المساعد الشخصي الرقمي

مشاهدة النسخة كاملة : street pilot 2610


rolex
10/04/2007, 01:11 PM
الرجاء ثم الرجاء من يعلم خطوات تحديد المواقع و النقاط على جهاز street pilot 2610 لأني اشتريت الجهاز و ضعت وياه
لذلك قلت اطلب المساعدة
بورك في الجميع و جعل ذلك في موازين اعمالهم
و لنتذكر
( احب الناس الى الله انفعهم للناس)
سيف الناصر
10/04/2007, 05:45 PM
ولا يهمك وابشر بعزك
اضغط على زر Mark ضغطه طويله بعد كذا تظهرلك صفحه جديده روح فوق على المربع الطويل اللي فيه الارقام اضغط عليه يطلعلك لوحة مفاتيح فيها الاسماء والارقام سمي الموقع وبعدين اضغط OK .
وبعد كذا روح للمربع الصغير جدا جنب الاسم وحطله رمز
واخر خطوه للتخزين انزل تحت واضغط OK .

**لايجاد المواقع المخزنه
* اضغط على FIND وبعدين روح لــ WAYPOINTS بعد كذا اختار الموقع اللي تبغى تروح له وقله GO TO


ان شاء الله نكون قد لبينا طلبك ولو عندك اي استفسار اكتب وابشر بسعدك .
سلطان العوني
10/04/2007, 11:55 PM
تلقى من يفيدك
Black Arrow
15/04/2007, 02:37 AM
الله لا يهينك اخوي بكم شريت الجهاز؟؟؟؟؟؟؟
rolex
15/04/2007, 08:39 AM
الاخ سيف الناصر بارك الله فيك على المعلومات واذا عندك زود زودنا

الاخ اللي سأل عن السعر لقد اشتريتة تقريبا ب 1200 ريال من الامارات
rolex
17/04/2007, 12:57 PM
الاخ سيف الناصر بارك الله فيك على المعلومات واذا عندك زود زودنا
نحتاج المزيد حتى ننطلق بقوة
سيف الناصر
17/04/2007, 05:49 PM
اول شي ان امكن اقدر افيدك في اعدادت الجهاز كالوقت والسرعه واعدادت الخريطه وبعدين شوي شوي نبدا في طريقة الاستخدام
*ضبط السرعه ..اضغط على menu وبعدين روح لــ options وبعدين شوف كلمة units روخ حولها الى metric

*ضبط الساعه ...اضغط على menu وبعدين روح لــ options وبعدين روح يمين يمين يمين time ثم اضغط time zone روح للاخير وحطها other بعد كذا تتطلع جنبها على اليمين اصفار غيرها وحطها +03.00

* اعدادت الخريطه ... اضغط على menu وبعدين روح لــ map setup بعدين انزل تحت على map detail
وحولها لــ most
وبعدين حول اللي تحتها لــ track up

*تشغيل وايقاف خط الاثر ......اضغط على menu وبعدين روح لــ options ومن ثم روح يمين الى مايجيك track log
اضغط على الاولى recordingعندك on -off لايعمل و يعمل
اما المستطيل الثاني يبين لك كم المستهلك في خط الاثر
اما الكلمه الاخيره clear track يعني مسح جميع خطوط الاثر

ان شاء الله تكون استفد ولو القليل لان الجهاز جدا سهل ومو معقد وزي ماقلتلك اللي ماتعرفه اكتبه وابشر بعزك
الشغموم
19/04/2007, 02:09 PM
ظيب
الله يجزاك خير سيف الناصر
بس عندي بعض الاسئله
1-وش فايدة المدخل اللي موجود في شحن الولاعه ؟
2-وش فايده رسمة اليد اللي تظهر على الشاشه من اليسار اسفل؟
3-وش فايده اللمبه الصغيره الخلفيه ؟
ادري ابلشتك الله يعينك
ومشكوووووووووووووووور يالامير
سيف الناصر
19/04/2007, 06:36 PM
الاسئله جميعا ان شاء الله لها حل بس لازم تطبق اول بااول
* المدخل اللي في الولاعة هذا خاص فقط بستريت بايلوت 2650 وهي خاصيه عدم فقدان الاقمار في الانفاق والكباري والمناطق الجبليه والعمرانيه ، لانه بيجي معها كيبل صغير تحطه في نفس الفتحه وفائدته ان يقعد الجهاز يحفظ الطريق اللي راسمه لك حتى لو انك في نفق مثلامن غير مايقلك اعادة حساب او الاستقبال ضعيف .

