الي مايدري يدري

[طح طوح]

لماذا
هذه الشحايذ في المنتدى
الفزعه. لك ولا للذيب....الخ
وبعدين الي طافرين بى السلق
مهوب كفو لها
يهدونها علا قطاوه وحصانيه وغيرها
اتقو لله في انفسكم
وخلوها لي اهلها

الطلقه الي ماتصيب تذعر
نرجو حسن الردود
اخوكم طح طوح

[ابو تمام]

كلامك صحيح ياطح طحوح اللي يحب القنص بالسلق بيلقاها بدون مايطلبها من الناس

[مورد القيفان]

كلامك صح ولاتشرح ولاتضرب ولاتطرح والله قلت الي بقلبي معاد بقى الانفتح خيمه الشحايذ

[BeLoveLy]

السلام عليكم و رحمة الله و بركاته
مساكم الله بالخير
اخوي طح طوح
كلامك على العين و الراس و الي يطلبون سلقان بالكلام المعروف هذا شي راجع له و اذا الرجال مقتنع انه يطر سلقان انا اتوقع انه تافه على العموم مالكم بالطويله و بالنسبة لموضوع صيد الحصاني ابيك تقولي في شي تصيده غير الحصاني هنا ؟؟... ادري بتقول الارنب ولا على المهدات الي يسونها الشباب.. و انا اقول يعطيهم الف الف الف الف عافيه الي قايمين على المهدات.. و الارنب مهوب اي احد يقدر يروح للرمله ويصيد ولا يدخل الشبوك و اذا راح بدون معرفه ولا واسطه تطلع عليه كسور الروحه و انا واحد من الناس عندي 4 سلقان ذيخين و ذاريتين و ما اهد الا على حصاني مع اني ادري انه مو زين على طبع السلقه و موضوع الحرام بس ابيك تقولي اذا انا احب الصيد بالسلق وش اسوي اربيها عندي و اخليها كذا بس اوكلها و اناظر فيها ولا ايش ...
ارجو الرد و يعطيكم العافيه و اسفين على الاطاله ..

اخوك : BeLoveLy

[عروق الدهنا]

اخوي طح طوح
ارجو انك ماتزعل من ردي
اول شي المفروض انك محسن اسلوب الكتابه شوي لانه فيه نوعيه من التجريح
واذا على كلامك ياخي فيه ناس بالمنتدى لوتطلب عيونك منتب مقصر معهم عاد وش لوتطلبك بكلب
وفيه ناس هوايته الصيد بالسلق لاكن مايحصل وماله الا المنتدى
وبالنسبه لكلامك اللي يطلبون السلق يهدونه على قطاوه انا والله ياما عطينا ناس مايطلعون السلوقي الا لتركيض والمقناص
انت لو انك كاتب ياشباب مهب اي واحد عنده مشاركه ولامشاركتين يطلب سلقه تعطونه
لان فيه اعضاء بالمنتدى تستاهل عيوني لو اني ماقد شفته ماغير معرفه بالمنتدى
للمعلوميه تراي ماقد طلبت سلق بالمنتدى
ارجو اني مازعلتك بالرد

والسلام ختام

[عروق الدهنا]

اضافه اخوي طح طوح
لو اني اطلت عليك
انا اشوف ان العرف بالسلق تغير عند بعض الناس وانا ماكان ودي اتطرق لموضوع ذا بس الشكوى الله
العرف عند الناس من قديم انه تهدى ولافيها عيب انك تطلب والعيب معروف ولايخفا احد بالمنتدى
وياليت كل واحد يبي يكتب موضوع اويكتب رد يفكر بالكلام اللي بيكتبه زين قبل مايعتمد الرد

ارجو ان كلامي مايزعل احد
الصراحه راحه ولوكانت جراح

والسلام ختام

[خوي السرور]

أبغض حيوان عندي الكلب بس بدون ما أوذيه

ومن أتخذه للصيد فلايكثر مخالطته فأن لعابه نجس

ولله تعالى في خلقه حكمة

[(القناص)]

انا أوأيد كلام اخوي عروق يعني اذا جاك واح يبي منك سلقه او سلوقي والرجال كفووو وينحط على اليمنى
تبي تغلي الكلب اكثر منه يعني يصير الكلب اغلى من خويك!!!!

وبالنسبه للحصانيه مثل كلام اخوي belovely

وارجو ان تتقبل الرد بصدر رحب
ولك كل الاحترام والتقدير..

[طح طوح]

اخواني ابوتمام
و
مورد القيفان و خوي السرور
شكرا لردودكم

bleovely
والقناص
اذا كان قصدكم قل الصيد من ترك شئ لله عوضه لله خير منه

عروق الدهنا
يمكن عبرت بلي بخاطري باالرد لأول
بس الثاني :no2:
لئن الي يطلب بيجي مع الباب مهوب الشباك
زي ما قال القناص ينحط علا اليمنى
(والعيب في الشحاذه)
وان كاني زعلت احد بالأسلوب اسف من كل قلبي
وتوقعت انها تصيب لاكنها ذعرت

[عروق الدهنا]

اخوي طح طوح اول شي والله انك كبرت بعيني لانك تقبلت ردي بصدر رحب
ثاني شي الاختلاف بالراي لايفسد للود قضيه
وانا والله كل خوفي ان الموضوع يسبب جدال
لانه في موضوع قديم نفس الموضوع هذا وسبب جدال
البندق اللي ماتثور في هدفها تذعره


السلام ختام

[طح طوح]

عروق الدهنا
يعلم لله ان المقصد
هو الفائده
ولو ان التعبيرخاني شوي ويمكن واجد
لاكن ماكل مجهد بمصيب
(ان لم اصب اجروان اصبت اجران)

[الشمالي 5]

لطلب واحد كلب عطوه لتردونه تراه كلب مايسوى قيمته

[sasasasas]

صادق
اخوي الشمالي5
تراه كلب

[سلطان العوني]

اخوي طح طوح
كيف حالك ان شاء الله بخير
ياليت تشيك على الموضوع اللي طلبت النقاش معي فيه موضوع اخوي قناص مكه
بالنسبه لموضوعك هذاقبل ما ارد عليه ابي ارد اخوي belov يوم يقول اللي يطر السلق اعتبره تافه وما عنده سالفه ابي اوجهه له سؤال هل انت تقني السلق ؟ اذا الجواب نعم
اقوله من وين جبتها ؟ اذا قال كانت لاخوي او ابوي واخذتها بعدهم
بقوله من وين جابها ابوك او اخوك اكيد جاته هديه
وردي على موضوعك
اهل من الممكن اني اتولع مع الصيد والعلوم الطيبه واحطم هذه الهوايه علشان ما احد يقولي تافه يا اخوي طح طوح ؟
انا متولع في الصيد وما كان عندي سلقه وطلبت واحد من الشباب جروه زايده مو بحاجتها هل هذا اني تافه
انا اقول ان فيه شباب كثير ابتدو هذه الهوايه عن طريق جرو او سلوقي هديه واغلبهم من المنتدى هذا وانا اعرفهم شخصيا هل هذا يدل انهم تافهين
اخوي طح طوح ارجو من انك ما تقتل هذه الهوايه في قلب واحد متولع ولكن ما يعرف من وين يبدأ ولكن بسبب هذا الموضع يبي يتحطم نفسيا ومعنويا
وارجو من الله ثم منك انك تقبل اسلوبي هذا وما بذر مني
تقبل مروري بفائق الاحترام والتقدير

[كشات نجد]

ياشباب القصد كله من ان المنتدى لا تطلب فيه سلق لا ن بعض الناس تقول ماعرفه وشوله اعطيه و يحرج نفسه بدون مايحصل عليها
فلذللك قصد اخونا طح طوح ان الشكوا لغير الله مذلله وارجو اني ماجرحت احد اوزعلت احد ولاهنتو

[الوهـ قحطان ـاج]

اخوي طح طوح

والله شدني الموضوع وحبيت اني ارد عليه رغم ان مالي في السلق والله ولا لي عليها خاطر

اشوفك يالغالي زعلان على الي يطلبون سلق

انا اوافقك مع الشخص الي يطلب سلق من اول مشاركه له في هذا المنتدى

وهذا وبكل صراحه مايصير لانها تعتبر طراره وهو مادخل هذا المنتدى او غيره الا بيشوف هل بيعطيه احد

واذا عطاه ماعاد شفته في المنتدى او اي مشاركه منه لانه حقق مطلبه في الاشتراك من هذا المنتدى ولقي غايته

وهذا بحد ذاته نقص منه

اما الي هو خوينا في هذا المنتدى وطلب اشي هذا اكيد محد بيقصر معه من هوات السلق راح يعطيه ولا راح يبخل عليه

لانه اكيد كان عنده سلق يائم انسرقت او ضاعت واكيد انه رايح يستفزع بخوياه الي بالمنتدى لانهم يعرفونه ولا راح يقصرون معه

فهذا ماهو عيب ولا هو نقص فيهم ولا هي شحاته يشحتوها هم يطلبون اخوانهم في

هذا المنتدى الي جمعنا من الدول العربيه والخليجيه وهم على العين والرس

وانا اسف على الاطاله

وتحياتي لكم يالغالين

[القحطاني505]

بيض الله وجهك يااخوي طح طوح وانا تكلمت بذا الموضوع وانشاء الله خيير

[رجال أشاوس]

تسلم أخوي طح طوح علالى الموضوع الزين بس أبغى أسئلك من وين أجيب لي سلوقي وتراني أبى جروين وشكرا ً...........

[طح طوح]

السلام عليكم
الشمالي 5 و sasasasa
شاكر لردودكم
سلطان العوني \ اعتقد ما فتح خيمه السلق الى لتشجيع هذه الهوايه
ولاستمرار بها وانا قصدي مو المنه قصدي وش الغرض منه اذا عطيته سلقه ووش بيسوي فيها
بيعطيها بزر( ولواط وغيره ) لازم تعرف لئنه اذا ماربا مع هذه الهوايه ما ظني بيصبر عليها
(راي شخصي ارجو عدم التعليق)
كشات نجد \ اختصرت المسافات ومشكور
الوهاج قحطان \ ولله انك كفو اسلوب رائع وراي اروع
الف شكر لك
القحطاني505\ ووجهك لأبيض تسلم علا الرد
رجال اشاوس\اذا تبي جروين اشتر وقبل ما تشري اسئل المشايخ
شرا السلق حلال(طبعن ازين من السرقه والشحاذه )
ومكان بيعها عياده امان ووصفها موجود بحد المواضيع

[حنضله]

السلام عليكم انا قبل ماأسجل في المنتدى كنت متابع فتره طويله

ومنتدانا يفتقر لمثل هذ المواضيع وكثره طلب الفزعه وغيرها تنحش اهل الهوايه
من المنتدى
طح طوح انت والشباب الي رادين
اهنيكم علا الجرئه والصراحه :good:
واتمنا تنعشون المنتدى با الفايده ونكتفي من الردود الروتينيه
ومع السلامه

[أسير مكشات]

لماذا




هذه الشحايذ في المنتدى
الفزعه. لك ولا للذيب....الخ
وبعدين الي طافرين بى السلق
مهوب كفو لها
يهدونها علا قطاوه وحصانيه وغيرها
اتقو لله في انفسكم
وخلوها لي اهلها

الطلقه الي ماتصيب تذعر
نرجو حسن الردود
اخوكم طح طوح





















اخوي طح طوح عزالله انك كفيت وفيت على الموضوع لأننا نشاهد ناس ما لهم الا ايام قليله في المنتدى ويطلبون
انا من الناس الي اذا عرف ان فيه احد متولع بالقنص بالسلق اهديه من غير مايطلب
لا كن انا احب ان تكون المواضيع في الايام الجايه كلها فايده لأهل الصيد باسلق


ولكم جزيل الشكر والاحترام

[طح طوح]

شاكر لردودكم
حنضله \حلو لاسم والف شكر
واذا علا الروتين صادق
اسير مكشات \ ما تنلام وعلا العموم مشكور

[بن قضيب]

اخوي الفاضل اكثر الشباب الي يطلبون السلق في المنتدي اكثرهم او 80% ممبتدئن وحبوا الصيد بالسلق من مكشات قلوا بنشتري السلق والاجابه طبعا حرام قلوا هديه قلتوله شحات يعني شوه الحل في اعتقادك .

[قلب الماس]

ان جيت تريد تشتري قالو حرام وان جيت تطلب قالو شحاته
والله ماهي افعال رجال
اتذكر صاحب اليتامى الي طلب سلق
الا استهزء به
والا قال ابشر
وما ادري تالي المشوار لقى طلبه او اكتفو النشاما بردودهم ولاتزعلون من كلامي
لكن المواقف تبين معدن الواحد
ويا كثير ما قرانا ابشر بس تباهي بالكتابه والافعال معدومه( //طبعا مو الكل //ولكن الاغلبيه )
بعض اصحاب السلق تملكهم الانانيه وده مايملك السلق احد غيره ولو كان عنده كثير
كانه ماهو سلق برج العرب او برج ايفيل لول
طح طوح برد عليك برد واحد بخصوص رايك الشخصي تراه مو شرط وعلى اي اساس انت استنتجته كثير من الناس بدات بتربية السلق ونجحو وتقدمو بتربيتها وتدريبها والانتاج منها في فتره زمنيه قصيره مقارنه بواحد ربا من صغره بتربية السلق
طح طيح مالومك على طرحك الموضوع بخصوص كثرت الطلب احيانا من المشاركين لي يشوف السلق يحبها ويتولع ابها
ويتمناها
والسلق مايهديها الا قليل من الناس انعرفو من زمن اجدادنا الكرماء منهم والشيوخ وهل الجود مثل مانسميهم

[طح طوح]

بن قضيب \ الحل نبي نسمعه منك
وعلا العموم مشكور .
قلب الماس شكلي دقيت الوتر الحساس
عندك
-))قلت لكم راى شخصي((-
:D :D

[قلب الماس]

طح طوح
لاوتر حساس ولاغيره
انا كتبت وقلت لي اشوفه
و المفروض من ادارة المنتدى ومن المشرفين اقلها انهم ما يسمحون لي أي شخص انه يتهم افراده
بشحاتين من باب الاحترام
ولو في شي غلط
ارسال رساله من المشرفين او من الادراه نفسها
مو من حقك او حق اي شخص ثاني طرح مثل هذا الموضوع

واعتذر للادارة المنتدى والمشرفين الي فيه على طريقة كلامي

وانا ماجيت اعلم حد عن دوره الكل ادرى به
ولكن الواحد لما يشوف شي غلط مايسكت عليه

[طح طوح]

صح عليك انت كتبت الي تشوفه
وانا فتحت الموضوع من الي اشوفه
واعتقد موضح انه راي شخصي تحملناك تحملنا

وانا ماسكت عن الغلط (وكلن اعلم بظلمى داره )

[راعي حق]

السلام عليكم ورحمة الله وبركاته

في البدايه احب اشكر كل اللي شاركوا في الموضوع وكلن بين وجهة نظره <<<< طبعا رد الشخص يعتبر دليل على الرجال وتربيته والبيئه اللي عايش فيها ..
الاخ طحطوح ؟؟!!
انت معطي الموضوع اكبر من حجمه بواجد وانا والله ودي ان ذا الموضوع مانكتب وخاصه من صوبك دامك راعي سلقان فاكيد انك راعي مراحات ومجيات وبدوي وتحب البر والرجال اللي نفسك مايرد نفسه لذي الامور
وانت لافكرت الا السالفه كلها كلب الله يكرمكم
والرجاجيل يهدون الابل .....
وش فيها لاقد عندي سلقان وجاني طلبني اياها احد وعطيته اياها سوا اعرفه ولا ماعرفه
والله انشالله اني لاعطيه (والطيب اخير من الردى )
وان كان سبحان الله انا في حاجتها بقنص مثلا بتعذر من الرجال بعذر طيب
ولاقد الرجال في حاجتها اكثر مني والله لابدييه على عمري الدعوه بسيطه
اما اني افكر فيها شحاذه لاوالله يمكن الرجال في حاجتها ويبي يقنص ودور وعجز ومالقى شي واحتد على طلبها مني ولا منك ولا من غيرنا والاولين لاجاهم احد يطلبهم يعرفونه ولا مايعرفونه يعطونه لو انه طالب حد من عيالهم
فما بالك بسلقه وانشالله انا مانخلف من الاولين .
على العموم لاحد ياخذ بخاطره من كلامي انا كان ودي اوضح الصوره
وودي ياطحطوح اتحط لنا شي من المواضيع الزينه عن الطير ولا الابل ولا شي من مقانيصك

والسلام ختام ..

[طح طوح]

لو كلن مثلك كان الدنيا بخير
1 راع حق انا اشهد ان بيئتك مثلتها علا اكمل وجه
2 وحجم الموضوعلا تفا عل لأعضاء شرواك
(وش فيها ) 3 ان كنت تدري فتلك مصيبتون وان كنت لا تدري فا المصيبه اكبرووووووووو ؟؟؟؟؟؟؟
وياليت كل لأعضاء يكونون بمثل حكمتك وتنا ولك للمواضيع
(اتمنا ما تفضل شخص علا اخر كل الموجدين اخواني )
ومشكور علا المرور الطيب

[حنضله]

حنضله مر من هنا

لرفع الموضوع

وايجاد حل للموضوع

وتقبلوا مروووووري


وشكراً

[طلو]

مشكورين جميعا علا الموضوع والصراحه بس الحل عندي ياحنضله
المروض اي واحد يبغى سلق ما ينزل موضوع ابي سلق لا
ياخي المنتدى ما وضع الا للتعارف والوناسه ياخي فيه شي اسمه رسائل خاصه ارسل علا الشخص الي تحس انه بيعطيك اذا رد واعطاك فبيض اللله وجهه واذا ما رد اعرف انه ماعنده واو انه ما يبي يعطيك فمن الرسايل الخاصه تريح نفسك من الاحراج ومن ناحيه العطا له باب وجواب

[حنضله]

مشكووووور يا طلو على اقتراحك للحل
هذا

[طح طوح]

اخوي / حنضله شا كر لهتمامك

مشرفنا طلو شرفتنا بمرورك والحل ايضاً
واتمنا يكون الحل من شروط التسجيل في المنتدا
او من شروط خيمه الصيد بالسق علا لأقل
لئن لأعضاء الجدد ما مر عليهم الموضوع
وعدم فتح الموضع بين فتره وفتره لتذكيرهم
اولعدم احراج المترددين علا هذه الخيمه ومحبيها
واسف علا لأطاله...

[مورد القيفان]

الله الله كلام سلييييييييم 100%
وتسلمون

[(((المهااااجر)))]

السلااااااااااام
شكرا يا طح طوح على هذا الموضوع المتميز والله يبارك في اخونا المشرف طلو.......
على ايجاد حل لهذا النقاش المتميز
وتسلمووووووووووووون

ومشكور يا طح طوح المملوح:D :D :D


وتقبلوا مروري

[(((المهااااجر)))]

السلاااااااااااااااااااااااام

والله انك عاد صادق تو واحد طلبني واحرجني

في الشات تخيل يطلب سلقه..................

[لهلوب]

مشكور ياطح طوح على الموضوع و الكلام الصريح
وهذا اول رد لي واتشرف انه يكون في موضوعك


واشكر المشرف على الحل وتقبلو مروري

[طح طوح]

مورد القيفان
و
marlboro 4x4
و
لهلوب
شرفتونا بمروركم واهتمامكم

[(((المهااااجر)))]

السلاااااااام...
اخوي طح طوح لك الشكر الخالص من اعماق قلبي على مجهودك
وموضوعك الجميل
وعلى شكرك الخاص في اخواننا المشاركين في المنتدا
وتقبل مروري

تحيااااااااااتي لك........

[طح طوح]

السلاااااااام...
اخوي طح طوح لك الشكر الخالص من اعماق قلبي على مجهودك
وموضوعك الجميل
وعلى شكرك الخاص في اخواننا المشاركين في المنتدا
وتقبل مروري

تحيااااااااااتي لك........
ولله انك احرجتني

[(((المهااااجر)))]

لا يا طح طوح ما فيه لا احراج ولا شي...;) ;)
تحياااااااتي.....
Marlboro 4x4

[عزااام]

السلام عليكم ورحمة الله وبركاته .
طبعاا اخوي طح طوح انت ماكتبت موضوعك الاعقب ماشفت موضوعي لاكن للمره المليون اقول ارجعوا وشفو وشف وش كاتب ابي اعرف وشلون ماقلت ابي سلق..

ابي منك ومن الاخوان انهم يقرون هذي القصه الي صارت مع ابو دلامه والسفاح..
كان أبو دلامة ينطلق لاستدرار عطايا الخلفاء فدخل مرّة على السفّاح فقال له:
- سلْني حاجتك.
فتنحنح أبو دلامة وقال:

وقال اريد كلبا اصطاد به ((شف كبرتها علشان الي مايشوف))

صاح الخليفة:
-ألهذا جئتني في هذه الساعة؟ :confused:
وصاح الخليفة في الغلام الذي يقف وراءه وكأنه يريد أن ينهي المقابلة بسرعة:
- أعطوه كلباً.
ولكنّ (أبا دلامة) لم يغادر المكان، بل تقدَّم خطوةً أخرى من الخليفة وقال:
- وهل أخرج في البيداء الواسعة، فأطارد صيدي على قدميَّ هاتين؟
فصرخ الخليفة: :mad:
ـ أعطوه فرساً يركبها.
قال أبو دلامة:
- ومن يعتني بهذه الفرس، ويمسك لي الصيد، ويحمله معي؟
قال الخليفة:
- أعطوه غلاماً يساعده في صيده.
قال أبو دلامة:
- وحين أعود إلى البيت محمّلاً بصيدي، فمن ينظّفه ويطبخه لي؟
قال الخليفة:
- أعطوه جارية تُعينه في البيت.
سأل أبو دلامة:
- وهل سأترك هذين البائسين يبيتان في العراء؟
قال الخليفة:
- أعطوه داراً تجمعهم.
سأل أبو دلامة:
- وكيف سيعيشون بعد ذلك إن لازمني النكد وسوء الطالع، ولم أوفَّق بالصيد شهراً أو شهرين؟
قال الخليفة:
- أعطوه مئة جريب عامرة ومئة جريب غامرة.
سأل أبو دلامة:
- وما هي الغامرة يا أمير المؤمنين؟
أجاب الخليفة:
- الأرض المالحة التي لا نبت فيها.
في هذه اللحظة هزَّ (أبو دلامة) يده ساخراً وقال:
- إذن أنا أعطيك مئة ألف جريب غامرة، في صحراء العرب.
فصاح الخليفة بمن في المجلس، وهو يضحك:p ، وقد خرج عن جدِّه وصرامته:
- اجعلوها كلَّها عامرة، قبل أن يطلب هذا الكرسيَّ الذي أجلس عليه. ;)
انتهت..
قال الجاحظ: فانظر إلى حذقه في المسألة ولطفه فيها ، ابتدأ بالكلب فسهّل القصة وجعل يأتي بما يليه على ترتيب وفكاهة حتى نال ما لم سأله ابتداءً ما وصل إليه .
.................................................. ........
اخوي طح طوح هذا الكلام صاير قبل ميأت السنين يعني مو عصرنا الي نعيشه.
الشي الثاني نحمد الله على نعمتة ماحد مايت من الجوع علشان ((يشحذ))سلق ويصيد وياكل من صيده
...
كل اناء بما فيه ينضخ.
سبحان الله صرت اشوف الناس تشبه الماء بللبن.

وبعدين كلمة الشحاذه والطراره:no2: :no2: كلمه كبيره اسال الله العافيه لي ولكم.ياليت لو نبعد عن الالفاظ هذي ولو سميتها اهانه كان يمكن يكون افضل.

طبعا هذي وجهت نظر وسامحونا ان كان اخطينا بحق احد
والسلام عليكم ورحمه الله وبركاته.
..

[ولد ال زايد]

السلام عليكم ورحمة الله وبركاته
اخوي طحطوح اول شيئ انا احبك في الله
واذا تبي الصراحة انا واحد قدرت املك فهد متدرب على الصيد وكم سلقه لاكن والله العظيم انها كلها راحت توزيع والفهد هو الباقي ، يعني القادر يملك فهد مايقدر يملك سلق بدراهمه، المسأله ماهي طرارة لاكن لو هي تباع كان سهلت القصه ، وترا كلمه شحاذه كبيرة شوي، انا لو واحد من اعضاء المنتدى يطلب مني شيئ والله ثم والله لأعطيه عيوني وانت اولهم والله لو تبي اسد لأعطيك اياه كيف سلقه .
ارجوا ان تتقبل كلامي بصر رحب وابيك تعرف شيئ واحد انك والله وانا مااجامل من اعز وافضل الكتاب عندي في المنتدى.

ودمتم،،،

[طح طوح]

أخوي عزام وعليكم السلام ورحمهالله وبركاته
اشكرك علاتعليقك ومرورك الكريم والقصه الجميله
ماكتب الموضوع علاشان موضوعك ( والله علا ماأقول شهيد )

[طح طوح]

ولد ال زايد وعليكم السلام
احبك لله الذي احببتني من اجله
شرفتنا بتعليقك ومرورك الكريم