مشورتكم للي مجرب تراني أنا ودي أسويها بس خايف أخاطر [الأرشيف]

مشاهدة النسخة كاملة : مشورتكم للي مجرب تراني أنا ودي أسويها بس خايف أخاطر

مخرب طلعات

23/04/2007, 02:59 AM

أولاً

السلام عليكم ورحمة الله وبركاته

ودي أروح البر وأجلس فيه على الأقل شهرين أبي أجرب التحمل معاي :D

بس خايف أروح فيها وأرجع عظام بدون لحم :p

ودي انا أتجهز لهذي الرحلة الطووووويلة والشاقه فكتبت التالي

1- مولد كهربائي من 10000 واط إلى 20000 واط
2- خيمه مقواه ومعزولة من أشعة الشمس والحرارة وبالتركيب
3- مكيف صحراوي
4- دفاية
5- عينين غاز
6- أربع دبات غاز النوع الطويل
7- حبتين من خزان الوادي
8- أربع لمبات كل لمبة قوتها 1000 واط
9- ثلاجه مع فريزر
10- ثلاث سيارات بالرحله وثنتين منهم شاص لاندكروزر
11- و6بنادق صيد مقسمه 2 خرازة و2سكتون و2شوزن
12- رصاااااااااااااااااااااااااااااااااااااااااااااااا اااااص:D
13- أكل ( خبز - بهارات - رز - جبن )
14- سكين وساطور
15- فأس وحفارة ( شيول )
16- حبل للجر إذا غرزت سيارة
والباقي اللي في متطلبات المدير أيمن وهو موضوع متطلبات الرحلات المطور:D

اللي ناسيه ذكروني يا أخوان <<< ما أبغى أروح لحم وأرجع عظام :mad:
8
8
8
وما أبغى اروح لحم وأرجع لحم بس قبل شهرين :D

طح طوح

23/04/2007, 03:01 AM

لا تنسا تعبي بنزيم
ولله يستر عليك

مخرب طلعات

23/04/2007, 03:02 AM

آمييييييييييين

منب ناسي في شي ثاني

أسير مكشات

23/04/2007, 03:04 AM

اخوي مخرب طلعات لا تنسى دعاء السفر

وتقبل تحياتي
اخوك الاسير

مخرب طلعات

23/04/2007, 03:07 AM

أن شاء الله

دعاء السفر
منب ناسيه بحطه بمخباتي

جزاك الله خير يعني ماعندي أي خطأ فني بالرحله لأنها إذا أضبطت بكل أخويائي ونبدأ بالمسيرة

وإذا نجحنا بنجيب لكم صور

أسير مكشات

23/04/2007, 03:09 AM

لا ... لا زم في اول طالعه تكون ناسي حاجات صغيره لا كن مهمتها كبيره

لا كن في المرات الجايه تتفادئ الأخطاء...

وتقبل تحياتي
اخوك الاسير

مخرب طلعات

23/04/2007, 03:18 AM

االله يعين يعني لازم خطأ

يا أخوي علمنا إنت نسيت غيرك ماينسى

ساعدونا ماهي أكثر الأغراض نسيانا ً (((((( التصريح )))))) وجبناه

درباس فرناس

23/04/2007, 07:43 AM

ماشاء الله تبارك الله
شهرين ..........
اللهم لاحسد.........
يااخي مالقينا وقت نطلع اسبوعين ..........
على كل حال الله يوفقك ويردك سالم غانم
ولاتنسى تاخذ معك شنطة اسعافات تحوي على خافض حرارة ومعقمات اللدغات
وترى من الاغذية الي يمدحونها في البر:
.
.
.
.
.
.
.
.
.
.
.
.

.
.
الاندومي :D

اسير الشوق

23/04/2007, 07:55 AM

بس انت رايح كشته ولا طلعة صيد ... يومك مواطير وكشافات ولمبات وماني عارف ايش ...انت وين بتروح بالضبط عشان نساعدك في التوجيهات وندلك على النواقص ؟؟؟

صلفان.نجد

23/04/2007, 08:01 AM

اهم شي لاتنسى مويه للمكيف

المكحل/ابو

23/04/2007, 08:13 AM

ياحبيبي

لا تنسى 7 افراء اطفيلي

لا تنسى زمزميات للقهوة والشاي

بالمتطلبات انت رايح تسعف كل الى بالشعيب

http://www.mekshat.com/pix/upload/images32/mk2429_clip_image001.gif
المكحل /ابو فهد
يتمنى لكم التوفيق فى المشاركات البنائة
*************************
خوينا مانصلبة بالمصاليب.......... ولايشتكى منا دروب العزارى
ان كان ماقمنا بحق المواجيب .......... حرم علينا لابسات الخزارى
http://www.mekshat.com/pix/upload/images32/mk2429_clip_image001.gif

أخو جوزاء

23/04/2007, 08:23 AM

أخوي / مخرب طلعات

السلام عليكم ورحمة الله وبركاته

بالله علمني وين الديره اللي أنت ناوي

تروح لها علشان أنا من عندي برسلك

هديه وهي عدد 10 قلابات بطحاء + 50 قلاب بلك

وطوب + قلاب اسمنت + خرصان وحديد وخشب

علشان تبني لك بيت في الخلا لأنني بصراحه أخي

العزيز خايف عليك من المقطعه هههههههههه

الله يرد بالسلامه

تحياتي ////////// أخو جوزاء

ابوسند01

23/04/2007, 10:47 AM

نعمان الفهمان

23/04/2007, 10:52 AM

وشي بس هالطلعة الي شهرين
وبالوقت هذا

انت علمنا وين تبي وش الهدف من الطلعة وابشر بسعدك انا ابتردد عليك خميس وجمعة اجيبلك النواقص ما عليك

ابوسند01

23/04/2007, 10:55 AM

أنا رأيي ما دام معك مولد 20000
أنزل لك بجنب بدو ,,,, وسو لهم اشتراك كهرباء ,, اليوم بعشر ريال ,,,,,,, لمبة وحدة بس
لو قلنا 10 بيوت ب 10 ساعات باليوم يعني 100 ريال
في 60 يوم ب 6000 ريال
يعني الكشتة تطلع عليك بلاش

وعلى ما قالو ,,,,,,,,,,

حج وبيع مسابح

الله يوفقك وتجي بالسلامة

معليش يا أخوان فيه غلط بالحسبة

10 بيوت ب 10 ساعات يعني 100 ساعة
في 60 يوم يعني 6000 ساعة
في 10 ريال يعني 60000 ريااااااااااااااااااااااااااااااااااااااااال
والله شغلة مغرية

أقول أخوي مخرب الطلعات
شكلي بالحقك هناك بالمولد حقي
هههههههههههههههههههههههههههههههههه

ابو لمار

23/04/2007, 11:07 AM

مخرب على هالتجهيز اطلع بحوش بيتكم أحسن :) امزح معك

لا تنسى الملح والسكر

ولا تنسى تقول( اللهم ذكرنا ما نسينى وعلمنى ما جهلنا )

ابو حزم

23/04/2007, 01:16 PM

ما شا الله شهرين

وين الوجهه ان شا الله

صبي غلباء

23/04/2007, 01:17 PM

بعد السلام عليك وعلى كل اللي بالمنتدئ الطيبين انت تقول شهرين خذ معك وانا اخوك تانكي ماء يغذي المكيف الصحراوي تحطه فوقه وخذ معك قله تمر وكثر من الحليب طويل الأجل واهم شي وهو الاول طبعا خذ معك القرأن الكريم والله يسهل عليك ورحله سعيده علما اني اغبطك على هالتصريح اللي مدته (((((((شهرين))))))) ههههههههههههههههه والله الموفق

مـدحـدر

23/04/2007, 01:51 PM

مخرب الطلعات غير اسمك عشاااان متخرب الطلعه ههههههههههههههههههههههههههههههههه امزح

خذ رخص حمل سلاح

بس وين الوجهه

والله يوفقك

taag1

23/04/2007, 02:09 PM

لاتنسى ذكره الله
ولاتنسى ماطور الهوا والرقع التيوبلس واللساتك
واماء وثلاجته

الصاحب الغالي

23/04/2007, 04:59 PM

اهم شيء
اللي بيطلعون معك عساهم شوشيليه (يعني تحطهم على الجرح يبرى)
والباقي يهوووووووووووووووووووون

عاشق السيل

23/04/2007, 05:52 PM

أخوي إذا كانت الطلعة بس شهرين ؟؟!!!

يعني مايحتاج دفايات !!

وإذا كنت لحالك تكفيت دبة غاز وحدة صغيرة وصدقني ترجع وباقي نصها ،،

وتدري وين المشكلة ؟؟!!!!

بالقوارص الله يعينك .......

sameer_1798

23/04/2007, 06:01 PM

ولا تنسى الأجهزة الاسلكية و الثريا و القارمن ( والأطعمة المعلبه للأحتياط لاقدر الله ) وبعض قطع غيار السيارات الضرورية .
وشي ضروري جداً وهو تبليغ المعارف أو السلطات الأمنية عن مكان وجهتك وكم من المدة المتوقعة تستغرق ؟
ولا بأس بحارس شخصي أن كنت خارج البلاد .

مخرب طلعات

25/04/2007, 08:41 PM

جزاكم الله خير

-

عاد أحل شي اندومي:)

-
-
-
وجزاكم الله خير عالمتطلبات الروعة

ولقيت سؤال من أكثر الأسئلة اللي قلتوها لي وهي ( وين وجهتي )

وجهتي <<<<<<< فياض أم المصران :) في أحد يبي يجي شهرين !!!
=
=
والسؤال اللي بعده هو في أحد معاي هو الحقيقه أصحاب الرحلة 12 شخص 3 رجال ن عوايل مختلفه وهم أصدقائي<<لا ماعليك خوف:)

والباقي عيالهم :)

والأسلحه يا أخوان أنا مظبطها أن نصيد ضبان عشان الغداء ماعندنا يره ليييييييييييييييييييييييييييين نمـــــــــل :(

وأشكركم عالتعاون <<<<< لاتروحون أصبروا <<<<<<على فكرة هذي فكرة للروحه شهرين الفكرة ستنفذ في إجازة الصيف
8
8
8
8
الله يعين عالحر أظن مكيفين صحراويين في خيمه 8×8 تكفي ولا أنا غلطان
((( ترى في واحد من الأخوة ذكرني شي وهو القروص والبعوض فابزيد متطلب وهو اللمبات الل تقاوم البعوض حبتييييين :)

مع السلامه نشوفكم على خير

ابوعبدالله9999

26/04/2007, 12:46 AM

اصبر خذني معك .....وإلا بصكك بعين أضرب لك كفر الموتر........

عندك يابعدي

26/04/2007, 12:50 AM

نسيت شي مهم جدا وهو أنك نسيت تقول لي رح معنا ياالغالي(ابواسامة) شكرا لك سابق لي وعد؟؟؟؟؟؟؟؟؟؟؟؟؟؟؟؟؟؟؟؟؟

http://altallal.googlepages.com/endek.gif

رعد النجدي

26/04/2007, 08:19 PM

لا تنسى الكمرا
علشان توثق الرحله
والتوقيت مهم انسب وقت مع هلال شهر جمادى الثاني
تكون الشمس مولعه ولا تحتاج للغاز
واقامه سعيده