مشاهدة النسخة كاملة : الي عنده باثفاندر يدخل بسرعه ::::::
الباث وبس
21/04/2007, 11:51 AM
السلام عليكم اخواني انا عضو جديد والصراحه شدني المنتدى بقووووه <<<< مالك من القرق الي ما منه فايده :)
المهم ما طول عليكم انا ناوي ان شاء الله اشتري باث 2004 :confused: :confused: ومحتار بين الفل قير عادي و توماتيك ما ادري ايهم احسن
ارجووكم اخواني افيدوني لاني عليمي :cool: بالعربي يعني ايهم احسن بالبر والمدينه العادي ولا تماتيك
وبعدين ابي مواصفات الباث 2004 فل كامل فتحه وش يجي فيه وارجوا اني ما اغلبكم معي وسلامتكم:D :D
اخوكم الباث وبس
راعي النيسان
21/04/2007, 12:05 PM
هلا اخوي الباث وبس .. وحياك الله بمشاركتك الأولى
انا معي باث فايندر 2004 .. فتحه في السقف
انا شريت قير عايدي وندمان الى الآن اللي ماشريت انمانك .. احد خوياي معه اتماتك والله انه راحة وعزم ما يحتاج ..
مو مثلي تقول هوشه مع القير من واحد الى اثنين الى الثالث المهم انها غلبة التعاشيق !!!!
خذ لك اتماتيك وريح نفسك .. الا اذا تقول ان 75% من وقتك في الطعوس خذ قير عايدي
وانتظر اخوياي في مكشات يمكن لهم راي آخر ولا رايحين يبخلون عليك بالمشورة
تحياتي
الباث وبس
21/04/2007, 12:26 PM
هلا اخوي راعي النيسان حياك الله
ههههههههههههههههه بس حلوه هوشه مع القير والله ناس شارو على بالعادي يقوولون اقوى واصبر وما ادري ايش بس انا للحين ما اقتنعت بالعادي بس لو فيه تماتيك وعادي زي الباترول وانا مغمض بشتريه والله يجزاك خير على التوضيح بس حبيت اسالك بالنسبه للبر انا راعي رقي مراقي خفيفه بس يعني هل يضر التوماتيك ولا لا؟؟؟ ووش الفرق بين الامريكي والالماني لاني لقيت واحد مواصفات المانيه ما ادري وش يبي<<<< وبعدين خرابات الباث كثيره ولا لا زي الشرووكي
وشكرا اتعبتك معي
راعي النيسان
21/04/2007, 01:14 PM
هلا اخوي ...
اسأل اي واحد معه فير اتماتيك وشوف وش يقول لك ... او اي واحد جرب الأتماتيك
انا واخوك والله ان العايدي باط كبدي ولكن اذا فات الفوت ما ينفع الصوت .. شريت عايدي وكان
اما لاالألماني والأمريكي ماعندي خبر عنها ؟؟؟؟
اما سؤالك عن الخرابات فهي لا تذكر قليلة جدا
تحياتي
salehhd
21/04/2007, 02:04 PM
السلام عليكم
معاي واحد 2004 قير تماتيك شارية من سنتين ونص تقريباً مسخدم كان ماشي 12 الف يو شريته
والموتر الان ماشي حول 65 الف والحمد لله مافي مشاكل والقير التماتيك ممتاز ومريح داخل البلد وفي البر اريح وعزمة ممتاز جداً
يفرق العادي عن التماتيك ب10 احصنة لصالح العادي فالتماتيك 240 حصان والعادي 250 حصان
بالنسبة للفرق بين السعودي والامريكي حسب علمي الدبل حق الامريكي كهرب والسعودي عادي وكذلك التجهيزات الداخلية لصالح الامريكي
فتوكل على الله وخذ عادي وانتبه بقرب من موديل 2003 وتحت يا 2004 او 2005
بالتوفيق ولا تنسى الاستخارة
مـدحـدر
21/04/2007, 02:12 PM
وانتبه بقرب من موديل 2003 وتحت يا 2004 او 2005
اخي ممكن تذكر لنا الاسباب !!!!!!
