المساعد الشخصي الرقمي

مشاهدة النسخة كاملة : ممكن تساعدوني الله لايهينكم


عبدالرحمن السالم
14/04/2007, 12:28 PM
السلام عليكم .. اسعد الله مسائكم بكل خير ..

أخواني أنا عند واحد من زملائي بالاستراحه سلقه عمرها 10 شهور طلعت فيها يوم الخميس لياقه وتمشيه فجأة شافت لها حصنى وركضت وراه بدون لا اهدها او امرها .. شوي يوم جتني السلقه تعرج وفي يدها اليمين دم .. رفعت يدها وشفت الجرح تقشر حافر من حوافر يدينها ..غسلت يدينها لين ما ارجع للاستراحه رجعت وحطيت على يدها شوي ديتول ولفيته بقطعه قماش لين مايوقف الدم .. والحمد الله توقف بس ولو العرجه فيها ..

فا الله لايهينكم ابى مساعدتكم بالموضوع وابيكم تفيدوني وش اسوي فيها وهل احنى رجلينها .. علماً بأن دايم يركضها زميلي بالنفود بس هالمره مدري ليه رحت فيها للبر والحصى ..

اخوكم / دحيم
عروق الدهنا
14/04/2007, 12:41 PM
اخوي دحيم يشرفني اني اول واحد رد عليك
اول شي الجرح هل هو قوي او انه مجرد حفات
اذا كان قوي فيه بودر علبته بيضا عند البيطري حط البودر واربط الجرح وحاول ان السلقه تكون على بلاط احسن من التراب
واذا كان حفات او جرح بسيط عليك بالحنا
هذا والله اعلم
ارجو اني افدتك

والسلام ختام
طلو
14/04/2007, 12:42 PM
اخوي عندي لك حل حط لها حنى ومعه خواجوا وشف وشلون يطيب الجرح بسرعه
هاوي سلق
14/04/2007, 12:48 PM
عليك بالبودرة البيضا والرش الازرق
هاوي سلق
14/04/2007, 12:49 PM
عليك بالبودرة البيضا والرش الازرق
واذا كان الجرح كبير خذها للبيطري يمكن تحتاج خياطه
وياليت انك تصور الجرح وتحط لنا صورته افضل
وسلامات
(القناص)
14/04/2007, 01:48 PM
البخاخ قبل كل شي للتعقيم
ثمن كان الجرح قوي خطه وكانه بسيط ماعليها خوف انشاءالله
بس لا تطلعها الا الين تطيب
عبدالرحمن السالم
14/04/2007, 01:53 PM
اخوي دحيم يشرفني اني اول واحد رد عليك
اول شي الجرح هل هو قوي او انه مجرد حفات
اذا كان قوي فيه بودر علبته بيضا عند البيطري حط البودر واربط الجرح وحاول ان السلقه تكون على بلاط احسن من التراب
واذا كان حفات او جرح بسيط عليك بالحنا
هذا والله اعلم
ارجو اني افدتك

والسلام ختام

الله يشرف مقدارك وبيض الله وجههك .. لا والله اخوي عروق الدهناء الجرح مب قوي والله بس حافر رجلها تقشر بس الحين كأنه تحسب بس ولو العرجه فيها .. وان شاء الله بنفذ كلامك أخوي ..

والله يجزاك ألف خير دنية وأخرة ويطول بعمرك يارب ..

أخوك / دحيم
عبدالرحمن السالم
14/04/2007, 01:58 PM
اخوي عندي لك حل حط لها حنى ومعه خواجوا وشف وشلون يطيب الجرح بسرعه

هلا والله طلو .. وصل الله يسلمك ومشكور ألف شكر لك يالغالي .. ولاهنت وعساك دوم سالم ..

خيك / دحيم
عبدالرحمن السالم
14/04/2007, 02:01 PM
عليك بالبودرة البيضا والرش الازرق
واذا كان الجرح كبير خذها للبيطري يمكن تحتاج خياطه
وياليت انك تصور الجرح وتحط لنا صورته افضل
وسلامات

هلا والله ومسهلا أخوي هاوي سلق .. الله يرضالي عليك لا والله يالغالي الجرح بسيط جداً بس اللى خوفني عليها انها تعرج بس يمكن من وجهه يد اتوقع لكن راح امشي على شورك بأذن الله .. وبأذن الله بصورها لك ان شاء الله ..

لاهنت ابوي وعساك دوم سالم ..
عبدالرحمن السالم
14/04/2007, 02:32 PM
البخاخ قبل كل شي للتعقيم
ثمن كان الجرح قوي خطه وكانه بسيط ماعليها خوف انشاءالله
بس لا تطلعها الا الين تطيب

هلا والله ومسهلا أخوي المقناص بأذن الله بعقمها وبسمع كلامكم كلهم ولا ابشرك الجرح بسيط مره

ولاهنت اخوي وعساك دوم سالم .

أخوك / دحيم
sasasasas
14/04/2007, 09:11 PM
اخوي بنج الازرق يفي بالحل
سلطان العوني
14/04/2007, 09:26 PM
اخوي عليك بالنج والحنا
ولا عاد تركضها في بر الا وانت محنيها
القحطاني505
15/04/2007, 06:49 PM
اخوي دحم بضيف على الشبابب انك تحط حنء وبخاخ الازرق وياليت تحطها بقفص ولاتخاف ان شاء الله اسبوع وتخلص
مورد القيفان
16/04/2007, 05:11 AM
اخوي دحيم الجرح صابها لان خويك ماعود السلقه على الحصى وهي جروه وهذا اكبر خطى وهذي النتيجه يوم ركضت بالحصى انجرح ماطاها لاكن حاول تعودها على الارض العاديه مو النفود دامها جروه
وبالنسبه للجرح ماقصرو اخواني
القاسمي
16/04/2007, 10:45 AM
السلام عليكم ورحمة الله وبركاته
حياك الله اخوي دحيم بالنسببه لأصابات السلق عموماً دام ما فيه كسر ما يضر السلق عليك بالبخاخ الازرق الموجود عند البيطري
وسلامتك
شيخ الخوالد
16/04/2007, 11:55 AM
احسن حل خذها للبيطري

ولا تعالجها بنفسك

والبيطري ان شاءالله بعالجها