المساعد الشخصي الرقمي

مشاهدة النسخة كاملة : ضربات البرد على السيارة هل لها علاج ؟؟


السماوي13
13/04/2007, 02:46 PM
قدر الله علي وتوجهت الى حريملاء واصيبت سيارتي مع من اصيب بتلك القذائف الثلجية واحدثت اضرار على بودي السيارة والحمد لله على ما قدر
سؤالي هل هناك طريقة غير السمكرة لاصلاحها ؟؟ لأني سمعت ان هناك طريقة الشفط؟؟كيف
هل الخبر صحيح وأين بالتحديد ومدى نجاحها
الله لا يوريكم مكروه
سلطان العوني
13/04/2007, 02:50 PM
اخوي السماوي
الشفط ما هو حل لانه ينوب التعديل يعني كأنك تعدل الضربه بالمطرقه
وما ادري عن التنده هل ينفع لها
وانتظر بقية الاخوان يمكن يفيدونك

تقبل مروري
غالي
13/04/2007, 03:04 PM
اولاً اخوي الحمدلله على السلامه
ثانيا الله يعوضك يارب العالمين المال وانا اخوك يروح ويجي واخرتها حديد
ثالثا وليس لي خبره عن فاعليتها
لكن اسمع ان عند الغرب آله صغيره جدا جدا اكبر من الكف بقليل تقوم بوضعها على الضربه الي بالبودي
ثم فيه مثل المسمار تفره ومع الفر ينزل من الجه الثانيه مثل الضغاطه صغيره لين تلمس البودي وتفره ليييين الاخر والضغاطه تمسك بقوه للبودي
ثم تقوم بسحبه بقوه وبسرعه
يقولون انه يعدل ضربات البرد
اما هل يوجد بالسعوديه ؟
الجواب والله ماعندي علم
وهل هي مفيده فعلا او لا؟
والله ماعندي علم
لكن:
انصحك تقوم بالبحث عنها في الانتر نت واذا حصلتها تقدر تطلبها
وماظنتي بيتعدى سعرها 300 ريال تقريبا
والله يكون بعونك ويستر علينا من البرد اللهم امين
واسف ان كانت مشاركتي فيها فلسفه لكن حبيت افيدك على قدر المستطاع
اخوك/ غالي^الأثمان
الشمالي 77
13/04/2007, 03:16 PM
http://www.mekshat.com/pix/upload/images32/mk47330_2007041252.jpg

الله يلطف بالمسلمين

اخي مع الاسف اقولك مهما رقعت اثار البرد تبقى واظن السمكره افضل
بيت طين
13/04/2007, 03:34 PM
السلام عليكم اعتقد اخوى ان مافيه اي طريقة افضل من السمكره والورش الان صارت افضل من قبل بامكانهم تصليح وصبغ اي لون .وفر علي نفسك التعب وتصدق شكر لله علي سلامتك والحمد الله علي السلامه.
مطر جدة
13/04/2007, 03:41 PM
السماوي 13

الله يعوضك خير ..

وعلى طاري الشفت .. ترااه مكلف جدا ..
وراح يحسب لك على كل فغصه بالبودي مبلغ وقدرة ..
وشف كم فغصه عندك ..
مافي الا السمكره والبوية .. وشوف لك مكان مضبوط ..
وإن شاء الله ترجع مثل بودي بلادها ...

والله يعوضك خير

مطر جدة
L I M I T E D
13/04/2007, 05:10 PM
والله يالغالي مهوب اي شيء يزينه شفط الهواء

على حسب الضربه ،، فيه شيء مايزين الا بسمكره

بس انا انصحك اذا كانت الضربه على الكبوت والا الرفارف

انك ماتسمكره لان مافيه احد يضبطه زي العالم والناس

ازين لك اشتر لك كبوت من التشليح ورشه وركبه
فايز العامر
13/04/2007, 05:14 PM
السلام عليكم ورحمة الله وبركاته

قريت في إحدى الجرائد أيام البردية اللي ضربت الرياض قبل عشر سنوات، عن ورشة عندهم سمكرة بطريقة الشفط ،،

بس حبيت أأكد لك المعلومة .. لكن ماأدري وين ،،

والله أعلم...
صلهامه
13/04/2007, 06:09 PM
نعم .. صحيح اضرار البرد احسن حل لها الشفط بشرط ما فيه طعجات قوية والبويه سليمه .. انتشرت فى الرياض يوم البردية الورش فى الصناعية القديمه اللى فى الملز الورش اللى تسوى شفط , وصارت الأجهزة تنباع بالسوق ..

على فكره حتى بعض الطائرات اللى كانت فى القاعده الجوية فى الرياض وتضررت من البرد على الأجنحة ومن الأعلى صلحوا لها شفط بالهواء .

فأنت اسأل وشف يمكن السمكريين يفيدونك أكثر فى الصناعية القديمه فى الرياض .
اسير الغربة 1
13/04/2007, 06:12 PM
الله يجعلها امطار خير وبركه
صراحه تقريرمصور رائع