المساعد الشخصي الرقمي

مشاهدة النسخة كاملة : تفضلوا يالربع


الشامي1
31/03/2007, 12:24 PM
السلام عليكم اخواني الكشاته

فيه موضوع بعنوان ليش ياطلو اتمنى انكم تمرون

عليه قبل ما تدخلون على موضوعي هذا!!!!!!!!!!

أولاً: الأخ دارك انا ماراح ارد عليك لأن معروف الكلام اللي

قلته يطلع من أي فئة من الناس اقصد كلمة ( بزير وكبر رجلي)

يعني تقولها لواحد مسوي معك هالجميله أكيد اذا في المنتدى

رجال بيعرفون من مين هالكلام يصدر وانشاء الله كلهم رجال

ثانياً: ودي اوضح السالفه للشباب علشان يحكمون على كلامك!!

طبعاً السالفه يوم شفتك قاعد تطر في المنتديات رأفت بحالتك

وقلتلك راسلني على الخاص وصار بيننا اتصال وقلتلك عندي

سلقه لقحه واذا اجرت ابشر بجرو وقلتلي انا بروح السودان

صدقت انك قدها وقلت مدام الدعوه كذا اجل عندي حل اطيب

من هذا خذ السلقه واذا اجرت اختر احسن واحد وخذه واذا

تبي الجراوة كلها فداك لأن الشباب عندي في الاستراحة يومياً

واخاف من الاحراج يعني يختارون الطيبات واصير

ماتجملت مع رفيقي راعي المنتدى اللي بيروح السودان

والحين يقول انا ماني مولد سلق يعني ياخي حنا ماحسينا

بالنقص في انفسنا وقلنا وش دخلنا في الناس حنا نربي

ونتعب ونعطي خلق الله كلاب يعني بالعربي

وش يبي طال عمره نولد حنا السلق ونختارله الجرو الزين

ونجيبه له في هندول ومعه (خروفين)!!!!!!

لاكن الشرهه علي انا

وش لقفني على الانترنت ومنتدياتها اول مره اشارك في

منتدى وناوي اسولف واخدم الرجال ويخدموني

وهذي اولتها اللي يسوى واللي مايسوى يقدر يتكلم

على راحته ويقيم الرجال وكأنه ( عقيد قوم ).


وهذي هي السالفة.


ملاحظة: الاخ ابن برقا قبل ما انزل موضوعي

رد وهو مايدري وش السالفه: وقال بالحرف الواحد


(دارك هد الوضع الرجال الي قال خذ السلقة ورجعها واللة العضيم نشمي مليون في المية جزاة الله خير قال خذ جرا ء ودليل انة مهو بسيط ماقصر معك وش تبي عاد اكثر من كذا)


(هذي الرجال اللي تقدر الجمايل)
ال معلى
31/03/2007, 12:33 PM
الشااااااااااااااااااامي يالغالي

السلام عليكم

وجهك ابيض وانا اخوك والا لو انه واحد غيرك كان خلى السلقه تجري عنده وعطى الي طالب له سلقه اخس انتاجها وقال خله

بس انت وفيت وكفيت عطيته السلقه ويختار الظاهر يبيك زي ماقلت هندول وخروفين

اقول والله انهم ............ وجاين يبون يسوون فيها اهل سلق الله يخلي الجعر تنفع لهم يطردون فيها قطاوه الحاره
القحطاني505
31/03/2007, 12:37 PM
بيض الله وجهك يااخوي الشامي والله فزعتك على العين والراس واخوي دارك ممكن خذ الامور بجديه اوبعصبيه ولاتشيل هم اخوي دارك رجال والنعم وانشاء الله ماتفرقكم سلقان والله يعطيك مليون عافيه على تواضعك واخلاقك العاليه والله لايهينك
سعدون جابر
31/03/2007, 01:26 PM
بيض الله وجهك يالشامي وأصابعك ماهي سوى






ولا تاخذ كل كلمة بالمنتدى وانا اخوك






خذ وخل






تقبل مروري .
ابو تمام
31/03/2007, 01:33 PM
علمك غانم يالشامي وماقصرت
ابو صاالح
31/03/2007, 02:57 PM
ما قصررت يالشامي جميلك ما يروح ،، على العموم ان شاء الله يصييير خير وتنحل الأمور ،، ابو صاالح
راعي مليون
31/03/2007, 03:10 PM
بيض الله وجهك يا الشامي وما قصرت مع الرجال كفيت و وفيت

