انت تدور المشاكل...
2- اذا كان في هدد المقصد شوفة الوجيه الطيبه مو علشان توقف الصواريخ اذا قدرت توقفهم بس شكل سلقانك قويه والدليل ضاعت سلقتي
3- اذا انت مليت من السالفه قول حق خويك حرف العين هو مايمل ودكتور نقاش بدون اقتناع......
4- انت تقول تبغى حكم لحد اللحين متاثرين بالظلم حق هدداتكم تبغى حكم....
5- الله يعينك والله يعطيك العافيه والله يقويك...

اخر شي الله يحفظ لساني من الزوال او النقصان من حال الاخرين والله يهديني وياكم الى الصراط المستقيم

القحطاني505

29/03/2007, 05:07 PM

لاهنت اخوي نجم حفر الباطن ويعطيك الف عافيه

حرف العين

29/03/2007, 06:26 PM

يتبع

انت يالقحطاني تدعي بانه شباب اتصلو لربعك في الحسا ويطلبون تنظيم مهد عطني اسم اي واحد حساوي جانه قطر ينظم هدد واحد ؟؟

وبعدين تقول طموحي المركز الاخير انا اعترف انه في اخر مهد حصلت على المركز الاخير وهاذه ماينقص من قيمتي ولا جزء مني والمقصد
عندي ذيخ ونزلته في اقرب مهد وكان المهد عقب 6 ايام من اول ماوصلني وشاركت فيه يعني السالفه عاديه وبلعكس انا ماملك العصى السحريه ولا املك المعجزات علشان اسوي شي مستحيل واحقق فيه انجاز وابارك للفائزين من كل قلبي ماجلست اتعذر واتشكى من منتدى لمنتدى واقول انا مظلوم .

ثانيا تقول اني نشدت عنك بلعكس ترى العلم جاني من واحد بلمنتدى من اخوياك واتصل وقالي ماعليك منه وهو مايملك اي شي يذكر سوى المهايط فقط .

واخيرا لانه الموضوع طول وهو على الفاضي بما انك ماتملك شي ولا عندك شي وماتتنزل للسلق السوريه ولا القريهاندات روح عند اقرب استراحه وبتلاقي سلق عربيه واصيله تطربك وسبوووووووووق وتعجبك واذا ودك تشارك في التحدي مثل ماقتلك بشرط انك تخرش الظبي بصواريخك؟؟
وهاذي اخر مشاركه لي في هاذا الموضوع الذي لايعم بلفائده للقارئ

حرف العين

29/03/2007, 06:30 PM

عموم الاخوان السعودين في هاذه الخيمه

لو سبق وان غلطت باي كلمه فهي من غير قصد ومن غير ظن سوء باحد وانا اخوكم الصغير واتعلم منكم واستفيد منكم ولكم الاحترام والتقدير

والاخلاص ولاكن الاخ القحطاني قام يدخل مواضيع وذالك ليزرع الفتنه او الكره بيننا وعسى ربي يكبر عقله ويصلحه ويرشده للصواب .

عاشق الريان

29/03/2007, 06:42 PM

اخوي القحطاني يعطيك العافية .... انا قلتلك لا تحسبها نحاسة ترى الدعوة كلها الله يعزك بهايم .... ,اذا على هدد الكروزر ترى انا اول واحد ذميته .... لأن كلمة الحق لازم تنقال حتى لو اللي امنظم من دبرتي .... حنا اكيد اندور الهد المنظم ... او على فكرة في كل مكان حتى عندكم في السعودية لازم تطلع بعض المهدات فاشلة .... بس تبي الحق فيه ناس في قطر والله ان سلقانهم ماشالله قوية حيل بس ما يحبون يشاركون الا مع ربعهم ..... او ترى اليوم صار هد واللي منظم نفسه اللي رتب هدد الكروزر واتحدى اي حد يقول ان الهدد مرتب .... وانا ما ألومك على ذمك حق مهدات قطر لأنك ما حضرت الا يمكن مهدات شخص ولا اثنين .... اسأل مثلا عن المناعي ولا بوهارون ولا بوعامر .... والشباب اللي ذكرتهم صدقني عدد بسيط من شباب نادر ما يشاركون مع الناس ..... واسأل أي حد من قطر عن سلقان الشباب وانا عديت من قبل اللي عندهم اقوى السلقان .... أو صدقني اغلبهم موجودين في المنتدى ...... والله يوفق الجميع

هاوي تحدي

30/03/2007, 05:45 AM

القحطاني 505

اشفي اهل قطر شالين عليك حمله ترا حنا بالاول ولاخير اخوان اذا كان هناك تحدي فانا استاذنك واقبل تحديهم

والسلقان هذي اخرتها ياضايع ياميت الطيب مايقعد وانا اللي بقولك الله يعوضك بخير من اللي راح وابشر بالخير

