افضل طريقه للمندي

[أبوعمار]

ياشباب ابغى افضل طريقه لحفرة المندي ناس قالو لي ابن بنايه وسو تحت الحفره مواصيير للغاز علشان النار( الله يبعدنا عهنا ) وناس قالو فيه برميل حديد ومن داخله فخار هاذا افضل وناس قالو برميل حديد وانتهت السالفه وبيني وبينكم ابي الطعم والافضل وكذللك العملي

[راع الابل]

ابو عمار يالله حيه اذا بتعزمنا علمناك علم قديم وطيب هههههههههههههههه

اخوي المسئلة بسيطة دور لك برميل حق الزيت الكبير واحفر حفرة ونزل البرميل فيها ثم شب النار ولا تنسى تحط حطب زين وانتبه تقلد حقين الرياض ما يولعون الا بساج اوخشب هههههههههههههه

ثم خل النار لين تجمر تحت في البرميل ثم حط عود او عودين وولعه بالنار شوي ثم دور لك سيم او حديدة حسب ما تبي علشان تعلق الهرفي داخل البرميل ثم لازم تغطي البرميل بخيشه مربصة بالماء ثم تغطيه بغطاء البرميل وحاول ان تحكم غطاء البرميل ولا تنسى تحط مع الخشبه او الحطبة الاخيره قطعت بخور او عويدي وبالهناء والشفاء

طريقة قديمة ولكن لذيذه مره جربها وتدعيلي

تحياتي

[سلطان العوني]

ما قصر معك اخوي راعي الابل
اخوي المسئلة بسيطة دور لك برميل حق الزيت الكبير واحفر حفرة ونزل البرميل فيها ثم شب النار ولا تنسى تحط حطب زين وانتبه تقلد حقين الرياض ما يولعون الا بساج اوخشب هههههههههههههه

ثم خل النار لين تجمر تحت في البرميل ثم حط عود او عودين وولعه بالنار شوي ثم دور لك سيم او حديدة حسب ما تبي علشان تعلق الهرفي داخل البرميل ثم لازم تغطي البرميل بخيشه مربصة بالماء ثم تغطيه بغطاء البرميل وحاول ان تحكم غطاء البرميل ولا تنسى تحط مع الخشبه او الحطبة الاخيره قطعت بخور او عويدي وبالهناء والشفاء

طريقة قديمة ولكن لذيذه مره جربها وتدعيلي

[ابوعبدالهادي]

السلام عليكم
المقصود بالمندي أو الحنيذ أن يكون اللحم مع الجمر في مكان مقفل مهما كان نوعة فية ناس تعمل برميل وناس حفرة في الارض وناس في انا خزف كبير وبامكانك عمل مندي في البيت في الفرن أهم شي نوع الذبيحة يجب ان تكون صغيرة السن دائماً اذا تبغى تكون ليذة
وعندي لك عدة طرق وهي كالتالي

عمل حفرة وبنائها بالحجارة أو بالطوب الاحمر
عمل حفرة ووضع بداخلها برميل حديد
عمل المندي على المنقل مباشرة بوضع اللحم وكتمة بالقصدير مباشرة
عمل المندي في فرن البيت

[مجازف2010]

السلام عليكم ورحمة الله وبركاته جميعا

اخوي ابو عمار ولا يهونون الباقي انا اضبط المندي من قبل 8 سنوات وجربت كل الطرق جربت الحفرة الي من الطوب الاحمر وفيها مواسير غاز وجربت البرميل الحديد ( بترومين ) كلها زينه ولكن برميل الحديد بصراحة بعد ما دققت فيه اكتشفت انه ماهو بصحي من ناحية الحديد والصدأ الموجود من الداخل ولكن بعد ما اشتريت الفرن المندي الى على العاز بصراحة مرييييح جدا وطعم اللحم يجنن والرز بعد وصحي ميه بالمية لان الحديد الي من الداخل غير قابل للصدأ ومثل ما احنا عارفين ان الجمر يخرج عاز اول اكسيد الكربون وثاني اكسيد الكربون وكلها غازات سامة ومن ناحية اقتصادية انه يريحك من الحطب ومن التعب لان برميل المندي لازم تدفنه بالتراب والخياش وهذا ما يحتاج اي شي بس حط اللحم وحط قدر الرز تحت اللحم واغلق الفرن وخلاص واحسب ساعه ونص وخلاص وفيه منه احجام كثير من صغير ابو دجاجتين الى الكبير او ثلاث ذبائح

اي استفسار انا موجود وشكرا

[المهمري]

تمام عليك فرن الحديد الجاهز هو الصح للمندي لانك تضبط اللحمة والرز بالحرارة والوقت المطلوب والطعم رائع وهو سهل جدا لاتجيبه عندك في البيت 000طبع تسمن وتكبر الكرشة00هههههههه

[صحري وسفاري]

:no2: فرن الحديد الجاهز هو الصح للمندي :j

[ابوسليم]

ياشباب ياليت تدلوني على محلات بيع افران الغاز للمندي بالرياض . وكم سعره .


الله يعافيكم ....

[أبوعمار]

ياشباب خيروني ولا تحيروني انا مجرب كل الطرق للمندي بس انا اطلب الافضل من هاذي الطرق الكثيره منها انا استفيد ويستفيد الشباب منها

[مجازف2010]

ياشباب ياليت تدلوني على محلات بيع افران الغاز للمندي بالرياض . وكم سعره .


الله يعافيكم ....

اخوي اذا كنت من اهل الرياض الافران تحصلها عند محطة خط القصيم الي فيها لوحة دعاية ( سمنان )

اما عن اسعار الافران من 650 الى 1500 على حسب الحجم اما الي عندي اخذته من عندهم ب 930 ريال هو اصلا ب 950 بس بعد المفاصل عطاني ب930 وهو ياخذ ذبحية كامله

[مجازف2010]

ياشباب خيروني ولا تحيروني انا مجرب كل الطرق للمندي بس انا اطلب الافضل من هاذي الطرق الكثيره منها انا استفيد ويستفيد الشباب منها

يا حبيبي يا ابو عماار انا ما فهمت وش تقصد هل تقصد طريقة عمل المندي يعني من يوم ما اذبح التيس الى ما احطه على الصحن او قصدك شي ثاني

[تاشكم]

تكفون يا شباب ممكن صورة لفرن الحديد الجاهز

[A41OD]

والله مالك الا الحفره والبرميل ياصاحبي وخل عنك الفرن وبلاويه
يارجال القديم عديم وصدقني بس تجرب الاثنين بتحس بالطعم واللذه وين
عليك بالحفره والبرميل وانا اخوك

[mansoursh]

والله مالك الا الحفره والبرميل ياصاحبي وخل عنك الفرن وبلاويه
يارجال القديم عديم وصدقني بس تجرب الاثنين بتحس بالطعم واللذه وين
عليك بالحفره والبرميل وانا اخوك
كل واحد وله رأي ولكن مااظن انك جربت فرن المندي الجهاز والا ما كان قلت البرميل انه ازين
وياخي الاخوان يبينون لك المضار الصحية للبرميل لان البرميل بس يكفيك من شكله كله صدا ورمل

تحياتي

[الغوااااص]

اضافة للمندي جميله وهي قبل ماتحط اللحم هات جريد نخل أخضر ونظفه من السعف وخله على شكل عيدان بطول مايقارب 30 سم وغسلهم بالماء زين واذا شفت الجمر زان ضع الجريد على الجمر بحدود 10 قطع جريد وفرقهن على الجمر وأفرد اللحم فوقهن بدون تعليق ولا تنسى الإغلاق السريع وفوق الخيش حط رمل مخلوط يعني طين وليسه فوق الخيشه مزبوط لين ماتشوف ولا دخان طالع منه واحسب ساعة بالتمام وافتحه بالهناء ....سلامتكم،،

[أبوعمار]

انا قصدي طريقة طبخ المندي لهي الطرق الذكرتها اول شي

[ابو نوااف]

بسم الله الرحمن الرحيم
من واقع خبرتي اللي انا اعرفها بعد تقطيع اللحم الى ارباع تبدا تملحها بالملح الخشن طبعا على حسب رغبتك كل قطعه لوحدها وبعدين تخلطها مع بعض علشان اللي ما اتلمح يتملح وقبل كل هدا تولع الحطب من ثرثه عيدان الى اربع لاتزيد ولا تكثر عشان ما ينعدم اللحم . الين ما تشوف النار زانت بمعني صارت حمراء تحط قدرك على مركب صغير يفصل بينه وبين النار اقل شي 15 سم وبد تعلق اللحم فوقه عن طريق معلاق حديد يكون مفصل من قبل وهو عبارة عن حديد عماير وملحم فيه معلاق صغير علشان تثبت اللحم عليه وبعدين تقفل البرميل تحط الخياش من حوله . وهذا مل المندي

اسال الله العظيم رب العرش العظيم ان يغفر لنا ولامه لااله الالله انه ولي ذلك والقادر عليه

[قناص*07]

عذرا للجميع
انا مجرب طريقه منذ اكثر من والله 15 سنه والحفره ولله الحمد ما تأثرت وهي سلمكم الله تجيب زير ماء كبير (حسب احتياجك) وتدفنه في الارض او في خزان ماء متر في متر(خارجي) تحط الزير وتبني حوله بالطوب الفخاري المصري وتبني بطينة سيل مخلوطه مع شوي تبن ومنقعه بالماء لمدة يومين والطبقه الاخيره تقدر تبنونها بألبلك الاحمر (شكل جمالي فقط) وتتركونها لمدة اسبوع وبعدها تشب فيها عودين حطب فقط كي لا تتشعر واكتمها وثاني يوم شب فيها نصف حزمة حطب واكتمها (كي تحافظ على الحرره لمده طويله وتجف الطينه الداخليه) بعدها جاهزه للاستعمال