ابن شارخ
03/05/2003, 09:27 AM
موقف حصلي مع عصام المهيدب
---------------- بسباب بيتٍ من بيوت القصيده
يـاماحلا الـمسرى مع طرة النور= مـن قبل خيط الشمس يبدي شعاعه
مـع رفـقةٍ مافيهم اللي به قصور = ربـعٍ تـربوا عـالكرم والشجاعه
كـل واحـدٍ فيهم مجرّب ومخبور = مـاشاور الـحرمه بـخوة ربـاعه
لا جـا لـزومٍ مـايصفون بالدّور = كـلٍ بـذل مـجهود قدر استطاعه
أمـيرهم يـهتم بـالرّاي والـشور = دايـم يـدوّر ويـن راي الجماعه
لا صرت عنده كنك بعش عصفور = مـاباقي الا يـوكّلك فـي ذراعـه
لاجيت اقول اسمه اسميه منصور = كلٍ يعرفه من طيور البتاعه
شيل الشوازن والفشق معهم صقور = وحـمام لا صاروا طيورك جواعه
مـوترك جيبٍ خلفه العفش مجرور = يـسوقه الـلي خـاف ربه وطاعه
وجمسٍ محمل ما ركب فيه مطيور = هـو مـنوة الـلي مات قلبه وباعه
عـفشك مـكمّل فـيه زلٍ وماطور = وبـيتٍ من (القاضي) جديدٍ شراعه
وعـدة الـمطبخ بـين قـزٍ وتنّور = وحـوايج واغـراض فـيها نفاعه
ورز(الـمهيدب) مع سكاكين وقدور = واحـرص على الطبّاخ كمّل متاعه
ونـجرٍ ومـحماسٍ ودلّـه ودافور = وبـنٍ وتـمرٍ يـغري اللي شباعه
تـنزل بـروضٍ توّه اليوم ممطور = والـغيم عـقب الشمس تم انقشاعه
الـبر حـولك كـله ورود وزهور = وقـت الـربيع العشب زاد ارتفاعه
حـتى الرمل تشتم له ريحة عطور = والـقاع خـضرا كـن فيها زراعه
معك خروفٍ مايبي ضرب صاطور = اذا ذبـحـته عـلّقه مـن كـراعه
احـمس بـصيله والمعاليق عالفور = مـن طعمه الجوعان ياكل صباعه
مـن عقب هذا ما تبي طب دكتور = كـانك مريضٍ صار عندك مناعه
حـنّا بـنعمه بس تبي حمد وشكور = وحفظ الصلاة الخمس ويّا الجماعه
مـا تـغتني لو تملك المال وقصور = لا صـرت مـا تملك كنوز القناعه
(ابن شارخ)
جيت مسير مع ربعٍ لي على مخيم المهيدب في الربيع ووقفنا عندهم وتقهوينا وسولفنا
مع اهل المخيم وحنا نعرفهم وبينهم الشيخ/ رياض المهيدب والشيخ عصام المهيدب وطلبت مني
قصيدة عن الربيع وعن البر وذكرت القصيده اللي تقرونها وعندما انهيت الابيات تقهوينا وتطيبنا
وجاني احد الاخوان الحضور وطلب مني رقم هاتفي وعطيته كرتي وفيه العنوان واضح وارقامي
ولزموا علينا العشاء وطلبنا منهم ان يأذنوا لنا في المغادره وفعلا ذهبنا الى مخيمنا واللي يبعد عنهم
تقريبا 120 كيلوا متر وبعد انتهاء اجازة الاسبوع وبالتحديد يوم الاحد الصباح ، صبحت على والدتي
وانا اسالها ( يمه) تبين شئ انا رايح للعمل ، قالت : الله يعافيك نبي رز المهيدب باقي شوي يخلص
قلت ابشري وعندما حان موعد المساء اتصل بي الشيخ عصام المهيدب وانا في الاستراحه وبعد السلام
قال: انت وينك فيه قلت: في الاستراحه قال: يبي يجيك واحد من طرفنا قلت: الساعه المباركه الله يحييه
وبعد ساعه ولا ذاك الهايلوكس اللي ملبق عند الاستراحه
قال: وين ابوناصر
قلت : تفضل
قال : انا مستعجل لكن عندي هالامانه اوصلها لك
قلت : وشو هذا
قال: من الشيخ عصام المهيدب
قلت : الله يجزاك وياه خير
تدرون وشو عاد ، هايلوكس مليان رز بسمتي المهيدب
ولبقت الهايلوكس حقي وحملته للوالده الله يحفظها ، ودخلته للكراج وقلت للوالده خذي جبت لك رز
المهيدب قالت وش انت جايب ياولدي انا قلت لك كيس ماهو معبي السياره ، قلت هذا من الشيخ
عصام المهيدب
قالت: وش المناسبه
قلت : هذا البيت اللي ذكرته بالابيات
قامت تدعي له ولوالديه
هذا موقف من كثير من المواقف وايضا حصل مثله مع الشيخ عصام القاضي الله يجزاه عنا خير
وانا يعلم الله اني لم اكتب القصيد او الابيات لاي غرض من هالاغراض
