المساعد الشخصي الرقمي

مشاهدة النسخة كاملة : افضل دبة غاز ودافور على الإطلاق


درباس فرناس
10/04/2007, 07:46 AM
ياالله أن توفق الجميع :D
ياشباب او ياشياب كل يختار الي يصلح له
بفضل الله انتشر في السوق انواع كثيرة من دبات الغاز الصغينونة والكبيرة ومنها مايستخدم مرة واحدة ثم ترميه ومنها مايعاد تعبئته مرة أخرى
وأظن أن الي يحدد الأفضل هو مدة الرحلة وعدد الاشخاص
فمثلاة العلب الصغيرة الي مثل علبة الفليت جربتها مرارا وتكرار وأتوقع أنها ممتازة للغاية لصغر حجمها كما أنه تباع لها دوافير صغيرة وكبيرة اشكال وأنواع وسعر العلبة الواحدة هو ثلاث ريالات فقط وسعر الدافور يترواح بين ستين ريال الى الى مائة وثلاثين حسب النوع
وهذا الغاز استعمله منذ مايقارب عشر سنوات وارتحت له كثيرا وسبق وأن اخذت معي في ايام الحج وارتحنا كثيرا في عمل القهوة والشاهي والاشياء الخفيفة
ولي صاحب عنده الدبة الزرقاء(بريموس) اكبرحجم لكني اشوفه متغربل في حملها معه وتنزيلها من السيارة ثم صعوبة نقلها في الطيارة بعكس النوع الأول الي يمكن ان تنقل الدافور بالطيارة وتشتري علبة الغاز من أي محل تصل اليه في جدة أومكة ......
وارجو هنا عرض خبراتكم والفوائد في ذلك
Avalanche
10/04/2007, 04:12 PM
مشكووور على هالمعلوماااات

مع اني أفضل البريموس

بس النوع الثاني كمان جيد اذا تبي تخليه بالسيارة على طول يعني يصير من أغراض السيارة الدايمة

جزاك الله كل خير
منتعش
10/04/2007, 06:04 PM
البريمس ما يعلى عليه
بس مشكلته أنه يسحب الغاز بسرعة
omiran
10/04/2007, 09:05 PM
موضوع طيب للتشاور واخذ الخبرة من بعضنا البعض
واطرح حجم للغاز وهو غاز متوسط الى صغير الحجم وخفيف نسبيا ويمكن وضعه في شنطة القهوة والشاهي واتوقع مقاسه حوالي شبرxنصف شبر تقريبا (حلو هالمقاس)ولعلي ادرج موضوع عن عزبتي مدعوم بالصور
omiran
10/04/2007, 09:07 PM
موضوع طيب للتشاور واخذ الخبرة من بعضنا البعض
واطرح حجم للغاز وهو غاز متوسط الى صغير الحجم وخفيف نسبيا ويمكن وضعه في شنطة القهوة والشاهي واتوقع مقاسه حوالي شبرxنصف شبر تقريبا (حلو هالمقاس)ولعلي ادرج موضوع عن عزبتي مدعوم بالصور
العاشق 2010
10/04/2007, 10:08 PM
البريمس ما يعلى عليه
بس مشكلته أنه يسحب الغاز بسرعة


صدقت والله
سلطان العوني
10/04/2007, 11:17 PM
اقول اللي بيطلع كشته خفيفه يا خذ له دافور ويريح نفسه
واللي يبي يطول فالبر مثلا يبي يخيم كم يوم اسطوانه غاز انسب له
الجافي
11/04/2007, 12:00 AM
شكرا على الموضوع اخ درباس فرناس
انا اقول ان الغاز الي يستخدم وبعد الاتنهاء يرمى هذا يعتبر عدو الطبيعه ونلاحظ كثرة عبواة الغاز الفارغه المنتشره في كل مكان
من ناحيتي افضل البريموس الصغير للطلعات الخفافيه والكبير للطلعات الطويله وفيه حاجه مهمه في الموضوع وهي ان اغراض البر هي ذكريات جميله جدا فكل ما قدمت اغراظك ومنها الدافور كلما تذكرت رحلات قديمه مرت عليك بهذه الاغراض ويمكن ان عيالك يشوفون معاميلك في المستقبل ويذكرون ايام زمان يمكن اكون عاطفي بس هذا طبعي احب القديم والذكريات
omiran
11/04/2007, 11:21 PM
هذه اسطوانة الغاز والتي اظن بانها مناسبة وانه يتم تعبئتها