*اما رسمة اليد هذي يبغالها اجتهاد منك لانه صعب تفهما بالكتابه بس احاول اوصلها لك :
عندك هناك علامتين الاولى على قولتك يد ، والثانيه على قولتي مربع قيه مجهر تقريب
تمام ......

قلنا تمام ..........اليد ياطويل العمر وحاول انك تطبق وتجرب معي هذي معناها انك تتحرك في الخريطه من غير زووم يعني :
نطبق سوا ...حطها على اليد ....
ابغاك تحط يد في طرف الشاشه من اليمين وخلك ملامس الشاشه حتى توصل للشمال
تلاحظ انه تنقلت في الخريطه من اليمين الى الشمال بسرعه ومن غير زووم

* والان حطها على المجهر
-ابغاك تحط الزووم على اخر شي تصغير
وجرب نفس الطريقه الاولى
حط يدك من اليمين الى الشمال وانت ملامس الشاشه وحاول انك تنزل شوي تحت او فوق ، ليش يظهر معاك
هذي الخاصيه انه تقدر تسوي التقريب بسرعه من غير الضغط على [+،- ]


*** اما اللمبه الصغيره اللي الخلفيه هذي لمبة الريوس

ههه امزح معاك ياعزيزي هذي مش لمبه هذا حساس الضوء وتحصله احيانا في الجوالات الجديده
وهذي ماتتفعل معاك الا اذا حطيت الاناره والعرض اوتماتيك اضغط على menu وبعدين روح Display وبعدين حط علامة صح اوتماتيك كذا خلاص الحساس من وحده يشتغل اذا الحساس شاف نور اما لمبه او شمس اتومتيك تشتغل الاضاءه عاليه جدا
وتنخفض تلقائيا كلما قلت حساسية الضوء قلت الاضاءه .

اتمنى ان تكون فهمت من الخرابيط اللي فوق وخصوصا السؤال الثاني لانه صعب تفهم بالكتابه بس انا ادري انك عبقري وتفهما وهي طايره
ولا تنسانا بالله من صالح دعواتكم ولا تنساء ان اي دعوه تدعوها لاخيك في ظهر الغيب الا
ومَلَك فوقك يقول ولك مثلها ...

واي استفسار لا تخجل ولا تتردد شعارنا نعمل من اجلكم وناسف لازعجكم
الشغموم
20/04/2007, 12:13 AM
يصراحة بيض الله وجهك
ويعل مثواك الجنة والقارين (اي الذين يقرؤون الرد )
والشرح ميه ميه والظاهر انك مدرس رياضه هههههههههه
وانا الجهاز مو معاي الحين ابطبق وابلغك
ومشكووووووووووووووور
الشغموم
22/04/2007, 02:11 PM
الله يجزاك خير
وابشرك كل الامور ماشيه تمام التمام بس في لسئله
1-كيف امسح الشخابيط اللي تمشي وراي (التراكات)وهل استطيع حفظها؟
2-هل تركب عليه خرائط الصحراء حقت دار الموجه؟
ومشكور سلفا؟؟؟؟
سيف الناصر
22/04/2007, 05:56 PM
ولا يهمك
**تشغيل وايقاف خط الاثر ......اضغط على menu وبعدين روح لــ options ومن ثم روح يمين الى مايجيك track log
اضغط على الاولى recordingعندك on -off لايعمل و يعمل
اما المستطيل الثاني يبين لك كم المستهلك في خط الاثر
اما الكلمه الاخيره clear track يعني مسح وتنظيف جميع خطوط الاثر :good: