المساعد الشخصي الرقمي

مشاهدة النسخة كاملة : (( اللــــ 2 ـــغز من تأليفي ))................نيشان البندق....حله:هاوي المرقاب


عبدالله العمرو
13/04/2007, 09:28 PM
مسيكم بالخيرات يا اهل الألغاز والرمعات ....

الثاني لعيون أخو جوزاء ولا تهونون :

ويش ورعٍ مثل شيطانٍ رجيم
......... عايشٍ في الضيق ما حوله سعة
ما رضع من خلقته صدر الحريم
......... ولا يبي زادٍ لجوعه يشبعه
واطيٍ راس أمّه النذل اللئيم
......... ولا حدٍ عنده حميّة يمنعه
فيه عز و فيه ذل وفيه ضيم
......... و فيه شر و فيه كل المنفعة

==================
هاوي المرقاب
14/04/2007, 03:24 AM
العمرود الله يصبحك بالخير

وصح لسانك

يكون ناظور البندق

تحياتي لك
T U R K I 0 9 0
14/04/2007, 08:45 AM
انا اقول البندق اللي تجي تعبيتها كسر وش اسم الجزء اللي يكسر ذا ماعرفه وماتعامل مع الل............. :no2:
لانه خطير :D
DAWRD
14/04/2007, 09:04 AM
السلام عليكم و رحمة الله وبركاته

الحل الله العالم إنه الإبرة الي يسمونها الضراب الي يضرب الرصاصة في البندق
راع الابل
14/04/2007, 09:21 AM
داخل الانسان تسبح وتهيم ..... تدلك على الخير واوقات تمنعة
قرينه داخل الانسان تقيم ..... تدخل الانسان النار والا تشفعة


تحياتي
بوراشد9
17/04/2007, 08:46 PM
صح لسانك يا العمرود
أتوقع ان الحل والله العالم
عود الكبريت
ابرق العزاف
18/04/2007, 12:11 AM
اتوقع المشقبيه بتاعة العفريته اللى يمسك براس العفريته بمكان شيلها

خلف المرتبه0000000000
ساري15
18/04/2007, 12:14 AM
صح لسانك يا العمرود
أتوقع ان الحل والله العالم
عود الكبريت

أنا معك يابو راشد :::
عبدالله العمرو
22/04/2007, 03:58 AM
العمرود الله يصبحك بالخير


وصح لسانك


يكون ناظور البندق


تحياتي لك



أخي الحبيب / هاوي المرقاب / لاعدمتك


أولاً أعتذر عن غيابي الفترة الماضية لضروف خارجة عن إرادتي ...

وثانياً :


















.


































.





















على أوّلها ما شاء الله تبارك الله :)

أهنييييييييييييييييييييييييييييييييييييييييييييييي يييييييييييييييك من القلب ولله درك ....


نعم هو نيشان البندق ويسمى علميّاً (( الشعيرة )) ...

وإليكم المفاتيح :

ورع = صغير

في الضيق = داخل قوس الحامي وهو غاية في الضيق ..

شيطان = دائماً واقف ويشير إلى ما يمكن إصابته (( دليل الموت ))

واطي خشم أمه = يقف على مقدمتها

فيه المنفعة والمضرة ...


كفو والله وتستاهل المدحة :


يا هاوي المرقاب لا هنت يالذيب

............... عزّ الله إنك واسع العرف لمّاح


مثلك تعلاّ عاليات المراقيب

.............. واليا ادلهمّ الليل ذيبان سرّاح


ما تمنع الهدّات منك اللواهيب

............. ولا شديد البرد من قبل الاصباح


كرعنتها من غير لفٍّ وتسحيب

............ عمق الصميم بدون تلميح وإيضاح


========================


يامال العافية وصح فكرك ....



تقبل عاطر التحايا ....


أخوك /
عبدالله العمرو
22/04/2007, 04:12 AM
انا اقول البندق اللي تجي تعبيتها كسر وش اسم الجزء اللي يكسر ذا ماعرفه وماتعامل مع الل............. :no2:

لانه خطير :D


هلا وغلا أخوي تركي ....

حظّ أوفر يا بعدي ..... هاوي المرقاب نتف الحل قبل يطير الله لا يضره :)

تقبل عاطر التحايا

أخوك /
عبدالله العمرو
22/04/2007, 04:15 AM
السلام عليكم و رحمة الله وبركاته

الحل الله العالم إنه الإبرة الي يسمونها الضراب الي يضرب الرصاصة في البندق


لله درك تصدق أخوي لولا قولتي (( واطي خشم أمّه )) إن حلّك 100% صح !!!!
أشكر فكرك وحضورك وحظّ أوفر في الجايات :)

تقبل مودتي ....
أخوك /
عبدالله العمرو
22/04/2007, 04:21 AM
داخل الانسان تسبح وتهيم ..... تدلك على الخير واوقات تمنعة
قرينه داخل الانسان تقيم ..... تدخل الانسان النار والا تشفعة


تحياتي




رااااااااااعي الابل / لاعدمت راسك

ما شاء الله عليك يالداهية :) صحححححححح قلبك

لك من اسمك نصيب ( راعي الابل ) دايم بعيد نظر مقرّب البعيد .....
لو إني مكانك سويت سواتك ...

عميق عميق عميييييييق عيني عليك باردة ...
لكن كان الحل أقرب من مرماك عسى يمناك ما تنشل :)

حظ أوفر يا بعيد الهقاوي ....
تحياتي القلبية ....

محبك /
عبدالله العمرو
22/04/2007, 04:24 AM
صح لسانك يا العمرود
أتوقع ان الحل والله العالم
عود الكبريت


صح بدنك وكللللللك يا ابو راشد ....

لاهنت ولا شنت يالذيب :)


حظ أوفر في الجاي ....
تقبل كل الحب ....
أخوك /