الديعجان
18/04/2007, 11:06 AM
قال الشاعر الكبير عبدالله الأشقر ( شاعر الجبلين ) رحمه الله هذه القصيده في حائل وانقلها لكم وأرجو ان تحوز على رضا الجميع : ـ
حوراء سنا نوره بسحر البها سار= باهر بها أطفا بها جملة الحور
طلت وهلت وأهمل الوبل مدرار=يبكي سماه ويضحك الورد مسرور
غنّا غنوج ٍ تبتسم لك بالأزهار=عبيرها مسكٍ وعنبر وكافور
تشكلت فيها الروابي والأشجار=لبسة حللها زينة القد والطور
فاحة روايح ريح روحه والأثمار=نشوة شذاها تنعش الروح بعطور
عليلها يشفي عليله بالأسحار=ترقص غصونه بالصباء تيه وغرور
دان ٍ جنا جناتها الخضر وجوار=طربٍ بها البلبل يغرّد لشحرور
تكاملت وأمست محطٍ للأنظار=صيغت بها الأشعار نظم ٍ ومنثور
ناديتها بخضوع وجلال وإكبار=مستسلم ٍ هايم ولو مت معذور
بالله يانور العذارا والأقمار=من وين يابدر ٍ تكامل بديجور
قالت سنا شمس العرايس والأقطار=تاج الجمال ومنتهى الحسن والنور
أهلي رجال المجد وافين الأشبار=لطّامة العايل فنا كل طابور
ياما تفانوا وأرخصوا غال الأعمار=من شآن شآني وأسمي اليوم مشهور
حايل فخر شمّر هل الدار والجار=يوم اللقا صبيان حايل علي سور
قوم ٍ ليا قاموا هل الدار للدّار=تفرح بهم عيني وأفاخر هل الدور
قوم ٍ تجيب الضيف لكتار وبهار=طبع ٍ تواصوا فيه غيّاب وحظور
يادار حاتم لو تنحيت مقدار=القلب بين الحمر والسمر مآسور
دار ٍ نشينا به مواليد وكبار=حقّه كبير وعقّها زور وفجور
أم ٍ لنا نفخر بها سر وجهار=أهل الجبل دونه سبيل ٍ عن الجور
ياما وطوا دونه من النار والحار=أحدٍ فنا وأحدٍ بذل كل مذخور
ارجوا أن تعجب القارئ الكريم
وتقبلوا تحيات اخوكم الديعجان
حوراء سنا نوره بسحر البها سار= باهر بها أطفا بها جملة الحور
طلت وهلت وأهمل الوبل مدرار=يبكي سماه ويضحك الورد مسرور
غنّا غنوج ٍ تبتسم لك بالأزهار=عبيرها مسكٍ وعنبر وكافور
تشكلت فيها الروابي والأشجار=لبسة حللها زينة القد والطور
فاحة روايح ريح روحه والأثمار=نشوة شذاها تنعش الروح بعطور
عليلها يشفي عليله بالأسحار=ترقص غصونه بالصباء تيه وغرور
دان ٍ جنا جناتها الخضر وجوار=طربٍ بها البلبل يغرّد لشحرور
تكاملت وأمست محطٍ للأنظار=صيغت بها الأشعار نظم ٍ ومنثور
ناديتها بخضوع وجلال وإكبار=مستسلم ٍ هايم ولو مت معذور
بالله يانور العذارا والأقمار=من وين يابدر ٍ تكامل بديجور
قالت سنا شمس العرايس والأقطار=تاج الجمال ومنتهى الحسن والنور
أهلي رجال المجد وافين الأشبار=لطّامة العايل فنا كل طابور
ياما تفانوا وأرخصوا غال الأعمار=من شآن شآني وأسمي اليوم مشهور
حايل فخر شمّر هل الدار والجار=يوم اللقا صبيان حايل علي سور
قوم ٍ ليا قاموا هل الدار للدّار=تفرح بهم عيني وأفاخر هل الدور
قوم ٍ تجيب الضيف لكتار وبهار=طبع ٍ تواصوا فيه غيّاب وحظور
يادار حاتم لو تنحيت مقدار=القلب بين الحمر والسمر مآسور
دار ٍ نشينا به مواليد وكبار=حقّه كبير وعقّها زور وفجور
أم ٍ لنا نفخر بها سر وجهار=أهل الجبل دونه سبيل ٍ عن الجور
ياما وطوا دونه من النار والحار=أحدٍ فنا وأحدٍ بذل كل مذخور
ارجوا أن تعجب القارئ الكريم
وتقبلوا تحيات اخوكم الديعجان