تسجيل الدخول

مشاهدة النسخة كاملة : سؤال محيرني !!!!


ملقم المدفع
25/04/2007, 02:09 AM
بسم الله الرحمن الرحيم

السلام عليكم ورحمة الله وبركاته جمييييييييييع

مساكم الله بالخير

عندي سؤال يالربع محيرني عن السلق

السؤال يقوووول

الحين السلق ليامن هديتها بمنطقه جبليه هل تتأثر من هالمنطقه او يقل مستواها في مطاردة الصيد او ماشابه

لأني والله لي نزله قريب للمنطقه الجنوبيه ويقولون تكثر فيها هالمنطقه الارانب بس حبيت الاستفسار يالربع

لأن القنص عندي سلااااح في ذيك الديار ماقيد جربت السلق وماشابهها الله لا يهينكم يالغالين ...
مورد القيفان
25/04/2007, 02:15 AM
الجواب يقول
السلق يصيبها حفى من المناطق الجبليه مع كثر الركض فيها وينصح استخدام السلق الي مواطيها صغيره
وهذا الي اقدر افيدك فيه
سلطان العوني
25/04/2007, 02:17 AM
اخوي
هذا يسبب لها حفا
وانا انصحك تاخذ لك سلق متعود على اي ارض رمل او سهله او جبليه
وقبل ما تطلعها معك الجنوب حط على رجولها ويدينها حنا

اتمنى افدتك

تحياتي
ملقم المدفع
25/04/2007, 02:18 AM
الله لا يهينك اخوي على المرور وننتظر بقيه الاعضاء عساهم يفيدونا مورد القيفان
ملقم المدفع
25/04/2007, 02:20 AM
اخوي سلطان العوني طيب حتى لو حطيت حنا يالغالي يعني مو ممكن يصيبها حفا برضه

الله لا يهينك يالغالي وانتظر بقية الاعضاء عساهم يفيدونا
سلطان العوني
25/04/2007, 02:24 AM
اخوي ملقم المدفع
هذا شي طبيعي يصيب السلق من كثر الركض
ولكن الحنا يخفف من النتيجه بالاصابه بالحفا
ملقم المدفع
25/04/2007, 02:30 AM
طيب يالربع مايقل مستواه في مطاردة الصيد في هالمناطق او تسببله بعض الاصابات بعيداً عن الحفا او ماشابهها
الغوااااص
25/04/2007, 02:32 AM
ممكن تطلق السلق في بعض الاماكن (السهلة ) في نفس المكان وبكذا تجنب الكلب الحفيان والجروح وحاول اذا اضطريت تنزله في منطقة وعرة شوي انك مثلاً تريحه وما عاد تطرد فيه ثاني يوم خصوصا اذا أصيب بجروح بالأيدي والأرجل وسلامتك ،،،
ملقم المدفع
25/04/2007, 02:35 AM
الله لا يهينك يالغالي اخوي الغواص على المرور ولكن الكلام ماهو بعن اني اطلقه بمنطقه سهله لاني حتى لو اطلقته بمنطقه سهله يمكن يطرد الصيد اليييييييين يوقع في منطقه وعره ولكلها حيود و.... و..... هذي المشكله ولو اعرف طريقه اتنجنب فيها اصابة السلق كان سويتها يالغالي
ذيب السرايا
25/04/2007, 02:36 AM
أخوي ملقم المدفع المنطقة الجنوبية ماتصلح لها السلق مهما كانت وهذا شيئ واضح وأنا مجرب السلق في الجنوب وأخذ السلاح يستحسن وهذي نصيحة أخو@@@ ذيب السرايا505
سلطان العوني
25/04/2007, 02:38 AM
اخوي ملقم المدفع
المنطقه الصخريه خطره على السلوقي
ويمكن تسبب له كسر
بنسبة خمسين بالميه معرض للجروح والكسر وخاصه الجبليه
سلطان العوني
25/04/2007, 02:39 AM
اخوي ملقم المدفع
المنطقه الصخريه خطره على السلوقي
ويمكن تسبب له كسر .

ولكن بنسبة خمسين بالميه معرض للجروح والكسر وخاصه الجبليه
ملقم المدفع
25/04/2007, 02:40 AM
الله لا يهينكم على المرور جميع ومادام العلم به كسوووور وجرووووح فنقووووول اللي ترك شي لله عاضه الله بخير

امرنا لله ياابن الحلال اجل مافيه امل نهد سلق بذيك المنطقه

لاهنت اخوي على المرور
ملفي و مقفي
25/04/2007, 02:47 AM
أخوي ملقم المدفع أنصحك بنصيحة أخوي مورد القيفان لأنه فعلان صادق الجنوب ما يصلح لها الى السلق الي مواطيها صغيره
تقبل مروري
أخوك ملفي و مقفي
ابو صاالح
25/04/2007, 02:54 PM
اخوي ملقم المدفع حيااااااك الله ، شوف الجنوب فيها ارض جبليه زينه وفيها ارض وعره جداا ،، أنصحك الأرنب اللي بأرض وعره جداا عليك بالبندق ،، اما الأرنب بأرض وعورته خفيفه عليك بالسلوقي عشان تستانس بس ،، وقبل لا تروح خذ معك بخاخ ازرق عند البطري تلقاه زين لا تقطعن مواطي السلق ولا جاهن حفا ، وبالتوفيق ان شاء الله
ملقم المدفع
25/04/2007, 03:04 PM
الله لا يهينكم جمييييع يااخواني على المرور عز الله انكم اقديتوا

لا تعبتم يالغالين ....
sasasasas
26/04/2007, 12:29 AM
ما عليك رح اقنص بس خذ معك
البخاخ الازرق البنج
علاج والله ابد اقنص
والجنوب فيه اماكن ارضها يعني متوسطه
والله لا يرجعك خايب
القحطاني505
30/04/2007, 09:47 AM
اخوي
هذا يسبب لها حفا
وانا انصحك تاخذ لك سلق متعود على اي ارض رمل او سهله او جبليه
وقبل ما تطلعها معك الجنوب حط على رجولها ويدينها حنا

اتمنى افدتك

تحياتي

مانقدر نزيد شي على قول اخوي سلطان
ويعطيك العافيه