خاص لأهل الأمارات وقطر

[قناص الرياض]

الله يصبح الجميع بالخير-ياهل قطر وين مهدات صدام وشله و بغداد وسلقكم الطيبة-وأهل الأمارات وين مهداتكم الزينة خلونا نستانس على المهدات الحلوة-أخوكم قناص الرياض

[سلطان العوني]

ايوالله انك صادق اخوي قناص الرياض

مشكور وما قصرت

تحياتي

[أخو جوزاء]

تسلم يا قناص الرياض

وعز الله أنك صادق ودنا بالجديد

تحياتي / أخو جوزاء

[راعي اللبرق]

مرحبا أخوي قناص الرياض

وش أفهم من كلامك أخوي
أن مهدات السعوديه ماعجبتك ولا ماتليق بمقامك طال عمرك

[borsh]

مادري يعني اهل السعوديه ممنوع يدخلون الموضوع ؟

[عاشق الريان]

ياالربع الظاهر الرجال ما يقصد ...... بس شكله يقصد افلام المهدات اللي في قطر ولا قصور في اخوانا السعوديين ولا باقي الاخوان ..... تحياتي لاهل الخليج والعرب كلهم من اخوكم القطري ....... واتمنى ان محد يمسك على كل كلمة والواحد يكبر عقله

[الغانمي]

حي الله قناص الرياض

بالنسبه للمهدات فالامارات كثيره لكن مافي احد يصور....

وانشاء الله اسوي لي اقدر عليه

[قناص الرياض]

أخوي راعي اللبرق انت عارف والكل عارف ان مهداتنا هي الأفضل والأقوى وسلقنا هى الأطيب والأفضل وكل مافالأمر ان مشاركات أهل قطر والأمارات بالمهدات قليلة جدا فالمنتدى ونبيهم يتفاعلون مع الموضوع

[حرف العين]

السلام عليكم ورحمة الله وبركاتة

اخي قناص الرياض

احييك على الموضوع وبلنسبة للافلام للاسف اغلب المصورين يحتفظون بافلام المهدات واغلب اللي يشاركون بلمهدات مايحبون انه اخبار المهدات وافلامه تطلع لانها ممكن اتسبب حساسيات بين ربعهم .

اما بلنسبة لاقوى المهدات واقوى السلق انها موجوده عندكم لو بتسالني بقولك اللي عندنا افضل ولو سالت ناس من اهل الامارات راح يقولك اللي عندهم افضل والزين في كل مكان والشين ايضا وكلن يشوف القوي عنده .

وشكرا

[طلو]

اخوي قناص الرياض الافلام واجد ولاكن كل شخص يحتفض بما عند اما لاهميتها او للذكرى
انا عندي افلام شله وافلام صدام في مايقارب 4 مهدات لشله وما يقارب 23 مهد للسلوقي صدام من ضمنهم الهدد الاخير الي بين صدام وبغداد الي فاز فيه بغداد
وللاسف ماقدر اطلع نسخه من الشريط لاي احد لان الرجال الي عطانياه محلفني ما انسخه لاحد وش اسوي
وبالنسبه للمهدات كل ديره فيه حقها من الزين والردي وعلا قوله المثل (كل غذاي مرهي )

[ملفي و مقفي]

مشكور اخوي على موضوعك بس السعوديه خير وابرك خلك مع عيال ديردك ولا يهونو اخوانا من دول الخليج
تقبل مروري

[ابو تمام]

سلام عليكم والله المفروض ان اللي عنده مهدات لأي سلق ينزلها لإثراء المنتدى بالمواضيع مافيها شي يااستاذ طلال
أخوي حرف العين أي حساسية تتكلم عنها ؟؟؟؟

أما كلامكم عن الخصوصية في المهدات كلام غير مقنع !!!!!!!


تقبلو مروري برحابة صدر ،،،،،

[مورد القيفان]

يا ناااااااس لاتبخلون علينا بالمقاطع حقت المهدات
تراها في مصلحه المنتدى

[حرف العين]

السلام عليكم ورحمة الله وبركاتة

اخي بوتمام

للاسف انه معظم اهل السلق لايرضى بلخسارة في المهد ولا يتقبل فوز صديقه بلمهد ولا يؤمن بسالفة التوافيق والنصيب ولذالك بعد انتهاء اي هدد تجد الخسرانين متحاملين على الفائز او مجهزين الاعذار لسلقهم او ماوده ينتشر الخبر فلذالك اغلب الناس في حال فوزه بلمهد لايريد ان ينشر علم المهد ويتجنب اظهار الافلام لكي لايخسر ربعه او يخلق بينه وبين ربعه مشاحنات او يزعلون منه وهاذه هو الحاصل .
وشكرا

[طح طوح]

وعليكم السلام
عين الصواب ياحرف العين صدقت

الله لنا يالسعودين
تقبل مروري

[ابو صاالح]

لا حول ولا قوة إلا بالله ((( يعني لازم المناوشات والكلام الفاضي ،، انا مع رأي اخوي حرف العين ومع رأي مشرفنا طلو الزين بكل مكان والشين بكل مكان ومستحيييييييل احد يحكم ان أزين السلق عندهم وتبي أقنعك ،، انت واخوياك كل واحد يرى الزين عنده وانت واخوياك مع شله ثانيه تقولون سلقنا ازين وانت وديرتك افضل من سلق الديره الثانيه وهكذااا محد رااح يقول الزين عند غيري والشين عندي وفيه مثل ما ودي اقوووله واللبيب بالأشاره يفهم وفكونا الله يرحكم والديكم من العصبيه

[القحطاني505]

ايوالله انك صادق اخوي قناص الرياض

مشكور وما قصرت

[ابو تمام]

حبيبي وعزيزي ابو صالح الله لايجيب العصبيه و( الكلام الفاضي ) إنا نتكلم عن تنزيل المهدات في المنتدى اعتقد مافيها خصوصية يعني كل واحد يخسر سلوقيه في مهد يزعل شي غريب !!!! أكيد بيضيق صدره شوي لاكن إنه يزعل ولايرضى بالخسارة هذا ماعنده روح رياضيه المفروض علينا كاعضاء في المنتدى ان كل واحد عنده شي يساعد على تنوع المواضيع في هذا المنتدى من صور لسلق بعض الاعضاء وصوربعض مقانيصهم ومقاطع للمهدات اللي من رأيي انها بصراحه قليله في المنتدى كل شوي نسمع ان فيه مهد وفاز سلق فلان يعني نمنع عرض االمهدات علشان فلان خسر ؟؟؟ أكيد بفوز واحد ويخسرون الباقي !!!! ليه الزعل !!!!


تقبل تحياتي يابو صالح

[هاوى ولكن]

الله يعطيك العافيه