وارجو من اللي بيتحدي تحدي مو كلام يرسلي على الخاص تقبل مروري

zaaml

30/03/2007, 07:00 PM

شكرن علا الصوره وعلا الرمز قحطان

عروق الدهنا

31/03/2007, 08:40 AM

الله يهدي الجميع ويهديكم لصراط المستقيم
انا ياشباب ابي اوضح نقطه
الموضوع يقراه اكثر من 100 شخص فارجو من اللي بينهم النقاش يظل النقاش بينهم ولايعمون لان الطيب فيه اطيب منه

والسلام ختام

القحطاني505

31/03/2007, 09:23 AM

اخوي حرف العين مرحبا بك اسامي الرجاجيل ماترضى اني احطها بالمنتدى وانت تعرف السبب وهو اكثر من اثنين وانا عندي دليل تعال وشف الشرطان الفيديو.......

عطني اسم واحد من ربعي اللي قال ماعليك منه تراه حق مهايط ترى ربعي رجاجيل ولاتحاول تسبب فتن ترى ذي علوم نسوان اللي يجي ويقول ربعك تكلمو فيك وتسمى باللغه الفصحه (النميمه)

لييين اجهز ياحرف العين وبرد عليك وبتحداك واذا تبغى اللحين تحدى مع هاوي تحدي تراه خوي ويعز علي واذا ناوي التحدي بجيك انا مع الرجال وبنفك معك واللي يفوز الله يباركله اما انا ماعندي شي لانه طيب واعيال الحرام عندهم ذوق لم يجون يسرقون

اسمع انا مااردي من الذيخ اللي عندك انا اقول انك انت مالك بالمهدات شي والدليل ان اول ماجاك ذيخ رحت فكيته والرجال يايجهز كلبه وينوي التحدي او لايحط كلبه زيادة عدد......

اهم شي واخطر شي وبقولها لك للمره الثالثه وبعدها ماراح ..... لحد اللحين محترمك لان احنا بمنتدى محترم وقلت اني(شحاذ سلقان+فتان : اي احب الفتنه للاعضاء وانا اتناقش معاه لحالك+زارع الكره للمنتدى+كلاب السعوديه كلهم لوق وجعر+وتقول اني مهايطي واحب بس الكلام) وانا الى بكره اقول انك رجال والنعم فييك لان يوم حطيت موضوع سم الكلاب فزعت لي انت وانا ماني صلبي اعرف الرجاجيل اللي تفزع وماانكر المعروف......

انا مااعطي الموضوع فوق حقه لكن بقولك كلمه ترى بذا المنتدى ناس محترمه ولاتستاهل كل الكلام اللي ينقال منك ياحرف العين وانا ماتوقعت ذا منك كله لانك رجال ومع الكلام مايغير في نظري من مراجلك ورجولتك...

اخر مااكتبه بالنسبه لك ياحرف العين ارجو السموحه من الاعضاء والمشرفين اذا اذيتهم او زل لساني................

اخوي عاشق الريان بيض الله وجهك على كلمة الحق وانا ادري في ناس بقطر ماتشارك بالهددات وغنيه بالتعريف وانا ماذمين من هددات قطر بالعكس اغلبها زينه بس حرف العين يقول احسن تنظيم بالخليج ومافيه ظلم وانا اشوف من كلام حرف العين صارت مهدات وكل اهلها يحتجون

القحطاني505

31/03/2007, 09:39 AM

لاهنت اخوي زامل ويعطيك الف عافيه على المرور.......

كلامك بعين الصواب اخوي عروق الدهنا وانشاء الله مابينا زعل واحنا بالنهايه اخوان

حرف العين

31/03/2007, 10:28 AM

يتبع:

اولا انت اتقولني كلام انا ماقلته (شحات كلاب +كلاب السعوديه كلهم لوق وجعر) وهاذه ان دل دل على الاسلوب الضعيف اللي جالس تتحلى فيه .

ثانيا بلنسبة لاني قلت انه واحد جاني من المنتدى وقالي معليك منه تراه مهايطي هاذه واقع وصار والدليل انه صادق وثاني يوم جلست تقول اسلقتي ضايعه وتتحجج وقبل كان كلامك انه عندك صواريخ وراح اتفجر وهاذي مهي نميمه ولاكن انت بسلوبك وتعاملك مع الناس ماتركت لك صديق وانا قلت لك بلسابق لو بتستمر على هاذه المنوال عزة الله مابقالك صديق.

