(( هدو السلق )) موضوع قابل للنقاش

[ابو صاالح]

بسم الله الرحمن الرحيم

تعقيب على هذا الرد في موضوع اااخر >>((بعدين انت بصراحه أثرت نقطه براسي الأ وهي الهدو ((( يعني تعطي واحد سلقه او سلوقي ))يا جماعه الخير انتم عندكم علم وتعرفون هالأمور اكثر مني ،، ترى السلق حيوان له حق ،، ماهوب اي واحد يقول ابي سلوقي تطق صدرك وتقوله تعال خذ ، لا لا اكبر غلط ،، يترى فيه ناس تاخذ هالسلق للتسليه ،، ويجي السلق منه اشياء كثيره وهي (( الجووع \ العطش \\ التعذيب \\ مطارد القطاوه ( يجيك السلوقي متقطع رايح وطي من هالقطاوه ) واشياء كثيره ،، فأنا انصح اللي عندهم سلق ويهدونها ،، ما يهدونها لغير الرجال اهل القنص واللي عندهم ذمه ويخافون ربهم ،، الموضوع طويييل ويحتااج موضووع مستقل ،،، وسلامتكم

===========================

طبعا كثير منا يعرف ان السلق استخدموها العرب للصيد ، وايضا نعرف ان الدين حرم بيع الكلاب ،، وان العرب تعايبو ايضا بيعها ،، فهي تهدى هدو (( تعطى لمن يحتاجها )) ولكن ، قبل انت تهدي سلقه او سلوقي اسئل نفسك ؟؟؟؟
هل الشخص اللي تبي تهديه السلق بينتفع بها بطريقه صحيحه ومشروعه
هل سيعتني بها من ناحية الأكل والشرب والأشياء الأخرى
هل سيعاملها معامله جيده (( لأن الدين امرنا بالرفق بالحيوان ))
وأسئله كثيره يجب ان تطرحها ببالك
==================
فالكل منا شاف الطريقه التي يعامل بها هالحيوان الضعيف ،، اما عن طريق الصدفه او عبر المشاهد التي تنتشر والصور اللتي نرى ، وياضح هالشيء على السلوقي من جوع وعطش واثار تعذيب وضرب ، وغيره ، فلذلك ،اذا طلب منك سلوقي او سلقه ،، يجب ان تتحقق من الشخص اللي تبي تهديه ،، وبصراحه يبين الشخص حتى لو ما عرفته ،، الرجال تبين لو ما عرفته .
ارجو منكم اخواني في مكشات كتابة وجهة نظركم ، والرد على الموضوع . فالموضوع وضع لأجل النقاش . ومعرفة وجهات النظر

(( ملاحظه : الموضوع وضع مستقلا لطلب من احد الأعضاء وكثر الله من امثالكم

[هاون]

أخوي ابو صالح انا سعيد اني اول من يردعلى هذا الموضوع الرائع

وصراحة احب اني اشكر الاخ عبودي على نقاشة الحاد في بعض المواضيع (لان هذا النقاش هو اللي فتح باب هذا الموضوع)

واتمنى من الاخ عبودي قراءة هذا الموضوع

ومشكورررررر اخو ابو صالح على كل شي ويعطيك الف عافية

[ابو صاالح]

الله يعافيك اخوي هاون واشكرك على ردك السريع ننتظر وجهة نظرررك ،، ماا قصررت اخوك ابو صالح

[القحطاني505]

اخوي بوصاالح يعطيك مليووووون عافيه وكلامك بعين الاعتبار وياكثر من ياخذ السلق ويعذبه لانه مااجاه بتعب جاه هدو وفي ناس تاخذه وتجهده ولاتاكله عشان سلقانها موجود وكلب الغريب لاياكل وزياده على كلامك بعض الناس تاخذ الذيخه وتشبي منه وهي تقول انها راحت اقنصت فيه وهذا مايجوز لانه استغفال لراعي الذيخ وكذب في الاول .....