http://www.mekshat.com/pix/upload/images31/mk21954_gaz1.jpg

وهذا رابط عن المعاميل الخاصة بالشاهي والقهوة وفيه صور للغاز

http://www.mekshat.com/vb/showthread.php?t=81634
درباس فرناس
15/04/2007, 11:48 AM
اشكر جميع الأخوة الي شرفوا هذه المشاركة :D
وبالنسبة لدبة الغاز الصغيرة (علبة الفليت) والتي تباع بسعر ثلاثة ريال فأنا استغرب لماذا لاتصنع عندنا من قبل التجار خاصة ونحن بلد الغاز وتباع بسعر اقل لأن الموجود في السوق اغلبه وارد كوريا؟؟؟؟؟؟؟؟؟
وياليت المحلات والشركات الي يتاجرون بأغراض المكشات يبادرون في تصنعيها وبيعها لأني أظن أنه سيكون لها سوق ماهوب سهل خاصة انها تملأ ارفف محلات المكشات والرحلات....
وسؤال للأخوة المكشاتية :
هل شاهد احد دبة غاز من نوع بريموس يكون حجمها مثل طفاية الحريق الصغيرة يعني تكون ممتدة بالطول :confused: ؟؟؟؟
لأني اظن أنها تكون أوذف في عزبة القهوة للطلعات الخفيفة..
وتقدر تدخلها بأبريق تفويح القهوة ولا تأخذ محل ...
kmsd
15/04/2007, 04:39 PM
السلام عليكم جمبعا
انا ابحث عن غاز بريمس الاصلي-صناعة سويدية- بحثت عنه ولم اجده
من لديه معلومات فليفيدنا وشكرا
البّري
15/04/2007, 05:26 PM
اخوي درباس فرناس
جربت الدوافير لما اني دخت من كثرها
ما لقيت افضل من البريموس - بس ما فيه اصلي سويدي- اللي في عزبتي على الرابط التالي
http://www.mekshat.com/vb/showthread.php?t=72495
بالتوفيق




kmsd[/color]]السلام عليكم جمبعا
انا ابحث عن غاز بريمس الاصلي-صناعة سويدية- بحثت عنه ولم اجده
من لديه معلومات فليفيدنا وشكرا

اخوي ما لقيت الا انك تطلبه من موقع الشركه بالنت

بس اخاف يرسلون لك الهندي
لان المصنع الآن بالهند
الااذا قلت لهم انك تبي صناعة سويسرية

ارجو اني افدتكم

اخوكم البرّي
kmsd
16/04/2007, 05:13 PM
ابشركم لقيناه
شكرا لمداخلاتكم
البّري
16/04/2007, 07:08 PM
ابشركم لقيناه
شكرا لمداخلاتكم

وين لقيته اخوي
واذا ممكن صورة له
ووصف لي المحل وبأي مدينه

اخوك البرّي
درباس فرناس
19/04/2007, 01:14 AM
ابشركم لقيناه
شكرا لمداخلاتكم
نعيد تساؤل اخونا البري :
وين لقيته اخوي
واذا ممكن صورة له
ووصف لي المحل وبأي مدينه
omiran
23/04/2007, 10:36 PM
وهذه دبات غاز مختلفه الاحجام صورتها اليوم في محل الرحلات

http://www.mekshat.com/pix/upload/images33/mk21954_astoanh2.jpg