ثالثا بما انك حولت السالفه على هاوي تحدي وتبغى اتحدى بسلق غيرك انا سبق اني حددت بموعد للتحدي ولاكن عقب الكلام اللي صار ماله داعي انزل معه واتحده معه لانه لو فزت بصير نفس الكلام اللي انقال انه هو اللي فايز وانظلم وكان الاول.........الخ

رابعا انت طقيت الباب وجاك الجواب

خامسا انا مابيني وبينك اي تحدي ولا ابي اتحدى معك ولا افكر اصلا ولو بجي لاخواني بلسعوديه راح اتحدى ناس لهم باع ولهم بطولات ويملكون الطيب ولهم صيتهم ماراح انزل مع ناس اذا انطافت اجلست تتشكى وتقول انها مظلومه وتعطي مبررات وماتملك اي شي ولا لها اي باع في المهدات لانها مش اكبر همي .

واخيرا اتمنى لك حظ طيب وتترك الكلام اللي ماله اي داعي من الاساس وانا اكلمك كأخ واتمنى لك المصلحه الاسلوب اللي جالس تتبعه راح يخلق حساسيات بلمنتدى وماراح يفيدك بشي والمنتدى الموقر فتح هاذه الخيمه للتعارف ولتبادل المعلومات وليس للمعايه بامور المهدات والكلام اللي ماله داعي من الاساس والغير مستفيد منه .

وشوف شلي تامر عليه وانا حاضر !!!

القحطاني505

31/03/2007, 11:49 AM

اسمع انا مااتحلى بالضعف بس انا مااحب اغلط على احد ولاتعودت....... وانا ابيك تشوف الاغلاط العشره اللي قطيتها انت علي وعلى ديرتي

تبغاني اتحداك بسلق غيري وليين فزت عليك وجاك الخبر بتقولي تتحدى بكلاب غيرك

اخوي هاوي تحدي حكم بالحق وشاف انك ناوي تتحدى وقال يتحداك بدل عني لان سلقتي مسروقه

انا ماطقيت الباب انت اللي تتسمكن لين تتمكن

اقول انا ليين جيت بتحدى بطور من مستواي مو اردي كلابي لان مافي منافس

المره الاخيره اقول ان حرف العين رجال

لاتسوي نفسك انك فاهم وش الخيمه تبغاه.... وانا حطيت المقطع رد عليك وعشان الناس تترك السم والذبح والسرقه لان صارت عادات الجهال اللي يدورون السلق وماقدرو يجيبوه وبزيدك سلقتي اول ماجات من الرمله بسبوعين انسرقت وانا كنت بتحداك بس راحت ولا عندي كلب وان بغيت ترى ارهاب موجود وبيتحداك راعيه وانا بجي بحكم والله يعطيك العافيه

حرف العين

31/03/2007, 04:39 PM

يتبع

مثل ماقتلك يالقحطاني 505 انت لاهو بطموحي ولا هدف اسعى له من الاساس ولا حتى افكر اتحدى معك وحتى لو بتجيني ماراح انزل معك وانا قتلك لو بتحدى بتحدى ناس صادقة وارجال لهم قيمتهم في الساحه وناس تملك الشي القوي !!!

انت تقول انه راعي ارهاب يبغى يتحدى ماعندي اي مانع مع العلم انه المفروض عقب الكلام كله اللي صار مانزل معاه لاكن عند خشمك !!!

سالفة انك تكون الحكم انا لاني براضي بحكمك ولا شي لانك منت بصادق ولا شيء وماعندك غير الاعذار والتظلم ولو بغيت الحكم اخوي طلو موجود يكفي ويوفي ولا يهونون الارجال اللي في الخيمة !!!

سالفة اني غلطان عليك بلعكس انا لاغلطت ولا شي تبغى تزعل مني ازعل وبراحتك !!!

هاوي تحدي عقب مانخلص تصفيات اهل الشمال راح اجي السعوديه مع شباب وراح انزل مع الاخوان السعودين وفي نفس اليوم راح انزل معك والعالم كلها بتشهد على الهدد !!!

واخيرا اظن اني جاوبت على كلامكم كله ومافي شي تضيفونه جديد وماعندي اي كلام اقوله جديد !!!

القحطاني505

31/03/2007, 05:10 PM

ياحرف العين اللي يفصل بينا الهدد وكلامك ماراح اضيفه عندي واذا مانتب نازل معي بكيفك والاخ طلو يحكم واول ماتخلص التصفيات عطنا خبر ولاتنسى وماني زعلان هاذا نقاش ودام انا اللي فاتحه ماراح ازعل والهدد بيكون شريف وبعدين نحدد المسافه والوقت ويعطيك الف عافيه
والمقصد بالنهايه شوفة الوجيه الطيبه

عاشق الريان

31/03/2007, 07:19 PM

يعطيكم العافية ...... انا واحد من الناس اللي ودهم يشاركون اخواني ..... او على فكرة يا اخوي القحطاني ترى السعودية من احد يغلط عليها او ما اعتقد ان فيه احد في قطر ما يحب السعودية

عاشق الريان

31/03/2007, 07:22 PM

او على فكرة يا اخوي القحطاني ترى السعودية اكبر من انه احد يغلط عليها او ما اعتقد ان فيه احد في قطر ما يحب السعودية ........

