المساعد الشخصي الرقمي

مشاهدة النسخة كاملة : افضل شعيب بالنسبة لاهل الرياض وين ياجماعة


ضحية بيشة
19/04/2007, 04:21 AM
السلام عليكم

يااخوان اتصل بي قريب وقال لي انه كان خارج الوطن الاسبوعين الماضيه وحاب يطلع الجمعه يشوف السيل

وين برايكم اقوله يروح وخاصة الجديد من المطر هل اقول له يروح جهة مرات ولا حريملاء ولا خريم ؟

وتقبلو تحياتي
اطلال نجد
19/04/2007, 07:54 AM
الاخ راعي بيشه بعد السيول الاخيره ارى التوجه جهه مرات - ثرمدا وحول هذه المدينتين شعبان ووديان جميله جدا بعد هطول الامطار وهناك بحيره كبيره وجميله قريبه من ثرمدا بين النفود جهه الشمال تقريبا تسمى القاع 0 وبالتوفيق انشاء الله0
جرير الشاعر
19/04/2007, 09:06 AM
زميلك هذا معه أهله أو مع شباب

بالنسبة للأهل ما يمكن يبعد لأنه بيرجع بعد المغرب أو العشاء

لذلك فيه شعيب ببان شمال الرياض وممكن يروح له من عند المطار

وإذا بيبعد شوي يروح شعيب دقله 80 كم شمال الرياض

وقبله شعيب ملهم وحريملا

وفيه شعيب الحيسية بعد العيينه على طريق صلبوخ القديم قريب جدا وما فيه كثافة ناس


أما مع الشباب

أنصحه بشعيب المساجدي قبل روضة خريم على اليسار مع طريق التريلات

أو روضة خريم نفسها وشعيب غيلانه شمالها


جنوب الرياض فيه شعبان حلوة مثل العين غرب الدلم

والخرج فيها مناطق حلوة
ضحية بيشة
19/04/2007, 03:44 PM
اطلال نجد جرير الشاعر مشكورين جدآآآ على المعلومات وبصراحه لازم الواحد يروحلها كلها