المساعد الشخصي الرقمي

مشاهدة النسخة كاملة : ناوي اقطع السلق وابي شوركم!!!


New hunter
03/04/2007, 02:02 PM
ا لسلام عليكم ورحمة الله وبركاته........
كيف حالكم ؟؟؟؟؟ يا جماعه انا اعرف المنتدى من زمان واخذ العلوم والسيول والصيد وكل شي منه والله انه نفعني بعد الله ووسع صدري..... المهم .....
انا رجال احب الصيد وما عمري صدت بغير السلاح... بس بعد ما شفت السلق وطريقة الصيد بها ومتعة تربيتها ووفاها ونظافتها قررت بعون الله اني اتوجه للصيد بالسلق..... واقطع السلق على قولت الزاحفين من الشباب (وفي رواية الزواحف هههههه)
ولا تظنون اني ابي سلق(بيض الله وجيهكم وانا شايف فعايلكم مع بعض رجال كلها طيب ونقى) السلق مقدور عليه ان شاء الله وخيركم سابق من الفايده اللي لقيناها من اهل الخبره في هالمجال.
يا جماعه ابي نصائح للي ناوي يدخل هالمجال.... مثل
عيوب هالهوايه؟
ميزات السلق؟
عيوبه؟
اهم شي لازم الواحد يعرفه قبل لا يدخل الهوايه؟
يعني نبي درس ســــــلق 101
New hunter
03/04/2007, 02:17 PM
عفواً قصدي اقطططططع مع تشديد الطوط قصدي الطاء
ابو صاالح
03/04/2007, 02:21 PM
هههههههه حلوه اخوي نبي درس سلق 101
================
على العموم اخوي خذ نصيحتي مختصررره
================
اول شيء هل انت من هواة صيد الأرانب ،، اذا ايه تمام وكمل اللي تحت وذا لا ترى ماله داعي السلق
================
تربية السلق من اجل الصيد يحتاج اشياء ،، منها اول شيء المكان ،، اذا كان متوفر طاااح نصف المشكله
================
ثاني شيء اخوي نصيحه من اذا تبي تجني سلق لا يزودن عن ثنين وذا حصل وااحد احسن واسهل
================
ثالث شيء السلوقي يبي رعايه كامله من ناحية الأكل والشرب والتدريب (( ولو لقيت وااحد مدرب وجهاز اريح لك )) وعشان كذا اقولك واااحد ،، لان الواحد ما راح تحس انه عندك ،، ما يبي اكل واااجد ولا يغثك .
================
بعدين يحتاج لياقه وتركيض أقل شيء مرتين بالأسبوع ،، وقبل المقناص شبه يومي .
================
وبعدين لازم تسكرر عليه زين ،، لأن السرق وااجد هاليومين .
================
اما اذا اللي عندك جرو ،، صعب اشرحلك التدريب يبيله جلسه ذي ولا واحد فاضي يكتب ،، لأنك بادي من الصفر بدون خبره ،،
===============
ومن ناحية ميزت السلق ،، ما راح تعرف طعم هالهوايه ،، إلا اذا هديت سلوقيك على أرنب بريه وتمتعت بالمطارد . أطلق من فشقة الشوزن بثانيه والأرنب منسدحه . وسلااااامتك .
القحطاني505
03/04/2007, 04:29 PM
هههههههه حلوه اخوي نبي درس سلق 101
================
على العموم اخوي خذ نصيحتي مختصررره
================
اول شيء هل انت من هواة صيد الأرانب ،، اذا ايه تمام وكمل اللي تحت وذا لا ترى ماله داعي السلق
================
تربية السلق من اجل الصيد يحتاج اشياء ،، منها اول شيء المكان ،، اذا كان متوفر طاااح نصف المشكله
================
ثاني شيء اخوي نصيحه من اذا تبي تجني سلق لا يزودن عن ثنين وذا حصل وااحد احسن واسهل
================
ثالث شيء السلوقي يبي رعايه كامله من ناحية الأكل والشرب والتدريب (( ولو لقيت وااحد مدرب وجهاز اريح لك )) وعشان كذا اقولك واااحد ،، لان الواحد ما راح تحس انه عندك ،، ما يبي اكل واااجد ولا يغثك .
================
بعدين يحتاج لياقه وتركيض أقل شيء مرتين بالأسبوع ،، وقبل المقناص شبه يومي .
================
وبعدين لازم تسكرر عليه زين ،، لأن السرق وااجد هاليومين .
================
اما اذا اللي عندك جرو ،، صعب اشرحلك التدريب يبيله جلسه ذي ولا واحد فاضي يكتب ،، لأنك بادي من الصفر بدون خبره ،،
===============
ومن ناحية ميزت السلق ،، ما راح تعرف طعم هالهوايه ،، إلا اذا هديت سلوقيك على أرنب بريه وتمتعت بالمطارد أطلق من فشقة الشوزن بثانيه والأرنب منسدحه . وسلااااامتك .