القحطاني505

31/03/2007, 07:32 PM

تسلم يااخوي عاش الريان وقطر فيها الخير وكلنا نحبها ولاهنت على مرورك يالغلا

هاوي تحدي

01/04/2007, 01:28 AM

ثالثا بما انك حولت السالفه على هاوي تحدي وتبغى اتحدى بسلق غيرك انا سبق اني حددت بموعد للتحدي ولاكن عقب الكلام اللي صار ماله داعي انزل معه واتحده معه لانه لو فزت بصير نفس الكلام اللي انقال انه هو اللي فايز وانظلم وكان الاول.........الخ

حرف العين
عاشق الريان يذم الهدد واعترف انه فاشل واما انت كلامك كثير وقد علقنا على الموضوع

وقلت لك لو فاز جداره كان صفقت له بس انت تتكلم وتتفاخر بشي مو لك او شي

ثاني شي الهدد فاشل واذا عن الكلام مو انا الحالي اللي تكلم جميع اللي شاركو اكدو

فشل المهد وحتى الجمهور يذمونه ..

هاوي تحدي عقب مانخلص تصفيات اهل الشمال راح اجي السعوديه مع شباب وراح انزل مع الاخوان السعودين وفي نفس اليوم راح انزل معك والعالم كلها بتشهد على الهدد !!!

اذا كنت صامل وبتنزل معي ترا ارهاب للحين بقطر واتحداك والله الله بالتصوير

على شان لو تكلمت الناس تشهد يالله نشوف عند خشمك؟؟؟

لاتتهرب وتلف وتدور والله لو تبي بكره ماعندك اي مشكله بس المهايط مالله حبه

انا انتظر ردك اذا كنت بتنزل مع ارهاب اما اذا اضلوعك ماتشلك ارجو انك ماترد

جب سلقان غيرك عادي بس الاهم انك تجيب سلوقي قوي

حرف العين

01/04/2007, 02:07 AM

يتبع

هاوي تحدي

انت ماتشرط ولاتحط اي وقت انا لين اتفرغ من المهدات حياك الله واللي وده ينزل معاي هم بعد الله يحييه وانا من بدايه الكلام ومن بداية النقاش قلت وتكلمت مرارا وتكرارا انت ماعندك غير الكلام والتهديد والوعيد وللاسف ماتتعض من العبر ومن الصدمات اللي تجيك ومش راضي تقتنع من كلامي وهاذه شي راجعلك !!!

ونهاية الكلام تنتهي التصفيه وتكون كل سلقاني جارده ومستعده وبجيبهم كلهم لك نق واختار وشوف اللي يناسبك منهم ونزل ذيخك معهم والله يحيك وشلي تامر عليه بعد انا حاضر !!!

اما مسالة جيب سلقان غيرك تراها كلمه قويه عليك والدليل انه مهدين ورى بعض ونتايجه عصيبه عليك طبعا !!!

بلنسبه للهدد تعال وانشدني عنه وحكمني عنه وانا بعطيك رائي بكل امانه اما تكذبني وتقول عني اجهل الحقيقه واخرتها اتحكمني مايجوز هل كلام !!!

هدد السياره ليس بمنظم نعم ولاكن سالفة انه ذيخك كان الاول ولم تحسب له النتيجه هاذه كلام غير صحيح بتاتآ وذيخك كان له نصيب الاسد فيه وانما السلقان اللي كانت في الصف من جهة اليسار هي اللي انظلمت وذيخك استلم الراس لثواني بعد ماطفت الجريهاوندات وجو السلقان السوريه مرو عليه عبور ومرور الكرام والمنظم لما نزل ينشد عن الفايز لانه المركز الاول والثاني لسلق لونها ازرق ويتشابهون وكان الخلاف على رقم 4 او 5 وليس بذيخ اسود والكل شايف ذيخك وراهم بمسافه وانت تقول الاول ؟؟؟

الهدد الثاني لو بتجي للحقيقه حتى لو انعاد الهدد ذيخك المفروض ماينزل معاهم لانه ذيخك عقر الضاريه البيضه وفي شروط التصفيه السلق اللي يعقر يستبعد وتلغى نتيجته !!!

وبعدين بلنسبه لبعد الغزال والسلقان شافته او لاء هاذه انا مالي اي دخل فيها ولا اتحكم فيها باي شي وكلامي لايودي ولا ياخر ولاكن لو تبي رائي الشخصي (كل السلقان ماشافت الظبي )وهاذه كلامي الخاص طبعا !!!

وفي نهاية كلامي تبغى اتحدى وتبي تثبت قوة ذيخك الله يحيك وانا مااملك سلقان للشبك املك سلقان للمهدات !!!

ومن الاسبوع هاذه انا بابتدي بجهز للتصفيات وللمهدات وعقب التصفية تعال وشوف مستواك معاي وان فزت اباركلك وان خسرت هاردلك !!!

