المساعد الشخصي الرقمي

مشاهدة النسخة كاملة : يا الربع ابي حل للهواء الي يدخل مع الابواب


بندر متعب
04/04/2007, 12:12 AM
السلام عليكم ورحمة الله وبركاته
اخواني اعضاء مكشات حفظم الله
عندي جمس صالون موديل 2001 يجي صوت هواء مع الابواب رحت ركبت الشريط الي يلزق لونه اسود داير ما دار على الابواب الخلفية والامامية ولا نفع وبعدين رحت للاسماعيل بالغرابي وقال تركيب الشريط على الباب غلط وركبه على الباب بس من جنب الباب شوي ولا نفع والربلات حقت الباب شكلها زين

الله يعطيكم العافية
راعي الهـــدد
04/04/2007, 12:16 AM
حل مشكلتك بسيط جدا جدا

جب لك لي حق مكيف الصحرواي المعروف الي لونه ابيض مائي

وتعال للربل الي في الباب وسو فتحة بسيطة قد مايدخل الي

ودخل الي في الربل الين يدور فيه

وسو هذا في جميع الأبواب الي فيها صوت

وبإذن الله ماتسمع ولاصوت

او اذا مانفع رح للنويصر ويحل موضوعك بس ترآه يآخذ فلوس واجد هههه

وهو يسوي الطريقة الي قلت لك عليها لي ماء صحراوي ويدخله وسط الربل

وبهذا يكون الربل منتفخ ولايسمح بدخول الهواء

شكرا لك واي خدمة ابشر
مريقب العيفار
04/04/2007, 01:28 AM
اخوي راعي الهدد اسأل الله ان لا يحرمك الأجر



اخونا بندر حل مشكلتك مثل ما قال اخونا راعي الهدد

تشوف الربل حالتها زينة بس انها لاينة بالحيل وتسمح للهواء بالدخول

جرب الحل هذا ازين من تغيير الربل
بندر متعب
08/04/2007, 11:20 PM
الله يجزاكم خير ويبارك فيكم
لكن اخوي راعي الهدد الله يعطيك العافية وين موقع ورشة النويصر
لان اخوك غشيم بهذي الامور ولا اعرف لها وخصوصا الي حق المكيف الصحراوي ماني عارفه

حفظكم الله ورعاكم
سلطان العوني
09/04/2007, 12:35 AM
دبل الربل
وان شاء الله تنتهي مشكلتك
الجفالي
10/04/2007, 01:19 PM
السلام عليكم المشكله بصيطه رح للنويصر يحلها الصناعيه القديمه تحياتي اخوي ابومتعب
راعي الهـــدد
10/04/2007, 01:49 PM
الله يجزاكم خير ويبارك فيكم
لكن اخوي راعي الهدد الله يعطيك العافية وين موقع ورشة النويصر
لان اخوك غشيم بهذي الامور ولا اعرف لها وخصوصا الي حق المكيف الصحراوي ماني عارفه

حفظكم الله ورعاكم




المعذرة ياخوي على التأخير

والله لم اعلم بردك هذا الا اليوم

ورسالتك الي ارسلت لي بالخاص امس هي التي ذكرتني بطلبك للوصف وكانت متأخره وانا متعب فقلت اليوم اعطيك الوصف

فالمعذرة ياغالي وياليتك ذكرتني بدري بطلب الوصف

عموماً رح للنويصر ويبي ينظبط موترك بس قل له قبل كل شي وش عيب موترك واتفق واياه صح ثم ابدأ العمل

اخوي اليك الوصف واذا ماهو واضح عطني خبر

وابشر ياغالي بالي تبيه

شكراً لك ياغالي

http://www.mekshat.com/pix/upload/images31/mk33838_asasaaa.jpg


الله ييسر امرك ويغفر لك ووالديك
Mr.Patrol
10/04/2007, 02:12 PM
اخي(راعي الهدد)

بيض الله وجهك وكثر الله من امثالك.
راعي الهـــدد
10/04/2007, 02:44 PM
اخي(راعي الهدد)

بيض الله وجهك وكثر الله من امثالك.




ووجهك ياغالي ولا سوينا شي جعلك تسلم

الوقت والجهد والبصر نضحي به لله وفي الله

ويعلم الله انه من محبتكم

وخدمتكم من الدين

شكرا لك ياغالي
حنوش
10/04/2007, 02:48 PM
احتمال كبير تكون الابواب يبيلها وزن وحلها زي ماقالوا الاخوان عند النويصر
الرهدن
10/04/2007, 05:45 PM
لايقربك النويصر00 الليات الي يحط طريقة خاطئة
قسم بالله إنه حاس موتري00
وإستغلال مابعده إستغلال00
أنا عرفت المشكلة وحليته وسوف أرفق رابط إن شاء الله00
وإن تأخرت راسلني على الخاص00

.وش الحل بالهواء اللي يدخل للسيارة ( تراي تعبت من السؤال) (http://mekshat.com/vb/showthread.php?t=45486) ( http://mekshat.com/vb/images/misc/multipage.gif 1 (http://mekshat.com/vb/showthread.php?t=45486&page=1) 2 (http://mekshat.com/vb/showthread.php?t=45486&page=2) 3 (http://mekshat.com/vb/showthread.php?t=45486&page=3) )
شامخ ألهيلا
11/04/2007, 01:33 AM
احلى شي الكروكي صراحه بسيط مره من شفته عرفة الوصف الله يعطي يمناك العافيه
والله اني ادور ورشه لصوت البيبان
SAL
11/04/2007, 09:05 AM
سلااام عليكم

ياخوان انا عندي نفس المشكله من اول يوم شريت الموتر الي هو تريل بليزر trail blazer 2003
يوم شريت الموتر ودفعت وخلصت كل شي مابقى لي الا استلم الموتر جاني موظف الوكاله ( التوكيلات) خط خبر-الدمام
قالي: اييييييييه الله يعينك ... قلت له: في ايش .. قال: البنزين وو والهوا الي من الابواب..... قلت له: الحين تقول
يوم جيت بستلم الموتر.....

اييه يازين الكروزر بس بس اخخخخ ماكان فيه ميزانيه

المهم وانا من يومه والهوا يخش ركبت ربلات السودا الي من محلات الزينه مانفع الا زاد الصوت وفكيتهم

وش الحل ؟؟ ابي مكان في الدمام او الخبر

جزاكم الله خير

اخوكم

سالم

SAL
وسوسة
11/04/2007, 11:56 AM
فعلا أنا صايره معي في دودج دورانجو 2003 وأنواع الإزعاج.
بندر متعب
25/04/2007, 10:15 AM
راعي الهدد الله يعطيك العافيه والاخ الرهدن اسف الفتره الماضية ما كنت ادخل كثير على مكشات وسوف اتصل بك والله يعافية ويحفظ كل من شارك بالموضوع ورد عليه وكل اعضاء مكشات

على العموم رحت للنويصر وزي ما قال الرهدن ماعندك احد حطيت الليات واخذ مني 250 ريال بعد الخصم لكن بدون فايده وطارت الدراهم على غير سنع وللحين الصوت موجود ابي حل جذري لهذي المشكلة

طبعا يا الردهن انا قريت ردك بعد ما رحت للنويصر

حفظكم الله وبارك فيكم جميعا