تسجيل الدخول

مشاهدة النسخة كاملة : اذا بنشر الكفر .. وما معك عفريته .. ويش الدبره ؟؟


مدور ربيع
19/04/2007, 12:15 PM
السلام عليكم ..



كثير مايصادف الكشاته امور غير متوقعه !! وكثير ما ينسى الكشاتي امور اساسيه , اظن بسب كثرة الاغراض يحصل هذا ..

واذكر كنا كاشتين , وحصل للسياره بنشر , ويوم بغينا العفريته الا ايدينا والخلا !!

السياره قديمه وراعيها مامن ذاك الحرص !!

المفيد .. بعد عدة مداولات .. وبعد عدة اصليه المانيه :D ,, عثرنا على حل منااااسب :cool:


جمعنا احجار كبيره متساويه .. وسوينا مدرج صغير ,, بحيث يصعد عليه الكفر المبنشر (( ارتفاع المدرج 30 سم ))

وبعد ماصار الكفر فوق المدرج تماما ,, حطينا تحت المقص حجاره اخرى

ثم حلينا صواميل الكفر ,, وبدينا نحفر الارض تحت المدرج ,, لين نزل المدرج , وصار المقص هو اللي رافع الكفر

وبعد ماركبنا الكفر ,, قمنا نهز الموتر لين طاح الحجر اللي تحت المقص ,,

وعقبها دقينا سلف وتوكلنا , والعفريته الحجريه تبرعنا بها للخلا .. :D
مكحل الحنشان
19/04/2007, 10:37 PM
والله الصراحة ما بعد حركتم حركة الصراحة فكرة رائعة
بس انا لو مكانكم بسوي حركة قريبة لحركتكم اللي هي

ابجيب حصيان كبار وحطهن تحت الدفرنس وبعدها بروح احفر تحت الكفر بالضبط بحيث ان السيارة تبدا تنزل بالتدريج بس بيردها الحجر اللي حاطه تحت الدفرنس وبعدها بيصير الكفر المبنشر متعلق يعني الوضع بيصير وصخ ومتعب بس الشكوى لله

وشوكرن
مدور ربيع
20/04/2007, 09:58 AM
هلا اخوي مكحل الحنشان ..

طريقتك صحيحه .. بس اتوقع بتكون متعبه اكثر ,, لانها بتأخذ وقت وجهد

وسالفة المدرج اسرع وتناسب الاراضي الصلبه والسهله


تسلم اخوي مكحل ولاهنت على المشاركه
مارشال
20/04/2007, 10:08 AM
ذي !

اييييييييييييييييييه قديمه
مخرب طلعات
20/04/2007, 12:30 PM
جزاكم الله خيـــر

قديـــــــــــــــــــــــــــمـــــــــــــــــــ ــــــــــــة
ابن بدران
20/04/2007, 02:14 PM
وعليكم السلام
الله يجزاكم خير
صارت معنا وعلقنا السيارة على قشعة جهة الكفر المبنشر وشوي حفر
وبعد ما غيرنا الكفر اشبك الدبل الكبير ويطلع الموتر
المليار
20/04/2007, 03:27 PM
طيب وإذا كنت على أرض صبخة كيف تحفر للسيارة إذا رفعتها مثل طرقتك :rolleyes:

على ذا الحال لازم يكون معك عتلة احتياط :confused: يعني ما كو فايدة .
عاشق السيل
20/04/2007, 05:17 PM
الحاجة ام الإختراع !!!

فكرتكم حلوة وإن كانت قديمة عند البعض لكني أول مرة أسمع فيها لأني ولله الحمد من الناس الحريصيييييييين قبل الطلعة ...

بيض الله وجهك أخوي على الطرح وتقبل مروري ،،،،
مدور ربيع
20/04/2007, 11:03 PM
ابن بدران .. الله محييك

وسالفه الدبل حل ممتاز لسيارات الدفع الرباعي

لاهنت



المليار ...

اخوي اذا بنشر الكفر , فتقدر تمشي عليه لمسافات قريبه , يعني شف لك ارض مناسبه , قبل لاتغير الكفر , واذا كان مافيه مجال , فعليك بالرمل الناشف
اكيد بيحل المسأله

حياااااااك


عاشق السيل ..