مابقى شي اقوله خير ان خذلك سلوقي متعلم لفتره بسيطه وعلم الجديد اللي بتاخذه على الجري والطرد بانواعه والقنص بالسلق من احسن الهوايات تعتبر ويعطيك الف عافيه وبالتوفيق لك
New hunter
03/04/2007, 04:40 PM
ابو صالح الف شكر على مرورك ونصايحك وجزاك الله خير
المكان موجود والارانب نحب صيدها.... بس ابي اعرف هل السلق تنفع في تقفي الاثر؟؟؟؟
القحاني الله يجزاك خير على المرور(والشرطه هههه) قصدي والنصيحه وانا ناوي اخذ واحد مدرب الين نشوف وش الله يكتب
بس .............. وش عيوب هالهوايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
عاشق السلقان
03/04/2007, 06:32 PM
مرحبا فيكم
اخوي Newوالله تبي الصراحة تربيه السلق شوي فيها صعوبه يعني اذا كنت غاوي تربي السلق لازم تهتهم فيهم اول بئول مثل الطعام والنظافه وغيرها .....
بصراحة يعني اذا قنصت بلسلق تحس بلمتعه وانت تطرد الارانب فيهم يعني فيها تسليه وفيها شوي مغالب
ويفظل اذا كان عندك زررع تحطهم اهناك احسن من البيت لان السلق في بعظ المرات يزعج الجيران بلنباح في اليل
من مميزات السلق انهم فيهم الوفا لصاحبهم وفيهم سرعه لطرد الارانب والظباء
عيوب السلق لايحب انك ما تحبسه دايمن ولازم كل تقريبا 3 ايام اوربع اتطلعه معاك البر واتركظه لان السلق لازم تكون عنده لياقه قبل ماتخرج للصيد
وسلامتكم .
صياد الارانب
03/04/2007, 06:39 PM
السلام عليكم

ما قصرو الاحوان ماعندي شي ازيده عليهم اما بنسبه ان السلوقي يتقفى اثر الارنب :no2: بس الي اعرف ان بعض السلق يطرد الارنب على الهوا يعني يشمها لين يشوفهااا



وشكرااا
سعدون جابر
03/04/2007, 06:59 PM
أخوي New hunter

((

))

((

))



السلام عليكم ورحمة الله وبركاته



هذا رابط كتبه أحد الأخوان وهو من المواضيع المثبته في هذه الخيمـة يجيبك على أسألتك وفيه الكثير من المعلومات اللتي قد تساعدك كهاوي جديد ,,,

777777

777

77

7





[/url]







[url="http://www.mekshat.com/vb/showthread.php?t=70630"]http://www.mekshat.com/vb/showthread.php?t=70630 (http://www.mekshat.com/vb/showthread.php?t=70630)
STOP
03/04/2007, 09:30 PM
السلام عليكم ورحمه الله وبركاته

حبيت اعقب على بعض الشباب اللي كاتبين ان السلق "وفي"!
والحقيقه ان الوفا مادله ولامر من عنده يركب مع اي واحد ويروح ويخليك ومستعد كل يوم يكون عند راعي!!!
والحقيقه new hunter سأل عن عيوب وتقريبا هذا هو العيب الوحيد
والبعض راح يقول ان الكلب من صفاته الوفا لصاحبه :no2: "الجعري" فقط هو الوفي لصاحبه
وليس السلق ومايثبت كلامي سرقتها بكثره "طق" الصندوق يركب حتى لو مايعرفك أما الجعري طق الصندوق يجي
يقطعك :D هذا اللي حبييت اعقب على الشباب وانتم أدرى.
والسلام عليكم ورحمه الله وبركاته
القـــناص
03/04/2007, 09:52 PM
اخوي : New hunter

اذا كنت تريد ان تكون احد هواة الصيد بالسلق انصحك ان تبتعد عن السباقات العامه ...

