نـــبــــذة عن الجهاز الأسبـــاني الجديــــد _ بالصور _

[المري]

السلام عليكم

اخواني الاعزاء .. من بداية الموسم وانا أستخدم جهاز جديد وصغير جدا ودقيق ...

هذا الجهاز من اصدار شركة (( تينى لوك )) الأسبانية وهو جهاز دقيق جدا يحدد لك الطير بواسطة علامات

مثل علامات الجهاز الارسال , يعنى يعطيك ابراج اذا وجهت الجهاز على الطير مثلا يعطيك 9 ابراج

واذا لفيت بالجهاز تدريجا تنزل الابراج حتى تصبح الابراج صفر ..بالاضافة الى الصوت مثل باقي الاجهزة..

اما ناحية القوة والمسافة فأرسال قوي جدا.. والريشة اذا جيت تبغى تشغلها على الجهاز تضع الريشة وتضغط رقم

معين يبحث عن الريشة وانت ماتلمس شي .. يبحث حتى يجد رقمها.. ويتبرمج اتوماتيكيا عليها..

الجهاز صغير جدا قريب من شبه الجهاز (( تراكر )) الأمريكي...

أما ريشته : تشبه ريشة مارشال الأمريكي ونفس الشكل ونفس اللون بس يوجد فيها لمبه صغيرة جدا اذا

ركبت البتري فيها تشتغل اللمبه فتعرف أن الريشة شغاله.. علما ان الجهاز ابو 10 قنوات وتردد 433 و 432

الشركة كاتبه معلومات عن مسافة الريشة :

اذا كانت الريشة على مستوى الارض يوصل من 15 كيلو الى 28 كيلو

واذا كانت الريشة مرتفعة من الارض 3 امتار يوصل من 28 كيلو الى 50 كيلو

واذا كان الطير طاير توصل من 50 كيلو الى 80 كيلو

وزن الريشة - 9.7 غرام

وسلامتكم

اليكم الصور:

http://www.clonica.net/usuario/img_usuario/puntodecontrol.com/Clonica_Port_Productes_Img_2/117.jpeg


http://www.clonica.net/usuario/img_usuario/puntodecontrol.com/Clonica_Port_Productes_Img_3/117.jpeg



صور بعض الريش:

http://www.clonica.net/usuario/img_usuario/puntodecontrol.com/Clonica_Port_Productes_Img_2/120.jpeg


وسلامتكم

وحااااااااااااضرين لأي أستفسار..

اخوكم - المري

[الزاجل الازرق]

هلابك ابومعيض دوما متالق بمواضيعك الممتازه جدا والمفيد عن كل شي صراحه الله يوفقك

ابومعيض الجهاز اسباني - وهل يوجد له وكيل بالسعوديه - وهل هو عملي
وكم اسعر الجهاز وسعر الريشه

الله يوفقك

[المري]

مرحبا اخوي الزاجل الأزرق (( الحر الأشقر )) الجهاز على ماشفت منه انه عملي

وليس له وكيل في السعودية بس وكيل في الكويت شخص يدعى : بدر الديري , رجال حطة على الجرح يبرى يكسب بأخلاقه الطيبه

ولو صار في الجهاز عطل او في الريشة عطل بس ارفع السماعة عليه وهو يسنعك بالعلم الغانم ..

قيمة الجهاز حدود 4500 ريال والريشة حدود 1100 ريال ..

بس جهاز يبغى كلام وانت اذا سيرت علي خليتك تشوفه وتجربة وعلى ماقيل التجربة خير برهاااااااااااااااااان

اخوك - المري

[*الـزيـن*]

يابعدي يا المري

تصدق اني محتار والحين لقيت الشي الي يستاهل شغل برمجه ومسافات وسعر حلو

والله ياالمري موضوعك روعه واضافلي الشي الكثيرر ويبيلي واحد مايبيله كلاااااام


بس البطاريه كم تجلس



تقبل كل الاحترام والتقدير

اخوك الزين

[راعي الخلوي]

يالله حي المري
وجزاك الله خير على هالمعلومات الطيبه...
وين نحصل الرجال ذا ياليت تحط لنا وسيلة الاتصال به...واذا اخترب الجهاز او انه يحتاج صيانه مالعمل:confused:

[المري]

مرحبا اخوي الزين

وماقصرت على الرد واذا بغيت جهاز مثله حاااضرين ..

***

اخوي راعي الخلوي
حياك الله ومرحبا بك

الجهاز طال عمرك عند الاخ بدر محارب وهو من اهل الكويت وسيلة الاتصال به : 009659388069

كلمه وهو يعطيك أسعارها وكل شي عنها.. وبخصوص الصيانة لاتشيل هم.. بدر محارب يخبرك بس اتصل عليه

وهو مايقصر..

