مشاهدة النسخة كاملة : أستفسار عن النيسان بترول حجم ربع
Waleed1
02/04/2007, 02:54 PM
السلام عليكم ورحمة اللة
ياشباب لاحظت الجيب الربع النيسان، يغرز فى محلات يعنى وش أقولك حتى السيارات العادية تمر منة، عموماً قلى واحد أن فية فرق بالموديلات بين موديل 2000 و 2007 أنا أعرف ان الماطور 4.8 لتر لاكن ماادرى وش السوات حتى أن واحد من خفر السواحل قل الموديلات الجديدة تعبانات.
عموما حبيت أستفسار من راعين الخبرة وجزاكم اللة خير
محبكم وليد
والله شف الربع السفاري من 99 الى 2004 مكينته وحده
ومن 2005وفوق الشكل الجديد خذ عزززم نشيـــط
لا وخذ نوووع فل كامل الربع الجديد اللي يجي سفاري مو سوبر سفاري هذاك الصالون
لانه مايجي سوووبر سفاري
Waleed1
03/04/2007, 07:31 AM
السلام عليكم
شكراً أخى على الرد كما أتمنى المزيد من المشاركة
وشكراً
الاعتدال
03/04/2007, 07:42 AM
اخي الكريم السلام عليكم ورحمه الله وبركاتة
معلومات عامة
1-الربع سفاري فل 4500 بخاخ-المواصفات التالية
(ثلاجة / جنوط ليست مثل الاربعة ابواب(الفل ابشن)/ليس مكيف لمس(بل مثل الstandr)/زعانف شد بلد/ليس به انوار زنون/بدون فتحة/مراتب مخمل مقاربة للـstandr /أقفال مركزية ورموت كنترول/لايمكن ومستحيل يكون لون غير الاسود ... وهذا عيب رئيسي بالنسبة لي (وهو نفس الـstandr)/بدون مثبت سرعة /ديكور خشبي رديء / بعض الاضافات الغير مهمة مثل علامة الفرامل الخلفية وغطاء الاستبنة والشبك الامامي نيكل ومسكات الابواب) .... السعر م2006 - 103 الف ريال ... أما موديل2007 حتى الان لم يصل حسب علمي...
2- الstandarبخاخ 4500 - المواصفات
زجاج عادي\بدون تكاية او ثلاجة\ اللون الداخلي اسود \المراتب مخمل \مكيف عادي \ بدون زعانف \ بدون جنوط
السعر 2006م - 77 الف ريال
بشكل عام وحسب تجربتي:
- سيارة شباب وممكن تكون عائلية كحد اقصى اربع اشخاص وذلك للصعوبة التي تواجة من يريد الركوب في الخلف بشكل عام سواء بالدخول او الخروج من السيارة.. نسبياً
- معدل صرف البنزين شبة عالي مقارنة بالسيارات الاخرى(حيث يمشي التانكي 500 كم في الظروف الطبيعية وفي حالة عدم السرعة أما خلاف ذالك فيمكن 430كم فقط)
- القوة والتحمل ممتازة
- عملي وغير مستهلك لقطع غيار عدا القطع الاستهلاكية والله الحافظ.
- نسبياً كشخة مقارنة بالربع التويوتا(اي يواجه نوعاً ما )
- مرن في الطرقات والبر والنفود
- سعر البيع يعتمد على مستوى نظافة السيارة وعلى رغبة المشتري .
- مناسب جدا داخل المدينة وخارجها .
- سعره جديد وخاصة للstandar يعتبر منافس للسيارات الاخرى من نفس الفئة سواء تويوتا او سزوكي أو مستبيشي أو غيرها.