لانها تسبب الكثير من المشاكل وارجو انت تدخل على هذا الرابط وتقراء الحوار الذي يدور به ...

وصدقني انك راح تكره السلق ... والله انا احد هواة السلق اللي كرهني بالسلق مثل هذه المشاكل ...

واتمنى من اخواني حرف العين - والقحطاني 505 حل هذه المشكله ... بأ سرع وقت ممكن ...

http://www.mekshat.com/vb/showthread.php?t=79455&page=1&pp=15 (http://www.mekshat.com/vb/showthread.php?t=79455&page=1&pp=15)
sasasasas
03/04/2007, 11:41 PM
اسمع اخوي من ناحية المتعه
خذ متعه
ومن ناحية التربيه اهم شي الصبر

تقبل تحياتي
صياد الوعل
04/04/2007, 01:09 AM
تحيه طيبه

بصراحه لم اتشجع على المشاركه بهذا الموضوع لان الاخوان شاركو و ساهمو بما فيه الكفايه,,لكني لاحظت ما كتبه الاخ STOP من مشكلة ركوب السلق مع اي شخص ,,,و شخصيا عندي تجربه و حلول لهذه المشكله التي يعاني منها اغلب اهل السلق و لدي الحل الجذري و النهائي و المجرب وهو كالتالي :-

حاول ترسل صديق او قريب لك لديه سياره لا يعرفها السلوقي و يتقرب منه ثم يدعوه للركوب ,, و عند ركوب السلوقي خله يربطه و يمسه باكورين و مصعت اذن ,, و يفكه ,,وافضل لو ياخذه مسافة كيلو و يطلقه ,,, و اراهن لو عاد ركب السلوقي مع اي شخص غير راعيه و حاول تكررها حتى تتأكد من عدم ركوبه مع اي غريب ,,, سامحوني على الاطاله ,,
سعدون جابر
04/04/2007, 01:14 AM
صادق يا صيّاد الوعل صادق ,,,







أضحك الله سنك كما أضحكت سني ههههههههههههههههههههههههه :D
سلطان العوني
04/04/2007, 07:12 AM
ما ازيد على كلام الاخوان شي الا شي واحد
ان السلوقي ما يتتبع الاثر الا اذا دربته على الاثر وهذا شي اعرفه عن الكلاب اعزكم الله
اما من ناحية اذا ما دربته على اقتفاء الاثر ما راح ينفعك بشي الا اذا شاف الارنب بعينه
هذا ما بغيت انوهك عنه والاخوان ما خلو لنا شي نقوله جزاهم الله خير كفو و وفو
ولك فائق الاحترام والتقدير
القاسمي
04/04/2007, 11:13 AM
السلام عليكم ورحمة الله وبركاته
بارك الله فيكم جميعاً وما قصرتو وهذا هو منتدانا اللي نحبه والشباب فيه ما يقصرون ولاكن هناك تعقيب على بعض النقاط
السلق من الفصيله الكلبيه وهي اصلا تعتمد على حاستين الشم والسمع وهي مقتفي اثر من الدرجه الاولى ولاكن الانسان هجنها لمصالحه وهي الصيد يعني اذا دربته على الاثر بيتدرب ولاكن كل شي بحقه يعني اذا دربته على الاثر والطريقه معروفه وتقدر تدربه على الحفر والطريقه معروفه ولاكن اذا دربته على اقتفا الاثر بيصير داشر يعني اذا شم شي ممكن انه يضيع بسهوله وهذي هي المشكله وانا احد المجربين دربت ذيخ لمدة سنه على الحفر والتتبع لدرجة انه اذا قنصنا هو اللي ينبع اثر الارنب ويحفرها ويمسكها وضاع مره في الديره
ويالله لقيته وبعدها صرة دايم رابطه لئنه في حاجه اسمها غريزه يعني اذا صار يلقى اكله وشربه بعيد عنك ما صار في حاجتك
وسلامتكم
عروق الدهنا
04/04/2007, 01:52 PM
الاخوان ماقصرو
لاكن ابي اذكر نقطه اللي هي عيوب السلق
اكبر شي يبي يبي يتعبك السرقه وهذي اكبر مشكله يعانون منه اهل السلق
وازين شي بالسلق انك تطب على الحرامي وهو يسرق سلقك
وحبيت اعقب على كلام اخوي ستوب
يقول السلق غير وفي
انا اقول ان الانسان وهو اذكى ما خلق الله مايولد متعلم عاد وش السلق
وذا هو يقول ان السلق يركب مع اي واحد انا عندي ذيخ ماظنك تقدر تركبه ولاتقرب له