اخوك - المري

[الهوى]

كم اسعر الجهاز وسعر الريشه

[نجم حفرالباطن]

ماقصرت اخوي المري بارك الله فيك

[مقداد]

تسلم يالمري

عزالله جهاز وافي

كم ريشه ياخذ
يعني 5 ريش 10 ريش 100 ريشه


ت

[المري]

مرحبا اخوي الهوى : بخصوص الاسعار مذكوره فوق بارك الله فيك , الجهاز 4500 ريال والريشة 110 ريال تقريبا والاسعار

عند الاخ بدر في الكويت..

**

مرحبا اخوي نجم الحفر وحياك الله يالغالي..

**

هلا اخوي مقداد

فيه ابو 10 وفي ابو 100 طير..

** وسلامتكم

اخوكم - المري

[أبو رداد]

مشكور يابو معيض
على هالموضوع عن الجهاز الاسباني
والجهاز من سنتين شفته في دبي
وجربوه بعض الاصدقاء
ويقولون المسافه تقريبا نفس مسافة المارشال
ويعبون عليه صعوبة استعماله
وصوته واطئ قياسا بالمارشال
وسعره في دبي 7500 درهم مع ثلاثة ريش
مع قاعده بلاستيكيه تحمل الجهاز
تشابه طريقة حمل الاجهزه الاخرى
والسلام

[المري]

بيض الله وجهك يابو رداد على توضيح الأسعار وماقصرت يالغالي..

وصحيح صوته واطي قياسا بالمارشال بس فيه علامات مثل علامات جهاز الكنوود..

شكرا للجميع..

اخوكم - المري

[صقر ليبيا]

مشكور على الموضوع طيب وبارك الله فيك خوى المرى بس قولى هل متوافر فى السعودية وكم قيمتة بدولاار وشكرا خوك صقر ليبيا

[ابرق العزاف]

جهز طيب وعملي ولكن اين الصيانه الا الكويت او اسبانيا

[المري]

مرحبا بصقر ليبيا وحياك الله يالغالي

متوفر لدى القليل من الصقاقير بس ماهوب في محلات لبيع الأجهزة لان ماله وكيل.. بس موجود في الامارات والكويت..

وسلامتك

اخوك - المري

***

مرحبا اخوي ابرق العزاف وصحيح ماله صيانة في السعودية

[مقداد]

اخوي المري

صدق المثل

اللــي مـايـعـرف الــصـقــر يــشـــــوووووووويـــــه










ت

[حطاااااب]

السلام عليكم ورحمة الله وبركاته
بيض الله وجهك يالمري
الجهاز ممتاز للي بيفهمه مع اني ماشفته الا قبل سنه مع واحد من الشباب واللي مزينه خفته وصغره
وخاصه اذا انك وحدك مايتعبك في توجيه في السياره بيكون سهل
اما الشيبان مايحبونه لعوزهم مرتاحين على ابو3 ريش وابو16 الامريكي
ومشكور على مجهودك

[المري]

مرحبا اخوي مقداد وحياك الله ..

بس هذا المثل وش جابه في الموضوع؟؟!!

اخوك - المري

*** هلااخوي حطاب وتسلم على التوضيح وبخصوص الشيبان مايصلح لهم ابدا

وماقصرت..

اخوك -- المري

[عاشق الصحرء]

مشكور اخوى المرى على الموضوع الطيب من الرجل طيب مشكور اخوك عاشق الصحرء

[فارس العجمي]

السلام عليكم
بيض الله وجهك بو معيض والجهاز هذا يجيبه بدر محارب المطيري ((( ابو محسن ))) وابو محسن اشهر من نار علي علم في الكويت رجال مطوع وخايف ربه وصادق اذا قالك شي صدقه والله العظيم انه صادق
السنه هذي حصل عندنا كلام علي الجهاز كل واحد قال شي المهم كلمووو ابووو محسن وجابو الجهاز معها ريش ابوو معيض انا ناسي الريش الي مع الجهاز ((( اسبانيه ))) صح المهم حطينا الريشه فووق عمووود وبرمجنا احداثيته في البر ومشينا لين وصلنا مزارع الوفر وشغلنا الجهاز وعطانا استقبال الريشه علي برج اوو برجين شغلنا الغارمن عطانا 49 كيلوووو متر هذا الكلام ردوووه مني انا وفي شغل ما ذكرها ابووو معبض الجهاز كبر ريموونت التلفزووين يعني صغير وخفيف

[أبوشنب]

مشكور على الموضوع أخوي المري ويعطيك العافية ما قصرت

[المري]

ماقصرتوا وجزاكم الله خير..

