سن البلوغ

[الخواره]

عندي سلق ذيخ عمره حول تسعة أشهور توه مابلغ وتركته فتره مايقارب أسبوع مع سلقه هل إذا ظربها يتوقف نموه أو إذا بلغ وظربها يتوقف نموه


الله لا يهنيكم

[سعدون جابر]

أخوي الخوارة .



السلام عليكم ورحمة الله وبركاته


هناك كلمة تضريب أرى أنها منتشرة مع الكثير هنا في المنتدى والسلوقي لا يقال له ضرّب السلقة بل يقال شبى السلقة


فلا ينطق كلمة تضريب إلا للجمل أما السلق فتنطق بكلمة تشـّبيه .



والسلوقي في هذا العمر ( تسعة شهور ) لا يشبي السلقـة نظراً لعدم بلوغـه ومن علامات البلوغ عند السلوقي أكرمك الله وأكرم أخواننا هو رفع الرجل عندما يبول .



وبالنسبة للنمو فالتشـّبيه في وقت مبكر تؤثر على نمو طول السلوقي .


لذا أنصحك إن كان السلوقي طيب عزله لوحده وعدم الإختلاط بالسلقـة إلا في وقت القنص .




إن شاء الله أني أفدتك .



تقبل مروري .

[شويش]

ما عندي اضافات على كلام اخوي اخوي سعدون ,,,

# وتقبل مروي #

[STOP]

السلام عليكم
دامكم فتحتوا الموضوع طيب وش علامات البلوغ عند السلقه؟
لان عندي سلقه يوم اخذته وراعيه موب متأكد من عمره وانا الحين مادري كم!

[راعي الهدبا99]

اخوي السلقه هي اللي اذاشبيتها ياقف النمو حقها والذيخ يشبي اذا تم السنتين

وبعض الناس سقولون يشبي اذا تم السنه

والسلقه تتشبا وهي عمرها 7شهور وتلقخ بعد (اسال مجرب)

وبالنسبه للنمو سواء للذيخ او السلقه ياقف بعد بلوغ السنتين

تقبل تعليقي,,,,,,,,,,,,,,,,,,,\\\

اخوك راعي الهدباء,,,,,,,,,,,,,,,,,,

[عاشق السمر]

اضيف لكلام الاخوان ان التغذيه الغنيه بالبروتينات ( خاصه اللحوم الحمراء ) لها دور كبير في سرعة البلوغ حتى قبل ان يبلغ السلوقي السنه بقليل .

[عافور]

البلوغ يختلف من سلقة لسلقة بس أول جعلة معناها أنها بلغت بس ما أنصح بالتشبيه قبل السنتين لكانت السلقة سلم وطيبة والذيخ أعزكم الله لبرزو خصيانه وماأنصح بالتشبي قبل سنتين

[سلطان العوني]

هلا وغلا ما اضيف على كلام اخوي سعدون اي اضافات

[القحطاني505]

اخوي الخواره كيف حالك عساك بخير؟؟؟؟
الذيخ يبلغ في السنه وشهرين يكون جاهز للتشبيه
اما الذاريه اول مايخرج من رحمها دم الاجعال(الاصراف) تقريبا في التسعه شهور وفي بعض منها في اقل من ذلك لكن هذا بسبب نقص النمو

الذيخ الي بتشبي منه وهو في بداية بلوغه يعني انه راح يتعب لفتره طويله اما الذاريه فاذا تشبت مع اول اصراف تنقص من عطائها وقوتها وتتعب اسرع لما تكون مشبيه بدري.....

افضل وقت للذيخ التشبيه هو السنتين اما للذاريه سنه ونص لانه يكمل البلوغ .....
علامات البلوغ للذيخ رفع رجله عند التبول الله يكرمكم وعند الذاريه مع اول اصراف

هذا كل مااقدر اقوله ولاهنتو

[القـــناص]

أخوي الخوارة .





السلام عليكم ورحمة الله وبركاته


هناك كلمة تضريب أرى أنها منتشرة مع الكثير هنا في المنتدى والسلوقي لا يقال له ضرّب السلقة بل يقال شبى السلقة


فلا ينطق كلمة تضريب إلا للجمل أما السلق فتنطق بكلمة تشـّبيه .



والسلوقي في هذا العمر ( تسعة شهور ) لا يشبي السلقـة نظراً لعدم بلوغـه ومن علامات البلوغ عند السلوقي أكرمك الله وأكرم أخواننا هو رفع الرجل عندما يبول .



وبالنسبة للنمو فالتشـّبيه في وقت مبكر تؤثر على نمو طول السلوقي .


لذا أنصحك إن كان السلوقي طيب عزله لوحده وعدم الإختلاط بالسلقـة إلا في وقت القنص .




إن شاء الله أني أفدتك .



تقبل مروري .





اخوي : سعدون جابر ماقصر على هذي المعلومات ...

