المساعد الشخصي الرقمي

مشاهدة النسخة كاملة : يا اخوان ماتكلمتوا عن حمسة ال بن ....نبغى خبرتكم...


الدبل الثقيل
12/04/2007, 11:48 PM
السلام عليكم ورحمة الله وبركاته.....

يا اخوان نبغى خبراتكم في حمسة ال بن في المحماس سواء على حطب أو غاز .... و وش أفضل الحماسات الكهربائيه الصغيرة... وكل شيء عن الحمس ..... تكفون لا أحد يطلع الا بمعلومه ولو بسيطه...

وجزاكم الله خير...
طرطيع
13/04/2007, 08:42 AM
اسمع حنا نستخدم محماس الكهرب الي مرسوم على الكرتون فيشار اي انك تحط فيشار وتحمسه حتي يفرقع

هذي الي نحط القهوه ونحمس لين تصير بنيه

وبعدين ما فيه احد ذاق قهوتنا الا سال كيف تصلحونها ما يشبعون منها

اخوي اذا راح لم الشباب ربعه يقول اول ما يشربون قهوتي وحتي وحد منهم معطيه زمزميه يقول خل اهلك يصلحون لي
الدبل الثقيل
13/04/2007, 03:00 PM
جزاك الله خير.... ياليت اسم الحماسه وكم مدةالحمس؟ وكم سعرها ؟
cruise
14/04/2007, 08:30 PM
موجودة عند ساكو وفيه نوع جديد عندهم خاص للقهوة والسعر ماني متأكد بس هو حروة 160 ريال
الدبل الثقيل
15/04/2007, 01:55 AM
جزاك الله خير... وين الباقين؟؟؟
الدبل الثقيل
16/04/2007, 05:14 PM
للرفع ... ان شاء الله تردون....
درماح
16/04/2007, 08:39 PM
كان ودي افيدك لكن ماعندي خبره
الدبل الثقيل
16/04/2007, 09:28 PM
جزاك الله خير
ابن بدران
16/04/2007, 09:37 PM
وعليكم السلام ورحمة الله وبركاته

والله ياخوك احسن الحمس بمحماس القهوة على جميرات ماهوب صالي النار
ويكون الحمس بانتباه ورفق لين يغدي اللون اشقر ثم تحطها بالمبرد لين تبرد ثم تطحن أو تدق بالنجر

وفيه ناس يحمسون بالبيت (بقدر) على نار الفرن وكل 10 ثواني تقريبا يرج القدر وهو مغطى

هالطريقتين عندي احسن من حماسة الكهرباء ولو انها أتعب منها ..

المهم إنك تنقي القهوة قبل الحمس من الحب الردي
واذا انتهيت حمس تفرش القهوة لو بصحن ولا تركب على بعضها لانها ماسكة حرارة وتبي تغدي سوداء .
الدبل الثقيل
16/04/2007, 10:40 PM
جزاك الله خير..
ابو ســــاره
16/04/2007, 11:09 PM
الحمس في الفرن ممتاز واسهل من القدر بس على نار هاديه ويقلب بالملاس تقليب خفيف .
الدبل الثقيل
16/04/2007, 11:10 PM
جزاك الله خير...
درباس فرناس
17/04/2007, 12:33 AM
احسن ماتحمس القهوة هي على وصف الشاعر القاضي في القهوة وخذها كما جاءت :



قربت له من غايـة البـن مـا لاق ***** بالكف صافيها عن العـذف منسـوق

احمس ثلاث يانديمـي علـى سـاق **** ريحه على جمر الغضا يفضح السوق

واحذرك والنيـة وبالـك والاحـراق**** واصحا تصير بعاجل الحمس مطفوق

الى اصفر لونه ثم بشّـت بالاعـراق*** صفرا كما الياقوت يطرب لها المـوق

وعطّت بريـح فاضـح فاخـر فـاق **** لا عنبر ريحـه بالأنفـاس منشـوق

كبـّه بنجـر يسمعـه كـل مشتـاق ***** راع الهوى يطرب إلى دق بخفـوق

واحشه بدلـة مولـع كنّهـا سـاق ***** بلـورة مربوبـة تـقـل غـرنـوق

خله تفوح وراعـي الكيـف يشتـاق ***** إلى طفح له جوهر صـح لـه لـوق

أصغر قمـوره كالزمـرد بالاشعـاق *** واكباره الطافح كما صافـي المـوق

زله على وضحا بها خمسـة أرنـاق***** هيل ومسمـار بالأسبـاب مسحـوق

مع زعفران والشمطري إلى انسـاق**** والعنبر الغالي على الطـاق مطبـوق

إلـى اجتمـع هـذا وهـذا بتيفـاق ****** صبه كفيت العوق عن كـل مخلـوق

بفنجال صين صافي عنـه الارمـاق **** تغضي وكرسيـه غـدان لمعشـوق

إلى صب فابصر جوهره تقل شبراق*** رنق تصور بالحمامة علـى الطـوق
شكل غرا الفنجال لونه كمـا انـراق ***** دم لقلـب وإن مـزع منـه معلـوق
الدبل الثقيل
18/04/2007, 09:32 AM
جزاك الله خير...
الدبل الثقيل
25/04/2007, 09:45 PM
يرفع ... عساكم تردون...