...سيول حريملاء....

[فتى التويم]

السلام عليكم ورحمة الله وبركاته


مسٌهم بالخير كل ابوهم


يوم الخميس الماضي اللي هو امس بالظبط رحنا نتفرج على السيول اللي جت منطقة الرياض وحواليها ومنطقة سدير وحواليها زرنا عدد من المناطق وولله الحمد جاه من المطر والخير الكثير الله يحل فيه البركه

وصلنا لم محافظة حريملاء تقريبا الساعه 2الظهر من قرادتنا ان حنا نسينا العزبه حقت الطبخ ولا كنها خيره يوم نسيناها

المهم طلبنا من المطعم وقعدنا نحتري طلبنا إلى وهاك الساحب اللي مقبل علينا

قلت لم اللي معي عز الله اننا منب متغدين إلا في السياره قالوا نتغدى ان شاء الله قبل مايجي شي

قلت ماهقيته, المهم بعد ما استلمنا الطلب الي قعد حول ساعه إلا ربع على بال مايجي
إلا وهاك الشبوب اللي جاء بدون مطر وبعده جاك هالبَرد اللي كبر الخوخ البلدي
واله ياجماعة الخير ان وحده من البَرد يجي كبرها حول جوز الهند
انها هلشت(انكسرت)قدامي

قلت اشوا انها مهيب في القزازه وإلا انكان طاحت في شٍجي

وادعس واروح ادور لي مزبن لقيت بخشه(حديقه صغيره)حولها شجيرات المهم اني نصيتها وزبنت تحت الشجر بس مافيه فايده

شوي إلا وهاك البرد اللي يصك في القزاز الامامي وبدت تتشعر القزازاه اللي قدام قلت هلا واله عز اله اني بأرجع للرياض وانا انتفض

المهم بدا البرد يخف بعد ربع ساعه من نزوله

طلعت كاميرتي وبديت في تصوير المتضررين

http://al7ooot.net/up/sing/sss1.JPG (http://al7oot.net/vb)

وهذا جال السيل وكله شبوب
http://al7ooot.net/up/sing/sss3.jpg (http://al7oot.net/vb)


http://al7ooot.net/up/sing/sss2.JPG (http://al7oot.net/vb)
وهذا احد المتضررين تكسر قزاز سيارته
http://al7ooot.net/up/sing/sss4.jpg (http://al7oot.net/vb)
وهذي صوره من شعيب حريملاء
http://al7ooot.net/up/sing/sss5.jpg (http://al7oot.net/vb)
وهذا احد المسعفين دخل الشعيب عشان ينقذ اللي كانو في الشعيب
http://al7ooot.net/up/sing/sss6.jpg (http://al7oot.net/vb)
ناه وش كبر البرد تقل كورة تنس
http://al7ooot.net/up/sing/ssss7.jpg (http://al7oot.net/vb)




هذا ما اسيتطعت ان اجمعه وان اضعه

اخوكم : فتى التويم

[سلطان العوني]

فتى تويم
مشكور على هذه الصور
الله يعطيك العافيه

[راع الابل]

ياخوي ترانا نحس فيكم هذه الاحداث وانتم يالتكم حسيتوا فينا يوم جتنا في الرياض عام 1416هـ جانا الموت الا شوي


مشكور والله يعين اللي تضررت سيارتهم او مزارعهم او بيوتهم

وهذا رزق الصناعيات وحقين القزاز
هههههههههههههههه

تحياتي

[المونس]

فتى تويم : جزاك الله خير عز الله انك ما قصرت صور جميلة في وقت الحدث والحمد لله على سلامتكم

[قلب الداهيه]

لا اله الا الله
يا كبر البرد كبراه والله جد يخوف
الله يستر بستره والله يحفظكم من كل مكروه وجميع مسلم
مشكور على الصور الرائعة 00

[الضب الصماني]

ما قصرت يا فتى التويم ،، قواك الله

[الكحلي نت]

الحمد لله على السلامه ومشكور على الصور الحلوه

[ALBDRANE]

ياخوي ترانا نحس فيكم هذه الاحداث وانتم يالتكم حسيتوا فينا يوم جتنا في الرياض عام 1416هـ جانا الموت الا شوي


مشكور والله يعين اللي تضررت سيارتهم او مزارعهم او بيوتهم

وهذا رزق الصناعيات وحقين القزاز
هههههههههههههههه

تحياتي






ما جان الموت ولا شوي الي جا في الرياض 1416 فقط على أجزاء من شمال الرياض ولا يصل لمستوى البرد الي على حريملاء كان الله في عون الجميع وتحياتي

[مرفــأ]

مشكور وماقصرت وكنت هناك بعد الحدث مباشرة وذكرتني تماما ببردية شمال الرياض 1416هـ

[ابو شموع]

سبحانك يارب اللهم اللطف علينا بلطفك
صحيح أننا ماكنا نتمنى ذلك ولاكن لا أعتراض على قضاء الله وقدره
والله يجزاك خير على هالصور
والله يوفق الجميع ؛؛ ؛؛ ؛؛ ؛؛ ؛؛ ؛؛ ؛؛

[جدة غير]

السلام عليكم ورحمة الله وبركاته

مشاء الله تبارك الله صور رائعة وبرد كبير

جزاك الله خير

يقولون أقوى من 1416هـ

[شعيب حريملاء]

اللي حضر البرد هو اللي بيعرف ان الله حق انا طالع من اللياطة والبرد موافين بسيط
وما ادري الا اللي يصبخ في القزاز وما في طبلون الموتر الا جايبة المشكلة ما اشوف الطريق وحدة من المساحات منكسرة
وما اشوف الا باللي عندي ويالله كم مرة بغيت اخش في شجرة

وانوع الجموس مكسر قزازها فيه واحد رحمتة الجهة اللي يسار كلها مكسرة مع اللي ورى وانوا ع العفوط

[أبورهف]

ياسلام

صور ولا أروع

اللهم إنا نسألك رحمتك
هذا الإبداع وإلا بلاش تسلم يمينك
كفو والله
اللهم صيباً نافعاً
اللهم زد وبارك

[خالد 329]

السلام عليكم ورجمته الله وبركاته

أن كنت بحريملاء بالشعيب وقت المطر وكان الجو ما يوصف

السيل ما يوصف وحتى أحد شيابنا يقول لهم أكثر من خمسين سنه ماشافوا مثله
بس هذي روايح صيف ما تنفع الارض ليتها على الوسمي
(أخو معشي الذيب)...................................

[فتى التويم]

ياخوي ترانا نحس فيكم هذه الاحداث وانتم يالتكم حسيتوا فينا يوم جتنا في الرياض عام 1416هـ جانا الموت الا شوي


مشكور والله يعين اللي تضررت سيارتهم او مزارعهم او بيوتهم

وهذا رزق الصناعيات وحقين القزاز
هههههههههههههههه

تحياتي

راعي الابل هلابك..

اما البرد اللي جانا عز الله انه اقوى من اللي جاء عام 1416 بواجد

[اسير الغربة 1]

الحمد لله على السلامه ومشكور على الصور الحلوه

[فتى التويم]

سلطان العوني:هلابك عزيزي

المونس:الله يسلمك والشر مايجيك

قلب الداهيه:جعلك ماتشوف مكروه وجميع المسلمين

الضب الصماني:ماسوينا إلا اللزوم
الكحلي نت:الله يسلمك

مرفأ:هلابك
ابوشموع :وياك

جده غير :صراحه انه اقوى من عام1416 اجل البرد حجمه حجم البرتقال

شعيب حريملا:اما الجموس المتكسره فعز الله انهن واجد

ابو رهف :هلا بك والله وانشاء الله انها تجوز لك الصور

خالد:روايح الصيف تفيد الابار بس ماتفيد النبات

[بن المرزوق]

مشكوور على الصور الرائعة .........:::::::::::::

[اهلا وسهلا]

ما شاء الله
الله ينفع به

[فتى التويم]

الحمد لله على السلامه ومشكور على الصور الحلوه

الله يسلمك ولا يريك مكروه

[فتى التويم]

مشكوور على الصور الرائعة .........:::::::::::::


هلابك بن المرزوق

[نقا هشال]

هلابك ياغالي

يعطيك الف عافيه لقطات جميله

والحمدلله على سلامتكم

[بن نويشر]

الحمد لله الذي أخرجنا من شعيب حريملاء سالمين ، حيث كنت متواجداً فيه ذلك اليوم .. وبعد ما هبت وشفت السحاب مقبل وأنا أقوم أضف عفشي وأركب عيالي وقلت يا ولد الفكيك وطلعت من الشعيب الساعة 02:30 ظهراً .

[فتى التويم]

[quote=نقا هشال]هلابك ياغالي

يعطيك الف عافيه لقطات جميله

والحمدلله على سلامتكم[/quote


هلا والله بنقا هشال والله يعافيك ويسلمك ولايريك مكروه

[فتى التويم]

الحمد لله الذي أخرجنا من شعيب حريملاء سالمين ، حيث كنت متواجداً فيه ذلك اليوم .. وبعد ما هبت وشفت السحاب مقبل وأنا أقوم أضف عفشي وأركب عيالي وقلت يا ولد الفكيك وطلعت من الشعيب الساعة 02:30 ظهراً .

رحمه من الله انك طلعتا من الشعيب

والبرد مانزل إلا الساعه تقريبا 3:00

[ابو رواف]

سبحان الله والحمدلله ولا إله الا الله والله اكبر
لاحول ولا قوة إلا بالله

الحمد لله على سلامتكم
ومشكور على الصور

[جمران]

شكر اأاخي فتى التويم على المتابعة,,,نسال الله ان يرحمنا برحمته وان يعوض المتضررين من هذا البرد
تقبل تحيتي

[فتى التويم]

ماسوينا إلا الواجب والله يعوض اللي تضرر