ابي منكم نصيحة جزاكم الله خير بخط السفر..الى المشاعر المقدسة

[الاعصاري]

السلام عليكم ورحمه الله وبركاتة


اخواني ابي اعتمر وان شاء الله بسافر للمدينة المنورة ثم مكة المكرمة

وابي شوركم في خط السير


عندي سؤال عن طريق القصيم الي يودي للمدنية هل هو أتجاهيين مثل خط مكة

فيه محطات على طول الخط للبنزين

كم المسافة بالكيلو من الرياض الى المدينة عن طريق خط القصيم وكم ساعه ياخذها الشخص بهذا الخط

خط سيري الأول بيكون ان شاء الله كالتالي

الرياض ____القصيم____المدينة___مكة___الطائف____الرياض


وخط السير الثاني

الرياض___الطائف___مكة__المدينة___مكة___الطائف___ال رياض


وش تنصحوني الله يجزاكم خير

ووش الأسهل الخط الأول والا الخط الثاني



وجزاكم الله خير,,,وحفظكم في حلكم وترحالكم


اخوكم في الله ماعمره سافر وتوني مالي خبره بالحياة
واطمع في شوركم وخبرتكم بالحياة

[مكحل الحنشان]

انا انصحك يا خوي الاعصاري بالطريق الاحمر اللي هو

الرياض ____القصيم____المدينة___مكة___الطائف____الرياض
لانه بحسبه سريعة بيكون مجموع المسافة المقطوعه هو 2000 كيلو وبعدين ولا طريق راح يتكرر معك يعني بتطلع من شمال الرياض وبترجع من غرب الرياض
بس الطريق اللي من القصيم الى المدينه على خبري وانا مهوب متاكد انه انتهى وصار رايح جاي( سيدين ) بس المحطات يقولون قليلة

اما الطريق اللي الازرق ما انصحك فيه اللي هو

الرياض___الطائف___مكة__المدينة___مكة___الطائف___ال رياض
لانه بحسبه سريعه بيكون المجموع هو 2600 كيلو يعني فرق ليس بسيط ابدا عن الطريق الاحمر
وبعدين الطريق راح يكون ممل لانه نفس الطريق بالروحه والجيه

ولو انا مكانك ما افكر ابد بالطريق الثاني لاسباب ذكرتها بس اهم شي اسويه ان الطريق اللي من الرياض الى المدينه اخذه بالنهار يعني لازم احرك من الرياض قبل الساعة 10 صباحا عشان يمدين اوصل المدينه قبل مغيب الشمس

وقبل كل شي استخر وتوكل على الله وترى الديرة امان ولله الحمد
وسامحنا على القصور

[الاعصاري]

الله يجزاك خير اخوي مكحل الحنشان على المعلومات

والظاهر ان الخط الاول افضل لكن نبي معلومة أكيده عليه


شكرا لك على ردك الطيب حفظك الله طال عمرك

[الاعصاري]

شباب اكسبو الاجر فينا وافيدونا عن الخط هل انتهى او بعد

[هاوي الله]

خط سير ثالث وش رايك ؟

هو = الرياض === الطائف === مكه === المدينه === القصيم === الرياض

عمره وتمشيه والله يوفقك ,,

[الاعصاري]

اخوي هاوي هدد
لو مشيت على الخط الثالث ما راح اقدر اصلي الجمعه في الحرم

انا مخصص للسفريه 3 ايام فقط ماقدر ازود عنها

يعني اول شيء ابي المدينة اصلي بها ثمن على مكة اعتمر يوم جمعه ثمن ارجع للرياض

لكن الي ابيه طال عمرك رجال يعلمنا هل خط القصيم المدينة انتهى وصار سيديين

وشكرا على ردك طال عمرك

[البّري]

اخوي الاعصاري

حياك الله
اخوي تبي تروح لمكة وانا اقول لك رح من هالطريق
الرياض القيصيم 370كم
القصيم المدينه 475كم ...... ( انتبه لامن الطرق تراهم بكل مكان فلا تسرع )
المدينه مكه بحدود ال400كم
الطريق كله سريييييع وفيه محطات ولا عليك خوف ان شاء الله

العودة
مكه الطائف 90كم
الطائف الرياض900كم

الطريق كله سريييييع وفيه محطات ولا عليك خوف ان شاء الله

اختياري لخط السير هذا بسبب انه مرور غير مكرر وغير ممل ومعالم جديده لك واقصر مسافة من الخط الثاني اللي انت طرحته


