قصيده من العيار الثقيل

[أخو جوزاء]

الأخوان الأعزاء أعضاء خيمة القصائد

المكشاتيه /

السلام عليكم ورحمة الله وبركاته ,,,,,,,,,,,

طبعاً هذي أول مشاركه لي في هالخيمه المبروكه وعساها عامره بأهلها وقد قرأت موضوع
المشرف الغالي / راع الكحيله بأنه لا يسمح إلا بالقصائد التي لها علاقه بالصيد والرحلات
والقهوه والدلال 000000 الخ 0
وحبيت أشارك بهذه القصيده وهي للشاعر / غازي بن عون الرويس العتيبي وهي تصف
القهوه العربيه من بداية تحضيرها إلى الانتهاء بتقديمها للرجال :



يا ريف قلبي للمسايير قم شب ---------------------------------
----------------------------- وحط المناره في طويل الظلالي
عقب تشقلها لجزل الحطب جب ------------------------------
----------------------------- وهات النجر وأحضر جداد الدلالي
ثلاثاً الهن راعي الكيف يطرب -------------------------------
------------------------------ وسوطهن ضمر والآخرى جلالي
وبطونهن ما أخذن أسبوعاً عن الرب -------------------------
--------------------------------- وجنوبهن صفراً تلالا تلالي
والرابعه ملقامةً لونها أصهب -------------------------------
------------------------------- حيث أنها للنار دايم تصالي
وليا جبت كل شروطها اللي تطلب --------------------------
------------------------------ أجلس عليهن يا زعيم العيالي
وأحمس لنا برية لونها أشهب ------------------------------
----------------------------- وبهارها هندي وماها زلالي
وأعرف ترى قانونها ما يخرب ---------------------------
----------------------------- وندارها ينقى وماها يكالي
وتراه ما يصلح لها كل مذهب ---------------------------
------------------------------ ولا تقبل الراضه ولا الأعتجالي
وليا حمست أحرص على حمسة الحب ------------------------
------------------------------ وأعرف ترى الحمسه تبي وسع بالي
تاخذ على أدنى الجمر فتره تقلب -----------------------------
-------------------------------- لين العرق يطلع سواة اللوالي
ومن يوم يطلع فالمبرد لها كب --------------------------------
------------------------------- لين الندار أن كان فيها يشالي
وليا خذت مقدار للنجر قرب ----------------------------------
------------------------------ ودنه بصوتاً يسمعه كل غالي
دنه وخله للمسايير يجذب -------------------------------
---------------------------- ليا قام صوته للنشاما يلالي
يوحونه الجيران لا قام يقنب -----------------------------
---------------------------- ويجيك الاقصى والقصير الموالي
وعقب تدق البن لقم وركب -------------------------------
---------------------------- لين أنها تسمح من الاجتوالي
وقبل تبهرها عن النار تجذب -------------------------------
----------------------------- وتركد شويه لين يصفي الحثالي
وبرويد في حدا المباهير تسكب -----------------------------
------------------------------ من عقب غالي الهيل فيها يهالي
وأعرف ليا بهرتها يالمشبب -------------------------------
----------------------------- تراه يكفيها من النار صالي
ثم أجذها من يوم بالهيل تقلب -----------------------------
----------------------------- ومن يوم تركد صبها للرجالي
حتى يجي الفنجال منها ليا صب --------------------------
----------------------------- بين الشقار وبين لون الشعالي
أما أشقراً رايب مثل بول الارنب -------------------------
------------------------------ والا أشعلاً يشبه لدم الغزالي
يطرب لها من كان للكيف يشرب --------------------------
------------------------------- كيف النشاما اللي من العيب خالي
وأعرف تراهاعادةً ما تسيب ------------------------------
-------------------------------- ولا ينتقدها الا قصير الحبالي
أحرص تخلي عادة الجد والأب ----------------------------
------------------------------- ما هم عليه أول عليه أنت تالي
تراك من كل المناسب معرب -------------------------------
------------------------------- ما بين جدان وعمام وخوالي
وأبيك عن منهاجهم ما تجنب ------------------------------
------------------------------ أن كان فكنك بنات الليالي



أخو جوزاء

[جرير]

