وش تخيروني فيه

[الاشعل 316]

السلام عليكم

انا ان شاء الله في بداية الموسم ابشتريلي طير

بس متحير الحر طبعا عندنا وموجود بس ابيكم تخيروني

وين اللي اشتري والاحسن في النوعين وادري كلها طيبات

بس ابغى وش اللي تخيروني جير او شيهان؟

وبعدين حبيت اسأل وين الاسرع الجير او الشاهين ؟

لاني قرأت في بعض المنتديا ت انهم يقولون في مقارنه بين الجير والشاهين بس الى الان

من قال ان الشاهين اسعر ومنهم من قال ان الجير اسرع ومنهم من قال انهم متساويان ؟

وارجوا الافاده منكم

وتقبلوا تحياتي


اخوكم ابو سطام

[سلطان العوني]

ابو سطام انا والله توني بادي اجمع معلومات عن الطيور
وعلى حسب ما فهمت ان الشيهان اطيب
وانتظر اهل الخبره يفيدونك >> كلهم كفو <<

تقبل مروري بفائق الاحترام والتقدير

[990]

السلام عليكم أخوي ابو سطام على حد خبرتي في المجال هذا الشاهين اطيب وأسرع

[الاشعل 316]

ما قصر سلطان ويعطيك الف عااافيه



990كفيت وفيت وننتظر جديدك



تقبلوا تحيات



اخوكم ابو سطام

[الوافي عزام]

هلا بك

انت المفرض تختصر علينا وتعلمنا انت وش غرضك بالطير هل هو حبارى والا ارانب والا كراوين .. والخ
عشان نقدر نفيدك بصوره صحيحه ومفيده

يعني ما ودك الواحد يشري له طير بقيمه غاليه وبالأخير تلقاه راعي كراوين فقط والا ارانب

لآكن ابشر باللي يسرك

يعني مثال تبي مقناص ارنب فقط عليك بالوكريه

تبي كراوين وحمام ووساعة صدر وآخر الوقت تبيعها عليك بالشيهانه المثلوثه

تبي حبارى خذ لك حر والا شيهانه بحريه وافيه والا جير واذا جا آ خر الوقت يستاهل انك تقرنسه

ملاحضه (جميع انواع الطيور المذكوره فيها الطيب وفيها الردي وفيها السبوق اللي معاد وراه سبق وفيها اللي مشي حالك )

واخيرا الله يرزق بالطير الطيب ويوسع صدرك

[الاشعل 316]

مشكور اخوي الوافي عزام



بس انا قصدي حباااااري هذا في المركز الاول



بس اقول بيض الله وجهك



وتقبل تحياتي



اخوك ابو سطام

[قلب ذيب]

ابوسطام 0
الله يحييك في عالم المقناص , الان وقت ربطة الطير والقيض بادي وقته , وبأذن الله عند طلعة سهيل وبداية الموسم سوف تجد الطير المناسب
وهناك اولويات لابد ان تكون ملم بها عن الطيور حتى تستطيع أختيار الطير المناسب في الوقت المناسب , وتلك الاولويات هي الفكره العامه عن الطير , وخوة الصقاقير من ربعك ومعارفك وبالتالي التعرف على الطيور من قرب 0
فيما يتعلق بنوعية الطير المناسب لك , فيستحسن ان تنقل القرناس لانه معلم ومدرب وجاهز اذا لم تكن عندك خلفيه عن تربيب وتدهيل الطير
ومرافقه ربعك الصقاقير في الدعو والدوجه , ووكارى الحرار وقرانيس الشياهين وكذلك التبوع هي النوعيات المناسبه لك , لان الفروخ بشكل عام خاصه الشياهين والجير صعب تدهيلها وتتطلب جهد وخبره وصبر ,وكلما كانت لياقة الطير وخلوه من الامراض متوفره كلما كان الطير صالح للتدريب والصيد , كما أن أختيار الطير يعتمد على نوع القنص المراد ممارسته , ولاتوجد وصفه مثاليه للطير الجاهز , وهذه ظاهرة يواجهها حتى الصقاقير المحترفين 0
---------- اتمنى لك التوفيق 0

[الاشعل 316]

ما قصرت يا خوي قلب ذيب



اول شي احييك واحيي كل القائمين على منتدى مكشات



وانا اقولك معلومك ترا انا طويل بال



يعني مستعد اصقر اللي ما ينصقر



والحمدلله تعلمت على يد واحد من اخويانا جزاه الله الف خير



واذا على تهديل الطير ترى هذا عندي شي سهل



وانا واحد فاضي طول وقتي وطبعا من انا تعلمت الصقاره الحمدلله



عندي اخواني اربعه كلهم يحبون الصقاره



اما على الوحش انا صقرت طير واحد وحش والحمدلله توفقت وكنت اول الامر



مستصعب تهديل الطير الوحش بس الحمدلله صار شي عادي



وتقبل تحياتي



اخوك /ابوسطام

[بواسامه]

هلا بالغالي
ليتك تذكر لي وش الفرق بينهن وكيف اميز واعرف الجير من الشاهين
نسمع بهن ووالله ما افرقهن عن بعض
فاليتك تفيدني
وفقك الله

[أبو رداد]

كم راصد قروش للطير !!
وش هي غايتك الرئيسيه من الطير؟؟؟
وضح وتلقى شور واضح من الربع يابو سطام

[ملفي و مقفي]

شكران أخوي على موضوعك لاكن أنا من رأيي الشخصي والأفضل بالنسبه لي الشيهان لأنه أسرع في هدته وأخف بعد وأشرس على الصيده
أما الجير فهو نوع طيب وما فيه عذاريب بس أثقل شوي في الهدد وكلهم ما يقلون شراسه وحط في أعتبارك فارق الجسم
ويعطيك العافيه
أخوك ملفي و مقفي