فضلاً وليس امراَ

[بو راشد]

الاخوان الاعزاء
بعد التحيه
السنه هذي مو خوش سنه باالنسبه لي.......شوفو وش صار لي!
اعزكم الله .......الذيخ (صنقل) ضاع،(قطنه) قرصتها ام جنيب كذالك (فضه)يمكن موت طبيعي لكن شفت الدم خارج من خشمها واضن انها مقروصه اما (حمره) فهذا اكيد انها مسروقه الحمد لله قدر وما شاء فعل
الان عندي (منوه)وكذلك(نمور) والسلق هجين عربي على ساحلي.......اسف على الاطاله
ارجو من عنده ذيخ باكستاني اوانجليزي اوافغاني لايبخل علي اعاره فقط اكون له من الشاكرين
ولاتنسون اني العام الماضي كثير من الاخوان اخذوا مني سلالات طيبه عن طريق مكشات
تحياتي

بوراشد

[صياد الارانب]

السلام عليكم

الله يعووضك بطيب منهااا والله لوعندي ما ابخل عليك :good:
وانا السلق عندي من اسبووع جهاا مرض مات منهااا 3 :(

وباقي 3 منهاا واحد مريض بعد الله يستر عليهاا

وشكرا

[الشاذوب]

كرمت الذيخ وشو ماعرفته

[القحطاني505]

موجود ذيخ عربي وساحلي واذا تبغى ارسلي لي رقمك على الخاص
والله يعينك

[بو راشد]

الاخوان الاعزاء بعد التحيه

صياد الارانب لاخلا ولاعدم إنشاالله معاوض

الشاذوب غيرك المفهم اعزك الله الذيخ هو السلوقي

القحطاني 505 الحقيقه انا رجال تعديت سن الشباب ولاقصرت في شبابي من مطارد السلق اما الان ف انااحاول انتاج فصائل مهجنه لاولادي والربع.....مشكور سلفاً

ان ساكن بالجبيل البلد وان شاء الله اصبروا علي سنه ونصف وسوف تسرون .

تحياتي
بوراشد

[بو راشد]

ياشباب اشوف الردود قليله مادري ليش مع العلم ان صور السلق تارسه الخيمه وكل واحد يفاخر فيها هل طلبي صعب ام النوعيه غير موجوده؟

يااخوان السلالاه الي عندي متعوب عليها ومنقاة من بين الخمسين اوستين سلقه وجربتهم في الهدد والسمع و الطاعه كذلك الادب وركوب السياره وعدم الخوف وهذي الدماء يجب استنسالها كذلك الوانها غريبه وهي مخططه بخطوط النمر
واعرف ان هذا الوقت ليس وقت إظراب لكن احد البيطرين اعطاني حقن للذيخ و السلقه يزيد في الهرمون الذكري والانثوي على هذا الاساس طلبي عباره عن إعاره فقط ارجو الاهتمام .

تحياتي
بوراشد

[سلطان العوني]

الله بوفقك اخوي وتتحقق مرادك

[(القناص)]

والله وانا اخوك الموجود عربي وساحلي بكثره

والله يوفقك

[sasasasas]

والله ياليت اخوي

ما عندي الا ساحلي اذا حبيت تاخذ من سلالتي

ابشر ومن عيوني والله

[بو راشد]

الاخوان الاعزاء

القحطاني505
القناص
sasasasasa
اسعدالله اوقاتكم بكل خير وماقصرتوا علمكم غانم .
عسى سكنكم ماهو بعيد عن الجبيل كذلك كيف يمكني الاتصال بكم ياغوانم

تحياتي
بوراشد

[طلو]

ابشر يابو راشد عندي ذيخ عمره 11 سنه اصله من كلاب نجد القديمه واذا بغيت تلقح منه ما عندي مانع لو بتخليه عندك شهر ولا شهرين تراى ما عندي مانع
( الناس للناس والكل بالله)
وهذا رقمي 0556685058 ابو نايف

[بو راشد]

الاخ العزيز طلو ابو نايف الحبيب

الف تحيه عطره
لاخلى ولاعدم ياراعي الَنَبه والله لايحرمنا طلتك ياطلو

تحياتي
بوراشد