أجمل قصيدة قيلت في الطير( الصقر )

[مجازف1]

السلام عليكم ورحمة الله
اقترح على الأخوة والزملاء طرح مسابقة في أجمل قصيدة قيلت في الطير ( الصقر ) وسوف أبدأ أنا بهذا المقطع البسيط لأحد الشعراء.....

اشقرٍ في صيدة البرقى غرامه % طبع ابوه اللي لقاها بالمفـالي
طير لكنه خلـق مرفـوع هـامه % اشـقرٍ يجناه مــحـمود الفـعالي
تل سبقه وانتهض عدلاٍ صرامه % فوق ست وما بقى لسّت تالي
كن برقى الريش برقٍ في غمامه % ضفها ضفة حبيبٍ ضف غالي
:type:
:type:
:type:

[ف.البشري]

مجازف

مرحبـا يالصقّـــــــــار .

قبل كل شــــئ ليتك تكمل باقي القصيدة فهي من اجمل ما قيل

في الطّــيـــــــــر .

لك خالص الشكـر يا مجازف .

[معقد الشوش]

مجازف رائعه جدآ 000 وأذا أردت الوصف البليغ للطير والصقّار والقنص فعليك

بديوان بدر الحويفي الشاعر الرائع الحكيم الذي لا أرى من وجهة نظري من وصف

الطير كوصفه .... وأسأل كل من يهتم بتلك الهوايه وستجده يؤكد ذلك ....!!!

تلقيت ديوانه من أبنه الشاعر / محمد ولاأكون مبالغآ أذا قلت أن كل قصيده من قصائده أروع من الأخرى

وغالبية قصائده عن القنص والطير والصقّار ولم أقراء له غزلية قط وأذكر قصيدته التي يقول في مطلعها 00

ياأللي طلبتوا نبذة من قصــيدي ### عن واقــع المعــقول لاأنقص ولا أزيد

أنا أنشراحي وانبساطي وعـيدي ### تفريعة القرناس بأرض(ن) بها صــيد

وقصيدته 00


القيض راح وبردن الليالي

التي يقول فيها 000


عـــزي لحــالك يارفـــيقي وحـــالي

بأرض الرحيل نفتّش القشع تفتيش

والكثير والكثير من القصائد الرائعه ...:good:

[مجازف1]

هلا أخوي ,,,,, معقد الشوش
انا أنشراحي وانبساطي وعـيدي ### تفريعة القرناس بأرض(ن) بها صــيد
الحقيقة بيت رائع جدا .. لقد سمعت بهذا الشاعر الكبير ولكنني لم أقرأ له وسوف أبحث عن ديوانه
وأنت أروع أخوي : معقد الشوش ********* تحياتي:good:

:light:
هلا بخوي البشري
القصيدة على ما أعتقد هي للشاعر : عبد العزيز بن سعود ( السامر ) ... ولكنني لم أحفظ إلا هذه الأبيات أتمنى من أي شخص يعرف هذه القصيدة كاملة أن ينشرها لنا


:dance: :dance: :dance: :dance:

[فـ(الجـوف)ـتى]

الله يعطيك العافيه مجازف 0:good:

[مجازف1]

هلا وغلا .. أخوي / فـ(الجـوف)ـتى

والله يعافيك ويجعلك دايم بخير حبيبي

تحياتي:good:

[المري]

مرحبا اخوي مجازف وجعل ربي مايهينك على هذه الابيات الرائعه

التي قيلت في الحر الاشقر .