وبلنسبه للقحطاني 505

لو جيت السعوديه لربعنا الله يحيه ويجي ويهد معي ماعندي مانع بس بشرط انه يخرش الظبي بصواريخه وسالفت اني غلطت على (السعوديه)انا ماجرأ اتكلم ولا صار يوم جيت وتكلمت عن اخوانا وبلادي الثانية السعوديه واذا هو يقول الكلام هاذه يجيب اي دليل على كلامي وله مني اللي يامر به وهاذه الكلام مايجوز تقوله عني واحنى في منتدى الكلام كله مسجل وجيب اي كلمة في اي موضوع سابق يوكد كلامك ولاكن اذا احنى بمنتدى وانت تكذب باقوالك اشحال الواقع اللي برع المنتدى ؟؟؟

وعلى العموم اعتقد اني جاوبت على كل الكلام المذكور وماعندكم شي جديد تضيفونه واعتقد انه الموضوع المفروض يتسكر من الاساس !!!

القحطاني505

01/04/2007, 09:04 AM

حرف العين: وش فيك ماتفهم اقولك سلقتي انسرقت وراعي ارهاب فزع لي وقال بيفك معاك وانا من وين اجيب لك سلوقي وافك معاك ولو جييت بفك معاك ماراح اخرش الظبي لكن مب وقته اللحين على ماتخلص تصفياتك يمكن يكوون عندي سلوقي وبفك معاك لااقل ولااكثر

(اكثر المهدات اللي شفتها في السعوديه يكون في الصف فوق 30 سلق 10 اللي فيهم الخير والبقيه لوق وجعر و2من السلق اللي يلحقون والبقيه تسرح وتمرح )

وش مقصد كلامك بذا يعني ان اساس الناس اللي تربي السلقان بقطر وانا سلقانا مافيها خير ولاعندنا نظره بالسعوديه وانت بتجي وبتفك معنا وجهك كبير والله اللي تتشمت عليهم وتجي تفك معهم هههههههههههههههه الله يعينك واللي يفصل المهد وبعدين نحدد وقت المهد

حرف العين

01/04/2007, 09:50 AM

القحطاني 505

عندك شيء مفيد تقوله ؟؟

ولا ودك تملي الصفحات على معايه وبس ؟؟

القحطاني505

01/04/2007, 09:59 AM

خلاص انا قلتلك اللي بينا الهدد ولا عندي كلام غير المهد وبس ويالله همتك جر سلقانك واتعب عليها علشان تحقق ولاهنت

هاوي تحدي

01/04/2007, 05:06 PM

حرف العين

ماابي اعيد لانك تدري ان اللي مرو عليه القري هاند الاسود مو ارهاب وارهاب مر على الثاني بالوعر والكل يشوف ودخل على الاول دخول قوي

وانا ماابي اتعذر واتكلم كلام لايودي ولا يجيب لان التنظم فاشل وهذا سر فشل المهد

الشي الثاني انت تقول ان المهد الثاني ماشافت الكلاب كلها صدقني لو شافت كان تغيرت المراكز وسار الاول الاخير والاخير الاول

لا تروح تلف وتدور بتنزل معي ولا لا يعني خايف قول خايف اما انك تنتظر التصفيه هذا غير صحيح لانك مالك ولا سلوقي متاهل

الا اذا كنت بتاخذ من المجموعه المتاهل حياك الله وماعندي اي مشكله ولا تقول قويه اذا قلت لك جب سلقان غيرك !!!!!!!!!!!!

الاسبوع الجاي بجيب ارهاب لانه من مهده الثاني وهو مربوط يعني تشجع اشوي ولا تتعذر بائي عذر انا لااتعذر ولاكن اقول الصدق

لاني اعرف انك بتقول غير جاهز وهذا دائماَ عذر الضعيف ............

انا اتحداك واتحداك واشهدو عليه اذا لف ودار وقعد يتهرب هدد تصوير ونعرضه للاخوان ليستمتعون بالمهدات اللي فيها تحدي

انتظر ردك اذا انت على كلامك واما اذا منت منزل معي الله يستر عليك واقطع الكلام اللي مايودي ولا يجيب

القحطاني505

01/04/2007, 05:28 PM

مشكوووور ياهاوي تحدي على الفزعه والله يعطيك الف عافيه وانشاء الله بينعرض الهدد على الموقع الا اذا رفضو التحدي فذا شي ثاني والله لايهينك

حرف العين

01/04/2007, 05:56 PM

يتبع

هاوي تحدي
انت ماتشرط وزين مني جيت وقبلت تحديك عقب كلامك واعذارك وبعدين انت تتكلم وكانه عندك صاروخ موجه ولا كاني في السابق قلت انه ذيخك (مظلوم)ذيخ عادي ولا يمتاز باي شيء والحين عقب المهدين اللي صارو تغيرت نظرتي فيه ومابي اقولك هو وشو حاليا في انظري والتصفية اللي اقصدها تصفية اهل الشمال وليس بلتصفيه اللي شاركت وطلعت مكسور الخاطر منها!!!

