المساعد الشخصي الرقمي

مشاهدة النسخة كاملة : تجربة بنشر في الصمان وايجاد الحل لها بفضل الله سبحانه وتعالى


حمدولدسليمان
10/04/2007, 04:33 PM
ما ابي اطول عليكم القصة اني معي جيب وبنشر الكفر علي داخل الصمان حوالي 70 كبلو والادهى والامر يبو الحبيب يوم نزلت العفريته واثر مفتاح العجل اصغر من صامولة الكفر والله ما ادري وشلون صارت لكن من شريته هذي اول مرة انزل العفريته وش الحل جلست مع خويي نفكر نزلنا لي الهواء وتفخنا لكن الخفيس كبير شوي 0
صلينا الظهر وهدانا ربي بعد الصلاة غلى طريقة وهي بسيطة وحلت الموضوع والحمدلله وهي : ـ
فكيت مسمار من الكبوت وتفخت الكفر وحطبت راس المسمار في البنشر والمسمار اكبر من البنشر شوي وبعد عدة محاولات تم برم المسمار في الكفر ومنفاخ الهواء شغال الين دخل المسمار كله بالكفر 0
عاينت الكفر على 40 ومشيت والحمد لله وصلني الين محطة حفر العتش ولوني باغين وصلني الى الرياض 0
هذي تجربة حبيت يستفيد منها اهلي مكشات 0
حفظكم الله من كل شر وردكم سالمبن غانمين الى اهلكم 0
صديقهم
10/04/2007, 08:24 PM
السلام عليكم ...

الحمدلله على سلامتكم اولا...

وثانيا : فيه طريقه عمليه اذا بنشر عليك الكفر (شق صغير )وما معك مفك عجل او ما عندك اسبير

الطريقه:
عب الكفر تراب او رمل ثم سكره باوراق الشجر ...
وهذ ا يمشيك الى اقرب محطه انشاء الله ...

(( انشاء الله يكون الشرح واضح))..
تميراااااااوي
10/04/2007, 08:38 PM
الحمد لله على السلامة
أنصحك أخي بشراء عدة التيوبلس
فهي لاتكلف 17 ريال من أقرب محل زينة
ووالله أنها تغنيك حتى عن الذهاب للبنشر حتى لوكنت داخل المدينة
واسأل مبنشر قصدي مجرب
أبونواف42
10/04/2007, 08:46 PM
الله يجزاكم خير على هالأفكار
شامخ ألهيلا
11/04/2007, 03:15 AM
الحمد لله على السلامة
أنصحك أخي بشراء عدة التيوبلس
فهي لاتكلف 17 ريال من أقرب محل زينة
ووالله أنها تغنيك حتى عن الذهاب للبنشر حتى لوكنت داخل المدينة
واسأل مبنشر قصدي مجرب





يالغالي وين الاقي عدة التيوبلس الاصليه كل الي في السوق تجاري
حمدولدسليمان
11/04/2007, 05:50 AM
اشكر جميع المكشاتية على النصائح واتمنى للجميع السلامة في حلهم وترحالهم 0
بعد الجربة التيوبلس في السيارة من الغرابي الاصلي سعره 75 ريال تقريبا 0
قيه تحاري موجود في محلات العدد الي على الدائري الشمالي 0
حلوة تعبئة الكفر تراب في وجه العدو لو معنا مفتاح عجل انحلت المشكله 0
سلطان العوني
12/04/2007, 12:50 AM
اقتراحات جميله
والله لا يحدنا على مثل هذي الاحراجات

مشكور اخوي على طرحك الموضوع
الشاهين2004
12/04/2007, 06:18 PM
تصرف موفق والحمد لله على وصلوكم سالمين
أبو ريان
13/04/2007, 01:01 PM
الحمد لله على السلامة
أنصحك أخي بشراء عدة التيوبلس
فهي لاتكلف 17 ريال من أقرب محل زينة
ووالله أنها تغنيك حتى عن الذهاب للبنشر حتى لوكنت داخل المدينة
واسأل مبنشر قصدي مجرب


مشكور والله طريقة جيدة وتوفر لك الوقت والمال
الروضة
13/04/2007, 01:51 PM
الحمد لله على السلامة
ومشكور على الفكرة ويمكن فتح مسمار الكفر عن طريق الحبة إذا هي معك
ومثل ماقال الأخوان عدة توبلس ولو لم تكن أصلية الدعوى فك زنقة
طح طوح
13/04/2007, 02:01 PM
الحمد لله علا السلامه

ومشكوررررر
علا الموضوع
علي الشهري
15/04/2007, 04:14 PM
مشكور على الفكرة
والحمد لله اللي قدر هالبنشر عليكم وأفدتنا بطلتك وفائدتك.. :p

الإخوان اللي ينصحون بالتيوبلس.....المشكلة إذا كان الشق في الكفر واسع ...وش السواة..؟؟؟
خاشقجي
15/04/2007, 04:55 PM
الحمد لله على السلامه ...

صارت معي قبل يومين ::

ذهبت أنا وأحد الأخوة لمشاهدة الأمطار وصيد القميري ودخلت في شعيب ونسمنا الكفرات

المهم إنا طلعنا من الشعيب ولا معي ماطور مشينا وينسم أحد الكفرات (من شين الطبايع ما معنا إستبنه )

وش السواة وش السواة قلنا خل نمشي إلى المحطة تبعد عنا 30 كم مشينا عليه (نعمة من الله إن كفراتي هانكوك (لينه))

وصلنا المحطة وناظر أثر الشق صغير ما يستاهل (لو (أعوذ بالله من كلمة لو) معنا رقعة تيوبلس كان إنحلت المشكلة من البدايه)

لكن قدر الله وما شاء فعل (للمعلومية الكفر الحمدلله ما تقطع(إنسلخ))..

يوم رجعنا للديرة وأروح أقرب محل زينة وأشتري عدة تيوبلس ولا تنزل من السيارة ..
سعد777
15/04/2007, 05:00 PM
شي خيالي وفكرة ممتازه