وانشاء الله مايكون من بينا واحد راعي هاذي السوالف
ولاهنت اخوي بوصالح ومواضيعك ذهبيه وتستاهل كل خير يابوناصر

[سلطان العوني]

الاخ العزيز ابو صالح
اشكرك على هالموضوع وياليت كل الناس تقتدي بكلامك
وانا ما انقص بكلام اخوي عبودي99 ولا اذمه ولكن وجهة نظر الكل ولازم نحترمها
اما من ناحية السلق فأنا اقول انه اكبر غلط الواحد ياخذ سلقه او سلوقي
ويعذبها او يجوعها بحكم انه يبيها تكون نشيطه بالعكس اذا جاعت السلق يقل نشاطها وما تقوم بالواجب على اكمل وجه
اما من ناحية القطاوه فأنا اقول عيب عيب عيب الواحد يجرب سلقه على قطاوه
ياخي اشتر لك ارنب ودربه عليها او هدها على جرابيع
اخوي ابو صالح
لك فائق الاحترام والتقدير
اخوك سلطان

[سعدون جابر]

الأخ / أبو صالح

السلام عليكم ورحمة الله وبركاته .


يعطيك العافية على هالموضوع وشيء جميل أن يطرح مثل هذا الموضوع .


أما بالنسبة لرأيي الشخصي فالسلوقي أعتبره شيء ثمين لا يعرف قدره إلا راعي الصنف والذي يقدر هذه الهواية .


فأنا وأنت يابو صالح ولا يهونون الأخوان نعرف قيمة هذه السلق فأكيد لن تهدى إلا لمن يستحقها والتي لا تقدر بثمن لديه .


أما من يجهل وليس لديه معرفة كاملة بهذا الحيوان فقد يهديها على من يسيء معاملتها أو قد يكون هو من يسيء معاملتها وهذا يندرج تحت المثل اللي يقول ( اللي ما يعرف الطير يشويه ) .


والسلوقي عندي أفضل من الطير ولا فيه وجه مقارنة .


تقبل مروري .

أخوك / أبو خالد .

[قناص الساحل]

السلق اكبر غلط الواحد ياخذ سلقه او سلوقي
للهو ويعذبها او يجوعها بحكم انه يبيها تكون نشيطه بالعكس اذا جاعت السلق
يقل نشاطها وما تقوم بالواجب على اكمل وجه
اما بالنسبة لطلبات السلق كثير الاحظ يسجل عشان يطلب السلق
ولا هو يم الصيد ولا باله في الصيد
لا وعاد ليتك تشوفه بعد ماتهديه السلق
ولا تلقاه في المنتدى بعدها
ومشكور اخوي بو صالح لطرح الموضوع

[sasasasas]

اخوي يعطيك الف عافيه وكلامك عين العقل والله
من ناحية الاهداء انا ايده بس زي ما قلت اخوي
على حسب الشخص
انا مره صادفت واحد من الناس يقول ابي لي سلوقي وانا اعرفه مو راعي قنص صار يبيه لعياله
ياخي وش هاكلام وبصراحه انا استحيت منه واعطيته
والله يعين وان شاء الله يكون اعياله كفو ويطلعون راعين مقانيص مو زي ابوهم
هههههههههههه
والله يعين
اشكرك اخوي على الموضوع اكثر من روعه

تقبل تحياتي

[ابو تمام]

يعطيك العافيه ابوصالح كلماتك كلها قمه وان شالله يستفيدون من الموضوع هذا اعضاء المنتدى ....



تعجبني مواضيعك ياحلوووووو

[طيرشلوئ]

السلام عليكم ورحمة الله وبركاته .
اخوي يعطيك الف عافيه وكلامك عين العقل والله
من ناحية الاهداء انا ايده بس زي ما قلت اخوي
على حسب الشخص

[ابو صاالح]

اخوي القحطاني
الله يعافيك ردودك هي الذهب ، والنقطه الي قلت فعلا مهمه وكما قلت استغفال ! ما قصرت على الرد
======
اخوي سلطان العوني
ما قصرت وفعلا كلامك صحيح ، الحلول واجد للتدريب بس ذولا مو قصدهم التدريب ، يعطيك الف عافيه ما قصرت
=-=-=-=-=-=
اخوي سعدون جابر
وضعت المثل الصح فعلا اللي ما يعرف للصقر يشويه , تشكر على ردك الرائع
=-=-=-=-=-=-
اخوي قناص الساحل
صدقت والله بهالنقطه ، ياخذ مصلحته ويمشي على وجهه ،لا ويمكن ياخذ السلق من هنا ويروح يبيعه هناك ،، صح ؟؟ تسلم على الرد .
=-=-=-=-=-=
اخوي sasasasasas
اي والله ان شاء الله يطلعون مقانيص ، واللي راح راح ، ما قصررت ومشكور
=-=-=-=-=-=
اخوي ابو تمام
أنت أحلى :D ومشكوووور على الرد وان شاء الله تعم الفائده
=-=-=-=-=-=
اخوي طير شلوئ
الله يعطيك العافيه ، اكيد على حسب الشخص ، مشكور على الرد
=-=-=-=-=-=-=-=-=-=-=-=-=-=-=-=-=-=-=
=-=-=-=-=-=-=-=-=-=-=-=-=-=-=-=-=-=-=

[الهوى]

كلامك في الصميم ومشكور اخوي بو صالح لطرح الموضوع

[(القناص)]

صدق يابو صالح

[راعي الفلوجه]

بيض الله وجهك ..
كفيت و وفيت .. عز الله انك صدقت .

[ابو صاالح]

الهوى / القاص / راعي الفلوجه
مشكووورين وما قصررتم على الردود والتفاعل الله يعافيكم

[عروق الدهنا]

مشكوووووووووووووووووووووووووووور على الموضوع اللي اكثر من رائع
وصدقت يابوصالح وفيه شيبان تجيك راعين طيور ويقولك ولدي مبلشن يبي طير دور لنا سلقه نسكته به
واللي مثل ذا مايستاهل الا جعرووووور عور وعرج وبه السكر والضغط ويخب عليه:D :D

واشكرك مره ثانيه على هالطرح الجميل:good:

والسلام ختام

[عزام الكويت]

السلام عليكم .. يا جماعه انا عندي اقتراح وارجوا قرائته بتمعن .. فيه ناس فعلا محتاجه سلق ولكن غير قادره على الوصول الى السلاله الطيبه مثلا او الوصول الى دم سلوقى طيب اقصد سلوقي من سلاله السلق ما فيه عرق من برا .. الاقتراح هو الاهداء يكون من بعد معرفه جيده بالشخص وعلى قولة المثل اللى قريب من العين قريب من القلب .. بعضنا فى هذا المنتدي الطيب يكون فى شمال السعوديه والبعض بالجنوب والبعض بالكويت والبعض بقطر الخ الخ الخ ... فا صعب الوصول بعض الاشخاص الى الهدف المعين اقصد فيه الوصول الى الاهداء .... والصعب فى الامر ماهو كل شخص يهدي حي الله شخص لازم يكون يعرفه ...الاقتراح ارجوا من بعض الاخوان استفتاء موضوع المقايضه يعنى ياخذ سلقه مقابل مثلا شوزن او ياخذ سلقه مقابل كم راس من الغنم .... وهذا اقتراح وارجوا التعقيب عليه ولكم جزيل الشكر والاحترام

[حرف العين]

السلام عليكم ورحمة الله وبركاتة

الموضوع جدا جميل وبلنسبة للأهداء يجب ان يتاكد صاحب السلق انه الشخص الذي راح يهديه سوف يحسن معاملته وطعامه ومسكنه وطريقة استعماله وحاجته له في الاساس لانه انا شفت ناس تستغل السلق في المشاجرات وصيد القطاوه وتهمله ولاتوفر له الرعاية وعقب ماتخلص من اللعبه منه تاخذه وترميه بلشارع والبعض لايكتفي بذالك بل يقوم بتشويه جسمه اي يقطع الاذن او الذيل وغيرها من صور التعذيب والتشويه !!!