ثانيا الذيخ اللي نزلته في التصفيه هاذي كان كبش فداء لا اكثر واذا على التاهل ابشرك اعتبر نفسي تاهلت بضاريتين ولاكن عقب اخر هدد ابشرك انهم انسحبو من التصفيه بلكامل لانه الهدد مانعاد وفيه ظلم للضارية الثالثه !!!

انت حاليا تتكلم واتهدد وداخل باسلوب الواثق نفس الاسلوب المتبع في السابق وللاسف ماتفتشل ولا تستحي من المصايب اللي حلت عليك وحتى لو نزلت معاي وانا ماعلم الغيب لاكن واثق ومتاكد انك بتكون خسران كلعاده وماراح يتغير شيء ولا راح تكون الخساره عبره لك ولا راح تكون شي جديد عليك وبلعكس راح تكشخ بذيخك (مظلوم)وتدعي البطولات وتدعي سرعته وقوته ؟؟

القحطاني 505 انت حاليا تقول انه هاوي تحدي فازعلك طيب هل انا جيت وقلت باتحداك انت اللي جيت وقلت انا بتحداك وماعندك غير المهايط ولاتملك شيء وتقول عندي صواريخ ومادري وشو وعايش الدور وانا قتلك تعال والله يحيك وعقب ماطرحت هاذه الموضوع الفاشل وقتلك انه شخص اتصلي وهو صديقك وقالي ماعليك منه وتراه مهايطي جيت وقلت والله كانت عندي اسلقه وضايعه حاليا !!!

نهاية الكلام ياهاوي تحدي ويا القحطاني 505 سوالف التلفونات وتعال يافلان اكتب كذا وتعال انا بقول كذا ماتمشي ولا راح اتكلكم عيش ويالقحطاني تره الذيخ (مظلوم)اللي راعيه هاوي تحدي واللي انت كاشخ فيه تراه مهوب مستوى اتراهن عليه ودامك معتمد عليه عيل ابشرك جهز الاعذار وجهز موضوع للتظلم في المنتدى !!!

نهاية الكلام ياهاوي تحدي ويا القحطاني بتتحدون بعد نهاية تصفيه اهل الشمال ولا لا ؟؟ اخلصو علينا بدال الكلام الفاضي واللي بدون هدف تبغي تتحدى تعال وابشر بلهزيمه لاتطولون السالفه وتعال بكره وارهاب في قطر ولا في السعوديه واشهدو ومادري وشو عطونا الزبده بتنزلون عقب ماتنتهي التصفيه ولا لاء ؟؟

ابن برقاء

01/04/2007, 06:40 PM

اول الشي كبر و عقولكم السلق هي للمقناص وهبة الريح موب تعال يفلان جب سلقة فلان ويجبون ضبى مزارع وحديقة حيوانات الها عشرين سنة في قفص الي عندة شي علية الكلام يورينا فعلة في ضبى الخلا ضباء برية والميدان ياحميدان تحدية مع ضبي الفلا زي الاخ العزيز اليايذب الي نزل مهد مع ضباء والرجاء تسكير الموضوع ولا يمكن يجي شي ماهو زين حتى لو فاز سلوقية على الثاني خير ياطير

القحطاني505

01/04/2007, 06:46 PM

اسمع ياحرف العين عيبك تبينه بنفسك انك تشجع من نفسك وانت واثق انك خسران واذا على التحدي انت اللي قلت اني ماعندي سلوقي غير السوري اللي من بو احمد وقلتلك انا عندي صواريخ سلوقيتين غير السوري والسلقه ضاعت وهاوي تحدي من باب العشره فزع وانت قلت عادي بتتحدى معاه واللحين تقول متى انا قلت بتحدى ؟؟!!!!!!!!!!!

الحكم انت اخترته الي هو طلو واحسن مافيك انك تعرف ميين تختار والنعم والله من طلو وانا بجي اشوف سلقانك وبشوف الهدد لكن انت اللي نزل وتكلم عن الهدد انا ماني متكلم الا اذا ببارك لك او لهاوي تحدي

خلاص على موعدنا والهدد نحدد مكانه وزمانه ليين تكون انت جاهز والله يوفق ويكون من اروع المهدات اللي بالسعوديه وهاوي تحدي قابل تحديك

نهاية الكلام ياهاوي تحدي ويا القحطاني 505 سوالف التلفونات وتعال يافلان اكتب كذا وتعال انا بقول كذا ماتمشي ولا راح اتكلكم عيش ويالقحطاني تره الذيخ (مظلوم)اللي راعيه هاوي تحدي واللي انت كاشخ فيه تراه مهوب مستوى اتراهن عليه ودامك معتمد عليه عيل ابشرك جهز الاعذار وجهز موضوع للتظلم في المنتدى !!!

