استفسار عن Garmin Nuvi 660 . نبي الفزعه يا الطيبين

[كاسح البراري]

لأدي استفسار عن Garmin Nuvi 660 :



عندي نية بشراء Garmin Nuvi 660 الذي يحتوي على خرائط أوروبا بعدة لغات (العربي ليس من ضمنها), بالأضافه الى وجود مدخل خاص لذاكرة ذات مقاسات عالميه معروفه تسمى (Secure Digit). فضلا لا أمرا أريد الاستفسار عن ما يلي:



- هل هذا الموديل جيد.



- بالنسبه لخرائط البرية المتاوجده في السوق (خرائط الوديان, الروض, .... الخ) والمخزنة على ذاكرة صغيره شبه مستطيلة (أعتقد أنها معروفه). هل يمكن نقل المعلومات من هذه الذاكره الى الذاكرة الأخرى (Secure Digit) لكي يمكن تشغيلها على هذا الموديل (Garmin Nuvi 660)؟ إذا كان الجواب بنعم, أرجو وضع شرح مفصل لعمل هذه الطريقه.



نبي الفزعة يا الوجيه الطيبة. شاكرين لكم حسن دعمكم ومساعدتكم.

[سيف الناصر]

من ناحية الجهاز فالجهاز جدا جدا ممتاز ولا عليه اي شي الا اللهم ان خرائط البر لايمكن تحميلها عليه .
في الحاله هذي تقدر بس تحميل الخرائط الاصليه حق قارمن وهي بالنسبه للمدن ولا اروع بس ماتنفع للبر ابدا وبعدين البرنامج مانزل قيمته الا من قريب لانه يقولون ان الاصدار الرابع قرب ينزل ولما ينزل الاصدار الرابع بيرتفع قيمته مره ثانيه.

[كادبورى]

صباح الخير

بالنسبة للجهاز بموديلاته جبار ابصراحه انا عندى موديل 670 للمدن وفيه مواصفات فظيعه ابصراحه من شبكه مع التلفون فى البلوتوث تلقائى لما تركب السياره يتعرف واترد منه من غير استخدام الموبايل وتقدر تحط اى احداثية تبيها يعنى هم ينفع للوجهه الى تبيها لكن خرائط بريه ودباية للاسف لا ما فيه لكن لما تاخذ احداثية من ربعك يوديك لها بس بخط مستقيم وانت عليك العد التنازلى للوجهه الين توصله الموديل الى قبله اعتقد 310 فيه منه عربى بس ناسى الموديل وموجود فى المنتدى لو تبى تتأكد وسلامتكم جميعا
سلام

[كاسح البراري]

الله يعطيكم العافيه يا شباب وجزيتم خيرا.

- وكيل قارمن قالي وبصفة ودية (ليس رسميه) أنه بالأمكان تحويل خرائطنا البرية المعروفة من الذاكرة الحالية المعروفة الى ذاكرة القارمن (SD) بحيث يمكن استعراضها على هذا الموديل بس ما يعرض الكلمات العربيه. ويقول علشان تسوي الموضوع هذا كله تحتاج شخص خبير في الشغله هذي. يمكن يقولي الكلام هذا علشان أشتري الجهاز!!!!!!

- زي ما هو معروف الموديل هذا غالبا تكون خرائط أوروبا محملة عليه, طيب اذا بغيت أحمل خرائط ذات سعة تخزينية عالية (لا تستحملها الذاكرة) مثل خرائط أمريكا الشمالية, هل من الممكن تحميلها على الجهاز مباشرة. حسب ما أعرف أنه ما يصلح لأن الموديل الجديد اللي بينزل السوق قريب Garmin Nuvi 680 تكون خرائط أوروبا وأمريكا الشماليه مخزنة عليه. أرجو الأفادة في هذا الموضوع ولكم جزيل الشكر والتقدير.

[كادبورى]

بالنسبة لموديل 680 موجود حاليا فى السوق العالمى بس اعتقدانه ما يصلح لنا هنيه حسب علمىوهو لسبب الفرق بين الموديلات الى قبلهم انا عندى 670 وهو منزلين فيه خريطة اوروبا وامريكا بدون كرت لكن 680 نفس الشئ فيه خريطة اوروبا وامريكا اضافة عليه شغله انه فيه ميزة ماسنجر حق الايميل يعنى ممكن يشبك انترنت او شئ من هذا القبيل مانى عارف الىعندى 670 فيه بلوتوث وهذا حده اضافه عاد مميزات كثيره وفيه الاخوان كاتبين عن هالشئ مشكورين لكن بالنسبة انك اتنزل عليه خرائط برية انا ودى بهالشئ ونشهد انه بيطلع جهاز ما بعده جهاز

[مخرب طلعات]

أفيدونا يا أخوان ترانا محتاجين