اخوي فارس صحيح كلام ابو محارب ماعليه كلام وتجربتى ايضا ..

اخوك - المري

[عجمي]

مشكور اخوي وماقصرت على الموضوع

والله يعطيك العافيه

اخوك عجمي

[مارشال]

للتوضيح الجهاز مايجي منه تردد 216 المطابق لتردد المملكه
ولا تردد 215/217......./220 المطابق لدول الخليج

انا اشوف انه اكثر شي ماشي في الكويت

وبالنسبه للأخ بدر المحارب الوكيل لهذا الجهاز في الكويت ............. عز الله انه ونعم الرجل حسب معرفتي........ قمه في الأخلاق ولين الجانب

تحياتي

[taag1]

لاهنت يابومعيض على ها الإبداع والتألق الدائم ودايم مواضيعك طيبه وتحري بالطيب

وارجوا من الإخوان قرائة الموضوع جيدا وسيجدون اجاباة لمعظم الأسئله المتكرره

وهو للتنبيه فقط ولاهنتو جميع

ولكم تحياتي......

[المري]

تسلمون وماقصرتوا وكل اعلومكم غاااااااانمه

وبالنيابة عن اخوي بدر محارب اقول: ماعليك زود يامارشال..

اخوكم - بو معيض

[فهد الميموني]

:confused: الله يعافيك يابومعيض ودوماً سباق للمواضيع المفيده والجديده / والجهاز ما عليه كلام خف وزن وصغر حجم وهذا اللي نبيه ماهو زي الجهاز الامريكي اللي طوله متر وكل مطب يطيح على الطيور ولا بغيت تحدد وانت بالسياره وطالت المسافه هزع يك ولا ضرب عين خويكككككككككككك

سؤالي يابومعيض / بعد انتهاء عملية البحث لتحديد رقم الريشه الياً كيف تعرف او تحفظ رقم ريشتك(للعوده لها عند الحاجه
) إذا كانوا الشباب في المدعى وفيه مجموعه من الريش(10ريش شغاله في وقت واحد)واحتمال يكون فيه كم ريشه له نفس الرقم او نفس التردد؟؟؟؟؟؟؟؟؟؟

[فهد الميموني]

:confused: الله يعافيك يابومعيض ودوماً سباق للمواضيع المفيده والجديده / والجهاز ما عليه كلام خف وزن وصغر حجم وهذا اللي نبيه ماهو زي الجهاز الامريكي اللي طوله متر وكل مطب يطيح على الطيور ولا بغيت تحدد وانت بالسياره وطالت المسافه هزع يك ولا ضرب عين خويكككككككككككك

سؤالي يابومعيض / بعد انتهاء عملية البحث لتحديد رقم الريشه الياً كيف تعرف او تحفظ رقم ريشتك(للعوده لها عند الحاجه
) إذا كانوا الشباب في المدعى وفيه مجموعه من الريش(10ريش شغاله في وقت واحد)واحتمال يكون فيه كم ريشه له نفس الرقم او نفس التردد؟؟؟؟؟؟؟؟؟؟

[بن رهوان]

السلام عليكم/

يشكر الأخ/ المرى على هذة المواضيع الطيبة وأحب ان أضيف انة فى حالة ضعف الصوت او عدم وضوحة فإنة يعود الى عدم معايرة الجهاز (calibration) بين الريشة والريسيفر وخاصة فى حالة إختلاف درجات الحرارة خلال السنة والتى لها تأثير عكسى على قوة الإرسال ومدى التغطية وتنصح الشركة بعمل معايرة او ضبط للجهاز (الريشة مع الريسيفر)مرتين الى ثلاثة مرات سنوياً وهى عملية بسيطة يقوم بها الجهاز اتوماتيكيا بالضغط على زر رقم 5 و OK .هناك ايضا بعض الإضافات لهذا الجهاز كمستقبل خارجى(EXTERNAL ANTENNA) والذى يمكن إستخدامة بالصعود فوق السيارة والتجّول حتى إلتغاط إشارة قوية ومن ثما متابعتها عن طريق الجهاز يدوياً.

[المري]

مرحبا اخوي المرزم وحياك الله يالغالي..

بخصوص الخف فهو خفيف جدا , بس تردد ترى ماهوب 216 علشان يشتغل على جميع الترداد اللي في المدعى تردد 433

يعنى مافيه الا نفس ريشته او نفس تردده..

***

مرحبا اخوي بن رهوان وحياك الله وشرفت في موضوعنا .. والظاهر انك افهم منا في هذا الجهاز فلا تباعد رد على اسئلة

بعض الاخوان.. شاكرين لك

اخوكم - المري