تسلم اخوي على ذوقك ولطفك , والفكررره طرحت لمن يخفاهم هذا الشيء

واما الناس القديمه فالافضل انها تقووول خيررر او تصمت (( استر لها )) لانها غبار في غبار هي وسواليفها (( اقرب مالهم شيبان المشراق , شذب بالرايح والجاي , وقل نفع !! ))

لاهنت وشرفني مرورك
شامخ ألهيلا
21/04/2007, 02:07 AM
اشقل الموتر على عقم وخله يتعلق على 3 كفرات ورفع السياره بيدك بتصير تلعب على كفرتين
مقطع شفته في فلم امريكي قديم
ملك المقناص
21/04/2007, 02:40 AM
يعطيك العافيه
حنوش
21/04/2007, 02:42 AM
شكرا على الجهد الطيب
مدور ربيع
21/04/2007, 05:14 PM
محيميد 2005
حياااك اخووي , وطريقة العقم معقوله , لكن فيها نوع من المجازفه
لاهنت


ملك المقناص

الله يعطيك العوافي , ولاهنت


حنوش

شكرا على المرور الطيب

ولاهنت
سلطان العوني
21/04/2007, 09:55 PM
فكره طيبه من وجهه طيب
شليويح السر
21/04/2007, 10:24 PM
اشقل الموتر على عقم وخله يتعلق على 3 كفرات ورفع السياره بيدك بتصير تلعب على كفرتين
مقطع شفته في فلم امريكي قديم

انت رررررررهيب
MAX_502
22/04/2007, 11:32 PM
فكرة منتازة يعطيك العافية لكن هل تضرر الموتر ؟؟
شبح طويق
23/04/2007, 03:25 PM
بنشر الكفر ولا معي عفريته وانا على سفر ويوم ركبت الكفر اقرب محطه لقيتها على بعد 20 كيلو الطريقة افهموها زين

الكفر المبنشر نضع امامه عدة حصوات ثم نحرك السيرة على شوي شوي حت الجنط يرقى عليها بعد ذلك نضع حجاره او حجر تحت السست او الدفرنس علشان نتكي السياره عليها
اذا تكيناها مضبوط نبدء نخلخل الحجارة وابعادها من تحت الكفرو بيكون الكفر غير ملامس للارض ثم نبدء بفك الجنط ونركب غيره
بعد مانركب الكفر كيف ننزل السيارة ؟
بسيطه ننزلها نضع حجاره تحت الكفر وامامه وتكون على مستوى الكفر لازقه به والتي امامه مرتفعه قليلا بحيث نحرك السياره الى الامام وترتفع ويكون الحجر الذي تحت الدفرنس غير ملامس لدفرنس
بعد ذلك نزيل الحجر الذي تحت الدفرنس ثم ننزل السياره .
مدور ربيع
24/04/2007, 12:07 PM
هلا اخوي ماكس ..

تسلم على الاطراء .. ومن ناحيه تضرر الموتر .. فما لاحظت ضرر واضح
لاننا مرجحنا الموتر يدويا .. يعني مخوش بسيطه ماتذكر
حياااااااااااااااااااااااااك




شبح طويق ... حيااااك اخوي

والفكرة مثل ماتفضلت بالزبط .. لاهنت على التوضيح
شاكر لك المرور
ابو ســــاره
24/04/2007, 12:54 PM
ترى عضلات الفخذ لها قوة عجيبة في الرفع .
تنسدح على ظهرك وترفع الموتر بكراعيننك واذا انت نشيط وراعي مشي ورياضة تراك تبي تقل الموتر من محله بعد .
الطريقة مجربة بس لا يصير معك واحد نحوت ( ينضل يعنى )
مدور ربيع
24/04/2007, 01:18 PM
ابوساره .. هلاوين

((( الطريقة مجربة بس لا يصير معك واحد نحوت ))):D

هههههههههههههههههههههههه

اضحكتني اضحك الله سنك ,,

اخوي ابو ساره اتفق معك تمامأ بسالفة عضلات الفخذ وقوتها العجيبه !!

وذكرتني بسالفه قديمه .. صارت علي

كان معي ددسن 82 خربان فيها القير , مايشتغل الا بنمرة 2 ونمرة 4 وبدون ريوس !! ... يعني ماترجع للخلف الا بدف !

ومرة طالع اتمشى حول نفود , واغراني منظر الطعس , وقلت راقيه راقيه الله لايعوق .. وبالفعل قمت اطعس بالموتر وهو معشق بالثاني على طول

وبينما كنت سارحا" مع انحنأت الطعوس الجميله ,,:cool:

الا والقاء نفسي طايح بوسط نقره , على شكل حفره كبيره
واشب على الموتر , ويوم صرت بنصف الطعس , وهو يوقف الموتر :confused:

واريح هواه على الاخر , وابد احاول ادفدفه ماقدرت
ويوم جربت دفعه برجولي , شفته قام يتحرك , واكرر المحاولات لين جابه الله
بعد 4 ساعات من الدفدفه , وطلعت من النقره بيسر وسهوله

بس لعلمك قعدت 3 ايام ورجولي ترقل :D
عاشق VXR
24/04/2007, 01:33 PM
فكرة رائعة ..!!
جزاك الله خير ...
وبالنسبة لمن يضع تحت الدفرنس حجر ثم يحفر للكفر فإذا انتهيت من تركيب الكفر الاحتياطي فكيف تنزل السيارة ...
يعني تدفن مكان الكفر !!!
اعتقد الفكرة الاولى افضل ..
والله اعلم ..


ملاحظة لبعض الاعضاء / من تكون الفكرة عنده قديمة فليحتفظ برأيه لنفسه ويفتح المجال لغيره .. فقديم عندك جديد عند غيرك ..
شبح طويق
24/04/2007, 04:40 PM
السيارات الواطية ما يصلح ترجها لانها اذا طاحت تعلق بالحصاة وتدربا تحتها وتخرب كثير والطريقه سهله لكن اذا السيارة طاحت توهقت وابلشتك فالواحد يحرص على السيارة .السيارات الواطية السيارات الخصوصية واحيانا الهايلكسات والدداسن .
ابوالجازي
24/04/2007, 04:57 PM
السلام عليكم
بيض الله وجهك على الحرص فيما ينفع المكشاتيين من تجارب مفيده يا مدور الربيع وياليت الاخوان اللي يقولون قديمه يعطوننا من جديدهم علشان اذا سبقهم احد على طرح تجربه مايقولون قديمه
على فكره يامارشال وشلون تقول قديمه وانت ماقد مريت بمثل هالمواقف سياراتك كلها جديده ماشاء الله عليك الله يزيدك ولا ينقصك ولا اعتقد ان السيارات الجديده مابها عفريته
مدور ربيع
24/04/2007, 10:14 PM
سلطان العوني ..

هلابك اخوي وعذرا مانتبهت للرد ,, عسى الله يطول بعمرك ويعطيك العوافي



اخوي عاشق فكس ار ..

الرائع مرورك وتعليقك .. والله يجزاك خير ماقصرت ,, لاهنت وبنتضار تعليق صاحب الفكره
لاهنت وتسلم على حضورك



شبح طويق ..

حياااااك اخوي ,, وبالنسبه للحجر , حاول انه يكون صغير ومسطح , على شأن تقدر تحركه بسهولة
وقبل تحرك الموتر شيل الحجر , وتنتهي المشكله
لاهنت


ابو الجازي ..

الله يبيض وجهك دنياء واخره , وتسلم لي على كلامك المذهب , ويكفي ان بمكشات مثلك وشرواك
الله لايهينيك , ويشرفنا معرفتك , ((( اانتظر رقمك على الخاص ))) ولنا الشرف
الرهدن
24/04/2007, 10:49 PM
ياحليل سويليفاتكم ياالمكاشيت
كننا بكشته فعلآ00

يعطيك العافية أخوي مدور الغرابيل :D آسف مدور الربيع
أمزح الله يغفر لك ولوالديك ولكل مسلم.

.
مدور ربيع
25/04/2007, 05:01 AM
الرهدن .. هلا ورحب

هههههههه مدور الغرابيل .. عز الله صدقت !!

تبي الصدق ناقص طلحه وشعيب , ويصير مكشات اسم على مسمى

الله يغفر لك ولوالديك وجميع المسلمين

لاهنت على مرورك
محمد ابو بسام
27/04/2007, 06:34 AM
ملاحظة لبعض الاعضاء / من تكون الفكرة عنده قديمة فليحتفظ برأيه لنفسه ويفتح المجال لغيره .. فقديم عندك جديد عند غيرك ..

عين العقل وتسلم اخوي
شبح طويق
27/04/2007, 10:55 PM
وش رايكم عندي فكره جديدة طرقه درسناها في رابع ابتدائي ذراع قوه وذراع مقاومه بالمربوع وحجر
مدور ربيع
28/04/2007, 05:09 PM
محمد ابوبسام ... حياااااك ولاهنت


شبح طويق ... فكرتك حلوة !! نبي شرح مفصل مع رسم توضيحي << (( مكتب العمل على غفله )):d