اردنا شنطة واراد الله 400d

[Abu Saad]

السلام عليكم ورحمة الله وبركاته .
ذهبت اليوم لشراء شنطة ماركة سمسونايت .
توجهت مباشرة الى الوكيل الخاص بنفس الماركة ( ابوقرَاش) القريشي:) شارع العليا بالرياض.
طبعا القريشي هو نفسه وكيل كميرات كانون (للاسف الشديد):mad:
المهم دورت الشنطة المطلوبه ( ولانه وكيل داج ودايخ) مالقيت عنده الموديل المطلوب!
واشار علي بمحل شنط آخر ( غير القريشي) وقال بتحصل عنده جميع موديلات سمسونايت!
ماقلت لكم انه مهوب كفو وكالة!
المهم ( نغزني بليس) وقلت ورى ما أسأل عن كانون 400D :confused:
طلبت منه الكميرا اعلاه وقلبتها يمين يسار طبعا الكاميرا يابانية مئة بالمئة .
ومعها عدسة mm55-18 (العدسة تايوان!)
عموماً..
سعرالكميرا مع عدستها والشواحن = 3649 ريال.
قلت اذا سعرها نزل عنده كذا اكيد عند غيره ارخص وارخص!
وش رايكم في السعر ؟
وتتوقعون انه نزل عند غيره؟
وبكم؟


اخوكم
ابوسعد التائه!

لحظة ... نسيت حاجة !
وياليت اعرف هل المعلومة اللي عطانيها العامل في المحل صحيحة ام لا..
طبعا انا ماقد استخدمت كميرا احترافية ولا حتى شبه احترافية ..
سالته قلت الشاشة الخليفية تطلع فيه الصورة والا لازم اذا بغيت اصور اطالع من الفتحة الصغيرة ؟!
قال مالك الا الفتحة الصغيرة !
اما الشاشة الكبيرة فتضهر فيها الصورة بعد التصوير فقط:confused: ؟؟!!
هل كلامه صحيح؟

والسلام عليكم

[عبدالله الحصيّن]

كلامه صحيح .. والكاميره معروفه واحترافيه ما فيها كلام .. وهي سعرها تقريباً 3200 ريال

[فتى الدهناء]

هلا بك أبو سعد ..


بالنسبة للسعر .. ! ماأعجبني ..

يعني لو تزيده الدراهم شوي الى 4300 تاخذ لك
D 30 وتكون .. معك كمرة راقية .. وستخدمك كثيرا كمصور طبيعة وطيور .

والعدسة القياسية 55 - 18 مم .. ترا فيه أفضل منها .. يعني مهوب لازم اذا شريت الكمرة تشري العدسة اللي هم حاطينها معها .. لأنهم غالبا يتربحون من العدسة أكثر ..

;)

أما معلومة التصوير من خلال الفتحة الصغيرة ..فهي صحيحة .. يعني الشاشة في الإحترافيّات .. لعرض النتائج فقط

يازين الإس 3 .. بلا تبطّح بلا هم .. :p

بس برضو الإحترافيّة غير ..:good:

وحيّاك الله حبيبنا ..

[Abu Saad]

اخوي العازم شكرا على التنبيه وعلى السعر .

الاخ فتى الدهناء ... صراحة اعتبر هذا عيب ان الصورة ماتطلع في الشاشة الكبيرة قبل واثناء التصوير !

هل جميع الكميرات الاحترافية نفس النظام هذا؟

وهل 30d نفس الحركة؟

اذا كنت لا استطيع التصوير الا اذا ادعست عيني مع الفتحة الصغيرة صراحة شخصيا اعتبره مزعج وبدائي!

على كذا بيصير حول عيني مربع صغير ( وسم) من كثر التصوير!

آمل الافادة وشكرا لكم
اما بخصوص الاس 3 فمهيب شينة بس ماش انا في راسي حب ماطحن وماطاحنه الا 400d وانت طالع!!!

[النحاسي]

اخوي العازم شكرا على التنبيه وعلى السعر .

الاخ فتى الدهناء ... صراحة اعتبر هذا عيب ان الصورة ماتطلع في الشاشة الكبيرة قبل واثناء التصوير !

هل جميع الكميرات الاحترافية نفس النظام هذا؟

وهل 30d نفس الحركة؟

اذا كنت لا استطيع التصوير الا اذا ادعست عيني مع الفتحة الصغيرة صراحة شخصيا اعتبره مزعج وبدائي!

على كذا بيصير حول عيني مربع صغير ( وسم) من كثر التصوير!

آمل الافادة وشكرا لكم
اما بخصوص الاس 3 فمهيب شينة بس ماش انا في راسي حب ماطحن وماطاحنه الا 400d وانت طالع!!!

السلام عليكم ورحمة الله وبركاته



اما سؤالك فأن الكاميرات الاحترافية الـSLR التصوير فيها يتم عن طريق الفتحة الزجاجية فقط..حتى الـ30D

وهي افضل طريقة وستعتاد عليها) وهي افضل لعدة اسابا منها:-

اولا تنقل الالوان الطبيعة 100/100 وهذا مهم جداً

تقلل من استهلاك البطارية.

تجعل مسكتك للكاميرا (متقنة بحيث لاتهتز الكاميرا).

السرعة في التقاط الصور بدل من انتظار ظهورها في الشاشة.

صدقني ستتعود عليها جدا وستذكر هذا الكلام ..

[أبو غلا1551]

أخوي ابو سعد

سعرها في المواقع الاكترونية

• Body only: $799
•: $899 (with 18-55 mm lens)

والعملة دولار

لكن الفرق عنده ضمان كم سنة

الله يوفقك

[شامخ ألهيلا]

اردنا مرات واراد الله ضرماء

تذكرت الكلمه هذي من العنوان