.............................الخ
أسال الله لك التوفيق
ابونايف الروقي
03/04/2007, 09:21 AM
السلام عليكم ورحمة اللة
ياشباب لاحظت الجيب الربع النيسان، يغرز فى محلات يعنى وش أقولك حتى السيارات العادية تمر منة، عموماً قلى واحد أن فية فرق بالموديلات بين موديل 2000 و 2007 أنا أعرف ان الماطور 4.8 لتر لاكن ماادرى وش السوات حتى أن واحد من خفر السواحل قل الموديلات الجديدة تعبانات.
عموما حبيت أستفسار من راعين الخبرة وجزاكم اللة خير
محبكم وليد
70% من التغريز على السواقه
والربع معرف عنه القوه والنشاط من وقت طويل .
أبونواف42
03/04/2007, 04:51 PM
هلا أخوي ولا يهونون الشباب الصراحه مااسمعت أحد يذم الربع الباترول وأعتقد أخوي راعي الهدد تكلم عن الموضوع بشكل مفصل للجيب ويمدحه بموضوع سابق قريب جدآ ممكن ترجع له ويفيدك. أخوك أبو نواف
Waleed1
07/04/2007, 03:39 PM
السلام عليكم ياأخوان
أشكركم على التفاعل والمشاركة والمعلومات الطيبة، الاخ الاعتدال جزاك الله خير على البذل الطيب، اليوكن الاسود شكراً p52 شكراً يااخى، كذلك الاخ خالد على المداخلة الطيبة.
شكراً لكم جميع وجزاكم الله عنا كل خير
محبكم وليد
راعي الهـــدد
07/04/2007, 04:00 PM
أخوي الغالي
نصيحة محب
انا جربت الكثير من المواتر المخصصة للبر حتى الهدد شريت فيه وبعت وآخر شي هدد 2006 تويوتا
وللأسف ماصلح شي منها
وشريت آخر شي الربع باترول 2006 ووالله انه موتر وينغزى به
ولاشفت اخف نفس منه في النفود ولاشفت اقوى منه في الجبل
ولاشفت اطرب منه في الخط
ولا شفت ازين مركب منه في البلد طبعا اقصد الجيوب عدا اللكزس فهو اصلاً ماهوب موتر بر
ولاشفت اقصد منه في البنزين
حتى البنزين انا عن تجربتي ارآه اقتصادي اقصد 2006 وهذي تجربتي واشتر ولاتشاور
والله يوفقك ياربي
وترى ممكن الي غرز به مايعرف يسوق خلقه او دفش في السواقة
اقول اليك بعض الصور من طلعات في البر لي سابقة ومواضيعها موجودة هنا في مكشات
اليك الصور واي خدمة ابشر بالي تبيه يمناك الي ماتعصاك
http://www.mekshat.com/pix/upload/images27/mk33838_1111111111111111.jpg
وهذي بتعجبك
http://www.mekshat.com/pix/upload/images30/mk33838_63e.jpg
ولو ركبت تانكي ماء صار شي خيال
http://www.mekshat.com/pix/upload/images30/mk33838_37e.jpg
شف هالرزة
http://www.mekshat.com/pix/upload/images30/mk33838_62e.jpg
واووووووووووك مابه كلام
http://www.mekshat.com/pix/upload/images29/mk33838_5d.jpg
هذا اقتباس لي من رد سابق لعله يفيدك ياغالي
اقتباس:
المشاركة الأصلية بواسطة راعي الهـــدد
اذا عندك عائله واولاد وليس عندك غير الجيب الربع باترول
فلا انصحك لأنك بتنشب باولادك
أما اذا عندك موتر رديف له يحمل اولادك او اولادك واحد
فأقول لك
اشتر ولاتشاور والله انه موتر ماهو هين
ويطربك طرب في البر والجبل وقوي ومتين ومريح في الخط وخفيف بالنفود
ومناسب جداً جداً لصاحب المقناص