واليك مشاركتي وعسى ان تنال على اعجابكم:


له سبوع سهيل كل عين تشوفه=جاك حل البراد وراح وقت السمايم
من يخف الكلايف شايفين معروفه=أشقر الريش جاوقته وقلبي مهايم
مولع الطيرو الله مايطاوع ظروفه=دوم قلبه وعينه يم نجم النعايم
يذكر الاشقر اللي عايزات وصوفه=ومن ذكر ذاك ما اطاوع كثير اللوايم
صافي الريش سرواله مغطي كفوفه=أسبح الوجه صافي الريش ماله وقايم
كن جوهر عيونه في محاجر قحوفه=فضه فصها أسود من حجار كرايم
لاقفيته تشوف الريش شعل حروفه=ذاك عوق الخريش اللي تحب الهزايم
عند نايف الي الفى فارق حيل نوفه=ذاك هبي بشوفه ياهبوب النسايم

الشاعر/عبدالرحمن العطاوي

[مجازف1]

http://www.robslade.demon.co.uk/photos/NBPC/Lanner%20Wings%20Open.sml.jpg

من يخف الكلايف شايفين معروفـه % أشقر الريش جاوقته وقلبـي iiمهايـم
مولع الطيرو الله مايطاوع iiظروفـه % دوم قلبه وعينـه يـم نجـم iiالنعايـم

تسلم والله يمينك يــــــــ المري ...........وصح لسانك وما عليك زود

تحياتي:light:

[تالي الاولين*]

.


السلام عليكم

اخوي مجازف يعطيك العافيه على هالموضوع

القصيد في الطير واجد بس وين الي يحفظ نسمع من جهه ويطير من جهه

بس لقيت هالبيات واعجبتني عساها تعجبكم


افـدع مـحـدب مـتسنـّد مـستديـر=وافي الطول واف العرض جبر العظام
وارد الوجه وكراعه جلال قصـير=ماخـذات اكفوفـه مـن كفــوف الغـلام
و اصّراويل كاسيتن سبوق الحرير=افجــحن كنّــه اللقّــاي وزن المقــام
في كحوفه سنا عينه سنا نار كيــر=فاصـلات بيــاض الراس مثل الوشام
مكتسن من دقاق الريش شي وسير=خف ريش القطا بالوصف و الاّ الحمام
و الظهر يطّـرد به مثل موج الغــدير=و الــنحر بتــرتن مطـــلية بالرخــام






تحياتي للجميع
تالي الاولين


.

[مجازف1]

هلا وغلا بـــــــتالي الاولين*

في كحوفـه سنـا عينـه سنـا نـار كيـر % فاصـلات بيـاض الـراس مثـل iiالـوشـام

تسلم والله على الرائعة وانت أروع وما قصرت

http://www.robslade.demon.co.uk/photos/NBPC/Lanner%20Falcon%2014.sml.jpg

[ابن شارخ]

هلا وغلا اخوي مجازف

موضوع جميل وعن طير عاش مع اجدادنا وآبائنا وعاش معنا في الوقت الحاضر
والابيات كثيره مثل ما قال اخوي تالي الاولين لكن وين اللي يحفظ

فيه ابيات قديمه لواحد من شيوخ آل ثاني عن الطير احلا ما سمعت لكن سألت ولا اعرف ان كان
لها تكمله ام لا :

ودي بسير البر من بعد الامطار
------------------ من بعد ما تنشف نداوة غديره
اهد اشقر الجنحان يلحق له طيار
------------------ اليا ضربها حوّلت مستديره
اليا ضوينا جمبهم شاق الانظار
------------------ والكل منا معجبه فعل طيره
عن روحةٍ للبر مانيب صبار
------------------ حيث القنص ماريت شئٍ نظيره

وفيه بيت جميل في وصف الطير وهو من قصة شيقه ومؤثره وفيها من شيم العرب ومكارم الاخلاق
وسوف انقلها لكم انشاء الله :

ياطير ياللي كن لونه سنا كير
----------------- ما تبرد كفوفه حمرٍ دوامي
كنه غلامٍ فاحشٍ له على بير
----------------- متشلفتٍ يزّي قطيعٍ حيامي

وفيه ابيات لي من قصيدة موجوده في المنتدى تحت عنوان ( يا لايمي لو تروح البر وتذوقه):

ياماحلا الحر الاشقر تطلق سبوقه
------------------ لا شاف زول الحباري قام يلحقها
كل ما ضرب له حباره يرتفع سوقه
------------------ لجواد تفرح بصيده يوم وفقها

اتمنى ان يحوز على رضاكم ما اقدم في المنتدى

تحياتي لكم
اخوكم
ابن شارخ

[مجازف1]

هلا بــــــ أخوي ابن شارخ
القصائد التي ذكرت جميلة جداً ولكن كما ذكرت المشكلة في الحفظ بسبب كثرة المشاغل وتعقيدات الحياة ومهما يكن من أمر فالأبيات رائعة ،، وقد أعجبني هذا البيت :

ياماحلا الحر الاشقر تطلق سبوقه
------------------ لا شاف زول الحباري قام يلحقها

القصائد في الطير كثيرة ومعروفة ولكن القصد من طرح الموضوع هو التذكر والمشاركة والتواصل ، اتمنى من الجميع أن لا يبخلوا علينا ولو ببيت واحد

تحياتي للجميع .. وشكراً للأخ العزيز ...... ابن الشارخ

[مجازف1]

يا عيون اللي طلع طلعٍ بعيدي % مبطي عنها وقلبه ما نساها
هـز ريشه هـز والناظر حديدي % هـده الصقار والنادر بغاها

طلب خاص من الأخوان الذي يعرف هذه القصيدة ومن قائلها،، أن ينشرها كاملة ،، فقد سمعتها من أحد الأشخاص ونحن في المقناص ولا أعرف أين هو الآن ...
ملاحظة : الابيات غير مرتبة

[المري]

السلام عليكم


اسمحو لي ابي اشارك مرة ثانيه :



يا بو سعود الطير لو قلت هداد=ما هو مونس خاطري في هداده
لو قلت فرحان يطلع وصياد=مالي بغير الديش شف وراده
وجدي على الي ضاع بحدود بغداد=حول الجريبه في هذيك الحماده
ياعل يوم ضيع الديش ما عاد=ياوسع والله فرجته وابتعاده
متنومس بالديش ماني بنشاد=مثل الزعيم الي ثبت بالقياده
ما خاطري عقبه على الصيد منقاد=ولالي على المقناص صبر وجلاده
لولا الجماعة قلت يالربع معواد=كل يعود يم يمة بلاده
والوقت لو زين لك أيم ضهاد=كم من عقيد حوله من شداده
والطير وإبن ادم مرده للأنفاد=الدايم الله والفنا في عباده


شبيب بن جعيلان الدقباسي






هذي من القصايد التي اعجبتنى واسمحو لي على الاطاله..


اخوكم: المري

[المري]

السلام عليكم مره ثانيه يااخواني واسمحو لي للمره الثالثه.


هذا القصيده اعجبتنى وهي تتكلم عن العبور ((عبور الحباري )) في شهر 10 اكتوبر:



قمرا شهر عشره وبراق جبلي=لا شفتهن مالي مع الناس مقعاد
ياكثر ما قالوا لي الناس مبلي=وراعي الولع ماهو عن الناس نشاد
لاجيت قيعانن عقب رش وبلي=ولقيت جرت من له القلب منقاد
باطراف روضن ماتوطاه قبلي=حين من اللي تارسن راسه عناد
جرة خرابين فطينن وخبلي=الليل كله ماهتنا فيه برقاد
ولاخذت عن حرن تقل قوس نبلي=متفاختن جرمه مخاليبه حداد
لاتل مني واودع السبق سبلي=ثم ارتفع واهوى تقل دلو وراد
لا تلها تلة نشيطن لحبلي=هذاك شفي ياقليلين الابعاد
ولا قمت ابرز للمغدا بشبلي=وزينت فنجالن على شف وامراد
هذا الولع لو قالوا الناس مبلي=راعي الولع ماهو عن الناس نشاد

الشاعر/حمد السعيد





وسلامتكم وعسى المشاركات نالت على اعجابكم




اخوكم/المري

[ابو عايد]