[الخواره]

بيض الله وجيهكم وماقصرتو

والله لا يهينكم

[طلو]

انا اعتقد انه من 10 شهوريلقح وهذي تختلف حسب قوه السلوقي الجنسيه

[STOP]

اخوي الخواره كيف حالك عساك بخير؟؟؟؟





الذيخ يبلغ في السنه وشهرين يكون جاهز للتشبيه
اما الذاريه اول مايخرج من رحمها دم الاجعال(الاصراف) تقريبا في التسعه شهور وفي بعض منها في اقل من ذلك لكن هذا بسبب نقص النمو

الذيخ الي بتشبي منه وهو في بداية بلوغه يعني انه راح يتعب لفتره طويله اما الذاريه فاذا تشبت مع اول اصراف تنقص من عطائها وقوتها وتتعب اسرع لما تكون مشبيه بدري.....

افضل وقت للذيخ التشبيه هو السنتين اما للذاريه سنه ونص لانه يكمل البلوغ .....
علامات البلوغ للذيخ رفع رجله عند التبول الله يكرمكم وعند الذاريه مع اول اصراف

هذا كل مااقدر اقوله ولاهنتو














عندي اسئله ياشباب:
- معليش اخوك غشيم شوي وش معنى اصراف؟
- وكيف يتم معرفه عمر السلقه ؟ وليس البلوغ!!
- كيف تدري انها لقحت ؟
شااااااااااااااكر لكم

[عبدالرحمن السالم]

سؤال :

انا عندي سلقه واجعلت " وانتم بكرامه " قبل اسبوعين هل يعني انها ماتنمو لاني احسها ماطالت ابد وعمرها الآن 9 شهور..؟؟

ومشكورين مقدماً

[القاسمي]

السلام عليكم ورحمة الله وبركاته
بالنسبه لسؤوال اخونا الخواره ما دام الذيخ ما (ينشل) وهو رفع الرجل عند البول اكرمكم الله فهذا يعني انه ما يشبي
وبالنسبه لسؤال اخونا دحيم نصيحه لا تشبي سلقتك اللى بعد سن سنه ونص واذا كانت سنتين يكون افضل
ونصيحة مجرب وله خبره
(لا تفكر تلقح السلقه او تلقح من السلوقي لئي سبب اللى بعد سن السنتين ) بعد السنتين تكون عرفت سلوقيك تمام وعرفت عيوبه ومميزاته
ونصيحه ثانيه
(لا تلقح سلقتك من ذيخ ما تعرفه حق المعرفه ) ولا(تخلي ذيخك يلقح سلقه ما تعرفها )
لائنه يجيك واحد يقول ان فيه ذيخ الضبي ما يروح عليه واذا رجعت للحقيقه حتى الارنب يالله يجيبها وهذي مصيبه
تلقح سلقتك من وتربي وتدرب وفالاخير تطلع الجراوه اللي دربتها فشل
(فمن سمع ليس كم رأي)
وسلامتكم

[STOP]

ياشباب معليش اشوف ان الموضوع يبي يروح واسئلتي محد جاوب عليها

شاكر لكم....

[عزام الكويت]

السلام عليكم .. اخوي استوب انا انصحك ما تركب السلوقي بالعمر هذا طبعا راح يأثر على نومه لان اغلب البهايه اعزكم الله اذا صارت معاها عملية التزاوج واهي صغيره توقف عن النمو ... فا انا انصحك تعزل السلوقي لما تشوفه تكرم يبول واهو رافع رجله .. بالفتره هذى يكون جاهز وواقف طوله والا يخاف من السلق لما تنخر عليه لان بعض السلق لما تكون ( مجعل ) تكون شرسه .. وارجو ان تكون وصلت المعلومه .. وتقبل مروري
ملاحظه : بعض الاخوان يقولون اصراف . الصراف للمعزا . والحاني للغنم . الطالب للبقره . المجعل للكلاب اعزكم الله

[ابونفال]

اخوي بنسبه للعمر من سنونها والباقي مالي خبره فيه

[بواردي سلمى]

أخوي الخوارة .





السلام عليكم ورحمة الله وبركاته



هناك كلمة تضريب أرى أنها منتشرة مع الكثير هنا في المنتدى والسلوقي لا يقال له ضرّب السلقة بل يقال شبى السلقة



فلا ينطق كلمة تضريب إلا للجمل أما السلق فتنطق بكلمة تشـّبيه .




والسلوقي في هذا العمر ( تسعة شهور ) لا يشبي السلقـة نظراً لعدم بلوغـه ومن علامات البلوغ عند السلوقي أكرمك الله وأكرم أخواننا هو رفع الرجل عندما يبول .




وبالنسبة للنمو فالتشـّبيه في وقت مبكر تؤثر على نمو طول السلوقي .



لذا أنصحك إن كان السلوقي طيب عزله لوحده وعدم الإختلاط بالسلقـة إلا في وقت القنص .





إن شاء الله أني أفدتك .




تقبل مروري .




كلام رآئع ، كفيت ووفيت :good2: