المساعد الشخصي الرقمي

مشاهدة النسخة كاملة : حافظة طعام (ثلاجه) على الطفايه ..بس شكل ثاني!!


ابـو صا لـــح
22/04/2007, 12:38 AM
بسم الله الرحمن الرحيم
السلام عليكم ورحمة الله وبركاته

حافظه او ثلاجه تشتغل على الطفايه ومثل سلة القهوه والشاهي يعني سهلة الحمل وخفيفه ويمكنك وضعها بأي مكان بالسياره وتنزلها معك وتحفظ البروده لمدة طويله بعد ما تنفصل عن الكهرب وهذي بعض الصور..
انشالله تعجبكم

http://www.mekshat.com/pix/upload/images33/mk10945_dscn5662.jpg

http://www.mekshat.com/pix/upload/images33/mk10945_dscn5663.jpg

http://www.mekshat.com/pix/upload/images33/mk10945_dscn5664.jpg

http://www.mekshat.com/pix/upload/images33/mk10945_dscn5665.jpg

http://www.mekshat.com/pix/upload/images33/mk10945_dscn5666.jpg

http://www.mekshat.com/pix/upload/images33/mk10945_dscn5667.jpg



تقبلوا تحيات اخوكم ابو صــــالـــــح
ابو رمزي
22/04/2007, 12:52 AM
يعطيك العافيه اخوي
بالفعل رائعه


بس وين احصلها
وكم سعرها
راع الصمان
22/04/2007, 12:59 AM
هلا بك والله ابو صالح...
طبعا الاسئله المعتاده من وين ؟ وبكم؟ وكيف التبريد؟ وما هو مقاسها؟
مصختها...صح.
ربي يعطيك العافيه ابوصالح..بصراحه انها مسكته من ناحيه الخفه ولا تاخذ حيز بالسيارة..
تحياتي.
ولـد الدوادمي
22/04/2007, 01:06 AM
نفس ردود الاخواااااان؟
for
22/04/2007, 01:10 AM
الله يعطيك العافيه والصحه يابو صالح ....

لكن مدري احس انها مهيب عمليه هالقماش ممكن ينشق تبي ناس ناعمه تكشت على شاطئ والا حديقه مهوب عوشز يشق كفرات السياره ومطامر ... وبعدين وش الطفايه شكلك تقصد والولاعه;)
ملك المقناص
22/04/2007, 01:15 AM
يعطيك العافيه
ابـو صا لـــح
22/04/2007, 04:26 AM
ابو رمزي
راعي الصمان
ولد الدوادمي
for
ملك المقناص..
اول شي حياكم الله ويامرحبا ومسهلا..
ثانيا والله مدري هي موجوده بالسعوديه ولالا
لاني متواجد بديرة اعزكم الله بــوش بس صناعتها صينيه يعني اكيد انه ماتخفى على الـــــســنيــدي..
اما من ناحية الجوده والتبريد شي والله.. والسعه ياخذ حول كرتون ببسي او (تويس كامل;))
والسعر بــ 25 دولا (حول 90 ريال)

اخوي for بالعكس والله قماشه قوي ويتحمل بعدين لاحظ القماش الداخلي (حافظ للبروده)
وتراي اقصد الولاعه :D بس متعود اقول الطفايه ( ليش مدري ):confused:
سنبل
22/04/2007, 05:09 AM
الفكرة حلوة والله..
بارك الله فيك
بس لو تقدر ترسلنا
كم وحده....جرب
مسافر1
22/04/2007, 05:26 AM
تشكر أخي الكريم
على تلك المعلومة الجميلة ..
وهي في الوصف تحل أزمات ولا تأخذ حيز من السيارة .
BASSAM
22/04/2007, 07:36 AM
الصراحه ممتازه :good:

شكرا جزيلا لك




بسام
سلطان العوني
22/04/2007, 10:08 AM
شي طيب منك يا ابو صالح
والطيب ما يجيب الا الطيب


تحياتي يالغالي
azozy
22/04/2007, 10:36 AM
اخوي ابو صالح
السلام عليكم ورحمة الله وبركاته
اسأل الله لنا ولك التوفيق
ممكن اسمالشركة الصانعة و الموديل واي بيانات أخرى تساعد على البحث عنه بالنت
حفظك الله
درباس فرناس
22/04/2007, 09:49 PM
يعني ياابو صالح في ديرة بوش اعزك الله وقاعد تجيب لنا اختراعتهم الي ماتجينا الا عقب عشر سنوات وش قصدك تبي تقهرنا وبس ؟؟؟ :no:
يااخوي ترى حدنا شارع السبالة وإن تطورنا رحنا للسنيدي القصيم أو برق الحيا بالرياض ؟؟؟ :p
الا وش رايك تشتريها وترسلها لنا عن طريق البريد وتريح بالك من اسئلة المكشاتية . :D
ياربي يردك سالما غانما ويحفظكم ربي من كل شر....
ملبق غلـــــط
24/04/2007, 05:19 PM
ممكن رابط الثلاجه على الانترنت

او اسمها الله لا يهينك بالانجليزي
azozy
25/04/2007, 11:57 AM
يابو صالح ياعسى الله يعافيك عجل علينا لايطول غيابك
راع الصمان
25/04/2007, 12:59 PM
ابوصالح...ارفق علينا..وراك عجل..تو الناس.. ;)
ابـو صا لـــح
26/04/2007, 01:52 AM
السلام عليكم ...
حياكم الله جميعا ومشكورين على الشعور الطيب..
وجعلكم ماتفقدون غالي
وبالنسبه للغرض هذا موقع المحل اللي اشتريت منه الثلاجه ..

http://www.sharperimage.com/us/en/catalog/product/sku__MC901 (http://www.sharperimage.com/us/en/catalog/product/sku__MC901)
ساهر
26/04/2007, 05:25 PM
ابوصالح

يعطيك العافيه وكل الشكر لك

الحقيقه روعه واعجبتني كثير

بس المشكله هل توجد بالسعوديه

وهل لهم طريقه شراء عن طريق ايداع في بنك وكيف الطريقه الي اشتري فيها الحافظه

تقبل تحياتي
رعد النجدي
26/04/2007, 08:13 PM
ابو صالح
فيه مثل هالنوعيات في الرياض لللي يبيها ادله عليها
بس بعد التقليب اعتقد انها غير عمليه بالنسبه لي على الاقل هالنوع ماله كمبرسر واعتقد ان تبريدها بواسطة الغاز وبعد فتره يضعف
انا اتبع قاعده وهي اذا انت راعي مطارد وروحات وجيات وسمعت عن شيء يصلح لك لكن سعره غالي او صعب عليك ماديا تدفع 4000 ريال في ثلاجه اقولك كيف تشتريها
كل ما يطلع الراتب انت وشطارتك طلع منه اي مبلغ مثلا300 ريال وحطها على جنب وانسها وخلال هالفتره مش حالك ( انت كل السنين اللي راحت مشي نفسك بالحافظه العاديه) وخلال اشهر معدوده يتجمع المبلغ معك وبعدها اشر ما تبيه
اهم شي الواحد يحدد الهدف ثم يستعين بالله ويتبع الخطه المرسومه للوصول للهدف .
ساهر
27/04/2007, 12:01 AM
رعد النجدي

يعطيك العافيه على هالمداخله

هل جربت هالنوعيه من البردات عطنا رايك اذاجربتها وكيف مهي عمليه
انا ابيهها طلعات خفيفه وبعدين اذا انتهى الغاز هل ممكن نعبيه مره ثانيه
واذاتعرف محلات يبيعونها علامنا وحط رقم تلفونهم على شان الى مهو بالرياض

كل التقدير والشكر لك
ملفي و مقفي
27/04/2007, 03:05 AM
مشكووووووووووووووووووووووووووووووووووووووووووووور ويعطيك العافيه
تقبل مروري
dejjo
28/04/2007, 10:29 PM
السلام عليكم ورحمه الله وبركاته

اليوم شفتها موجوده في كارفور قطر, وقيمتها 169 ريال للعلم الي يسأل عنها

ويوجد كذا لون لها