بارك الله فيك نقل جيد تشكر عليه وفالك التوفيق
وهي من جميل القصيد
وسبق ان اوردها اخونا ريف النشاما




يا ريف قلبي للمسايير قم شب = و حط المنارة في طويل الظلالي
عقب تشق الها لجزل الحطب جب = و هات النجر و أحضر جداد الدلالي
ثلاثٍٍٍٍ الهن راعي الكيف يطرب = و سوطهن ضمّر و الاخر جلالي
و الرابعة ملقامةٍ لونها أصهب = حيث انها للنار دايم تصالي
و لا جبت كل شروطها اللي تطلب = اجلس عليهن يا زعيم العيالي
و احمس لنا بريةٍ حبها أشهب= وبهارها هندي و ماها زلالي
و اعرف ترا قانونها وا يخرب =و لاندارها ينقى و ماها يكالي
تراه ما يصلح لها كل مذهب = و لا تقبل الراضة ولا الاعتجالي
اليا حمست احرص على حمسةالحب=واعرف ترا الحمسة تبي وسع بالي
تأخذ على أدنى الجمر فترة تقلب = لين العرق يطلع سواة اللوالي
و من يوم يطلع فالمبرد لها كب = لين الندار ان كان فيها يشالي
و اليا خذت مقدار للنجر قرب = و دنه بصوتٍ يسمعه كل غالي
و دنه و خله للمسايير يجذب= لا قام صوته للنشامى يلالي
يوحونه الجيران لا قام يقنب = يجيك الأقصى و القصير الموالي
و عقب تدق البن لقم وركب =لين انها تسمح من الاجتوالي
و قبل تبهرهاعن النار تجذب = و تركد شويه لين يصفا الحثالي
و برويد في حدا المباهير تسكب = من عقب غالي الهيل فيها يهالي
و اعرف ليا بهرتها يا المشبب = تراه يكفيها من النار صالي
ثم اجذها من يوم بالهيل تقلب = و من يوم تركد صبها للرجالي
حتى يجي الفنجال منها اليا صب = بين الشقار و بين لون الشعالي
اما أشقرٍ رايب مثل بول الأرنب = و الا اشعلٍ يشبه لدم الغزالي
يطرب لها من كان للكيف يشرب = كيف النشامى اللي من العيب خالي
و اعرف تراها عادةٍ ما تسيّب = ولا ينتقدها الا قصير الحبالي
احرص تخلي عادة الجدو الأب= ما هم عليه أول عليه أنت تالي
تراك من كل المناسب معرب = ما بين جدان و عمام و خوالي
و أبيك عن منهااجهم ما تجنب = ان كان فكنّك بنات الليالي

[راع الابل]

والله ما ادري يبي سمح لنا ريف النشاما ياخو جوزاء ولا هنت نشكر ونرد والا بتغلق المشاركا والردود في هذه القصيدة
انا اختر هالبيتين

والشاعر غني عن التعريف

بيض الله وجهك ياخو جوزاء وبعد القصيده لخبتط ما في راسي خصوصاً نقلك لقصيدة العتيبي


أما أشقراً رايب مثل بول الارنب -------------- والا أشعلاً يشبه لدم الغزالي

أحرص تخلي عادة الجد والأب -------------- ما هم عليه أول عليه أنت تالي

[الوسطاوي]

تسلم وصح السانك أخوي أخو جوزاء عاى القصيدة الرائعه
والله يعطيك العافيه

[سبيع الغلباء]

اخوي اخو جوزا.... صح لسانك بس

طريقت عرض
القصيده لك عليه
شوي

[أخو جوزاء]

الأخوان الغالين

جريــــــــر

راعي الأبل

الوسطاوي

مشكورين على مروركم الطيب ولا هنتوا

أخوي / سبيع الغلباء

هلا وغلا ويسعدني مرورك الغالي وملاحظتك وسام أفتخر فيه




والعذر والسموحه من مشرفنا الغالي والعزيز &&& ريف النشاما &&&

لأنني ويشهد الله على ما أقول لم أكن أعلم بأن القصيده قد نزلت في المنتدى

من عنده وأرجع أقول العذر والسموحه ,,,








أخو جوزاء