انت صاحب القرار ولكن هذا طلبك من اخوتك وهذا طرحهم من واقع تجربة

تقبل من اخيك ... البرّي ... خالص الدعاء بالتوفيق والسلامة والقبول

[الاعصاري]

الله يجزاك الف خير اخوي البري على المعلومات

حسبتها طلعت 2235 كيلو متر والله يعيين على الخط

الف شكر لك طال عمرك والله يجزاك الف خير

[ibnalhaithem]

اممممممممممممممم



الشباب ماقصروا ،،، ونصايحهم في محلها




أنا مريت الموضوع وقلت لازم أرد ،،،،


لأني أحس أن السؤال موجه لي مباشرة


أنا ياخوك من أهل المدينة المنورة وعملت في الرياض سنتين ،،، ومشيت الخط اللي تقول لين تقطع ظهري منه

وأنا الآن أعمل للسنة الثانية في الطائف ،،، وأنزل للمدينة تقريبا أسبوعيا ،،،، وحافظ الطريق مثل راحة يدي ،،، وكنت في فترة النقل للطائف أتنقل في الطريق من الطائف للرياض

يعني مايمكن أترك موضوعك من دون ما أساعدك

شوف حبيبي
،،،


أنا ما راح أضيف على مشاركة أخوي البري شي جديد ،،، فخذ بشوره ولا تشاور

يعني انصحك تعبي بنزين من الرياض ،،، وخذ مويتك والمكسرات ومايلزم ،، ولاتوقف إلا في القصيم ،،في محطة كبيرة اسمها محطة طريق الرياض السريع وهي أحسن محطة في الطريق وتراك تلقاها في الراجع ،، ولا إن كنت بتوقف في المحطات في الرايح انت بكيفك وأنا ماأوقف إلا في المحطات الكبيرة في السفر وهذي قاعدة أنصحك بها ،،، لكن لاتتجاوز القصيم من دون ماتعبي بنزين وانتبه

وبعدين خلك على نفس خطك ولا تردك إلى المدينة والمسافة من القصيم للمدينة مثل ماقال أخونا البري في حدود 470 كم ،،، وإن كنت تحتاج توقف قبل المدينة ترا قبل المدينة ب100كم توجد محطة اسمها العاليات فوق كبري الحناكية وتراها نظيفة ،،، وان مااحتجت توقف ماله داعي توقف كمل على المدينة ..... واجمالي الطريق يقع في حدود 800كم ،،،،

صل في الحرم ،،، وبعدين امسك طريق مكة ،وتبعد مكة عن المدينة 410كم ،،،

أدخل مكة وصل فيها الجمعة وبعدين امسك الطريق الموصل للطائف ،،، ويسمى طريق السيل ويبلغ 120كم ،،،

وانتبه له ترا بعد 80كم تجي ملفات خطيرة وفيه تريلات وبعض الناس الله يهديه سواقتهم مش حالك ،،، على العموم ما أبغى أخوفك بس انتبه

عموما 120كم وانت في الطائف ..

وبعدين امسك طريق الطائف الرياض ويقع في حدود 800كم (هكذا أظن )
وتصل بالسلامة ،،،

عموما لا تمشي بالطريق لحالك تراك تمل وتنام ،،، خذ معك رفيق يسولف عليك وويونسك ،،،، ولو إني عندك أخاويك .....


وترا ما نسمح لك تتجاوز المدينة وماتمر علينا :no2:
أنا نازل المدينة الاسبوع هذا ، وحياك الله

والله يوفقك ، ويتقبل منك .


وأي خدمة تراني بالخدمة



..

[ibnalhaithem]

نسيت أضيف



بين المدينة ومكة توجد محطة ساسكو وهي أفضل محطة بالطريق ،،،


وتبعد عن المدينة 170كم ،،، وأنصحك تعبي منها


والطريق مليان محطات وخدمات



والله يوفقك

[الاعصاري]

اخوي الكريم ibnalhaithem

ألف شكر طال عمرك والله انك ماقصرت ويشهد الله اني ادعي لك من كل قلبي

حفظك الله طال عمرك ونصايحك راح تنفعني بأذن الله

الف الف شكر طال عمرك والله يحفظك ويوفقك

وبعد الفجر ابحرك ان شاء الله


حفظكم الله جميعا وانا شاكر لكم

استودعكم الله الذي لاتضيع ودائعه
في امان الله نشوفكم على خير