وشكراً
مستشار البير
21/04/2007, 03:31 PM
نصيحة ابعد عنه كانك من اللي يخلون المواتر أكثر من 100الف كيلو لأنه بيبدأينقص الزيت وشنبر ومكينة انت في غنى عنها
اثنين من اخوياي وظبوا مكاينهم
والثالث يطري ذا الأيام بدأ ينقص زيته
اسأل مجرب ولا تسأل طبيب
الباث وبس
21/04/2007, 03:57 PM
مشكور اخوي راعي النيسان على التوضيح وما قصرت جعلها من موازين حسناتك
salehhd شكرا اخوي بس انا سمعت ان 2003 دايم فيه خراب بالحساس هذا والله اعلم
مشكورين اخواني ابخص ومستشار البير وانا ناوي على تماتيك ان شاء الله والله يوفق
سؤال اخير مكيف الباث هل فيه خلفي ولا بس امامي وشكرا لكم جميعا
ولد الديرة
21/04/2007, 06:14 PM
استخر وتوكل على الله ....
نصيحه انحش عن العايدي خاصة إن كنت من أهل الرياض زحمات ما ينفع الا التماتيك
الخطوط الطويله ( حائل - الصمان - مكة ) ما ينفع الا التماتيك
التماتيك في البر ممتاز قطعتا فيه الدهناء العام الماضي و الحراره الثلث
2003 + 2004 + 2005 نفس الشيء تقريبا ميكانيكيا الماكينه 245 حصان تقريبا
انحش عن 2002 + 2001 لان المكينه فيها جنزير ؟؟؟ والمكينه 180 حصان
الحساس يحتاج نظافه سواء 2003 + 2004 2005 يعني تخسر 90 ريال فلتر هواء ولا حوالي 1700 حساس
وابعد عن نفخ الهواء عند البناشر و تغير الزيت لان مشاكله كثيره إذا بيتكرم يمسح بخرقه ويفك الفلتر وينظفه ويعاير ماء البطارية و الزيوت اما النفخ فلا والف لا ..
وفقك الله
الباث وبس
22/04/2007, 06:58 AM
حياك الله ولد الديره ولا يهونون باقي الاعضاء
الله يجزاك خير وانا ان شاء الله جازم على 2004 تماتيك والله يكتب الي فيه الخير
دمتم بود
escape_man
22/04/2007, 07:34 AM
اخوي الباث وبس
انا تجربتي قصيرة بالباث .. عندي 2005 قير تماتيك لكن ما استخدمه واجد وافضل الدوجي على الجمس
الموتر حلو ومريح وحجمه صغير لكن اتوقع مايصلح الا لواحد مثلي :D ... مقرشه ولا يطرق به الا جواد اسفلتية
يعني ياكورنيش الدمام ولا الخبر واذا جنب الاسفلت... يرفق عليه ويداريه مداراه عن البطانيج
الموتر قرقعته سريــــــــــــــــــــــــــــــــــــــــــعه ... شي في الطبلون وشي تحت الراكب وشي تحت البدي بس
مدري وين وكل هذا مع المحافظة.
ايضا وكالته وصيانتها موضوع ماله داعي نخوض فيه لان ريحتها فايحه ومانبيها تاصل هنيا
جربت قبله التويوتا واشهد انه موتر ومع سوء البرادو الا اني افضله الان واقول::
الا ليت الزمن يرجع واراويه ان الليالي تدور
الزبده:
كان قريشاتك قليلة فتوكل على الله والعيوب والمميزات عند وانت بصرك :mad: ومالي دخل فيك.
وان قدرت على التويوتا فبها ونعمة :good:
باثفندر
22/04/2007, 12:17 PM
http://www.mekshat.com/pix/upload/sign/images/mk41765.gif
2004 نعم الاختيار
انا ما اشوف فرق بين العادي والاتماتيك من ناحية العزم عندي عادي وخوي عنده اتماتيك سقته كم مرة سواقته بالبر والديرة حلوه ( خذ
اتماتيك ) ولاتحسف زيي .
salehhd
22/04/2007, 12:29 PM
اخي ممكن تذكر لنا الاسباب !!!!!!
وشكراً
السلام عليكم
موديل 2003 مثل ماذكرو الاخوان فية مشكلة الحساس وقيمته فوق 2400 ريال حسب ماسمعت وكذلك الطبلون عادي والفرش
موديل 2004 و2005 طلبون زينون وتغير الفرش الداخلي حق الموتر
موديل 2002 وتحت مايعاب علية سوى عزمة اضعف من الجديد فمكينته 3.3 لتر و180 حصان مقابل 250 حصان لل2004
كذلك الجهزير تبعه ربل ويحتاج تغيير كل 100 الف
والحقيقة هذا لايعيب الموتر واعرف ناس عندهم موديلات 2000 وفوق ويمدحون فية ومالهم نية يبيعون
ولاكن في حال توفر قيمة 2004 لماذا ياخذ موديل قديم
اتمنى اني وضعت قصدي ولك تحياتي
الباث وبس
22/04/2007, 01:18 PM
مشكورين اخواني نورتو الموضوع
اخوي
escape_man
والله القريشات والمه بس اخوي انوه اني شاب توي يعني:D فرح بعمره ذا<<<< خخخخخخ
ما ابي موتر كبير ولا التويوتا ما ينعاب بس الباث احلى للشباب زيي :j لا تجي جزم بس خخخخ
دمتم بود
الساهر2003
06/05/2007, 07:58 AM
السلام عليكم ورحمة الله وبركاته
اخوي الباث وبس المختصر الممل خذ باث 2004/2005 قير تماتيك Se-3.5 لا تاخذ المطور وعليك بالسعودي والعيوب معروفه والمراقا بشكل بسيط ماعليه يعطيك ولا تنتل عليه والي يقولك ان المكينة تنقص فهذا طبيعي جدا في مكاين النيسان المتاخرة ولو كان فيه مضرة فانظر الى الشكمان .....
والقرقعة ياحلوها عليه ياخي شفنا العيشة معه سقنا كل الجيوب ولا شفنا مثل راحته وخفت الطينه والنشاط وحلاوة الشكل والرفع المناسب واذا الله وفقك وشريت فراسلنا نفيدك بما يناسب الباث واول شي ركب بالون اذا راعي تحميل عفش وركاب وركب تانكي ماء وعندي واحد 2005 وماشي معي ويعطيك عمره اذا احتجت له في الشدات ولا يقول شي ونفسه خفيفة وعند البيع مثل التيوتا له رغيبة كثير
واكثر المشاكل في فلتر الهواء والحرارة ترتفع في التطعيس والشد الى الثلث ولك الى النص مافيه مشكلة والحرارة لها حل عند التطعيس نسم اقل من 20 وشف الفلة والفلتر كل ما مشيت 2000 فنظف الفلتر وغيره كل 70000 الف والحمد لله على كل حال
ولو ماتشب ظوو ولو انه مانقطع من المصنع لاشترى واحد من الوكالة ولو ب100000 ريال وكل ماركب معي احد من الشباب في سفر نام والمكيف يكفي نص واحد ثلج ثلج
واسف على الاطالة جالس اكتب وانا مستعجل
واي استفسار عن الباث او اللاند او غيره فحنا حاظرين لكل الشباب
والسلام ختام
بصراحة اخوي معه باث موديل 99 قير تماتيك
والله ان اخوي كارفه في الرمال ماعمره خرب عليه
لكن الافضل يكون قير عادي عليشان البيع اثناء البيع يكون ارغب
وعلشان مثل اذا ضعفت البطارية تقدر تدفه
والله الموفق
تحياتي
Powered by vBulletin® Version 4.2.3 Copyright © 2024 vBulletin Solutions, Inc. All rights reserved, TranZ by Almuhajir