والله تطيح من عيني يوم بعد يوم على سوالف المهايطيه والفصعان حقتك وتتعذر باعذار اقبح من ذنووووب لاتذل واحنا على احر من الجمر عشان نشوف الهدد ونحدد ميين الفايز وراح يكون كاميرات موجوده عشان مو انا اللي احكم كل المنتدى

القحطاني505

01/04/2007, 06:48 PM

ياابن برقاء تحدينا شرييف واحنا نتناقش على مواضيع مع قمة الاحترام والله لايهينك

ابن برقاء

01/04/2007, 07:00 PM

بينكم شي لا تكتبونة هنا كلمو بعض وتقابلو المنتدى حق وناسة وحق هدد وصور ماهوب مكان مثل الامور الرجاء الرجاء

القحطاني505

01/04/2007, 07:08 PM

اخوي ابن برقاء قلنا لك نتناقش عن تحدي وامور مهدات وعلوم طيبه وان كان ماعندك رد الله يعافيك

هاوي تحدي

01/04/2007, 08:20 PM

ثانيا الذيخ اللي نزلته في التصفيه هاذي كان كبش فداء لا اكثر واذا على التاهل ابشرك اعتبر نفسي تاهلت بضاريتين ولاكن عقب اخر هدد ابشرك انهم انسحبو من التصفيه بلكامل لانه الهدد مانعاد وفيه ظلم للضارية الثالثه !!!

زين انك اعترفت وشفه يالقحطاني كتب فيه ظلم ولا انعاد الهدد

يعني كان كلامي صحيح وان الهدد لايزم ينعاد وفوز السلوقي

ماله فوز وكتبت لك لو السلقان شافت كان تغير مركزه

انت حاليا تتكلم واتهدد وداخل باسلوب الواثق نفس الاسلوب المتبع في السابق وللاسف ماتفتشل ولا تستحي من المصايب اللي حلت عليك وحتى لو نزلت معاي وانا ماعلم الغيب لاكن واثق ومتاكد انك بتكون خسران كلعاده وماراح يتغير شيء ولا راح تكون الخساره عبره لك ولا راح تكون شي جديد عليك وبلعكس راح تكشخ بذيخك (مظلوم)وتدعي البطولات وتدعي سرعته وقوته ؟؟

انا اكشخ باللي يستاهل اكشخ فيه اقل شي كل الهددات اللي انهد

عندكم هددات فاشله وكلها احتجو المشاركين يعني فيه فشل بالتنظيم

مو تقول انه انسبق لانك الحين جاي تقول راعي الضاريه انسحب

وهي مظلومه ليه الظلم يشملكم ولا يشملنا على العموم انا يوم

اتحدى اتحدى بشي يشرف وذيخ عليه الكلام والهددات الي سارت

مو مقياس له وانت تتهرب لانك كاشخ بالاخير والمشكله محد احتج

اما انا يكفيك انسحاب راعي الضواري وهذا ان دل دل على كثر

كلامك لانك تعرف ان ارهاب انظلم وماشاف الظبي وجاي تتحدى

يمكن هذا يشجعك تتحداني بس ادري عضامك ماتشلك خلك

على الكلام والسوالف لان هذي مرحله للحين انت ماوصلت لها

تتحدى خلك بس تابع المهدات وعلق عليها

تره الذيخ (مظلوم)اللي راعيه هاوي تحدي واللي انت كاشخ فيه تراه مهوب مستوى اتراهن عليه ودامك معتمد عليه عيل ابشرك جهز الاعذار وجهز موضوع للتظلم في المنتدى !!!

ههههههههههههههههههههههههههههههههههههه

ياخي ليش انت متناغض والله اللي يقرا موضوعك يعرف انك متناغض

لانك تقول راعي الضاريه الثالث انسحب بجميع سلقانه وهو اللي

ياشباب راعي الضاريه هو اللي هد مع ارهاب باخر هدد وش تعليقكم

حرف العين

انت خاااااااايف ولا تقدر تنزل معي وخلك تتابع التصفيات

اما انا اعرف الناس اللي صاملين وجادين بالكلام انت كل يوم

تعيد كلامك علينا ................

حرف العين

01/04/2007, 10:26 PM

ياهاوي تحدي

يابطل ياصاحب (المظلوم )انت بتحدى بعد التصفيات ولا لاء لاتتهرب الله يخليك ؟؟؟

انا اتمنى تسال اي شخص راعي سلق في قطر وتقوله هل انت ودك اتنزل معه ذيخي ارهاب صدقني والله ثم والله راح يقولك ماتنزل انزل معك وهاي كلام الكل وانا ماجبت الكلام من فراغ وفي نهاية موضوع الانشاء اللي ماله داعي من الاساس انا جيت وقتلك بتتحدى ولا لاء انت تجي وتعطيني الموعد وتقولي بكره ومادري شنو وتبي تحط اشياء تعجيزيه لذالك الظاهر انت ماعندك خبر عن التحديات ولا سوالفها ولاكن لك بلبطولات الوهميه والسوالف والمعاياه على موضوع تافه .