توكل على الله وخذه وانصحك تآخذ 2006 بيكون طايح عليك فيه كثير
واعطيك نصيحة واحد حايس السوق حوس حوس
افظل من تشتري منه وهو يعتبر اقل سعر في السوق
معرض نجد وهو موزع معتمد للحمراني
سعرهم اقل مافي السوق
والله يوفقك ياربي ويدلك ويهديك للصواب وللرأي الحسن
وللمعلوميه
أنا كنت ممن يسب الباترول وممكن بعض الأخوه هنا في المنتدى يتذكر كلامي عن الباترول وذمي له
لأنني كنت اسمع عنه ولم املكه اللهم فتره محدوده لاتعتبر شيء
وبعد أن جربت الموتر وملكته وقنصت عليه ومشيت عليه بر وديره
فوالله أني مالقيت افظل واجود واريح وارسى وأخف من الباترول الربع
وظع تحت اخف الف الف خط
انا لي تجربه متعبه جداً مع السيارات وارهقتني مادياً
فملكت عدة سيارات
GX الهدد 2006 جديد
الددسن دفرنسين 2003 أخو الجديد
الهايلكس غماره 2001 على وقته
الددسن غماره 2002 جديد
الشاص 99 شبه جديد
الفكس آر 95 شبه جديد
الشاص 94
الهايلكس غمارتين 91 اخو الجديد
الاند روفر شاص 91 مخزن
الجمس دفرنسين قير عادي 91
ونسيت والله الكثير الكثير مما جربت
أخوي والله كلها جربتها وملكتها وجلست معي فتره ليست هينه وفي الأخير اقرر بيعها واستبدالها بنوع آخر لعل وعسى يكون مناسب
وفي الأخير
وآخر ما اشتريت الجيب الربع بترول 2006
ويعلم الله انه موتر ولم املك افظل منه والى الآن لم ارى منه الا كل علم طيب
وتوني جاي من أطراف الرمله من شرق الأسبوع الماضي والله أطربني طرب ماقد اطربنيه موتر من الي ذكرت لك أعلاه
هذا ملخص تجربتي مع المواتر وتجربتي والله متعبه ومنهكه مادياً وخذ نتائج أخ تعب وفي الأخير ارتاح لموتر اسمه
الربع الباترول
اذا عزمت وشريت ارسل لي رساله بالخاص اقول لك عن بعض التجهيزات الي تخليه لك شي خيال وعملاق غير ماهو عملاق اصلاً
هذي نصيحتي اهديها لك محبة وتقديراً لشخصكم الكريم
أخوك ابو حمد
صح لسانك ياراعي الهدد ..والله انك جبتهاا
يكفي انه راسي ومريح ..
راع الابل
07/04/2007, 04:14 PM
اتلك على الله وشف اللي بالصور فوق تراه روعة لاني شفته في الغوطة (النفود الكبير ) طايح في عقوم كبيرة ومراقي نفود والله لوشفت انت شكله وهو يطامر فوق العقوم كان تشريه وانت مخمض
تحياتي
مـدحـدر
07/04/2007, 04:34 PM
الربع موتر ما عليه كلام
بس ما يشيل الا شخصين مع عزبتهم
والبنزين اذا مثل القديم الله لا يورييك يبيلك محطه تمشي وراك هههههههههههههههههههههههههههههههههههههه
مـدحـدر
07/04/2007, 04:40 PM
سؤال
يا جماعه الخير
الربع باترول استاندر يجي منه قير اتومتيك والا ما فيه
قاهر الشمال
07/04/2007, 06:14 PM
شي حلو بس لو كان 4800 كا احسن شي في المواتر و ما فية منافس
Waleed1
08/04/2007, 12:28 PM
السلام عليكم ورحمة اللة
أشكركم يااخوان جميعاً أشكرك ياراعى الهدد على المعلومات القيمة والتفاعل الطيب، شئ رائع فعلاً ياأخوان اللى ماجرب الشئ لايحكم علية وشكراً جميعاً وشكلى بأستجمع قواى وأشترى ربع نيسان.