مشكــــــــــــورمجازف1


وصــــــــــــــــــــــــــــــــح لسانك



وسلمـــــــــت يمناك



واليك مشـــــــــاركتي


وصف الحر الأشـــــــــــــــــقر



ياهل الولع لا تمدحون الرواقي=والله ما يكفخ على كفي يسراي
أنا هواي ورغبتي واشتياقي=الحر الاشقر هو هوى لقلب ومناي
انا بنجد وهو بريف العراقي= وان جابه الطاروح والاه غلاي
هذاك عوق العازمات السباقي=الى اعتلاهن في السما عجل الاهواي
ياقلب في لاماه ويش انت هاقي=الله لحد راعي الولع بابه الراي

الشاعر // عبدالرحمن العطاوي


http://www.mekshat.com/pix/upload/images/a77.jpg

[المري]

السلام عليكم ورحمة الله وبركاته ,,,وبعد


اسمحو لي الظاهر اني زودتها اشوي اربع مشاركات بس الله يصبركم علي.




هذه القصيده قالها صقار عند ضيع طيره في باكستان سنة 1407 هــ وقد صاد حوالي 82 حباري


وضيع الطير وكان الطير غالي وكان اسمه ((مران)) فأنشد :



دورو ياأهل يالمواتر بأجتهادي=واجهمو قبل الفجر يجلا ظلامه
دورو مران في روس المبادي=وازعجوله في نبا النايف حمامه
والنقل غلوه والصايح ينادي=دققو الانظارفي راس العدامه
العديم اللي لبرقى الريش صادي=نادرٍ فيه الركاده والشهامه
حيسفا ياضيعته ضاع المرادي=ضاع فكري والجفن حارب منامه
كم ذبح في جملةٍ في حرف وادي=مايهاب الجول لو بنّى خيامه
اكتبوا صيده ثمانين عدادي=وزادها ثنتين في تالي ختامه
لاتحدى الخرب من دون الربادي=حرمت منه المعزه والسلامه
كل ماقالوا متى مران غادي=اجحد احزاني بضحكه وابتسامه

عبيد بن على الودايع المري





ومع السلامه

[مجازف1]

يـــــا مــرحـــبا ويـــــا هــــلا مــيــه % بـــزيــــن الـقــصــايد ومــن قــالــهــا

طبعاً أنا لست شاعراً ولكن أردت الترحيب فيكم .... المري ،،، ابو عايد.... حياكم الله

جميع القصائد جميلة ورائعة وانتم اللي تستاهلون الشكر والترحيب ،، والحقيقة في كل قصيدة ما يشدني وعجبني ويذكرني بما مضى
ما خاطري عقبه على الصيد iiمنقاد % ولالي على المقناص صبر iiوجلاده

وايضاً ما ذكرته يا ابو عايد جميل :

ياهل الولـع لا تمدحـون iiالرواقـي والله ما يكفخ علـى كفـي iiيسـراي

تحياتي للجميع وشكراً على التواصل
:dance: :dance: :dance:

[elshamri]

بابو سعد يوم المقانيص و الصبد"= "رحنا وجينا والمقانيص حلوات
واليوم منع و قل صيد وتلاديد"= "قد قلت في مافات مامن طهامات
عايش الجويسري
صارت تقول الطير ضحكات جهال"="من يوم قام الطير كل(ن) يشيله
كل(ن) شراله طير من كف دلاّل"="يبغي الصقاره و المعرفة قليلة
مرشد البذال الرشيدي

[نقا هشال]

مشكورين
ولاهنتو

جميعكم

على القصائد الممتازه

[مجازف1]

يابو سعد يوم المقانيص و الصيـد" % "رحنا وجينا والمقانيـص iiحلـوات


يا هلا والله بالبناخي ....elshamri عزالله صدقت وصدق الشاعر .. وتسلم يمينك يالغالي


&& مرحبا اخوي ...نقا هشال ... ومن قال يالغالي

الصـيـد حـلـوٍ على حـيـن غـراته% وبعض القنص ما يقدر عنوة الشاقي

تحياتي للجميع ولكل من شارك معنا في هذا الموضوع