فيجب على كل هاوي قبل ان يهدي اي شخص يرى هل الشخص يستاهل وراح يصون ويرعى الهديه ام لاء ؟؟

[هاوي تحدي]

ابو صالح



مواضيعك دايم في الصميم والله يوفقك هذا الكلام الصدق



وافي يابو صالح



تقبل مروري

[طلو]

والله انك جبتها في محلها يابو صالح ولاكن ان بعض الناس لو يطلبك اغلى ما عندك ما رديته وبعض الناس صراحه ما يستحي يجيك ويحاول ياخذ اطيب ما عندك ولا يقول اطلب لي سلوقي من فلان ولا كلم لي صاحب الذيخ الفلاني القح منه ويحرجك والناس تهديه ولا تعطيه مهو علا شانه الا احترام لك وتقدير وهو لو تبي منه ذنب ما عطاك ؟؟؟؟؟؟؟؟؟؟؟؟؟؟؟؟؟؟؟؟

[ابو صاالح]

اولا احيي الجميع على التفاعل والردود
=-=-=-=-=-=-=-=-=
اخوي عروق الدهنا
مشكور على التفاعل وذا على اللي يبي جرى يلعبه ولده لين يجيه الطير ،، انا انصحك تشبك له باشق وتهديه لولده وتفتك ،، مشكور مشكور على التفاعل :D :D قال أيش قال نسكته به .
=-=-=-=-=-=-=-=
اخوي عزام الكويت
حيااااك الله وأما بالنسبه لموضوع المقايضه ،، انا ما اقدر اتكلم فيه لأني اجهله ، الله يعطيك العافيه وما قصررت
=-=-=-=-=-=-=-=
اخوي حرف العين
تشكر على التعقيب ونت ذكرت شيء ما ذكرناه وهو التشويه بالسلق من قطع الأذن وغيره ،، عاده سيئه وما فيها فايده ،،، مشكور على التفاعل ويعطيك ربي الف عافيه
=-=-=-=-=-=-=-=
اخوي هاوي تحدي
انا سعيد أن مواضيعي تعجبك وشرواك ، الله يعيطيك العافيه وسعيدين بمشاركتك .
=-=-=-=-=-=-=-=
اخوي طللو ومشرفنا العزيز
فعلا صدقت بكل ما قلت ،، مسألة الإحراجات ذي مشكله ،، لكن انت حاول تداري الواحد بدون ما تزعله ، على العموم وصل شعورك والله يعيينك ويعين الجميع ،، تسلم ومشكور على الرد .

[ابو صاالح]

ما فيه احد يبي يضيف شيء ،، نقفل الموضوع ،، اهم شيء وصلت الرساله ،، ولو يستفيد واحد منها يكفي الحمد لله والشكر

[الشبلي]

لاااااااا هنت والله على هالموضوع يا بو صالح

ما قصرت و وفيت
جزاك الله خير

أخوك الشبلي

[ابو صاالح]

لاهنت اخوي الشبلي على الرد والله يعطيك العافيه

[ابو صالح]

الله يعطيك العافيه يابو صاالح ما قصرت فعلا كلام في محله

[طح طوح]

السلام عليكم
والله انك وصلت الى بى الخاطر
حسن الكتابه وحسن التعبير
تقبل مروري

[ملفي و مقفي]

مشكور على موضوعك الاكثر من رائع
تقبل مروري

[مورد القيفان]

ابو صالح مشكور وما قصرت والاخوان ماقصرو بعد والله يكتب الي فيه خير وصالح ان شاء الله
وتقبل مروري

[كجكوجة]

والله يا جماعة كلامه صح
الكلب لو مكان معين لازم يتربى فيه
ولازم يهتم فيه يهتم بامانه لأنه روح زي اي كائن
بيحس وبيفرح وبيزعل
انا بعرف انه الكلب السلوقي من اروع الكلاب
رغم انه كان عندي كلب هجين بين البوليسي و الذئب
وكنت احطه بالحديق للحراسه
بس والله انه راائع
يفرح لما يشوفني
لدرجة مرة وانا جاي من الجامعة واول مادخلت لعنده وقف على رجوله الاثنين
وحط يدينه على اكتافي ليعبر بفرحته
صح هوه اكبر من بالحجم 3 مرات
وكان يرعب الجيران
بس والله كان يفهم من نظره لما اكون زعلانه منه عشان طيح اقسيس الورد اصرخ عليه والله انه ينزل راسه للأرض
واذنيه وذيله ويوطي جسمه لين الارض ويزحف لعندي
وانا لما اشوفه هيك كنت احس اني سعيده لنه بيفهم مندون ما ادربه
فكيف الكلب السلوقي الي معروف بروعته واخلاصة وذكائه