شكراً جميعاً والصورة لاعظم العظيم الله ماصنع الانسان للسيارات التى مخصصة للعمل خارج الطريق
هذى دوج من موديل الخمسينات يسمونها البدو برويقن من شركت دوج power wagon
http://photos.imageevent.com/powerwagon/flatfenders/websize/gleen_reid.jpg (http://imageevent.com/powerwagon/flatfenders?p=0&w=3&z=2)
اسهيل
08/04/2007, 10:19 PM
طيب يا شباب ممكن الواحد يركب تكــايـة في النص مثل السفاري
شي اخر في نوع يجي نــيلي وفيـه نوع يــجي لولوي شــوي هل يعني يختلف الون
وبعضها يجي فيه انوار اظافيه في الصدام الامامي مثل السفاري مدري مركبينها او مـن بلـده
تكفى اخوي راعي الهدد تــحتسب وتعلــمـنا ....
راعي الهـــدد
08/04/2007, 11:02 PM
طيب يا شباب ممكن الواحد يركب تكــايـة في النص مثل السفاري
شي اخر في نوع يجي نــيلي وفيـه نوع يــجي لولوي شــوي هل يعني يختلف الون
وبعضها يجي فيه انوار اظافيه في الصدام الامامي مثل السفاري مدري مركبينها او مـن بلـده
تكفى اخوي راعي الهدد تــحتسب وتعلــمـنا ....
تكفى ترى تكفى تهز الرجاجيل
الا انت الي تكفى لاعاد تقول لي تكفى
انت آمرني أمر وابشر بالي يطربك ياعزوتي
راجع الخاص لاهنت
واحسب اسبوعين من هنا ان يسر الله وترى كل مايسرك ومصور وموثق
بتقرير يهز الأرجاء ههههههههه عاش الهياط
ياحبني لكم
الاعتدال
09/04/2007, 12:31 AM
السلام عليكم
يسرني ارفاق أجمل صور للباترول الربع الجديد 2006
http://www.jeddahboys.com/upload/get-1175259734.jpg
http://www.jeddahboys.com/upload/get-1175259907.jpg
http://www.jeddahboys.com/upload/get-1175259953.jpg
يا جماعة بصراحة هذا الجيب عجيب ومن جربة لايمكن يبدلة أبد ....
ولكم فائق الاحترام
الاعتدال
أبونواف42
09/04/2007, 01:08 AM
ايوه والله ياخوي ياراعي الهدد تكفى تراي أستناه على نار الله يجيرنا منه وجميع المسلمين.
أبو نواف
انا كنت ابحث قبل ما اشتري الباجيرو عن سوبر سفاري وما حصلت في الرياض ولا في جدة من 2005 وطالع .
مشكوووووووووووووووووور اخي راعي هدد عز الله بعد تقييمك للسيارات عن تجربة تخلي الواحد يشري الباترول وهو مغمض .
اما بالنسبة للتجربة فأنا استأجرت سفاري موديل 2006 واخي معاه gxr وارد اليحي لأني كنت بأشري سيارة ، وسوينا مقارنة بين السياراتين في العزم ، والتطعيس ، والمطبات والبطناج ، وصوت الهواء وصوت الماكينة في السرعات العالية الى 160كلم/ساعة : صدقوني يا جماعة طلع الباترول يفرق كثير عن اللاندكروزر جكسار حتى اخي بنفسه استغرب وقال لي ازين ما في التايوتا شيك بجيبك بس .
فنصيحة اللي يبي يشري لاندكروزر لا يشري إلا فكسار اما الستة سلندر فأرجح وبقوة ان يشري كنج الصحاري وبدون منازع الباترووووووول .
Waleed1
09/04/2007, 02:35 PM
السلام عليكم ورحمة اللة
أخوانى أشكركم جميعاً على المشاركات الطيبة والمفيدة فشكرا لكم وجزاكم اللة خير.
وشكراً
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir