جراكل بنزين

[almobd3]

بسم الله الرحمن الرحيم
ابي جراكل بانزين سعة 20 او 25 لتر
بس اهم شي انه اني اذا وصلت ما القى نص البانزين مكبوب
وين القى طلبي؟

[sameer_1798]

ياأخي استعمل أي جركل سواء الطولية أو العرضية السوداء ....... بس انتبه لا تملاها خل مجال لتمدد البنزين ...... وحاول عند غلق الغطاء تضع كيس نايلون ثم تغلقه .......... طبعا لا تنسى تثبيتة بحبل ..

[راعي كيف]

السلام عليكم ورحمة الله وبركاته
اخوي انا واعوذ بالله من هالكلمه استخدم الجركل العادي الأبيض 20لتر وحطة بعد بجنب الإستبنه ولا يتكبب ولا شي بالعكس ماشفت منه اي مشاكل .
وإذا كنت تبي شغل مرتب عليك بالحديد او حق السفاري الخليجي تمام ومعه خرطوش ويسكر بأحكام وسعره غالي شوي 350ريال بس يستاهل ام الحديد سعره 75ريال وبالله التوفيق


الخوك المحب راعي كيف
ابو ناصر

[حمد808]

فية جراكل مخصصة للبنزين عندساكولونة احمر احجام من10لترالى40

[رعد النجدي]

ابوصلك محطه تبيع جراكل مختلفة المقاسات
اذا انت من سكان الرياض
اكيد تعرف سوق الغنم ( سوق الجنوب/ العزيزيه)
وانت قاطع الدائري الجنوبي بأتجاه الجنوب وجاي من البطحاء مثلاً واصل كأنك تبي سوق الغنم فيه محطة بنزين على يدك اليمين تلا عندها غايتك ومرادك
واذا بعيد عليك
اشتر الجركل الازرق وسنته داخليه( مهم السنه داخليه) ويستوعب 80 لتر واتحدى تحدي اذا هرب او شميت ريحت البنزين اكرب الغطا زين ولا تحط بلاستك ولا غيره هو فيه ربله في الغطا
وتروح وتجي بالسلامه

[عمار السفينه]

السلام عليكم

هلا أخوي

الجراكل اللي تصلح للبنزين لقيتها في شارع الريل بالرياض وهو بجوار شارع الغرابي

فيه أنواع حديد وجيده ولاتهرب أن شاء الله

وأي خدمه أنا حااضر

[almobd3]

فية جراكل مخصصة للبنزين عندساكولونة احمر احجام من10لترالى40
طيب بكم اسعار الجراكل هذي؟

[عبدالرحمن]

جركل ساكو سعره من 160 الى 200 اعتقد ان ما خانتني الذاكره
لكن شغل محترف مخصص للبنزين والديزل والقاز وفيه مشخله وغطى تك

[almobd3]

جركل ساكو سعره من 160 الى 200 اعتقد ان ما خانتني الذاكره
لكن شغل محترف مخصص للبنزين والديزل والقاز وفيه مشخله وغطى تك
طيب يستاهل الجركل هذا السعر؟

[almobd3]

للرفع...........

[عبدالرحمن]

من ناحيه يستاهل في لحظه من اللحظات بغيت اشتريه ولكن لما فكرت ان الفتره القادمه ما عندي طلعه للبر هونت عنه الى وقت لاحق و ان شاء الله بشتريه في يوم من الايام

[الرهدن]

السلام عليكم 00


جراكل ساكو حلال عليهن الدراهم لأني عندي واحد منهن له أكثر من 10 سنوات وكأني شاريه للتو00

وقوي جدآ جدآ ولاأظن بالسوق يوجد أقوى منه وفيه مقاسات وأحجام وتقريبآ كلها لونها أحمر للتمييز00

وله مماسك عند التفريغ ويأتي معه قمع أو محقان وبعضها ممكن تأخذ سائل بترولي آخر بنفس الجركل (قاز مثلآ) لكن بكمية قليلة00


طلة على ساكو وأظن لن تخرج إلا معك واحد

بشرط ..

ترخي الجيب :D


.

[عبدالرحمن]

الرهدن تقصد الجركل الحديد شبيه دبه الغاز والا البلاستيك الي معه محقان شد بلد ؟

تراني ناوي الفتره الجايه واحد من الحمر ابو 19 لتر

[الرهدن]

الرهدن تقصد الجركل الحديد شبيه دبه الغاز والا البلاستيك الي معه محقان شد بلد ؟

تراني ناوي الفتره الجايه واحد من الحمر ابو 19 لتر

أقصد :
البلاستيك اللي معه محقان شد بلد 00

.

[برق تميم]

تفضل يا الغالي هذي من ساكوا وله اكثر من سنه ولا ريحة بنزين ولا تسرب والسعر 60 ريال بارك الله فيك


http://up2.arabsh.com/07/a474306.jpg



http://up2.arabsh.com/07/82b9df9.jpg

[Abu.Saif]

السلام عليكم

هذا النوع اللي عندي خذيته من ساكو 20 لتر ب 95 ريال تقريبا ممتاز جدا ومضمون وميزته انه مخصص للبنزين يعني قوي بالحيل وغطاه يقفل مضبوط مع تأمين وغطاء مانع تسرب واللي (الهوز) يصير داخل الجركل يعني لا بغيت تستخدمه تفتح الغطاء الأول والغطاء الثاني وتطلع اللي ثم تركب اللي وتأمنه بالغطاء وفيه فتحة ثانيه للتنسيم ايضا علها مانع تسرب وعليه ملومات حد التعبئة السليمه

الشغل نظييييييييف بالحيل جربته وانا ازكيه والله انا حطيته هو والخروف جنب بعض بالحوض والحمدلله ذبحناه وصلخناهو تعشينا به ولا لقينا به نكهة بنزين والخروف ما كربن يوم ذكيناه :D


http://www.mekshat.com/pix/upload/images34/mk48242_6302_w2.jpg

[الدبل الثقيل]

أيضا عند الرماية فيه جوالين للبنزين...

[سلطان العوني]

ما خلو لي الاخوان شي اقوله
جزاهم الله خير

[بالرمله قناص]

أخوي المبدع وين موقعك فية ..؟؟؟

في محرقة الدمام جوالين حديد قوية جداً .. 25 لتر

وطولية يعني ماتخذ حيز بالسيارة مرة توي شاري امس منها وهي فاضية بالحوض ابيها تطيح ماطاحت راسية .. ولها فتحتين كبيرة وصغيرة حديد بربلات وجميلة جداً

جاية من المانيا ونظيفة أخت الجديد وبـ 15 ريال فقط ..

أنصحك بمحرقة الدمام والا محل في الغرابي بقيصرية الأشرعة متخصص بالجوالين ..

وبالتوفيق ياذيب ..

[motors]

انا عندي اثنين من ساكو ولهن الان خمس سنوات لا ريحة ولا تنثر وادور الصمان لمدة اربعة ايام ولا اعبي منهن إلا عند الرجوع للرياض وخاصة عند بداية الإسفلت وإسعاف لبعض الإخوان