حرام ينحط بأيدي غير امينه عليه

[ولد ال زايد]

والله مانزيد على اخواني الاعضاء ماقصروا ولو زدنا بيكون كلام مكرر
ومشكور على موضوعك الأكثر من رائع

[ابو صاالح]

الله يعطيكم العافيه على الردود وحيااااكم الله جميعا ، واشكر كل من أثنى على الموضوع ، تقبلو تحياتي

[(((المهااااجر)))]

موضوووع جميل وقاابل للنقاش
تحيااااااااااتي

[ابو صاالح]

المهاااجر حيااااك الله ومرورك هو الأجمل اخوك ابو صاالح

[عزوتي ياسلقي]

موضوع متميز تستحق الثناء عليه
بالنسبه للموضوع فهو مهم
وبالنسبه للاستشاره فهي الاهم
انا من ناحيتي لااريد الزياده على كلامكم فهو في الصميم
لكن :::
أقول مثلا انا عندي جراوه وبهدي
أحاول وانا خوك اهدي للي ماعنده
ومهما صار اللي بتهديه عليه غالي ومن هالناحيه
حاول تبدي عليه اللي ماعنده سلق
بعض الشباب والكل يشوف يكون عنده والله اكثر من 4او5 سلق ولكن يأخذها لمجرد الزياده لااكثر ولا اقل
ولكن نصيحه من اخ لك
حاول تعطيها للي ماعنده
وبكذا الله يعافيك راح تكفيه عن السرق اللي نلاحظ هالايام بدأت هذه الظاهر تتزايد
ولعل السبب هو احتياجهم للسلق وتولعهم بها
هذا والله اعلم


تقبل مروري

[ابو صاالح]

تعليق جميل اخوي ( عزوتي يا سلقي ) بس اهم شيء يكون مستحق انك تعطيه

[المواادع]

مممممممممممممششششششششششكككككككككوووووووووووووووووو ييييييييييييييييينننننننننننننننن

علللللللى هذه المناقشه الجميله

[المهاااااجر]

بيض الله وجهك ومشكور على موضوعك الاكثر من رائع

[جميل المغازي]

فيه ناس يابو صاالح اعرفهم يطلبون الناس ويحرجونهم

الين ياخذون من كلابهم الاصايل وتلقاه كل ليل يروح للاماكن الي تكثر فيها الحصانيه ويهد السلوقي على الحصني
والحصني اذا مسكه السلوقي عود عليه وقرط فيه واعدمه المهم
يوم تجيهم وتشوف كلابهم وتدري انها اصايل وتشوف حالتها تقول صاير لها حادث هذا يرفع يده وهذا اذنه مقطوعه
وهذا صدره وارم كله من الحصانيه
بصراحه شي يحزن

[ابو صاالح]

اخوي الموااادع مشكور بيض الله وجهك
اخوي المهاااجر العفو وما قصرت على الرد
اخوي سواق الحراثه اي والله كل ما قلت صادق فيه بس لا تعطيهم ولا الردي ماهوب عاد تعطيهم الأصايل ، هذولا ما يستاهلون والله ، شرفنا مرورك الله يكثر امثالك وما قصررت ، ولا تقطع لو بردود في هالخيمه

[بن قضيب]

كلامك صحيح بوصالح بس الوقت هذا السلق اصبح لسباق في المرتبه الاولي ولصيد في الامرتبه الثانيه .......وهذا الرياضه بدت تتنتشر بشكل كبير وتلقي اقبال كبير وهتمام من المسوالين ودعم في نفس الوقت . وسلق السباق يحتاج عنايه وهتمام اكثر من سلق الصيدمن اكل خاص وفتمينات وتدريب شبه يومي ونظافه دامه وفحص الدم الشهري يعني تكاليف ماليه ليست بسيطه فالسلق الي مافيه فايده لسباق يطلع من العزبه عشان ايسوي لغيره مكان......... يعني عندني في الامارت واتوقع في قطر في كل بدايت موسم كل شخص يكون عنده اقل شي 7 سلقان ايزهبهم لسباق وسته ولي سبعه في العزبه استندباي طيب السلق الي ماينفع لسباق شوه يسويبه يطر يوزعهم على الشياب الهاوين او المبتدئن ويجيب غيرهم والشباب جزاهم الله خير فيه حد يهتم وفيه حد مايهتم فأنا اقول اخوي بوصالح كل واحد ذنبه على جنبه .ولا تحملنا المسوليه الله ايبارك فيك بوصالح ومشكور علي الوضوع وسمحلى على الاطاله.

[صياد الوعل]

اخي / الفاضل / ابو صالح ,,,,,,

ما ازيد على الموضوع والتعليقات الا تسميتك ( بايع المسك) كل ما اجي منك طيب ,,,,,, اني صادق ,,,

[ابو صاالح]

حياك الله اخوي بن قضيب يا مرحبا بك ،، انت تقول للسباق بالمرتبه الأولى والثانيه للصيد ،، انا اقولك لا اصلا ما فيه مرتبه ثانيه ، والله كثير من اهل السباقات ما يعرف وين مكان الأرنب ، ولو تسأله عن اماكن مقناص الأرنب تلقاه ما يعرف ما يقدر يرد عليك . على العموم مشكور ما قصرت ، احنا علينا نبين وجهة نظرنا وكل واحد والطريق اللي يمشي عليه ،، شكرااااااااا اخوي
-------------------------
اهلا اخوي صياد الوعل ، الله يسلمك ، على هالتسميه الزينه ، والله يعطيك الف عافيه ما قصرررت .

[بو هاشم]

ان شالله يستفيد الكل من الموضوع
ويعطيك العافيه على هتمامك على المحافظه على الرفق بي هذا الحيوان الوفي لصاحبه
كثر الله من امثالك

[هيسوكا]

ابو صالح
وجهت نظري انه كلامك 70 بالميه سليم لانه لما يكون عندي شي زايد عن حاجتي ويجي شخص يقول ابي مانت راده لسبب واحد انه ماجاك وهو يبي يهده ع قطو ولا يبي يعذبه مستحيل لان الي يهده ع قطو محصله ضايع ماراح (وزت وجهه عندك )باختصار ماله بالقنص
في واحد من الردود يقول طلبني سلوقي لعياله 00000اتكلم عن نفسي انا بدايتي مع السلق جاني هدو 00000وفبه كثير غيري نفس الوضع انت لما تهوي الحاجه ومهي عندك وش تسوي 0000000000000000000000000000000000000
تشري حرام تسرق حرام تطلب من شخص يقول ماعرفك والي مايعرفك مايثمنك ولا يقول اخاف تعذب السلق
الحل ببساطه انك قبل ماتهدي السلق تخلي الشخص يحلف انه مايعذب ولا يهد ع قطاوه وتكون ابريت ذمتك

[sagan200]

السلام عليكم

أنتم صادقين هدو سلق والا سباحين .

يأخوان انا ولدي صاجني له سنه أبي طير أبقنص وانا أقول ياوليدي وش طير ماطير تبي هدهد تبي ببغاء تبي دجاجه وصيصانها * أبشر * أما صقر والله يبيله كلافه قرنس ماقرنس .مرض مامرض .هد وعقبها راح الطير لهله وخلانا .عطه الدواء الفلاني الا العلاني .أبجيبلك ياوليدي سلوقي والا سلوقيه و صد بها أبرك لك وهو متردد .

بس بلشت وين أجيب السلوقي منه وأشتريه منين وانتم تقولون هدو والله النشامي بس الهدو بهدو والي دعوه مباركه تكفي .