واسف على الاطاله
والسلام ختام
ابو صاالح
04/04/2007, 08:41 PM
اخوي stop ابرد عليك بختصار كل شيء على التدريب والكثير منا يدرب سلقه علشان لو طلعن مع اي واحد ما يفضلنه ،، ولو تبي سلق تنهشك لا جيتها تعال واوريك اياها وبس .
قلب الماس
05/04/2007, 09:43 AM
السلق وفي لصاحبه وبعض السلقان تموت لمجرد تخلي صاحبها عنها
وحسب تربيتك وطريقة تدريبك لسلق راح تعرف اذا يسهل سرقته او لا
خذ لك سلق صغير وانت دربه مع الايام وكل يوم يكبر راح يطيعك ويحاول انه يرضيك
هلي شفته في سلقتي واهم شي
حوه ودوه هذي قديمه
جدا السلق ماعيبك لوكلمته تراه يفهم مع الايام تعال وروح واجلس ويفهمك لي نهرته عن شي او شجعته
انا تجربتي عن سلقه وحده
والكل يتعجب منها ويقول كانها ادميه
اخليها لحالها بالبيت وتحرس لمجرد مرور شخص بشارع تسمع نبيحها لول
ووان جا الغريب ونبحت تسكت لمجرد يجيها الامر وتبعد
وطالما انت ماعندك خبره ابداسلق واحد يكفي ويمكن يغنيك عن 10
لحد ماتحس بمكانك ادرب وتعلم اكثر من 1
سلقتي غرشوبه
http://www.mekshat.com/pix/upload/images31/mk28889_3.jpg (http://www.mekshat.com/pix/upload/images31/mk28889_3.jpg)
ولد عنيزة
05/04/2007, 04:51 PM
السلام عليكم
وش خليتوا اخوي ابوصالح والشباب ماقصروا ومابقوا شي نقوله ههههه
بيض الله وجيكم وماقصرتوا
وعذرنا اخوي Newعلى القصور
اخوك ولد عنيزة
New hunter
06/04/2007, 01:33 AM
لا والله ما حصل منكم قصور يا ولد عنيزه كفيتو ووفيتو والظاهر اني ياتوكل على الله ز اجرب بس تراني باغثكم بكثر السؤال لأني عليمي امشي واصدم .... بس انشاء الله ما تقصرون بس سوعال اخير..... انا اعرف ناس واجد عندهم سلق طيبه و ما يقصرون معي والظاهر انها من اطيب السلق( بنيت معلوماتي على مواصفاتكم اللي في المواضيع المثبته) تظنون اخذ منها؟؟ والا اخذ لي شي يمشي الحال الين اعرف ؟؟ ما ودي اخذ شي طيب وافسده..... يعني بصريح العباره... هل اتعلم على الدداسن والا اجيب لي رنج؟؟؟؟؟
صياد الوعل
06/04/2007, 11:58 PM
اقول لو حصل خذ بورش احسن لك ترى الددسن يغثك و يفشلك :no2: ,,,اقصد السلوقي الاصيل و السلاله المعروفه ,,,

الظاهر ان المشاركه التاليه ,,,,,,,,,,,,,تدور الزين !!!!:no2: !!!!!
New hunter
10/04/2007, 12:34 AM
بيض الله وجيهكم و البورش بنجيبه على راي اخونا ههههههههههه (شكلي بسميه بورش) ونجرب وعسى الله يطرح اللي فيه الخيره........ بس بعض الشباب اذا عزربت في سلقته والا قلت ان سلقة فلان سبوق زعل وانا شفت المشاكل اللي صايره في المنتدى من بعض الشباب....... بس اللي ابي اقوله ان السلقه لاهي من صلب الرجال ولا من باقي اهله هي كلب اجلكم الله والملائكه وبعض الناس يتوفق في شي زين وبعضهم ما يتوفق .... يعني والله مالها دخل في الرجال ولا في اهله كلها سلقه لو مسكت معها في الهدد تلحق كيسه بدل الظبي محد يلومها هههههه عقلها على قدها هذى اللي الهمها الله عليه ... وآسف على الاطاله وماقصرتو بيض الله وجيهكم