سؤال مهم لاهل المنطقة الشرقية

[ولد الخبر22]

السلام عليكم ورحمه الله وبركاته :

اسعد الله اوقاتكم بكل خير .


اتمنى ان اجد مايفيدني منكم ياهل الشرقية .

انا مالي بصيد السمك يمكن الا شهرين وماصيد الا على السيف ، الي ابيه منكم الله لايهينكم تعطوني مواقع صيد ((( حديــثـــه ))) الصيد فيها .

لاني رحت لاماكن كثيره ماوجدت فيها شي سبحان الله كانها انقرضت !!!! وطبعاً الرزق من الله .

كورنيش الدمام امام الميناء ((( مافيه شي .

شاطي تالا وماجاورها ((( مافيه شي .

الشبيلي كله فلبينين ولا فيه الا سمك صغير او شمه .

كونيش الخبر ((( مافيه شي .

شاطي العزيزيه ((( مافيه شي .

ياليت الي يعرف اماكن على السيف يدلنا وله الدعوات .( ظروري تكون اماكن اصتاد فيها هالايام )

في الاخير لكم خالص احترامي وتقديري .

[الغوااااص]

ماعندك فكرة تلقى الرد عند الزملاء وبالتوفيق ،،،

[ولد الخبر22]

يعطيك العافيه اخوي الغوااااص

وان شاءالله ان الشباب يفيدوني .

تقبل احترامي

[الموج العالي]

روح الجبيل الصناعية

[المحتسب]

ولد الخبر أنا جربت أغلب المناطق اللذي ذكرتها لكن مثل ما قلت ما فيه إلا القليل من الصيد وقد يكون ما به شي لكني أنصحك إذا تبي الصيد الصح روح جرب (((( راس الغار بالجبيل )))) المنطقة تابعة للبحرية وما يمكن الدخول لها إلا عن طريق معرفه في راس الغار وهي تبعد عن الدمام تقريباً 59 كيلوا تقريباً لكن ما شفت منطقة صيد بالشرقية للحداق مثل هذه المنطقة وهذا شيء مجرب صدقني جرب أنت وبتدعو لي يكفيني أقولك أنهم مسفلتين الجهة الشمالية من راس الغار قرابة الكيلوين وإذا دخلت إن شاء الله بتشوف أن البحر يتدرج معاك من البياض الى الزرقة الخافتة إلى الزرقة الغامقة ثم الى السواد اللي يدلك على أن المكان غزير بالحيل والسمك تشوفه تحتك.

لا تنس تدق علي لرحت أخاويك :D :D
أخوك ا لمحتسب

[الجمرة]

ياولد الخير السلام عليكم ورحمة الله وبركاته
هذي الاماكن اللي ذكرتها فيها صيد بس في اماكن افضل منها بدون شك مثل السفانيه ومنيفه والجبيل اماكن تسمى في الجبيل السطحات
بها صيد وفير واماكن مرتبه ولازم تحسب قبل لاتروح للحداق للمايه وهو الجزر والمد يعني لازم يكون عشان يكون الصيد وفير في نص الشهر مع اكتمال القمرمن 13 14 15 16 17 18 19 من الشهر وافضلها 14 و 15 16 لان هذا يكون المد لابعد حدود مما يجعل السمك يطلع قريبا من الاسياف وهذا اللي عندي من تجاربي وبالاضافه لاقوال البحاريين من معارفي الذين لهم خبره مايعادل 30 سنه من الصيد في البحر وهو معتمد رزقهم الوحيد ولذلك تعتبر هذه مهنة لهم لاكتساب العيش
وشكراااااااااااا

[مهوس صيد]

السلام عليكم من تجربه كورنيش الدمام بجنب الفن تايم ترا الصيد فيه تمام

[باثفندر]

http://www.mekshat.com/pix/upload/sign/images/mk41765.gif



شف يخوي الصيد يبيله سعه صدر

نصيحة من خبير ( بإطعام السمك اللي في البحر والرجوع بثلاجة خاوية ) انك تروح الزبنه مثلا وتوسع صدرك وتنزل عزبتك وتحمس

قهوتك واذا عندك طبخ ترتب فيه الزبدة لا تقط خيط لين تشوف البحر بدا يرش ( صار فيه هواء وارتفع الموج ) .

[gulfhunter]

السلام عليكم ورحمة الله وبركاته

حياك الله أخوي ولد الخبر22

والله ودي ترجع إلى المواضيع القديمه واللي موجوده بالأرشيف والمواضيع المميزه وان شاء الله بتلاقي مواضيع كثيرة عن الحداق بالمنطقه الشرقيه

الله يوفقك ويبارك فيك

[ولد الخبر22]

الموج العالي يعطيك العافيه وماقصرت على الرد والجبيل مشوار من الخبــر .



المحتسب ماقصرت ياخوي ويعطيك العافيه وبكل صراحه ماعندي معارف في البحريه ويالله على يدك دق علي ونطلع انا وياك اي وقت يكون مناسب ، وهذا رقمي بعد اذن المشرف / 0555207089 اخوك / سطام .


الجمره يعطيك العافيه اخوي كل المناطق الي ذكرتها بعيده شوي والظروف ماتسمع اني اغيب عن محافظ الخبر وقت كثير ، واشكرك جزيل الشكر على الاوقات المناسبه الي وضحتها والله يرزقك .


مهوس صيد ياهلا وغلا فيك والمكان الي ذكرته جربته انا مرة ومالله رزقنا فيه شاكر ومقدر لك .


باثفندر ماقصرت والله على الرد ومقدر نصيحتك وان شاءالله راح نسويها .



gulfhunter مشرفنا الغالي ماقصرت على الرد والمواضيع اغلبها مريت عليها ماوجدت اماكن قريبه ، وماقصروا الشباب هذا الي متعودينه منهم .

في الاخير لكم خالص احترامي وتقديري .

[صياد متواضع]

الســــلام عليكم .....
هذا اول مشاركه لي وحاب انصحك باماكن فيها الصيد
كورنيش الدمام ( بجوار فن تايم ( قهوه ليالينا )
العزيزه الصيد فيها مواسم بس
شبيلي انا رحت وجاني ضرب كبير بس مو مكتوب اطلع شي
عند المينا انا مارحت شخصيا بس اعرف ناس راحو يقولو الصيد حلو هناك .......
وفيه لو تروح راس تنوره الصيد فيها حلو ......

[ولد الخبر22]

يعطيك العافيه اخوي صياد متواضع

وياهلا ومرحبا فيك بالمنتدي وشرفتنا ونورتنا .

واشكرك على هالاماكن الي وضحتها وانا راح اجرب اليوم الشبيلي ان شاءالله .

تقبل احترامي وتقديري .