تحياتي للجميع
اخوكم
ابن شارخ
---------------- بسباب بيتٍ من بيوت القصيده
يـاماحلا الـمسرى مع طرة النور= مـن قبل خيط الشمس يبدي شعاعه
مـع رفـقةٍ مافيهم اللي به قصور = ربـعٍ تـربوا عـالكرم والشجاعه
كـل واحـدٍ فيهم مجرّب ومخبور = مـاشاور الـحرمه بـخوة ربـاعه
لا جـا لـزومٍ مـايصفون بالدّور = كـلٍ بـذل مـجهود قدر استطاعه
أمـيرهم يـهتم بـالرّاي والـشور = دايـم يـدوّر ويـن راي الجماعه
لا صرت عنده كنك بعش عصفور = مـاباقي الا يـوكّلك فـي ذراعـه
لاجيت اقول اسمه اسميه منصور = كلٍ يعرفه من طيور البتاعه
شيل الشوازن والفشق معهم صقور = وحـمام لا صاروا طيورك جواعه
مـوترك جيبٍ خلفه العفش مجرور = يـسوقه الـلي خـاف ربه وطاعه
وجمسٍ محمل ما ركب فيه مطيور = هـو مـنوة الـلي مات قلبه وباعه
عـفشك مـكمّل فـيه زلٍ وماطور = وبـيتٍ من (القاضي) جديدٍ شراعه
وعـدة الـمطبخ بـين قـزٍ وتنّور = وحـوايج واغـراض فـيها نفاعه
ورز(الـمهيدب) مع سكاكين وقدور = واحـرص على الطبّاخ كمّل متاعه
ونـجرٍ ومـحماسٍ ودلّـه ودافور = وبـنٍ وتـمرٍ يـغري اللي شباعه
تـنزل بـروضٍ توّه اليوم ممطور = والـغيم عـقب الشمس تم انقشاعه
الـبر حـولك كـله ورود وزهور = وقـت الـربيع العشب زاد ارتفاعه
حـتى الرمل تشتم له ريحة عطور = والـقاع خـضرا كـن فيها زراعه
معك خروفٍ مايبي ضرب صاطور = اذا ذبـحـته عـلّقه مـن كـراعه
احـمس بـصيله والمعاليق عالفور = مـن طعمه الجوعان ياكل صباعه
مـن عقب هذا ما تبي طب دكتور = كـانك مريضٍ صار عندك مناعه
حـنّا بـنعمه بس تبي حمد وشكور = وحفظ الصلاة الخمس ويّا الجماعه
مـا تـغتني لو تملك المال وقصور = لا صـرت مـا تملك كنوز القناعه
(ابن شارخ)
جيت مسير مع ربعٍ لي على مخيم المهيدب في الربيع ووقفنا عندهم وتقهوينا وسولفنا
مع اهل المخيم وحنا نعرفهم وبينهم الشيخ/ رياض المهيدب والشيخ عصام المهيدب وطلبت مني
قصيدة عن الربيع وعن البر وذكرت القصيده اللي تقرونها وعندما انهيت الابيات تقهوينا وتطيبنا
وجاني احد الاخوان الحضور وطلب مني رقم هاتفي وعطيته كرتي وفيه العنوان واضح وارقامي
ولزموا علينا العشاء وطلبنا منهم ان يأذنوا لنا في المغادره وفعلا ذهبنا الى مخيمنا واللي يبعد عنهم
تقريبا 120 كيلوا متر وبعد انتهاء اجازة الاسبوع وبالتحديد يوم الاحد الصباح ، صبحت على والدتي
وانا اسالها ( يمه) تبين شئ انا رايح للعمل ، قالت : الله يعافيك نبي رز المهيدب باقي شوي يخلص
قلت ابشري وعندما حان موعد المساء اتصل بي الشيخ عصام المهيدب وانا في الاستراحه وبعد السلام
قال: انت وينك فيه قلت: في الاستراحه قال: يبي يجيك واحد من طرفنا قلت: الساعه المباركه الله يحييه
وبعد ساعه ولا ذاك الهايلوكس اللي ملبق عند الاستراحه
قال: وين ابوناصر
قلت : تفضل
قال : انا مستعجل لكن عندي هالامانه اوصلها لك
قلت : وشو هذا
قال: من الشيخ عصام المهيدب
قلت : الله يجزاك وياه خير
تدرون وشو عاد ، هايلوكس مليان رز بسمتي المهيدب
ولبقت الهايلوكس حقي وحملته للوالده الله يحفظها ، ودخلته للكراج وقلت للوالده خذي جبت لك رز
المهيدب قالت وش انت جايب ياولدي انا قلت لك كيس ماهو معبي السياره ، قلت هذا من الشيخ
عصام المهيدب
قالت: وش المناسبه
قلت : هذا البيت اللي ذكرته بالابيات
قامت تدعي له ولوالديه
هذا موقف من كثير من المواقف وايضا حصل مثله مع الشيخ عصام القاضي الله يجزاه عنا خير
وانا يعلم الله اني لم اكتب القصيد او الابيات لاي غرض من هالاغراض
تحياتي للجميع
اخوكم
ابن شارخ