ورايتك بيضئ

اما بنسبه للأخ دارك اقوله: كلن يرإ الناس بعين طبعه

والله يهديه
هاون
31/03/2007, 03:10 PM
قواك الله يا الشامي والله يعطيك العافية قول وفعل
سلطان العوني
31/03/2007, 05:51 PM
حياك الله يالشامي
من طول الغيبات جاب الغنايم
شف ناك انقطعنا وقلنا فيك شي عسى المانع خير
بالنسبه للموضوع ما يحتاج اعلق عليه واضح مثل الشمس
وما اقول غير لا حول ولاقوة الا بالله
ولا تحرمنا من مشاركاتك
لك فائق الاحترام والتقدير
سلطان العوني
31/03/2007, 05:53 PM
تعديــــــــــــــــــــــــل املائـــــــــــــــــــــي
حياك الله يالشامي
من طول الغيبات جاب الغنايم
شف ناك انقطعنت وقلنا فيك شي عسى المانع خير
بالنسبه للموضوع ما يحتاج اعلق عليه واضح مثل الشمس
وما اقول غير لا حول ولاقوة الا بالله
ولا تحرمنا من مشاركاتك
لك فائق الاحترام والتقدير
حياك الله يالشامي
من طول الغيبات جاب الغنايم
شف ناك انقطعنا وقلنا فيك شي عسى المانع خير
بالنسبه للموضوع ما يحتاج اعلق عليه واضح مثل الشمس
وما اقول غير لا حول ولاقوة الا بالله
ولا تحرمنا من مشاركاتك
لك فائق الاحترام والتقدير
قناص الساحل
31/03/2007, 06:13 PM
اخوي الشامي عز الله كفيت ووفيت
والصراحة اللي لا بد منها ان المشرف يشوف حلل
للا شخاص اللي يتلفظون بالفاظ بعيده عن المرجلة..:mad: .
والاحترام اللي يفترض يكون بيننا كاخوان
و وجهك ابيض وانا اخوك والا لو انه واحد غيرك كان خلى السلقه تجري
عنده وعطى الي طالب له سلقه اخس انتاجها وقال خله
وتسلم يالغالي
الشــامخ
31/03/2007, 07:09 PM
الله لا يهينك ياخوي الشامي وبيض الله وجهك يالغالي والله ان علمك غانم وارضا الناس غاية لاتدرك

وانا والله انه ارتفع ضغطي من كلامه وانا مالي ناقة ولاجمل لكن اقول مثل ماقال اخوي قناص الساحل

مثل هالاشخاص مفروض يشاف لهم حل

تقبل تحياتي
ابن برقاء
31/03/2007, 08:45 PM
بيض الله وجهك ياشامي لوانة واحد ثاني قال مانيب مخلي سلقتي عند واحد معرفة وقفتك هاذي تدل على طيب معدنك والواحد يسوي جمايل ولاعلية من احد العفو عند المقدرة فية ناس عندهم سلقان كثر الغنم والله مايعطون وهو ماجرب ها الامور ولا تعطي الامور اكثر من حجمها كلها كلاب في كلاب وذا قال بزير البزربيكبر ويصير رجال وكم بزر ياقف احسن من وقفت الريجيل الكبار وتقبل مروري
راعي الهدبا99
31/03/2007, 08:46 PM
عزالله انك ماقصرت معاه كفيت ووفيت
sasasasas
31/03/2007, 10:31 PM
والله انك كفو والله
ما عليك منه الشره عليه هو على بالي راعي صيد وهو ما عند عند جدتي ما قصرت اخوي وجهك ابيض وفالك المليون حبيبي

وياليت تنسون ترى كلنا اخوان وماله اي داعي كل المنوشات هاذي

تقبل تحياتي

ابو هيله
دهام
01/04/2007, 07:54 PM
ان كان اللي قلت يالشامي1 صحيح وانت كفو الصدق ولا يهون من يقرا.....فرايتك بيضاء ولا يندم الا راعي العلم الردي
ولا جاء ردا لكن ...........من عفا واصلح فاجره على الله
الشامي1
02/04/2007, 10:37 AM
مرحبا والله فيكم اخواني

ال معلى

القحطاني 505

سعدون جابر

ابو تمام

ابوصالح

راعي مليون

هاون

سلطان العوني

قناص الساحل

الشامخ

ابن برقا

راعي الهدبا

Sasasasa

دهام

والصراحه والله ما ادري وش اقول لكم كل واحد

رده اطيب من الثاني وهذا يدل على انكم كفوا

لمن يراسكم وياخذ ويعطي معكم وهذا من طيب اصلكم

وآسف على تأخري في الرد
حرف العين
02/04/2007, 11:13 AM
السلام عليكم ورحمة الله وبركاتة

اخوي الشامي

اتمنى ماتزعل وتتكدر من الكلام اللي دار ولازم تعرف انه مستوى فكر وعقول الناس تختلف وانت رايتك بيضه وعزالله انك كفيت ووفيت وامثالك نوادر في الوقت الحالي واتمنى ماتقطع او اتخلي هاذه الموضوع يحرمنا من مواضيعك او يكون سبب في عدم مشاركتك في المنتدى .

ولك مني اجمل تحيه والف شكر
سلطان العوني
02/04/2007, 11:21 AM
اخووي الشامي
اريتك بيضا واللي مثلك قليل
واتمنى ما تحرمنا من مشاركاتك
وابي منك شي واحد
لا تاخذ الامور كلها بجديه وخل صدرك كبير
الشامي1
02/04/2007, 11:56 AM
اخوي حرف العين ما عليك زود والله انت وباقي

الاخوان وطلبك على العين والراس وتأكد انه

ما طرالي اترك المنتدى واتركم انتم وسوالفكم

الرزينه على شان هالسوالف
عافور
02/04/2007, 01:27 PM
رايتك بيضا يالشامي ولا ذاك موهب صاحي
عروق الدهنا
02/04/2007, 02:23 PM
اخوي الشامي ناسف على التاخر بالرد
رايتك بيضا وانت حطيت النقط فوق الحروف
والمنتدى جامع الصالح والطالح فياليت اخوي انك ماتشره عليه


يالعن ابو حرن تنونس بناسين@يصنع جميل ويحسب الناس تقناه

والسلام خير ختام
ولد عنيزة
03/04/2007, 12:44 AM
بيض الله وجهك يالغالي وماقصرت
وأنت تجملت معه بس هو الله إيهديه؟؟؟؟؟؟؟
تقبل تحياتي ولد عنيزة
خاشقجي
03/04/2007, 12:59 AM
بيض الله وجهك يالشامي رايتك بيضاء...
الشامي1
03/04/2007, 08:36 AM
ياهلا والله اخواني

العوني

عافور

ولد عنيزه

عروق الدهنا

خاشقجي

وبيض الله وجيهكم على هالكلام الطيب

وهذي والله الهقوه فيكم انتم وباقي الاخوان
عاشق السمر
03/04/2007, 11:36 AM
اخوي الشامي وجهك ابيض وماقصرت وارجو ان تتمثل بقول الشعر :
واذا اتتك مذمتي من ( ... )
فهي الشهادة لي بأني كامل .


والسلام
الشامي1
04/04/2007, 08:33 AM
هلا والله اخوي عاشق سمر وبيض الله

وجهك على المرور الطيب
dark
04/04/2007, 05:36 PM
تدرون وش ردي بقولكم
كلكم منافقين مع الاسف
وخاصه راعي المليون لانه صدمني وهو عارف ليش
يمكن انا اخذت اسالفه بحميه ونعاره يمكن تكون عندك حق وانا الغلطان

لاتنسون اني قحطاني ومن ناس معروفين لازم احافض علي كرمتى
بس ((شفته يطر بالمنتديات ))حلوه منك ومقبوله لاني انا الي بديت بشغله هذي

المهم انا راس السبب كله ولا وش احرق دمي علي الخيمه ومطالبه فيها

وشكر الي مكاتبوا وهم واعتبرهم اعقل منا الي موجودين لان في الموضوع هذا
لانهاوبالخير خربيط انترنت ولا فيها شي من علوم رياجيل صله خربيط دشير وناس فاضيه
ومع الاسف صرت منهم بدون مدري
السلام عليكم