اسأله للي يمتلكون المقيظ

[الطير غنام]

س1/ هل الطير في وقت المقيض حذف عنكم منتظم او في بعض الطيور منتظم وبعضها غير منتظم ؟

س2/ هل انتم تتكفلون اذا مرض الطير او لو سمحا الله جاه مرض ومات هل انتم تتكفلون بكل شي يصير للطير حتى

العلاج ؟

س3/ ابغى بس كيف تعلفون الطير في مقيض الهدد هل يجتمعون الطيور على العلف او كيف يصير لاني ما اعرف كيف

مقيض الهدد في تعشي الطير؟

س4/ هل الطير في اول الربطه يكون هدد في القيض والا له تدرجات حتى تهدون الطير؟


للمعلوميه ما ابغى احد يقول

مشكور على هذا الموضوع او

ما قضر

بيض الله وجهك

عذا الكلام ما ابغاه ابغى ردود

بس في وقت الربطه تحصل بعض الطيور تكره الطيور

كيف يكون مقيض الهدد؟

لان انا ما مره جربت الهدد لاني اقيض في البيت بس طيوري

[طيرحوران]

للمعلوميه ما ابغى احد يقول

مشكور على هذا الموضوع او

ما قضر

بيض الله وجهك

عذا الكلام ما ابغاه ابغى ردود

ههههههههههههههههههههههههه
حياك الله ياطير غنام
ابشر بسعدك والصقاقير مايقصرون معك وانا بعطيك اللي عندي ولا عندي مربط
ج1- الطيور ماهيب واحد بعضه منتظم وبعضه لا وانا الحين واحد من طيوري باقي فيه اربع خمس وطيوري الثانيه ماحذفت .

ج2- بالنسبه لمرض الطير هذه تختلف من مربط لمربط وحسب الشروط عموما البعض منهم يودي طيرك للمستشفى ويعالجه ويعطيك تكاليف العلاج .
والبعض يبلغك عن مرض طيرك وتجي انت تاخذه وتوديه وتعالجه .
بالنسبه لموت الطير يعتمد على اسباب الموت وذمة راعي المربط .فإذا كان السبب من اهمال او علف او عدم عنايه أو ضياع فيحتمله راعي المربط
اما إذا كان الموت من حتم نفسه بدون سبب فلا يحتمل شي.

ج3-ج4-جوابهن واحد عموما الطيور إذا وصلن عندك تربطهن على الوكور وتعلفهن غدا وعشا الين يصكن من الصنعه وبعدها تفكهن هدد بشرط يكونن مصطنعات .وتراقبهن لو حصل فيه طيور يشابطن تقضب اللي يشابط وتربطه على وكره لأن بعض الطيور مايطلق هدد الا إذا كان وحده .
واسف على الأختصار
عموما إذا بدا لك اي سؤال ابشر بسعدك وخله مفصل علشان نعطيك اجابه مفصله
والف شكر لك

[المري]

ماقصر طير حوران عطاك العلم الوكاد..

بيض الله وجه ابو سعد وجعل ذخر للمنتدى واهل المنتدى..

اخوك - المري

[حزام سبيع]

يعطيكم العافيه

[راع الابل]

وش تبي اكثر من كذا طير حوران عطاك الزبدة والمري عطاك الاكيد واخونا عفريت على اسمه ما تقدر تقول له شي لانه عفريت ههههههههههههه

تحياتي

[الطير غنام]

انا الحين ابشكركم
على تواضعكم معي

وجزاكمالله الف خير