أمطار سدير,والشعبان بردفتين،،

[جفيل]

السلام عليكم ورحمة الله وبركاته،،

هذا ما أتاني عن طريق الجوال من أحد الأخوه الأعزاء:

جميع شعبان سدير ولله الحمد تمشي (( وبقوه شديده ))بردفتين<المجمعه-جلاجل-الحوطه-التويم-عشيره-الخطـامه-العوده-الروضه, وديار لاتحضرني الآن>> .الحمد لله

شعيب الأرطـــاوي يمشي بقوه .. الحمد لله

وشعيب ابا المياه من عند عشيره يضرب واتوقع انه بيصب عما قريب في الجهه التي لم الطريق السريع.

[abdulmajeed]

ياليت صورة أي شعيب الله يعافيك

[القويعي]

ايه والله ودنا بصوره

[جفيل]

أشكركم على المرور,,

المشكله جوالي الفيصليه مافيه تصوير

بس ماعليكم واحد من الربع معه جوال كميره باخذ مقطع منه

[القويعي]

مايغلى عليك جوالي الn70

[سلمان2003]

جعلها الله امطار خير وبركة

[سدير]

اللهم‏‎ ‎صيباً نافعاً

يالله بنو للرعد به زلازيل=== ينشي من القبله صدوق خياله

ينشى الضحىوهواسود كأنه الليل===البرق به مثل الضوي اشتعاله

يحداردونه مثل زجر المحاحيل===وعايز مزنه مثل دامر حلاله

والينتهض ساق السد بالهماليل===مثل النعام اللي تزايد جفاله

من واحد ماهوب منان وبخيل=== رب كريم كل حي يساله

سيل يعم سدير من غير تفصيل===عقب اربعين الحول يذكر كماله

الغاط والزلفي يحده مشاميل===واباذريه والوطي من سهاله

ويضفي على المشقراذا هود الليل===يعم شعبانه يجي باحتماله

يأطا الرويضه والحريق مقابيل===وابا السروج ومن حدر من قباله

وراضي يحيى به حلال مهازيل=== حيثه هو اللي ينطح السيل جاله

والينحدر يضفي على العوده السيل===وتمير ومجزل تملى حجاله

ويثني شعيب الغاط سياله بتسهيل===مايتعب اللي غارس له سباله

يمطرعلى حرمه حقوق المخايل===يشبع بها الحرفي وراعي العماله

ويعلى وادي المجمعه للمطابيل=== وابا المياه علاوته واسفاله

يمطرعلى هدب الغروس المضاليل===يحير سياله في النخل والحياله

ووادي القفي زين البساتين ونخيل=== بالقيظ يسقى صافي من زلاله

كدادهم كأنه على ساحل النيل=== تسمن معوايده ويكثر رياله

يرجع سدير ويكثرا المحاصيل=== تلقى به التاجر ينمي حلاله

غرايس يزينها طلعة سهيل=== يفرح بها اللي جايعين عياله

للاجنبي والجار فيها مداهيل=== خسر ريال القيظ من له وماله

الاهالي يعطى الكسافه بلا كيل=== والاجنبي يعطى العلاف لزماله

هذا يبي حضره وهذاله الشيل===وراعي الحطب له حزمة في حباله

ومن جاء بارد الكف ومعيل=== يمشي على الرجلين ماله زماله

قليل شوف ويشتكي من ردا الحيل===ماله حلال ويستحي من ظلاله

دار لسمحين الوجيه المناويل=== اهل سدير اهل السخاء والجزاله

ربع يسلونه بزين التعاليل=== وكل يوسع خاطره بالنزاله

يروح وركابه تهد من الشيل=== من شاف حاله قال يكثر ماله

مع ذا وذاالخاطر تراهم بهاليل=== لاهل النضى واللي ذلوله نعاله

يلقى دلال باشقر البن والهيل=== تفوح مع طيب النباء والسهاله

يلزم مسويها بغسل الفناجيل===وتركى الين انه يجيب الفواله

ومن عقب هذا السمن ومفطح الحيل===كل يحشمونه على قدر حاله

رجالهم لو ماله الا المعاميل=== لابد مع ضيفه يسوي جماله

جدنهم جادوا وحنا مواصيل=== ومن مات يظهر من عياله بداله

ربعي وانا معهم كثير المداخيل===ومن لمني فيهم عسى السر فاله

يستاهلون المدح جيل بعد جيل=== واللي يماريهم فهو من هباله

ياكثر ما مدحوا ومابهم قيل=== للضيف راعي سدير خله لحاله

هشين بشين تعدال عن الميل=== سمحين بضده راعي الجهاله

اقول شوف العين ماهو دهاويل=== ما جيب لي نقل وخطو الرساله

وباقي العرب تلقى رجال مشاكيل=== لا بد للبارود يبقى حثاله

صلاة ربي عد رمل الغراميل===على النبي مبدا الكلام وكماله

[كن كن]

الحمد لله الخير عام على كل المناطق