شروط التحدي :

الهدد من 2كيلو لغاية 2كيلو ونصف !!

اذا الهدد في السعوديه راح يكون ايجار الظبي 1400 ريال واذا في قطر يكون الايجار من 1500 لغاية 2000 ريال وبشرط الظبي ينفك من خشوم السلقان ويكون ظبي قوي بمعنه الكلمه ومايبعد اكثر من 100 متر .

الخسران يدفع قيمة الايجار بلكامل !!!

التاريخ بعد تصفيات وموسم المهدات عندنا في قطر !!!

قبلت الله يحيك ماقبلت هم الله يحيك

وخلك من تحديات الاطفال اللي فتحت موضوع انشاء وشكبره على الفاضي وبعدين ليش كلامك كثير واكبر من فعلك سبق انك قلت اتحدى وقلت جيبو سلقانكم يا اهل قطر واخرتها تفشلت واحلامك ضاعت سدى وثاني مره جيت وقلت انا راح اسوي وافعل وانك راح تفوز بلهدد وسويت موضوع احتجاجات وشكاوي وتظلم في المنتدى ؟؟

اخيرا قبلت بلتحدي حياك الله ماقبلت فكنا من كلامك ومن وجع الراس اللي ماله اول ولا اخر وتعيد الكلام وترجعه وتظهر كلام وتزيد وتنقص .

نهاية الكلام قبلت ولا لاء ؟؟

اتمنى جوابك يكون مختصر ومفيد وانا انتظر منك كلمه واحده اختار منها :

نعم او لا

ابن برقاء احييك على اسلوبك وكلامك عين الصواب والى الامام دائما والف شكر لك .

القـــناص

02/04/2007, 10:05 AM

اخواني

حرف العين _ القحطاني505

اتمنى منكم ,,,

ان تغلقو هذا الموضوع اللي مامنه ,,,

اي فائده ,,, وهذا الموضوع راح يعطي صوره سيئه ,,,

عن اعضاء هذا المنتدى ,,, بسبب هذه المشاحنات التي ,,,

لا فائده منها ... وطالبكم فكوونا من هذه المشاكل ,,

لأنها هي اللي كرهتني بالسلق والمهدات ,,,

واتمنى من اخواني حرف العين و القحطاني 505

انهم يقفلون على هذا الموضوع ,,,

7
7
7

تحياتي
|
\
][ القـــناص ][

القحطاني505

02/04/2007, 10:17 AM

اخوي القناص هاذا تحدي ولا احد فينا راح يزعل بس اختلاف بالاراء يحكمه هدد الظبي ولايكون بينا زعلان والناس اللي تقرا بتعرف بس وجهات النظر ومستوى السلوقي لدى الاشخاص اللي تتحاور مع بعضها البعض وانشاء الله علومنا وعلومكم طيبه

بدوي_فاهم

02/04/2007, 10:30 AM

الاخ العزيز القحطاني 505 اولا احب ان اشكرك على جهودك الجباره في هذا المنتدى

وانت اكبر من هذي الشي

واالشكه في غيرك الله يحفضك

وعندي طلب بسيط

القصيده اللي في التوقيع ارجوك انك تغيرها لان القصيده اقرب للكلام منها قصيده والصراحه انها مكسره من اولها لاخرها واللي معطيك هالقصيده قله لاعاد يكتب قصيد

القحطاني505

02/04/2007, 10:34 AM

ماطلبت الا عزك ومن عيوني اغير لك التوقيع
واللي كتب القصيده خوي لي والله يعطيك العافيه

حرف العين

02/04/2007, 11:01 AM

السلام عليكم ورحمة الله وبركاتة

اخوي العزيز القناص

كلامك صحيح والموضوع بكبره تافه ولا له معنى وانا ابصراحه اول مره اشوف تحدي وهو عباره عن موضوع انشاء والكلام اكثر من الفعل وانا عن نفسي ماعندي اي مانع في التحدي ولاكن التحدي مايكون بلصوره العشوائيه اللي ظاهره في الموضوع لانه ابصراحه في حياتي ماشفت تحدي من هل نوع واكثر القراء والاعضاء في المنتدى مستائين من الموضوع بكبره والدليل انه لايوجد اي تعليق او ردود منهم
وفي نهاية كلامي .

شروط التحدي موجوده قبلتوها قولي نعم قبلنا واذا ماجازت لكم قولا كلمة لا نقبل !!!

وفكونا من المهاترات والاحتجاجات والكلام الطفولي واللي ازعجنا على الفاضي